मकवानपुर । हेटाैडामा सुरक्षित वैदेशिक रोजगारी सम्बन्धि अन्तरक्रिया कार्यक्रम भएकाे छ । वैदेशिक रोजगारलाई सुरक्षित, शोषणमुक्त गराउने उदेश्यका साथ सुरक्षित वैदेशिक रोजगारी सम्बन्धि अन्तरक्रिया कार्यक्रम भएको हाे ।
सुरक्षित वैदेशिक रोजगारी सम्बन्धि प्रहरी संग एक दिने अन्तरक्रिया कार्यक्रममा वैदेशिक रोजगारी अवस्था, संसोधित वैदेशिक रोजगारी ऐनमा प्रमुख जिल्ला अधिकारिको भूमिका र आप्रवासी श्रोत केन्द्र सँगको सहकार्य विषयमा जिल्ला प्रशासन कार्यालय मकवानपुरका प्रमुख भरतमणी पाण्डेले प्रस्तुतीकरण गरेका थिए ।
त्यसैगरी कार्यक्रममा जिल्ला प्रहरी उपरीक्षक सोमेन्द्र सिंह राठौरले वैदेशिक रोजगारी सम्बन्धि न्यूनीकरणमा प्रहरीको भूमिका सम्बन्धि जानकारी गराएका थिए । सामी परियोजना हेल्भेटासका कार्यक्रम अधिकृत उमा पौडेलले सामी परियोजनाको बारेमा जानकारी गराएकी थिईन् । त्यसैगरि कार्यक्रम संयोजक अन्जिता थापा मगरले आप्रवासी श्रोत केन्द्रले प्रदान गर्दै आएको सेवा, केन्द्रमा आएका समस्या र न्यायको सहजीकरण सम्बन्धि जानकारी गराएकी थिईन् ।
आप्रवासी श्रोत केन्द्र वैदेशिक रोजगार सम्बन्धि आएका समस्याहरु सिफारिस समाधानको लागि सहजीकरण र फलोअपलाई निरन्तरता दिने, जिल्ला प्रहरी संग प्रभावकारी समन्वय गर्ने , जिल्ला प्रशासन कार्यलय जिल्ला प्रहरी कार्यालय तथा न्यायिक समितिमा आएका वैदेशिक रोजगारका समस्याहरु छलफल तथा सहजीकरणको लागि आप्रवासी श्रोत केन्द्रमा सिफारिस गर्ने निर्णय भएको छ ।
जिल्लामा जिल्ला प्रशासन कार्यालयमा रहेको आप्रवासी श्रोत केन्द्रले सहि सूचना दिने, निःशुल्क सीप र न्यायको पहुँचका लागि सहजीकरण गर्ने गर्दै आएको छ । साथै चार वटा स्थानीय तह , हेटौंडा उपमहानगरपालिका , थाहा नगरपालिका , मनहरी गाउपालिका र बकैया गाउपालिकामा वैदेशिक रोजगारीमा रहेका ब्यक्तिको परिवारका सदस्यका लागि बित्तीय साक्षरता कक्ष , मनो सामाजिक परामर्श सेवा र रिटर्नी स्वयंसेवक परिचालन मार्फत सचेतनामुलक कार्यक्रम संचालन हुँदै आएको छ ।
हेटौंडा उपमहानगरपालिका उपप्रमुख तथा न्यायिक समितिका संयोजक मिना लामाको प्रमुख आतिथ्यतामा एकीकृत ग्रामीण बिकास सेवाको अध्यक्ष सीता बिष्ट अध्यक्षतामा भएको कार्यक्रममा राष्टिय अनुसन्धान कार्यालयका पप्पु शर्मा पौडेल, हेटौंडा उपमहानगरपालिकाको सामाजिक विकास महाशाखा प्रमुख बिष्णु कुमारी लामिछाने, आइभिडियसका सचिव मीनराज पौडेल, जिल्ला प्रशासन र जिल्ला प्रहरीका मुद्दा शाखाका प्रतिनिधिहरु लगायतकाको उपस्थिति रहेको थियो ।
मकवानपुर । नेपाली कांग्रेस मकवानपुरका युवा नेता गंगाप्रसाद पौडेलले पार्टीको नगर अधिवेृशनमा सचिव पदमा उम्मेदवारी दिने घाेषणा गरेका छन् । पार्टीकाे १४ औं महाधिवेशन अन्तरगत असोज ९ गते शनिबार हुने नगर अधिवेशनमा पाैडेलले सचिव पदमा उम्मेदवारी घोषणा गरेका हुन् ।
असाेज ७ गते विहीबार कार्यकर्तासँगकाे भेटघाटमा पाैडेलले सचिव पदमा उमेदवारी दिने घोषणा गरेका हुन् । कांग्रेसलाई सबल र सक्षम र बैचारिक रुपमा समृद्ध बनाउन आफ्नो उम्मेदवारी रहेको पौडेलले बताएका छन् । अग्रजहरुलाई सम्मान गर्दै युवा जोश जाँगरको समूचित प्रयोग गरी कांग्रेसको संगठन चुस्त दुरुस्त बनाउने याेजना रहेकाे समेत कार्यकर्ता भेटघाटकाे क्रममा बताए ।
पार्टी भित्रको गुट उपगुटलाई राजनीतिक तरिकारले व्यवस्थापन गरी हेटौंडा उपमहानगरमा कांग्रेसको भातृ एवम् सुभेच्छुक संगठनलाई मजबुद बनाउनका लागि आफ्नो उम्मेदवारी रहेको पौडेलले जानकारी दिए।
’आउँदाे स्थानीय तहको निर्वाचनमा उपमहानगरपालिकामा कांग्रेसका उमेदवारहरुले जित्ने सांगठनिक आधार तयार पार्न आवश्यक देखिएको छ’ पाैडेलले भने ‘सहमति, सहकार्य र एकताको माध्यमबाट पार्टी संगठनमा क्षमतावान व्यक्तिलाई अगाडि बढाउन र पार्टीमा सामूहिक भावनाको विकास गर्न लागि पर्नु पर्छ ।
२०४२ साल चैत २२ गते रामेछापमा जन्मिएका उनी २०५३ सालमा हेटौंडा आए । २०५७ सालमा हेटौंडा ८ स्थित चन्द्रोदय माविमा अध्ययनरत छँदा उनी कांग्रेस निकट विद्यार्थी संगठन नेपाल विद्यार्थी संघ (नेवि संघ) मा आवद्ध थिए । २०५९ मा मकवानपुर बहुमुखी क्याम्पसको नेविसंघ इकाई सभापति भएका पौडेल २०६२ मा नेविसंघ मकवानपुरको सचिव चुनिए ।
नेपाली कांग्रेसको १४ औं महाधिवेशनमा हेटौडाउपमहानगरपालीकाबाट ” नगर सचिव ” हुने इच्छा राखेको छु। हजुरहरुको पुर्ण साथ,सहयोग, समर्थन सहित मत पाउने अपेक्षा र विसश्वास गरेको छु उनले फेसबुक पेजमा समेत लेखेका छन् ।
प्रेस युनियनलगायतका अन्य सुभेच्छुक संस्थाहरुमा पनि पौडेल आवद्ध छन् । लामो समय कार्यकारी पद बिहिन भएर पनि कांग्रेसको राजनीतिमा सक्रिय रहँदै आएका पौडेल अवसर पाए पार्टी र जनताको हितका लागि थुप्रै काम गर्ने बताउँछन् ।
आन्तरिक बेचबिखन मुख्य चुनौती
Tags: No Comments
मकवानपुर /प्रत्येक बर्ष ७ हजार नेपाली महिला तथा बालबालिकाहरू देह व्यापारको लागि बेचबिखन हुने गरेको माइती नेपाल मकवानपुरले जनाएको छ । दक्षिण यसियामा मात्रै बार्षिक डेढलाख महिला तथा बालबालिका बेचबिखनमा पर्ने गरेको संस्थाले जनाएको छ ।
पहिले भारतमा मात्रै बेचबिखन हुने गरेकोमा अहिले विभिन्न मुलुकमा र देशभित्र नै पनि बेचबिखन हुने गरेको माइती नेपाल रोकथाम गृह मकवानपुर प्रमुख माया लामाले बताइन् । बेचबिखनको बदलिँदो स्वरूपले रोकथाममा चुनौती बढिरहेको लामाले बताइन् ।
माइती नेपाल रोकथाम गृहको आयोजनामा हेटौंडामा आयोजित यातायात र होटल व्यवसायीसँग मानव बेचबिखन तथा ओसारपसार विरुद्ध अन्तरक्रिया कार्यक्रममा यो तथ्यांक सार्वजनिक गरिएको हो ।
कार्यक्रममा सुनगाभा गेष्टका सन्चालक तथा होटल व्यवसायी संघ मकवानपुर अध्यक्ष शंकरलाल श्रेष्ठले मोबाइलको कारण बिचबिखन रोकथाममा चुनौती भएको बताए । होटलमा श्रीमान् श्रीमती भनेर आउनेलाई शंका गर्नुपर्ने अठ्फ्यारो अवस्था आईलागेको उनले बताए । प्रहरीले होटल व्यवसायीलाई अनावश्यक झमेला दिने गरेको प्रसङ्ग जोड्दै उनले वैदेशिक रोजगारको कारण पनि बिचबिखन बढिरहेको बताए । “समाज लिभिङ टुगेदरको स्टेजमा प्रवेश गरिसक्यो कानुनी १९ औं शताब्दी कै छ, यसले पनि चुनौती दिएको छ” उनले भने “रेडलाईन एरियाको कुरा गर्दा अश्लील भनिएला तर यो आवश्यकता देखिएको छ ।”
सामाजिक सन्जालबाट धेरै सकारात्मक फाइदा भए पनि यसको दुरुपयोगले बेचबिखन बढिरहेको माइती नेपाल मकवानपुर प्रमुख लामाले बताइन् ।
यातायात व्यवसायी र होटल व्यवसायीको राम्रो साथ र सहकार्य भएमा बेचबिखन रोकथाममा अपेक्षित सफलता हासिल गर्न सकिने लामाले बताइन् ।
कार्यक्रम नारायणी यातायात ब्यवसायी संघ सदस्य रामचन्द्र बर्तौलाले यातायातको प्रयोग गरि एक ठाउँबाट अर्को ठाउँमा जांदैगर्दा बेचबिखनको शंका लागेमा सम्बन्धित निकायलाई खबर गर्न यातायात व्यवसायीहरू सधै तयार रहेको बताए । कार्यक्रम मानव बेचबिखनको अवस्था संभावना तथा कानुनी प्रावधान बारे जानकारी गराईएको माइती नेपाल मकवानपुर फिल्ड सुपरभाइजर मन लामाले बताइन् ।

वनकरियालाइ परिचयपत्रः मकवानपुरको मनहरी गाउँपालिका–४ स्थित लोपोन्मुख वनकरिया समुदायले राष्ट्रिय परिचयपत्र बनाउन थालेका छन् । गाउँपालिकाले स्थानीय पशुपति माध्यमिक विद्यालयमा शिविर सञ्चालन गरेपछि बनकरिया समुदाय खुसी हुदै शिविरमा परिचयपत्रकाे लागि आउँन थालेका छन् । राष्ट्रिय परिचयपत्र बनाउन पाएकोमा निकै खुशी लागेको पूजा वनकरियाले बताउँइन् ।
मकवानपुर । हेटाैडामा बुधबार ५ जना नेपाली काँग्रेसमा प्रवेश गरेका छन् । काग्रेस प्रवेश गर्नेहरुमा नेकपा एमालेका नगर सचिवालय सदस्यसहित ५ जना रहेकाे नेपाली कांग्रेस मकवानपुरले जनाएकाे छ ।
कांग्रेस प्रवेश गर्नेहरुमा एमाले नगर सचिवालय सदस्य एवं हेटौंडा–६ का सह–इन्चार्ज जयराम घिमिरे, नेकपा माओवादी केन्द्रबाट मनहरी गौतम, पारस गौतम, पाष्टर प्रेम हुँमागाई र बिवामाया रहेका छन् । उनीहरुलाई नेपाली कांग्रेस मकवानपुरका सभापती इन्द्रबहादुर बानियाँले पार्टीको सदस्य प्रदान गरेका हुन् ।
पार्टी प्रवेशकाे अवसरमा घिमिरेले एमालेको अहिलेको क्रियाकलापले जनता आजित भएको र अब कांग्रेसबाट मात्रै विकास र स्थिरता सम्भव भएको बताए । उनले कम्युनिष्टमा कार्यकर्ता र जनताको समस्या बुझ्ने भावना समाप्त भएको र स्वेच्छाचारिता बढेकाले समाजसेवामा होमिन कांग्रेस रोजेको बताए ।
कार्यक्रममा नेपाली कांग्रेस मकवानपुरका जिल्ला सहसचिव रामबाबु बानियाँ, जिल्ला सदस्य अर्जुन प्रसाद दाहाल, दोर्जे लामा स्याङतान्, क्षेत्रीय सचिव सुवातसिं थिङ, हेटौंडा–६ का वडा अध्यक्ष अर्जुन प्रसाद चौलागाई, हेटौंडा १७ का वडा सभापति नवराज न्यौपाने, हेटौंडा–६ का वडा सदस्य राजकुमार बास्तोला लगायतका नेता कार्यकर्ताहरुको उपस्थिति रहेको थियो ।