मकवानपुर । हेटौंडामा क्याट फिस माछा ४८ किलो नष्ट गरिएको छ । सशस्त्र प्रहरी बल १४ नम्बर गण हेटौंडाले नियन्त्रणमा लिएको प्रतिबन्धित मगुर माछा क्याट फिस नष्ट गरेको हो ।
हेटौंडा ८ मा रहेको सशस्त्र प्रहरी बल १४ नम्बर गणबाट खटिएको सुरक्षा टोलीले बिहीबार राति १२ बजे हेटौंडा १५ चुरियामाई स्थित पुर्वपश्चिम राजमार्गबाट मानव स्वास्थ्य र वातावरणलाई प्रतिकुल असर पुग्ने मगुर माछा ‘क्याट फिस’ नियन्त्रणमा लिएर शनिवार नष्ट गरेको हो ।
सर्लाहीबाट हेटौंडा तर्फ आउँदै गरेको बा.७ ख. ६४१ नम्बरको यात्रुवाहक बस रोकि जाँच गर्ने क्रममा बसको डिक्कीमा ८ वटा सिलावरको भाडामा लुकाई छिपाई ल्याएको अवस्थामा ४८ केजी जिउँदो मगुर माछाको भुरा नियन्त्रणमा लिएको सशस्त्र प्रहरीका डिएसपी शैलेस श्रेष्ठले जानकारी दिए ।
अन्दाजी चौध हजार ४ सय बजार मुल्य रहेको उक्त माछाका भुरा प्रहरीले जनप्रतिनिधि, भेटनरी अस्पताल तथा पशु विज्ञ केन्द्रका प्रतिनिधि, पत्रकार र स्थानीयको रोहबरमा हेटौडा कपडा उद्योगको परिसरमा खाडल खनेर नष्ट गरेको थियो ।
शान्ती अर्याल अधिकारी
१.
हरपल सताउने रहेछ, आफ्नै माटोको मायाले
रूच्दैन् बिदेशी परिकार ,त्यही आटोको मायाले
ठुला -ठुला रेल गाडीमा यात्रा त भएकै छ आमा,
फेरि पनि झस्काउँछ ,गोरेटो बाटोको मायाले ।
२.
सुन्दर भबिष्यको खोजी गर्दै शहर तिर बस्छ मान्छे
रूखमै पैसा फल्छ जस्तो गरी बिदेशतिर पस्छ मान्छे
न पैसा फल्ने रूख भेट्छ न गाउँ फर्किने बाटो भेट्छ,
सपना पुरा गर्ने दौडानमा बिदेशतिरै फस्छ मान्छे ।
३.
हरेक रात सपनिमा, आफ्नै प्यारो त्यो देश देखिन्छ
आँखा खोलि बाहिर हेर्दा,फरक फरक भेष देखिन्छ
झस्काउँदै मनले भनिदिन्छ तिमी अर्कैको देशमा छौ,
हेर नजर घुमाएर काला गोरा अनि खैरा केश देखिन्छ ।
पाल्पा
मकवानपुर । बागमती प्रदेश सरकारका आन्तरिक मामिला तथा कानुनमन्त्री गंगानारायण श्रेष्ठले ऐन कानुन समयानुकूल परिवर्तन गर्नु पर्ने बताएका छन् । स्थानीय तहको लागि कानुन निर्माण, मेलमिलाप एवम् राजपत्र सम्बन्धी अभिमुखीकरण कार्यक्रममा सरकारका प्रवक्ता समेत रहेका मन्त्री श्रेष्ठले ऐन कानुन धेरैजसो पन्चायतकालीन हुँदा संघीयता कार्यान्वयनमा समस्या आएकाले त्यस्ता ऐन कानुन समयानुकूल परिवर्तन गर्नुपर्ने बताएका हुन् ।
आन्तरिक मामिला मन्त्रालयले बागमती प्रदेशका सबै पालिकामा न्यायिक सहजकर्ता पदमा करारमा नियुक्ति गरी कार्य गराउँदै आएकाेमा सबै पालिकामा स्थायी दरबन्दी कायम गर्न पहल गरिने मन्त्री श्रेष्ठले बताए । धादिड र नुवाकोट जिल्लाका स्थानीय तहका कानून निर्माण, मेलमिलाप र राजपत्र प्रकाशनमा संलग्न स्थानीय तहका अधिकृत तथा न्यायीक सहजकर्ताहरुको सहभागिता रहेकाे कार्यक्रममा जनपक्षीय कानून निर्माण गर्न अपील गर्दै मन्त्री श्रेष्ठले राजपत्र शब्दलाई समयानुकूल परिवर्तन गरि ‘जनपत्र’ बनाउन पहल गर्ने समेत बताए ।
स्थानीय तहमा न्यायीक समिति प्रमुखले उत्साहपूर्ण ढंगले न्याय निरुपण गरिरहेको भएपनि न्यायीक सहजकर्तामा आवश्यक आधारभुत कानुनी ज्ञानको अभावमा न्याय सम्पादन प्रभावकारी हुन नसकेके मन्त्री श्रेष्ठले बताए । संघीयताको पहरेदार स्थानीय सरकार भएकाे बताउँदै उनले भने संघीयतामा स्थानीय सरकार जनताको सबैभन्दा नजिकको सरकार हाे, यसलाई प्रभावकारी रुपमा कार्यान्वयन गराउन सबैभन्दा बढी सक्रिय हुनुपर्छ । मन्त्री श्रेष्ठले संघीयता कार्यान्वयनमा देखिएका समस्यासँग भाग्ने होइन डटेर संघर्ष गर्दै अघि बढ्न समेत सहभागीलाई निर्देशन दिए ।
कार्यक्रममा मन्त्रालयका सचिव ध्रुब गैँडा, मुख्यमन्त्री कार्यालयका कानून सचिव विनोद भट्टराई, उपसचिव अनुशील सापकोटा, कानून न्याय तथा संसदीय मामिला मन्त्रालयका राजपत्र सम्वन्धी श्रोत व्यक्ति सुवास कुमार भट्टराईलगायतले सहभागीहरुलाई प्रशिक्षण दिएका थिए ।
मकवानपुर । मकवानपुरकाे हेटौडा उपमहानगरपालिका वडा नम्बर १८ घर आगलागी हुँदा जलेर नष्ट भएकाे छ । हेटौडा -१८ हर्नामाडी भोर्ले आँपखोलामा १ घर जलेर नष्ट भएकाे हाे । हेटौंडा–१८, भोर्लेस्थित जंगबहादुर गुरुङको घर आगलागीले जलेर नष्ट भएको छ ।
शुक्रबार दिउँसो साढे ३ बजेको समयमा घर नजिकैको बाँसको झाङमा लगाएको आगो सल्किएर गुरुङको पराल राखिराखेको दुई तल्ले काठको घर आगले नष्ट भएको छ हेटौडा १८ नम्बर वडा सदस्य योगराज खतिवडाले जानकारी दिए । खतिवडाका अनुसार आगलागी भएकाे घर आवासका लागि प्रयोग नगरिएको हुनाले मानवीय क्षति भने भएकाे छैन् ।
आगलागी स्थानीय युवा र हेटौंडा उपमहानगरपालिकाको बारुणयन्त्रले करिब १ घण्टामा नियन्त्रणमा लिएकाे बताइएकाे छ ।
मकवानपुर । मकवानपुर प्रहरीले लागुऔषधसहित ५ जनालाई नियन्त्रणमा लिएको छ । मकवानपुरकाे छुट्टाछुट्टै स्थानबाट २ जना भारतीय नागरिक सहित अन्य ३ जनालाई लागुऔषाधसहित प्रहरीले नियन्त्रणमा लिएकाे जनाएकाे छ ।
हेटौंडा–१ स्थित चौकीटोलबाट प्रहरीले लागुऔषध वनरेक्स २ सय ४० बोतल (प्रति बोतल १ सय एमएल), डाइजेपाम १३ बट्टा (प्रति बट्टा ५० एम्पुल), नोरफिन ६ बट्ट (प्रति बट्टा १ सय एम्पुल), फेनारगन १ सय २० पत्ता (प्रति पत्ता ५ एम्पुल) सहित २ जना भारतीय नागरिकलाई नियन्त्रणमा लिएको हो । बिहिबार विशेष सूचनाको आधारमा वीरगंजबाट काठमाडौं जादै गरेको भारतीय प्लेट नम्बर भएको बोलेरो गाडीलाई हेटौंडा–१ चौकीटोलमा प्रहरीले जाँच गर्दा बोलेरो चालक भारतको सिवान जिल्ला पन्चायत–५ का २६ वर्षीय अमित कुमार र गाडीमा सवार सोहि स्थानका २३ वर्षीय अनिल कुमारलाई उक्त परिमाणकाे लागुऔषधसहित नियन्त्रणमा लिइएकाे जिल्ला प्रहरी कार्यालय मकवानपुरले जनाएको छ ।
यसैगरी लागुऔषध नाईट्राभेटसहित ३ जनालाई हेटौंडा उपमहानरगपालिका वडा नम्बर १५ चुरियामाई मन्दिरस्थितबाट मकवानपुर प्रहरीले नियन्त्रणमा लिएकाे छ । बिहिबार वीरगंजबाट हेटौंडातर्फ आउँदै गरेको बागमती प्रदेश ०३–००१ ह १३७२ नम्बरको अटोलाई सुरक्षाजाँच गर्दा अटोमा लुकाई छिपाई ल्याएको लागुऔषध नाईट्राभेट २ सय ९९ ट्यावलेट फेला पारि ३ जनालाई नियन्त्रणमा लिइएकाे जिल्ला प्रहरी कार्यालय मकवानपुरले जानकारी दिएको छ ।
पक्राउ पर्नेमा कन्चनपुर जिल्ला भिमदत्त नगरपालिका–१८, भगतपुर घर भई हाल नवलपरासी गैंडाकोट नगरपालिका–१ ब्रिटिशक्याम्प रोड बस्ने २७ वर्षीय सन्तोष सिंह, अटोमा सवार चितवन जिल्ला भरतपुर महानगरपालिका–२ क्षेत्रपुर बस्ने बर्ष ३५ वर्षीय ईश्वर श्रेष्ठ र अटोमा सवार सोहि ठाँउका ३४ वर्षीय रमेश घले रहेको प्रहरीले जनाएको छ ।
लागुऔषधसहित नियन्त्रणमा लिइएका ५ जनालाई थप अनुसन्धान गरिरहेको प्रहरीले जनाएकाे छ ।
