मकवानपुर । निर्वाचन आयोगले आइतबार राति पत्रकार सम्मेलन गर्दैछ । आज आइतबार देशभर भएकाे प्रतिनिधिसभा तथा प्रदेश सभा सदस्य निर्वाचनको मतदान साँझ ५ बजे सकिए पछि आयाेगले राती ७:५० बजे पत्रकार सम्मेलन गर्न लागेकाे हाे ।
आइतबार बिहान ७ बजेदेखि सुरु भएको मतदान साँझ ५ बजेदेखि सकिए पनि मतदान स्थलभित्र पसेकाहरूले भने त्यसपछि पनि मत खसाल्न पाउने आयाेगकाे निर्णय पछि केही मतदानस्थलमा ५ बजेपछी पनि मतदान गर्ने मतदाताले मतदान गरेका छन् ।
आयोगले छिटपुट घटनाबाहेक शान्तिपूर्ण रूपमा मतदान सम्पन्न भएको जनाएको छ । आज सम्मन्न निर्वाचनबारे विस्तृत जानकारी दिन आयोगले पत्रकार सम्मेलन गर्न लागेको जनाएकाे छ । आयाेगकाे पत्रकार सम्मेलन https://fb.me/e/2k4y1WmbT बाट प्रत्यक्ष प्रशारण हुने जनाएकाे छ ।
मकवानपुर । प्रतिनिधि सभा तथा प्रदेश सभा सदस्य निर्वाचन २०७९ अन्तरगत आज भैरहेको मतदान बिथोल्न सक्रिय रहेका ७ जनालाई मकवानपुर प्रहरीले पक्राउ गरेको छ ।
हेटौंडा उपमहानगरपालिका १० स्थित बसपार्कबाट निर्वाचिन खारेजको माग गरेको नेपाल कम्युनिष्ट पार्टी बहुमत मकवानपुर जिल्ला संयोजक बिक्रम रुचाल ‘शक्ति’ सहितको ६ जनाको टोलीलाई जिल्ला प्रहरी कार्यालय मकवानपुरले नियन्त्रणमा लिएको हो।
पक्राऊ परेकाहरूमा पार्टीको जिल्ला ईन्चार्ज धुव्र खड्का ‘रवि’, जिल्ला संयोजक बिक्रम रुचाल ‘शक्ति’, सचिवालय सदस्य लिला माझी, युवा जिल्ला अध्यक्ष बसन्त लामा ‘विश्वास ‘, जिल्ला सदस्य विकास लामा, जिल्ला सदस्य अजय गहिराइ र जिल्ला सदस्य एवम बागमति गा पा ईन्चार्ज अनिल सिन्तान रहेको मकवानपुर प्रहरीले जनाएको छ ।
मकवानपुर । मंसिर ४ गते आइतबार हुने प्रतिनिधसभा तथा प्रदेश सभा सदस्य निर्वाचनका लागि देशभर कूल एक करोड ८९ लाख ८८ हजार ५ सय ७० जना मतदाताले मतदान गर्ने भएका छन् । निर्वाचन आयोगले सार्वजनिक गरेको अन्तिम मतदाता नामावली विवरणअनुसार देशभरबाट सो संख्यामा मतदाताले मतदान गर्न पाउने छन् ।
जसमध्ये बागमती प्रदेशमा सबैभन्दा धेरै मतदाता रहेका आयोगको तथ्यांकमा उल्लेख छ । बागमती प्रदेशमा कूल ३४ लाख ७१ हजार ४९२ जना मतदाता छन् । जसमध्ये १७ लाख ३८ हजार ०८७ पुरुष, १७ लाख ३३ हजार ३७८ महिला र २७ अन्य मतदाता रहेका छन् ।
मकवानपुर जिल्लामा २ प्रतिनिधी सभा र ४ प्रदेशसभा क्षेत्रकाे निर्वाचनमा कुल ३ लाख ७ सय ३३ जना मतदाताले मतदान गर्ने भएका छन् । मकवानपुर क्षेत्र नम्बर-१ मा कुल मतदाता १ लाख ५० हजार १ सय ५५ जना रहेका छन् । जस मध्यमा पुरुष मतदाता ७४ हजार ९ सय ३० जना र महिला मतदाता ७५ हजार २ सय २१ जना रहेका छन् । यस क्षेत्रमा अन्य ४ जना मतदाता रहेका छन् ।
यस क्षेत्रमा ६२ वटा मतदान स्थलमा १ सय ७२ वटा मतदान केन्द्र रहेका छन् । यस क्षेत्रमा १४ वटा राजनीतिक दलका १४ जना उम्मेदवार र २ जना स्वतन्त्र गरी कुल १६ जना उम्मेदवार रहेका छन् । जसमा १ जना महिला र १५ जना पुरुष उम्मेदवार रहेका छन् ।
मकवानपुर क्षेत्र नम्बर-२ मा कुल मतदाता १ लाख ५० हजार ५ सय ७८ जना रहेका छन् । जस मध्यमा पुरुष ७८ हजार ५ सय ९८ जना रहेका छन् । यस क्षेत्रमा महिला मतदाता ७१ हजार ९ सय ७९ जना रहेका छन् । अन्य १ जना मतदाता छन् । यस क्षेत्रमा १ सय ५ वटा मतदान स्थलमा १ सय ९२ वटा मतदान केन्द्र रहेका छन् । यस क्षेत्रमा ९ वटा राजनीतिक दलका ९ जना उम्मेदवार रहेका छन् भने स्वतन्त्र १ जना गरी कुल १० जना उम्मेदवार बिचमा प्रतिस्पर्धा रहेको छ ।
यसै गरी प्रदेश १ मा कूल ३३ लाख ९६ हजार ८६५ मतदाता छन् । जसमध्ये १७ लाख २९ हजार ७७२ पुरुष मतदाता छन् भने १६ लाख ६७ हजार ७१ महिला र २२ जना अन्य मतदाता छन् ।
मधेश प्रदेशमा १८ लाख २७ हजार ८५४ पुरुष, १५ लाख ५८ हजार ७०४ महिला र ७० अन्य गरी कूल ३३ लाख ८६ हजार ६२८ जना मतदाता छन् ।
कूल ३२ लाख २९ हजार ६३७ कूल मतदाता रहेको लुम्बिनी प्रदेशमा १६ लाख ३७ हजार १३२ पुरुष, १२ लाख १२ हजार ४७१ महिला र ३४ अन्य मतदाता छन् ।
गण्डकीमा ८ लाख ८२ हजार ३२९ पुरुष, ९ लाख ३५ हजार २०१ महिला र ११ अन्य गरी कूल १८ लाख १७ हजार ५४१ जना मतदाता रहेको आयोगले जनाएको छ ।
सुदूरपश्चिम प्रदेशमा ८ लाख १५ हजार २१२ पुरुष, ८ लाख ४२ हजार ७७४ महिला र १८ अन्य गरी कूल १६ लाख ५८ हजार ४ मतदाता रहेका छन् ।
यस्तै, कर्णाली प्रदेशमा कूल १० लाख ८ हजार ४०३ जना मतदाता छन् । जसमध्ये ५ लाख १० हजार ४२० पुरुष, ४ लाख ९७ हजार महिला र ३ जना अन्य मतदाता रहेका छन् । यो नेपालकै कम मतदाता रहेको प्रदेश पनि हो ।
देशभर मतदान स्थल १० हजार ८९२ र मतदान केन्द्र २२ हजार २२७ जना छन् । अस्थायी मतदान स्थल १४१ वटा रहेका छन् ।
गृह मन्त्रालयले ३ हजार ८० मतदानस्थललाई अतिसंवेदनशील सूचीमा राखेको छ । यसैगरी ४ हजार ४ सय ८० स्थल संवेदनशील र ३ हजार ३ सय १९ कम स्थल संवेदनशील सूचीमा समावेश छन् ।
नेपाल प्रहरी ७१ हजार ६९३, राष्ट्रिय अनुसन्धान विभागका कर्मचारी १ हजार ८२१, सशस्त्र प्रहरी बल ३५ हजार ११६, नेपाली सेना ७४ हजार ८९४ र म्यादी प्रहरी १ लाख १५ हजार खटिएको आयोगले जानकारी दिएको छ ।
मकवानपुर । प्रदेश सभा तथा प्रतिनिधि सभा सदस्य निर्वाचनको मतगणना स्थलमा तयारी सुरू गरिएको छ । मकवानपुरको मतगणनास्थललाई सुरक्षित विश्वासनीय बनाउन तारजाली घेरेर सिसीटिभी क्यामेरा जडान गरिने भएको छ ।
जिल्लाको २ वटै निर्वाचन क्षेत्रको मतगणना गरिने स्थानमा सिद्धार्थ माध्यमिक बिद्यालयको ८ वटा कोठामा तारजाली र सिसीटिभी क्यामेरा जडान गरिदै गरेको हो ।
मतगणनास्थलमा सुरक्षा व्यवस्था कडा गर्ने गरी तारजाली र सिसीटिभी क्यामेरा जडानको काम हुँदै गरेको मुख्य निर्वाचन अधिकृत ऋषिराम निरौलाले जानकारी दिए ।
२०७४ सालको स्थानीय तहको निर्वाचनको मतगणनाका क्रममा चितवनमा मतपत्र च्यातिएको घटनाले देशभरका प्रायः सबै मतगणनास्थलमा तारजाली र सीसीटीभी जडान गर्ने गरिएको छ ।मतगणनास्थलको सुरक्षामा ध्यान दिने गरि तारजाली र सीसीटीभी जडान गरिएको निरौलाले जानकारी दिए ।
मकवानपुर क्षेत्र नं १ र २ को मतगणना हेटौंडा २ स्थित सिद्धार्थ माध्यामिक बिद्यालयमा गरिने तयारी भएको छ । २ वटै क्षेत्रको लागि ४/४ ठाउँमा मतगणनाका लागि तयारी गरिएको बताइएको छ ।
जिल्लाको क्षेत्र नम्बर १ ‘क’ मा ७७ हजार ९ सय ८९ जना र ‘ख’ मा ७२ हजार १ सय ६६ मतदाता रहेका छन् । यस्तै क्षेत्र नम्बर २ ‘क’ मा ८३ हजार ०९९ र ‘ख’ मा ६७ हजार ४ सय ७९ गरी ३ लाख ७ सय ३३ मतदाता छन् ।
निर्वाचन सुरक्षाका लागि मकवानपुरमा कुल ३ हजार २ सय सुरक्षाकर्मी खटिएका छन् । जसमा म्यादी प्रहरी १ हजार ६ सय ९९, जनपथ प्रहरी १ हजार ६९, सशस्त्र प्रहरी ४ सय र नेपाली सेना खटिएको मकवानपुर जिल्लाका प्रमुख जिल्ला अधिकारी राजेन्द्रदेब पाण्डेले बताए ।
मकवानपुर । मंसिर ४ गते आइतवार हुने प्रतिनिधि सभा र प्रदेश सभा सदस्य निर्वाचनको लागि मकवानपुरका सबै मतदान केन्द्रमा कर्मचारी र सुरक्षाकर्मी पुगेका छन् । मतदान स्थलमा निर्वाचन आयोगले उपलब्ध गराएको बिभिन्न सूचना टाँस गरिएको छ । सर्बदलिए सर्बपक्षिय बैठक पछि कार्य प्रारम्भ गर्न कर्मचारी र सुरक्षाकर्मीरु लागि परेका छन् ।
मकवानपुरको दश वटै मतदान केन्द्रमा कर्मचारीहरु पुगिसकेको मुख्य निर्वाचन अधिकृत ऋषिराम निरौलाले बताए । निरौलाका अनुसार निर्वाचनको आवश्यक सम्पूर्ण तयारी तथा व्यवस्थापन पूरा भएको र कर्मचारी चुनाव सामग्रीसहित मतदान स्थलमा पुगिसकेका बताए ।
निर्वाचनमा सम्पुर्ण सामग्रीहरु प्रहरीको सुरक्षामा मतदान स्थलमा सुरक्षाका साथ राखिएको छ । मकवानपुरमा करिब तीन हजार पाँच सय सुरक्षाकर्मीहरु खटिएको प्रमुख जिल्ला अधिकारी राजेन्द्रदेव पाण्डेले बताए । निर्वाचन सुरक्षाको लागि म्यादी प्रहरी, नेपाल प्रहरी, सशस्त्र प्रहरी र नेपाल आर्मीहरु खटाइएको प्रजिअ पाण्डेले बताएका छन् ।
मतदान केन्द्रमा पुगेका कर्मचारी र सुरक्षाकर्मीहरु मतदान स्थल निर्माणको काम २ गते सुरु गरेका हुन । आज ३ गते मतदानस्थलको निर्माण पुरा हुने मतदान केन्द्रमा खटिएका कर्मचारी बताउँछन् । मकवानपुरका केहि मतदानस्थल अपांग मैत्री समेत रहेका छन । उक्त केन्द्रहरू मध्ये सिद्धार्थ माबिमा मतदान केन्द्र निर्माणको काम ७० प्रतिशत पुरा भएको बताइएको छ ।
मकवानपुरमा करिब ३ हजार कर्मचारी निर्वाचनको लागि खटाइएको छ । खटाइएका मध्य ५ सय शिक्षक छन ।


