चितवन । लामो समयदेखि अलपत्र रहेकाे गौतमबुद्ध अन्तर्राष्ट्रिय क्रिकेट रंगशालालाई नेपाल सरकारले राष्ट्रिय गौरवको आयोजनामा राखेर अघि बढाउने निर्णय गरे संगै निर्माणले गति लिने बताइएकाे बेला रंगशालाकाे सरसफाइ गरिएकाे छ ।
बागमती प्रदेश सरकार र भरतपुर महानगरपालिकाले सहकार्य गरी रंगशाला बनाउने निर्णय समेत गरेका छन् । सरकारका तीन वटै निकायले रंगशाला निर्माणमा चासो देखाएपछि अलपत्र परेको रंगशालामा सरसफाइ अभियान सुरु गरिएको हो ।
निर्माणाधीन गौतमबुद्ध अन्तर्राष्ट्रिय क्रिकेट रंगशालामा भरतपुर महानगरपालिकाले सरसफाइ अभियान सुरु गरेको हो । चितवनस्थित कृषि तथा वन विज्ञान विश्वविद्यालय रामपुरको जग्गामा निर्माणाधीन गौतमबुद्ध अन्तर्राष्ट्रिय क्रिकेट रंगशाला लामो समयदेखि अलपत्र हुँदा काँसघारीमा परिणत भएकाे छ ।
सरसफाइमा स्थानीय, विद्यार्थी, सामाजिक अभियन्ता, नेपाल प्रहरी, सशस्त्र प्रहरी, नेपाली सेना र नगर प्रहरी लगायतको उपस्थिति रहेको थियो । सरसफाइ अभियनमा भरतपुर महानगरपालिकाकी नगर प्रमुख रेनु दाहालले रंगशालालाई सरकारले राष्ट्रिय गौरवको आयोजनामा राखेकाले अब रंगशाला बन्नेमा ढुक्क हुन सबैलाई आग्रह गरिन् ।
भरतपुर महानगरपालिकाका उपमेयर चित्रसेन अधिकारीले सरकारले राष्ट्रिय गौरवमा राखेपछि अब स्थानीय सरकार र स्थानीयहरुले पनि यसलाई आफ्नो सम्झेर सहयोग गर्नुपर्ने बताए । बागमती प्रदेश खेलकुद परिषद्का सदस्य सचिव सूर्यलाल भण्डारीले निर्माण सँगसँगै सञ्चालनमा ल्याउने गरी काम गरिनु पर्ने बताए । उनले निर्माण पनि भइरहने विभिन्न खेलकुद प्रतियोगिता पनि भइरहने गरी काम अघि बढाउनुपर्ने बताए ।
३ अर्ब लागत अनुमानसहित जनस्तरबाटै सहयोग उठाएर निर्माण सम्पन्न गर्ने लक्ष्य लिएकाे धुर्मुस सुन्तली फाउण्डेशनले २०७५ सालमा क्रिकेट रंगशाला निर्माणको थालनी गरेको थियो । ५० करोडभन्दा बढी रकम खर्च भइसकेको, १८ करोड ऋण रहेको र थप सहयोग जुट्न नसकेको भन्दै धुर्मुस सुन्तली फाउण्डेशनले भरतपुर महानगरपालिकालाई रंगशालाको जिम्मेवारी सुम्पेर २०७८ पुसमा कामबाट हात झिक्यो । त्यसयता रंगशाला निर्माणको काम अघि बढ्न सकेको छैन ।
मकवानपुर । मकवानपुर प्रहरीले गाँजा फडानी गर्न टाेली खटाएकाे छ । मकवानपुरको कैलाश र राक्सिराङ गाउँपालिकामा लगाइएको गाँजा फडानी गर्न प्रहरी परिचालन गरिएको हाे ।
जिल्लाको बिकट कैलाश र राक्सिराङमा गाँजा फडानी गर्न १ सय प्रहरी परिचालन गरिएको जिल्ला प्रहरी कार्यालय मकवानपुरले जनाएको छ । प्रहरी निरिक्षकको कमाण्डमा कैलाश र राक्सिराङ गाउँपालिकामा ५०/५० जनाको प्रहरी टोलि खटिएको जिल्ला प्रहरी कार्यालय मकवानपुर प्रवक्ता प्रहरी नायब उपरिक्षक लक्ष्मी भण्डारीले जानकारी दिए ।
मंसिर १० गते आइतबार खटाइएकामा २ जनाको ड्रोन टोली समेत रहेको बताइएको छ । गाँजा फँडानीको लागि कैलाश २ स्थित डाँडाखर्क वेस रहने गरी एक टाेली र राक्सिराङ ७ जुरेथुङ बेस रहने अर्काे टाेली परिचालन गरिएकाे प्रवक्ता भण्डारीले बताए ।
यस अघी गत असोजमा राक्सिराङ गाउँपालिकामा ९० जना तथा कैलाश गाउँपालिकाको विभिन्न वडामा ४० जना प्रहरी परिचालन गरी लागु औषध गाँजा फडानी गरेका प्रहरीले जनाएकाे छ ।
मकवानपुर । राष्ट्रिय निकुञ्जको मध्यवर्ती क्षेत्रमा बाघ खोज्दै गएको टोलीले एउटा शव भेटेको छ । चितवन र पर्सा राष्ट्रिय निकुञ्जको मध्यवर्ती क्षेत्रमा नरभक्षी बाघ खोज्दै गएको नेपाली सेना र निकुञ्जका अधिकारीले शव भेटेको मकवानपुर प्रहरीले जनाएको छ ।
शुक्रबार बिहान मकवानपुरको मनहरी गाउँपालिका–६ राप्तीखोला र लोथरखोलाको दोभानमा चितवन राप्ती नगरपालिका–१, दुबीचौरका ४३ वर्षीय हरिप्रसाद पौडेललाई बाघले आक्रमण गर्दा मृत्यु भएको थियो । सेना र चितवन राष्ट्रिय निकुञ्ज अन्तर्गत सुनाचुरी रेञ्ज पोष्टबाट ४ वटा हात्ती प्रयोग गरी नरभक्षी बाघको खोजी गर्ने क्रममा शव भेटिएको हो ।
पौडेललाई आक्रमण गर्ने नरभक्षी बाघ खोज्ने क्रममा आइतबार साँझ मनहरी गाउँपालिका–६ राप्तीखोला र लोथरखोलाको दोभानमै एकजना पुरुषको शव भेटिएको मकवानपुर प्रहरीले जनाएको छ । शवको पहिचान हुन सकेको छैन । कम्मरभन्दा माथिको भागमा अस्थीपञ्जर मात्रै भएकोले बाघकै आक्रमणबाट मृत्यु भएको हुन सक्ने मकवानपुरका प्रहरी प्रवक्ता प्रहरी नायव उपरीक्षक लक्ष्मी भण्डारीले जानकारी दिए ।
निकुञ्जको टोलीले आइतबार राती बाघ नियन्त्रणमा लिएर वन्यजन्तु केन्द्र चितवन लगेको बताइएको छ ।
शान्ति फाउण्डेसनद्वारा १० जनालाई रोजगारी
Tags: No Comments
मकवानपुर । मकवानपुरमा विगत ३ वर्षदेखि कार्यरत शान्ति फाउण्डेसनले मानव बेचबिखन प्रभावितहरुको सीप विकास तथा रोजगारीका लागि निजीक्षेत्रसँग साझेदारी अघि बढाएको छ ।
यस अन्तरगत लक्ष्यित वर्गका १० जनालाई रोजगारीको व्यवस्था गरेको हो । अमेरिकी अन्तर्राष्ट्रिय विकास नियोग (यूएसएआईडी) को सहयोगमा विनरक इण्टरनेशनलद्वारा सञ्चालित हाम्रो सम्मान परियोजना मार्फत उनीहरुलाई रोजगारी सुनिश्चित गरिएको हो ।
मानव वेचविखनविरुद्ध निवारण संरक्षण अभियोजन तथा साझेदारी पद्धतिमा विभिन्न साझेदारहरु जस्तै नेपाल सरकार, नागरिक समाज तथा निजी क्षेत्रसँगको समन्वयमा सन् २०१७ देखि कार्यान्वयन भइरहेको छ । परियोजनाले मानव बेचविखन विरुद्धको लडाइमा नेपालको संघीय, प्रादेशिक तथा स्थानीय सरकारका प्रयासहरुलाई मजबुत बनाउने, मानव बेचबिखनको समस्या सामाधानका लागि नागरिक संस्थाहरुसँग संलग्न हुने र उनीहरुको पैरवीमा सुधार ल्याउने, मानव वेचविखनमा परेका तथा मानव बेचबिखनको जोखिममा रहेका व्यक्तिहरुका लागि सेवा वृद्धि गर्न निजी क्षेत्रसँग साझेदारी बढाउने काम गर्दै आएको फाउण्सनकाे मकवानपुर जिल्ला अधिकृत सिता गुरुङले बताइन् ।
तालिम तथा रोजगारीका लागि मानव बेचबिखनमा परेको तथा कम्पनीको कार्य प्रकृति अनुसारको आधारभुत क्षमता भएको व्यक्तिको रुपमा मकवानपुरबाट आवेदन दिएका १८ मध्ये १० जना अन्तिम छनौट भएका हुन् ।
जसमा प्रमुख आधार मानव बेचविखनबाट प्रभावितहरु, यौन हिंसाबाट प्रभावितहरु, वैदेशीक रोजगारीबाट फर्केहरु रहेका छन् । उनीहरुलाई ३ महिना कार्यस्थलमा तालिम दिइने छ । तालिम सुरुवातदेखि नै उनीहरुले नेपाल सरकारले तोकेको न्यूनतम मासिक तलब पाउनेछन् । तालिम समापनपश्चात् स्वतः स्थायी रोजगारी प्राप्त गर्नेछन् ।
स्थायी रोजगारी प्राप्तिसँगै नेपालको श्रम ऐनको व्यवस्थाअनुसार सम्पूर्ण सुविधा प्राप्त हुनेछ । यहाँ कार्य गर्दा न्युनतम दैनिक आठ घण्टा कार्य गर्नु पर्ने छ । अधिक समय कार्यको अतिरिक्त तलब पाइने व्यवस्था छ । औषधि उपचार तथा दुर्घटना बीमा लगाएत श्रम ऐनमा उल्लेखीत सुविधा उपलब्ध हुने जिल्ला अधिकृत गुरुङले बताइन् । उनीहरुलाई जगदम्बा स्पिनिङ्ग मिल्स, मोतिपुर, रुपन्देहीमा तालिम तथा रोजगारी दिइने उनले बताइन् । उम्मेदवारहरुसँग आज कम्पनीका प्रेजेक्ट काेअर्डिनेर सत्यन जय गिरी र फाउण्डेसनकी गुरुङले अन्तवार्ता लिएका थिए ।
परियोजनाले सन् २०२३ जून महिनादेखि नेपाल धागो उत्पादक सङ्घमार्फत २५० जना मानव बेचबिखनमा परेका व्यक्तिका लागि सीपमूलक तालिम (कार्यस्थलमा) तथा रोजगारी प्रदान गर्नाका लागि सहकार्य गरेको थियो । जसको लागि देशका विभिन्न ठाउँमा रहेका ५ वटा सदस्य धागो उत्पादक कम्पनीहरुसंग काम गरेको छ ।
सहभागीहरुलाई फाउण्डेसनकी सहजकर्ता देबकी ढुङ्गानाले १६ दिने लैङ्गिक हिंसा विरुद्धकाे अभियानकाे सन्दर्भ पारेर यसबारे समेत जानकारी गराएकी थिइन् ।
मकवानपुर । अनेरास्ववियु बागमती प्रदेश कमिटी अध्यक्षमा लाल बहादुर बुढाथोकी (एलबी) चयन भएका छन् । बागमती प्रदेशको हेटौँडामा भएकाे प्रदेश कमिटीको प्रथम अधिवेशसनबाट बुढाथोकीको अध्यक्षतामा ५१ सदस्यीय प्रदेश कमिटी सर्वसम्मत निर्वाचित भएको हाे ।
प्रथम प्रदेश अधिवेशन आयोजक कमिटिका सह–संयोजक बुढाथोकी अध्यक्ष चयन हुँदा पदाधिकारीहरु उपाध्यक्षमा युवराज दाहाल, अच्युत उप्रेती र निशा पुडासैनी, सचिवमा प्रकाश कालाखेती, उपसचिवहरुमा प्रशान्त जंग पाण्डे, पवन तामाङ र जिपछिरिङ शेर्पा चयन भएका छन् । यसैगरी कोषाध्यक्षमा अमृत थापा र कार्यालय सचिवमा लक्ष्मण सिलवाल सर्वसम्मत चयन भएका छन् ।
