मकवानपुर । माइती नेपाल मकवानपुरले सन् २०२२ मा सञ्चालन गरेको मानव बेचविखन रोकथाम परियोजना सम्पन्न गरिएको छ । आगामी वर्षमा पनि यो परियोजनालाई निरन्तरता दिन स्वीकृती प्रदान गरिएको छ ।
बेचविखनमा परेका वा बेचविखनको जोखिममा रहेका, विद्यालय छाडेर बसेका वा छाड्ने अवस्थाका जवरजस्ती श्रम गर्न बाध्य तथा यौन हिंसा र दुव्र्यवहारमा परेका महिला, किशोरीहरुलाई उद्धार गरी आवधिक सेल्टरको सहयोग तथा सिपमुलक कार्यक्रम तालिम प्रदान गर्दै आएको कार्यक्रम समापन गरिएको छ ।
मंगलबार हेटौंडा उपमहानगरपालिकामा परियोजनको एनप्याक कार्यक्रम गरिएको छ । कार्यक्रममा नगरपरियोजना परामर्श समिति सदस्य सचिव भीमप्रसाद तिमल्सेनाले चालु आर्थिक वर्षमा पनि यो परियोजनालाई निरन्तरताको लागि स्वीकृति प्रदान गरिने जानकारी गराए ।
लक्ष्यित वर्गका महिला, किशोरीहरुलाई उनीहरुको बौद्धिक क्षमता अभिवृद्धि गर्दै सबै खाले हिंसाको बिरुद्धमा महिला अभियानकर्ताको रुपमा स्थापित हुन परीयोजना सञ्चालनको क्रममा सहयोग गरेको कार्यक्रम संयोजक माया तामाङले बताइन् ।
कार्यक्रम अन्तरगत विद्यालय तहमा मानव बेचविखन, जवरजस्ती श्रम, यौन हिंसा, दुव्र्यवहार र बालमैत्री वातारण सिर्जना गर्न अभिमुखिकरण, सचेतनामुलक कार्यक्रमहरु संचालन गरिएको थियो ।
परियोजनाको लागि २०७८ फाल्गुण १६ गते माइती नेपाल रोकथाम गृह मकवानपुरको आयोजनामा मानव बेचविखन रोकथाम परियोजना २०२२ संचालनको पूर्व स्वीकृति योजनाबोरमा नगरपालिका स्तरीय परामर्श समितिको बैठक बसी छलफल गरेपछि परियोजनालाई नगरभित्र सञ्चालनको लागि स्वीकृत दिइएको थियो ।
माईती नेपाल रोकथाम गृह मकवानपुरले मानव बेचविखन, यौन हिंसा, आर्थिक अवस्था कमजोर भएका, शिक्षालाई निरन्तर दिन नसकेका तथा बेचविखनबात फर्किएका विषेश गरी किशोरी र महिलाहरुको आवसिय र आयमुलक तालिम प्रदान गरी जीवनपयोगी सिप प्रदान गर्दै आएको छ ।
यसैगरी सिप र तालिमसँगै जनचेतनामुलक कार्यक्रमहरु, बेचविखनमा परेकाहरुको उद्धार तथा रोकथाम गृहमा छोटो समयको लागी आवासको व्यावस्था गर्दै आएको छ । संस्थाले विदेशमा अलपत्र परेकाहरुलाई नेपाल सरकारको समन्वयमा उद्धारमा सहयोग गरिरहेको माइती नेपाल मकवानपुर कार्यक्रम संयोजक तामाङ बताइन् ।
माइती नेपालले लैंगिक समानता सामाजिक समावेशिकरण नीति बिषयक अन्तरक्रिया कार्यक्रम, दिवसिय कार्यक्रम अन्तरगत प्रभातफेरी तथा कोणसभा कार्यक्रम, सचेतना तथा अभिमुखिकरण कार्यक्रमहरु, सचेतनाको लागि घरदैलो कार्यक्र सम्पन्न गरेको तामाङले बताइन् । यसबाट लक्ष्यित वर्गमा लाभ पुगेको उनले बताइन् ।
यसैगरी मानव बेचविखन तथा ओसारपसार विरुद्ध विद्यालय स्तरिय अभिमुखिकरण कार्यक्रम, शैक्षिक भ्रमण, सिलाइ सिपमुलक तालिम प्रदान गरेर यस वर्ष ३९ जनालाई सिप प्रदान गरेको सहजकर्ता मन लामाले बताइन् । मानव बेचविखन तथा ओसारपसार विरुद्ध यातायात व्यवसायी तथा होटेल व्यवसायी विच अन्तरक्रिया कार्यक्रम, आन्तरिक मानव बेचविखन तथा व्यवसायिक यौन शोषण विरुद्ध होटल अनुगमन गरिएको सहजकर्ता लामाले बताइन् ।
जसबाट यसवर्ष तालिम प्राप्त किशोरीहरु मध्ये ८ जनाले सिलाई व्यवसाय संचालन गरिरहेका छन् । जिल्ला प्रहरी कार्यालय, अन्य संघ‐संस्था,सेफ हाउस, ओसिएमसीबाट संरक्षणको लागी यस गृहमा पठाएका १५ जना मध्ये १४ जनालाई पारिवारिक पुनरमिलन गराएको लामाले बताइन् ।
घरेलु हिंसा तथा लैंगिक हिंसाको १५५ वटा निवेदन परेकोमा ३२ वटामा मिलापत्र गरिएको र अन्यलाई सम्बन्धित निकायमा रिफर गरिएको उनले बताइन् । जवरजस्ती करणी, यौन दुव्र्यवहार, जबरजस्तीकरणीको उद्योग गरी ३४ वटा मुद्धा जिल्ला प्रहरी कार्यालयको समन्वयमा मुद्धा दर्ता गर्न सफल भएको तामाङले बताइन् ।
मंगलबार सम्पन्न एनप्याक कार्यक्रममा उपमहानगरपालिका सामाजिक विकास समिति संयोजक रामकृष्ण कोइराला, नगरपरियोजना परामर्श समिति सदस्य सचिव भीमप्रसाद तिमल्सेनालगायत सरोकारवालाहरुको उपस्थिती रहेको थियो ।
संस्थाले सम्पन्न गरेको कार्यक्रमको केही तस्बिरहरुः



मकवानपुर । हाल देशमा स्थानीय वायु सँगै पश्चिमी वायुको पनि प्रभाव रहेका कारण मकवानपुर सहित देशभर सामान्य देखि पूर्ण बदली रहेको छ ।
जल तथा मौसम बिभाग मौसम पूर्वानुमान महाशाखाका अनुसार हाल कोशी, मधेश, बागमती, गण्डकी र लुम्बिनी प्रदेशका थोरै स्थानहरूमा मेघ गर्जन/चट्याङ सहित वर्षा भइरहेको छ।
सोमबार बेलुका ५ बजेबाट मकवानपुर लगायतका जिल्लामा सुरु भएको बर्षा हाल सामान्य हुँदै गएको महाशाखाले जनाएको छ ।
आज मंगलबार देशभर सामान्य देखि पूर्ण बदली रहने देशको पहाडी भू-भागका केही स्थानहरूमा तथा तराई भू-भागका थोरै स्थानहरुमा मेघ गर्जन / चट्याङ्ग/हावा-हुरी/असिना सहित क्षणिक/हल्का देखि मध्यम वर्षाको सम्भावना रहेको समेत महाशाखाले जनाएको छ ।
अबको केही दिन हल्का देखि मध्यम बर्षा देशै भर हुने समेत महाशाखाको पूर्वानुमान रहेको छ ।
देशको पहाडी भू-भागका केही स्थानहरूमा तथा तराई भू-भागका थोरै स्थानहरुमा मेघ गर्जन, चट्याङ्ग,हावा-हुरी,असिना सहित क्षणिक तथा हल्का देखि मध्यम वर्षाको सम्भावना रहेको हुनाले मेघगर्जन, चट्याङ्ग तथा हावा-हुरीबाट क्षति हुन नदीन आवश्यक सतर्कता अपनाउन समेत महाशाखाले अनुरोध गरेको छ ।
मकवानपुर । सोमबार राती बर्षासंगै आएको चट्याङले मकवानपुर जिल्लामा एज जना घाइते भएका छन् ।
मकवानपुर जिल्ला मनहरी गाउंपालिका -४ मसिने बस्ने ६२ बर्षको बम बाहादुर थिङ आफ्नै घरमा चट्याङ लाग्दा घाइते भएका हुन् ।
सोमबार राती करिब ९ बजे चट्याङ लाग्दा उनी घाइते भएको जिल्ला प्रहरी कार्यालय मकवानपुरले जनाएको छ । उनलाई उपचारका लागि हेटौडा अस्पताल ल्याईएको छ । थिङको टाउकाको पछाडीको कपालको जलेको र छातिमा भित्री चोट लागेको अस्पतालले जनाएको छ ।
मकवानपुर । मकवानपुर जिल्लामा रुखबाट लडेर एक जनाको ज्यान गएको छ ।
मकवानपुरको हेटौंडा उपमहानगरपालिका वडा नम्बर–३ को चौतारा जंगलमा घाँस काट्न जाँदा रुखबाट लडेर एक जना महिलाको मृत्यु भएको छ ।
स्थानीय ३८ वर्षकी राजलक्ष्मी गोले जंगलमा घाँस काट्न जाँदा लडेर मृत्यु भएको प्रदेश प्रहरी कार्यालय हेटौंडाले जनाएको छ । सामुदायिक वनमा घास काट्न गएकोमा रुखबाट लडि स्थलमै मृत्यु भएको प्रहरीले जनाएको छ ।
मकवानपुर । स्वतन्त्र विद्यार्थी युनियनको निर्वाचन अन्तर्गत मकवानपुरका बिभीन्न क्याम्पसहरुको मत परिणाममा अनेरास्ववियु विजयी भएको छ ।
स्वतन्त्र विद्यार्थी युनियनको निर्वाचन मत परिणाम अनुसार हेटौंडा–६ स्थित वंशगोपाल बहुमुखी क्याम्पसको अध्यक्षमा अनेरास्ववियूका दिवस सिल्वालको प्यानलनै विजयी भएको छ ।
यस्तै हेटौंडा १६ हटियाको जनप्रिय बहुमुखी क्याम्पस, हेटौंडा १९ को निर्मल बहुमुखी क्याम्पस तथा मनहरीको मनहरी बहुमुखी क्याम्पसमा भएको स्वतन्त्र विद्यार्थी युनियनको मतगणनाको नजिजा आएको छ।
हटियाको जनप्रिय बहुमुखी क्याम्पसमा मुनाको नेतृत्व
हटियाको जनप्रिय बहुमुखी क्याम्पसमा स्वतन्त्र बिद्यार्थी युनियनको अनेरास्ववियुहरुको प्यानलबाट छात्राहरुको कार्यसमिति निर्वाचित भएका छन । जनप्रियको अध्यक्षमा मुना गोले निर्वाचित भएकी छिन ।
स्ववियु सचिवमा पुष्पा वास्तोला, कोषाध्यक्षमा नमुना पोखरेल, सदस्यमा मेनुका दहाल, पवित्रा अधिकारी र विनिता तिमल्सिना निर्वाचित भएका छन ।
निर्मल बहुमुखी क्याम्पसमा सरोज अर्याल
हेटौंडा–१९, बस्तीपुरस्थित निर्मल बहुमुखी क्याम्पसमा अनेरास्ववियुका सरोज अर्यालको प्यानल विजयी भएको छ । अर्यालले १ सय ३२ मतसहित स्ववियु अध्यक्ष निर्वाचित हुँदा अध्यक्ष पदका अर्का आकांक्षी अनेरास्ववियु (क्रान्तिकारी) का जयबहादुर रोक्का ५२ महसहित पराजित भए ।
यस्तै सचिवमा सुसन पौडेल १ सय २६ मतसहित विजयी हुँदा सहदेव गोले ६० मतसहित पराजित भए । कोषाध्यक्षमा १ सय २८ मतसहित सूर्य बल विजयी हुँदा ५७ मतसहित सुदीप उप्रेती पराजित भए । सदस्यमा महेश कुमार सापकोटा (१३७ ), सुनिता बल (१३७), प्रमिला चौलागाई (१३३), मीरा बिसङ्के (१२५) र केपाश प्रजा (११६ ) विजयी भएका छन् ।
समानुपातिकतर्फ १ सय ३१ मत अनेरास्ववियुले प्राप्त गर्दा ५६ मत अनेरास्ववियु (क्रान्तिकारी) ले पाएको छ । निर्मल बहुमुखी क्याम्पसमा २ सय १० जना मतदाता रहेकोमा १ सय ८८ मत खसेको थियो ।
मनहरी बहुमुखी क्याम्पसमा स्ववियु अध्यक्षमा कुमार घिसिङ
यसैगरी मकवानपुरको मनहरी गाउँपालिकास्थित मनहरी बहुमुखी क्याम्पसको स्ववियु अध्यक्षमा कुमार घिसिङ विजयी हुनु भएका छन । निर्वाचनमा २९ मतसहित घिसिङ विजयी भएका हुन । अध्यक्षका अर्का आकांक्षी नेपाल विद्यार्थी संघका किशोर लम्सालले २७ मत प्राप्त गरे ।
मनहरी बहुमुखी क्याम्पसको स्ववियु सचिवमा नेपाल विद्यार्थी संघका गेमराज थिङ निर्विरोध निर्वाचित भएका छन् भने कोषाध्यषमा प्रविण रुम्बा ३१ मतसहित विजयी भएका छन् । कोषाध्यक्षका अर्का आकांक्षी अरुणा सापकोटाले २२ मत मात्रै प्राप्त गरिन् । सदस्यमा माधवप्रसाद अधिकारी (३४ मत), सीता सापकोटा (३२ मत) र प्रशान्त सुवेदी (२७ मत) निर्वाचित भएका छन् । ६० मतदाता रहेको मनहरी बहुमुखी क्याम्पसमा ५६ मत खसेको थियो ।
हेटौंडा क्याम्पस स्ववियु अध्यक्षमा अभि मैनाली निर्वाचित
हेटौंडा–४ स्थित हेटौंडा क्याम्पसको स्वतन्त्र विद्यार्थी युनियन (स्ववियु) को अध्यक्षमा अभि मैनाली निर्वाचित भएका छन् । निर्वाचनमा नेपाल विद्यार्थी संघका उम्मेदवार राजिव फुयाँललाई पराजित गर्दै अनेरास्ववियुका मैनाली अध्यक्ष सहित प्यानलै निर्वाचित भएको छ ।
८ सय ९७ मतदाता रहेको हेटौंडा क्याम्पसमा ४ सय ७७ मत खसेको थियो । अध्यक्षमा विजयी मैनालीले २ सय ९० मत पाउँदा पराजित उम्मेदवार फुयाँलले १ सय ८५ मत पाए । सचिवमा अनेरास्ववियुका अन्जान खड्काले २ सय ७२ मत पाउँदा नेविसंघका युवराज बिकले १ सय ९४ मत पाए ।
यस्तै कोषाध्यक्षमा अनेरास्ववियुकी अविना खड्काले २ सय ७० मत पाउँदा नेविसंघकी ज्योेति पुडासैनीले १ सय ९६ मत पाइन् । सदस्यमा तिलकबहादुर पाख्रिन, गणेश तिमल्सिना, नवीन कुमार चौधरी, भरतमोहन देवकोटा र रञ्जिता फुयाँल निर्वाचित भएका छन् ।
