मकवानपुर । मकवानपुरमा काेराेना संक्रमितको सक्रिय संख्या ५ सय नाघेको छ । शुक्रबार राती प्राप्त प्रयाेगशाला रिपाेर्ट अनुसार २ सय ७४ जनामा गरिएको पिसिआर परीक्षणमा थप १ सय ७७ जनामा कोरोना संक्रमण पुष्टी भएसँगै संक्रमितको संख्या ५ सय नाघेको हो ।
यो संगै मकवानपुरमा सक्रिय संक्रमितको संख्या ५ सय २४ पुगेको छ । कोरोना भाइरसको दोस्रो लहरको संक्रमण विस्तार भएपछि १ हजार ६ सय ५० जनाको परीक्षण गर्दा ६ सय २ जनामा संक्रमण पुष्टि भएको कोरोना परीक्षण प्रयाेगशालाका डाक्टर सागर काफ्लेले जानकारी दिए ।
शनिबार संचारकर्मीहरूसँग कुरा गदै हेर्टौंडा अस्पतालका डाक्टर काफ्लेले मकवानपुरमा रहेका सक्रिय संक्रमितमा ४ सय ९७ जना घरमै उपचाररत रहेकाे र गौरिटार आइसोलेसनमा १३ जना संक्रमित उपचाररत रहेकाे बताए । मकवानपुरमा कोरोनाबाट हालसम्म ३५ जनाको ज्यान गएको छ ।
हेटौंडा अस्पतालको कोभिड आईसियूमा १४ जना संक्रमित उपचाररत रहेकोमा आज ३ जना डिस्चार्ज गरिन लागेको हाे । स्वास्थ्यमा सुधार आएसंगै होम आइसोलेसनमा बस्नको लागि डिस्चार्जको तयारी भएको काफ्लेले बताए । हेटौंडा अस्पतालमा रहेको हाइ डिपेन्डेन्सी युनिट (एचडियु) वार्डमा उपचाररत कोरोना संक्रमित शुक्रबार २ जना डिस्चार्ज भएका थिए । शनिबार डिस्चार्ज हुने हेटौंडा–८ का ४२ वर्षीय पुरुष र ५९ वर्षीय पुरुष छन् भने हेटौंडा–११ का ५० वर्षीय पुरुष पनि डिस्चार्ज हुँदैछन् ।
हेटौंडा अस्पतालमा ६ बेडको आइसियु र १४ बेडको एचडियु वार्ड स्थापना गरिएको छ । एचडियु वार्डका ईन्चार्ज डा. काफ्लेका अनुसार एचडियु वार्ड सञ्चालनमा आएको एक साताको अवधिमा १८ जनाले सेवा लिएका छन् भने ६ जना डिस्चार्ज भएका छन् । एकजनालाई हेटौंडा अस्पतालको एचडियु वार्डले अन्यत्र रेफर गरेको छ । एचडियु वार्डमा रहेका संक्रमित मध्ये २ जनाको अवस्था गम्भीर छ भने अन्य विरामीको अवस्था खतरामुक्त रहेको डा. काफ्लेले जानकारी दिए ।
अहिले मकवानपुर जिल्लामा ५ सय २४ जना सक्रिय संक्रमित रहेकोमा ११ जना हेटौंडा अस्पतालको एचडियु वार्डमा उपचाररत छन् भने १३ जना गौरिटार आइसोलेसन वार्डमा छन् । मकवानपुर जिल्लामा कोरोना भाइरस संक्रमित ५ सयजना होम आइसोलेसनमा छन् ।
मकवानपुरमा लकडाउन हुन सक्ने
मकवानपुरमा काेराेना संक्रमितकाे सक्रिय संख्या ५ सय नाघेसँगै लकडाउन हुनसक्ने सम्भावना रहेकाे छ । मकवानपुरकाका प्रमुख जिल्ला अधिकारी भरतमणि पाण्डेले जिल्लामा सक्रिय संक्रमित ५ सय नाघेपछि संक्रमण बढ्न नदिन लकडाउन जारी गरिने यस अघी नै बताउँदै आएका छन् । सरकारले समेत संक्रिय संक्रमित ५०० नाघे निशेधाज्ञा वा लकडाउन अवस्था हेरेर लगाउन प्रमुख जिल्ला अधिकारीलाइ दिएकाे छ ।
मकवानपुरमा शुक्रबार राती अबेरकाे रिपाेर्टमा कोरोना संक्रमितको संख्या १ सय ७७ जना थपिएका छन् । काेराेना संक्रमण तिब्र रुपमामा बढ्दै गएकोले शनिवारबाट मकवानपुरमा मिनी लकडाउन नै भएकाे छ । शनिबार बेलुकासम्म संक्रमण जोखिमलाई मध्यजनर गर्दै संक्रमण बढ्न नदिन लकडाउन घोषणा गर्न सक्ने जनाइएकाे छ ।
मकवानपुर । हेटाैडामा बैसाख १८ गते शनिबारदेखी मिनि लकडाउन हुने भएको छ । काेराेना संक्रमण दिनदिनै बढ्दै गएकाेले हेटाैडा उपमहानगरपालिका क्षेत्रमा रहेका सम्पूर्ण होटल, लज, रेष्टुरेन्ट, मिठाई पसल, चिया पसलहरू बन्द गर्ने जिल्ला कोभिड १९ संकट व्यवस्थापन केन्द्र (डीसीएमसी) मकवानपुरले निर्णय गरेकाे हाे ।
होटल, लज, रेष्टुरेन्ट तथा चिया पसलहरूमा मानिसहरूको भिडभाड देखिएकोले कोभिड १९ संक्रमण फैलिनसक्ने जोखिमलाई मध्यनजर गर्दै शनिबारदेखि लागू हुने गरी हेटौडा उपमहानगरपालिका क्षेत्रमा मिनि लकडाउन गर्ने निर्णय भएको हाे । तर, टेकअवे र होमडेलिभरी सेवा विहान १० बजेदेखि बेलुकी ६ बजेसम्म गर्न सकिने निर्णय गरिएको छ।
शुक्रबार बसेको केन्द्रकाे बैठकले थाहा नगरकाे शिखरकाेट स्थित मालपोत कार्यालय र नापी कार्यालयमा सेवाग्राहीहरूको अत्यधिक भिडभाडका कारण कोभिड १९ संक्रमण फैलिनसक्ने उच्च जोखिम देखिएको हुँदा सो कार्यालयहरूले आन्तरिक कार्य बाहेक अन्य सबै प्रकारका सेवाहरू बन्द गर्ने निर्णय समेत गरेकाे छ ।
हेटौडास्थित सम्पूर्ण निजी अस्पतालहरूले आआफ्नो अस्पताल परिसरमा ज्वरो क्लिनिक सञ्चालन गर्नु पर्ने र हेटौडा अस्पतालसँग समन्वय गरी आवश्यक पर्ने स्वास्थ्यकर्मीहरू आलोपालो उपलब्ध गराउनु पर्ने निर्णय समेत डीसीएमसीले गरेकाे छ । साथै, आफ्नो अस्पतालमा निश्चित बेड कोभिड संक्रमितको उपचारका निम्ति छुट्याई संक्रमितका लागि सेवा प्रारम्भ गर्ने समेत निर्णय भएको छ ।
हेटौडा बजार क्षेत्रमा मानिसहरूको भिडभाडलाई नियन्त्रण एवं व्यवस्थापन गर्दै कोभिड १९ संक्रमणको जोखिमलाई न्यूनीकरण गर्न दिन तोकी आलोपालो गरी विहान १० बजेदेखि बेलुकी ६ बजेसम्म मात्र व्यसायहरू सञ्चालन गर्ने व्यवस्था मकवानपुर उद्योग वाणिज्य संघले मिलाउने गरी निर्णय भएको छ ।
यस्तै बैठकबाट हेटौडा औद्योगिक क्षेत्रमा सञ्चालित उद्योगहरूले उद्योगमा कार्यरत मजदुर तथा श्रमिकहरूलाई उद्योग परिसर भित्रै राखी बाहिर आवत जावतमा हुन नदिने गरी उद्योग सञ्चालन गर्ने व्यवस्था मिलाउनु पर्ने भएकाे छ ।
हेटौडा उपमहानगरपालिका वडा नं ६ स्थित गौरिटार रंगशालामा हेटौडा उपमहानगरपालिकाले हाल २० बेड क्षमताको अक्सिजन सहितको आईसोलेसन सेन्टर सञ्चालन गरेकाेमा पछिल्लो समय मकवानपुर जिल्लामा कोभिड १९ संक्रमितहरूको संख्या बढ्दै गइरहेकोले आईसोलेसन सेन्टरको क्षमतालाई विस्तार गरी अक्सिजन सहितको २ सय बेड पुर्याउन आवश्यक पर्ने स्वास्थ्य सामग्रीलगायत अन्य सामग्रीहरूको व्यवस्थाका लागि सामाजिक विकास मन्त्रालय, बागमती प्रदेश, हेटौडालाई अनुरोध गर्ने समेत निर्णय डीसीएमसीले गरेकाे छ ।

मकवानपुर । मकवानपुरमा थप ४८ जनामा कोरोना भाइरस संक्रमण पुष्टि भएको छ । विहीबार ७० जनाको पीसीअार परीक्षणमा ३२ जना र ५५ जनाको एन्टीजेन परीक्षण गर्दा १६ जनामा कोरोना संक्रमण पुष्टि भएको जिल्ला जनस्वास्थ्य कार्यलय मकवानपुरले जनाएको छ ।
पीसीअार परीक्षणबाट काेराेना पुष्टि हुनेमा २७ जना हेटौंडा उपमहानगरपालिकाका, ४ जना मकवानपुरगढीका र १ जना मनहरी गाउँपालिकाका रहेका छन् । यसैगरी एन्टीजेन परीक्षण काेराेना पुष्टि हुनेमा ८ जना मनहरी गाउँपालिकाका, ७ जना थाहा नगरपालिकाका र १ जना हेटौंडा उपमहानगरपालिका रहेका छन् । यो संगै मकवानपुरमा सक्रिय संक्रमितको संखया ३ सय २५ जना पुगेका छन् ।
नेपालमा थप ४ हजार ९ सय २८ जनामा कोरोना भाइरस संक्रमण पुष्टि
यसैगरी नेपालमा थप ४ हजार ९ सय २८ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ । मन्त्रालयका अनुसार बिहीवार १३ हजार ५ सय ६० जनाको परीक्षण गर्दा पीसीआरबाट ४ हजार ८ सय ३१ र एन्टिजेनबाट ९७ जनामा कोरोना पुष्टि भएको हाे ।
योसँगै हालसम्म नेपालमा संक्रमितको संख्या ३ लाख १७ हजार ५सय ३० पुगेको छ । जसमध्ये २ लाख ८० हजार १ सय ६७ संक्रमित निको भइसकेका छन् । पछिल्लो २४ घण्टामा थप ८ सय ८८ संक्रमित निको भएका छन् । बिहीवार देशभर सक्रिय संक्रमितको संख्या ३४ हजार १ सय १७ रहेको मन्त्रालयले जनाएको छ ।
कोरोनाले थप ३५ जनाको मृत्यु भएको छ । यससँगै मृत्यु हुनेको संख्या ३ हजार २ सय ४६ पुगेको मन्त्रालयले जनाएको छ ।
मकवानपुर । नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानकाे साना तथा साना तथा मझौला उद्योग तथा हस्ताकला विषयगत समितिको विज्ञमा हेटाैडाका अर्जुन चौलागाई मनाेनयन भएका छन् ।
नेपाली कांग्रेसको विधान, २०७ (संशोधन सहित) को ३६ (१) (ङ) अनुसार नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानमा भद्रा भण्डारी संयोजक रहनु भएको उक्त समितिको विज्ञका रुपमा चौलागाईलाई नियुक्त गरिएकाे हाे ।
२०७७ फागुन १ गतेकाे नियुक्ती पत्रमा भनिएकाे छ ‘प्रतिष्ठान प्रमुख, कार्यकारी निर्देशक, नीति निर्देशक तथा विषय संयोजकको समन्वयमा रही सम्बन्धित विषयमा पार्टीको नीति निर्माणमा सहयोग पु–याउनु हुनेछ भन्ने विश्वासका साथ नियुक्त हुनु भएकोमा बधाई छ ।’
शिक्षण पेशाबाट निवृत्त चाैलागाई हाल हेटाैडा उपमहानगरपालिका वडा नम्बर ६ काे निर्वाचित वडा अध्यक्ष हुन् । उनले नेपाली काँग्रेस सम्बन्ध अन्य सघ संस्थामा समेत रही यस अघी कार्य गरिसकेका छन् ।

लागूऔषध गाँजा ३४ किलोसहित १ जना पक्राउ
Tags: No Comments
मकवानपुर । मकवानपुर प्रहरीले लागूऔषध गाँजासहित १ जनालाई पक्राउ गरेको छ । जिल्ला प्रहरी कार्यालय मकवानपुरले गाँजा ३४ किलाेसहित पर्साको बिन्दावासिनी गाउँपालिका ३ बस्ने २९ वर्षीय रबिन्द्र उपाध्यायलाई पक्राउ गरेकाे हाे ।
जिल्ला प्रहरी कार्यालय मकवानपुरका प्रहरी निरीक्षक अविनाश अधिकारीका अनुसार, उपाध्यायलाई विशेष सूचनाको आधारमा प्रहरी चौकी भैंसे मकवानपुरबाट प्रहरी सहायक निरीक्षक प्रभु राउत कुर्मीको कमाण्डमा खटिएको प्रहरी चेकीङ टोलीले विहीबार बैशाख १६ गते दिउँसो पक्राउ गरिएकाे हाे । उपाध्यायलाई भीमफेदी गाउँपालिका १ सुन्दरीमाईस्थित राप्तीखोलाको बगरबाट उक्त परिणामको लागूऔषधसहित पक्राउ गरिएकाे अधिकारीले बताए ।
मकवानपुर प्रहरीका अनुसार पालुङगबाट हेटौँडातर्फ आउदैं गरेको ना १ ज ४७३३ नम्वरको सुमो भीमफेदी–२ मा रोकी चेकजाच गर्न खाेज्दा नरोकी तीब्र गतिमा भागेकोले उक्त सुमोको पिछा गर्दै भीमफेदी–१ सुन्दरीमाईस्थित राप्तीखोलाको बगरमा फेला पारेको हाे । सुमाे फेलापारी चेकजाच गर्दा उक्त परिणामको लागूऔषध बरामद भएपछि निजलाई पक्राउ गरेको जिल्ला प्रहरी कार्यालय मकवानपुरले जनाएको छ ।
उक्त सुमो र गाँजासहित पक्राउ परेका उनीमाथि आवश्यक अनुसन्धानका साथै कानूनी कारबाही अगाडि बढाइएको जनाएको छ ।