शिक्षा दुलाल
सर्माउँदै ती मृगनयन झुकाईदेउ न सानु भन्छन्
भो नबाँध केश राशी फुकाईदेउ न सानु भन्छन्
दुनियाँको वासनामा भुल्न , फुल्न नदेउ मलाई
बरू तिम्रो मनभित्र नै लुकाईदेउ न सानु भन्छन्।
जिउने चाह भरिएको रहर हरायो
मैले रम्न चाहेको त्यो शहर हरायो
कोशेलीमा खुसी बोकी आउने गर्थे
उत्साहका अनेकौं ती लहर हरायो ।
जति बोल्यो त्यति बढ्छन् सकिदैनन् बात अचेल
लामो लाग्छ दुरी अनि छोटा लाग्छ्न् रात अचेल
मष्तिस्कको चेतनाले हरेक पटक सम्झाए पनि
सरल निर्दोष बनी हिड्ने मनले गर्छ घात अचेल ।
स्वार्थी रै’छे अन्तै नाता जोडी नभन्नु है
मझधारमै ल्याई एक्लै छोडी नभन्नु है
तिम्रै बोली बिझाएर बाध्य बनेको छु म
खै किन हो अर्कै बाटो मोडी नभन्नु है ।
सुर्याेदय नगरपालिका इलाम
मकवानपुर । नेपाल चलचित्र संघ महासचिवमा हेटाैडाका नरेन्द्र महर्जन चयन भएका छन् । फिल्म हल सञ्चालकको छाता संस्था नेपाल चलचित्र संघ कार्यसमितिले मंगलबार पूर्णता पाउँदा महर्जन महासचिवमा चयन भएका हुन् ।
संघकाे वार्षिक साधारणसभा भएको एक महिनापछि अध्यक्ष वीरेन्द्रनारायण श्रेष्ठले पदाधिकारीकाे चयन गर्दै कार्यसमितिलाई पूर्णता दिएका हुन् । यस्तै समितिकाे प्रथम उपाध्यक्षमा कुवेर शर्मा, द्वितीय उपाध्यक्षमा गोपालकाजी कायस्थ र तृतीय उपाध्यक्षमा भास्कर ढुंगाना मनोनित भएका छन् । उपमहासचिवमा ओम जैसी, कोषाध्यक्षमा कपिलप्रसाद द्वा मनोनित भएका छन् ।
यसैगरी संघ सदस्यहरुमा मिजास पोखरेल, निरज कार्की, गोविन्दबहादुर शाही, चैतन्य बराल, युवराज प्रसाईं, प्रज्वलशमशेर जबरा, सुरेन्द्रकुमार थापा, राजकुमार श्रेष्ठ र दिप्रश शाक्य चयन भएका छन् । कार्यसमितिको पहिलो बैठकले पूर्वाञ्चल समिति सभापतिमा निरज गुप्ता, पश्चिमाञ्चल समितिमा केदारप्रसाद पराजुलीलाई चयन गरेको छ ।
साथै, सुरेन्द्रकुमार थापाको सभापतित्वमा उपत्यका समिति पनि चुनिएको छ । नकिम उद्दिन, राजकुमार पोखरेल, प्रदीपकुमार उदय र अर्जुन श्रेष्ठ संघकाे सल्लाहकार छन् ।
मकवानपुर । हेटाैडा उपमहानगरपालिका वडा नम्बर हुप्राचौरमा हेटाैडा उपमहानगरपालिकाले निर्माण गर्न लागेकाे बासुदेव बहुउद्देश्यीय भवनकाे काम अघि नबढाउन चेतावनी दिइएकाे छ । राष्ट्रिय प्रजातन्त्र पार्टी (राप्रपा) मकवानपुरले भ्युटावर सहितको बासुदेव बहुउद्देश्यीय भवन निर्माणको काम अघि नबढाउन चेतावनी दिएको हाे ।
राप्रपा मकवानपुरले मंगलबार हेटौंडा उपमहानगरपालिकालाई ज्ञापन पत्र बुझाउँदै बहुउद्देश्यीय भवनको काम अघि नबढाउन अनुरोध गरिएको राप्रपा बागमती प्रदेश सचिव गुञ्जनबहादुर न्यौपानेले बताए । उनले हेटौंडा बजार क्षेत्रमा बढ्दो शहरी करणले खुला ठाउँ नभएको भन्दै खुला हुप्राचौरकाे संरक्षण गर्नु पर्ने तर मास्न नहुने बताए ।
मंगलबार नै राप्रपा मकवानपुरले हेटौंडामा गरेकाे पत्रकार सम्मेलनमा न्यौपानेले हुप्राचौर मास्दै बहुउद्देश्यीय भवन बनाउन नहुने बताए । उनले हुप्राचौरमा बन्ने लागेको बहुउद्देश्यीय भवन हेटौंडा अस्पतालको परिसरमा निर्माण स्थानान्तरण गर्न र उक्त भवन हेटौंडा अस्पताललाई हस्तान्तरण गर्न माग गरे ।
यसैगरि,राप्रपा मकवानपुरका सह–कोषाध्यक्ष सन्दिप सापकोटाले हेटौंडा-४ हुप्राचौरमा स्व. श्री ५ महाराजधिराज बिरेन्द्र वीर बिक्रम शाहदेवको शालिकको मर्मत सम्भार गरी बाटिका व्यवस्थापन गर्दै सर्वसाधरणको लाग सहज हुनेगरि खुला गरिनुपर्ने बताए ।
यसैगरि हेटौंडा अस्पताललाई सम्पूर्ण विशेषज्ञ सहित ५ सय शैयाको अस्पताल निर्माण तथा संचालन गर्न आवश्यक पुर्वाधार तथा अन्य सहयोग उपलब्ध गराउन समेत राप्रपाले माग गरेकाे छ । यस्तै महिलाहरुको स्तन तथा पाठेघर र पुरुषहरुमा देखिने फोक्सो लगाएतका क्यान्सरहरुको निःशुल्क उपचार गर्नुपर्ने राप्रपाको माग छ ।
आफ्ना मागहरु सम्बोधन नभए शसक्त आन्दोलन र विरोधको कार्यक्रमहरु सार्वजनिक गरि संघर्षमा उत्रिन बाध्य हुने समेत राप्रपा मकवानपुरले जनाएको छ ।
मकवानपुर । नेकपा एमालेका पूर्वउपाध्यक्ष वामदेव गौतमले नयाँ राजनीतिक दलको घोषणा गरेका छन्। उनले शनिबार मात्रै नेपाल कम्युनिष्ट पार्टी एकता राष्ट्रिय अभियानको राष्ट्रिय भेला आयोजना गरेका थिए ।
नेपाल कम्युनिष्ट पार्टी एकता राष्ट्रिय अभियानका संयोजक गौतमले मंगलबार राजधानीमा एक कार्यक्रमको आयोजना गरी नेकपा एकता राष्ट्रिय अभियान नामको राजनीतिक दल घोषणा गरेका हुन्।
पार्टीमा ७५ जना केन्द्रीय सदस्य रहने भएका छन्। आवश्यकता अनुसार केन्द्रीय सदस्य बढाइने सो पार्टीले जनाएको छ। पार्टीको मुख्य उद्देश्य विघटन भएको नेकपा एमालेलाई पुनस्गठन गर्नु रहेको छ।
राष्ट्रिय सभाका सांसद समेत रहेका गौतमले नेकपा विभाजित भएपछि वाम एकताका लागि छुट्टै अभियान संचालन गर्दै आएका थिए।
मकवानपुर । हेटाैंडा उपमहानगरपालिका वडा नम्बर १५ स्थित वनदेवी आधारभूत विद्यालयमा निबन्ध प्रतियाेगिता भएकाे छ । आधारभूत तहकाे विद्यार्थीहरु बीच ‘कोरोनाले शिक्षामा पारेको प्रभाव’ विषयमा निबन्ध प्रतियाेगिता भएकाे हाे ।
हेटौंडा उपमहानगरपालिकाको आर्थिक सहयोग तथा वनदेवी आधारभूत विद्यालयको आयोजनामा निवन्ध प्रतियाेगिता साेमबार भएकाे हाे । उपमहानगरपालिकाका ७, ८, १४ र १५ नम्बर वडाका सामुदायिक तथा संस्थागत विद्यालयका कक्षा ६ देखि ८ सम्मका विद्यार्थी बीच ‘कोरोनाले शिक्षामा पारेको प्रभाव’ विषयक स्थलगत निबन्ध प्रतियोगिता भएकाे विद्यालयका प्रधानाध्यापक जयप्रसाद पाेखरेलले बताए ।
४ वडाका १६ वटा विद्यालयका विद्यार्थी सहभागी भएका प्रतियाेगितामा तासिर इङ्लिस बोर्डिङ स्कुलकी सिमोन भट्टराई प्रथम, वनदेवी आभारभूत विद्यालयकी उर्जना घले द्वितीय, नवज्योति माध्यमिक विद्यालयकी प्रमिला थिङ तृतीय भएका थिए । यसैगरी माउन्ट एभरेष्ट इङ्लिस बोर्डिङ स्कुलकी नितिशा बराल र चन्द्रोदय माध्यमिक विद्यालयकी विशाका देउला सान्त्वना पुरस्कार प्राप्त गरेका छन् । प्रतियाेगितामा प्रथम, द्धितीय, तृतीय र सान्त्वना भएका सफल विद्यार्थीहरूले क्रमशः ६ हजार, ४ हजार, २ हजार र १ हजार ५ सय नगद सहित प्रमाणपत्र प्राप्त गरेका छन् ।
निवृत्त शिक्षक ध्रुबकुमार भुजेल , शिक्षकहरू ज्योती न्यौपाने र अनु रोक्का निर्णायक रहेकाे प्रतियोगिता विद्यालय व्यवस्थापन समितिका अध्यक्ष डिलबहादुर घिमिरेको अध्यक्षता तथा हेटाैडा उपमहानगरपालिका शिक्षा विकास महाशाखाका प्रमुख गंगाधर रिमालको प्रमुख आतिथ्यतामा भएकाे हाे ।
प्रतियाेगितामा हेटौंडा १५ का वडा अध्यक्ष सुनिल मोक्तन, शिक्षक महासंघ मकवानपुरका जिल्ला अध्यक्ष जिधराज ढकाल, १५ नं. वडा प्रतिनिधि मेनु विश्वकर्माको उपस्थिति रहेको थियाे ।
