मकवानपुर । मकवानपुरको मनहरी गाउँपालिका वडा नम्बर १ मा नेपाली काँग्रेस विजयी भएको छ ।
गाउँपालिकाको १ नम्बर वडा अध्यक्षमा काँग्रेसका शिव प्रसाद खनाल १ हजार ९७ मत प्राप्त गरी विजयी भएका हुन् । उनका निकटतम प्रतिस्पर्धी नेकपा एमालेका उम्मेद्वार भिमसेन अधिकारीले ३ सय ९० मत पाएका थिए भने समाजबादी र माओबादीको गठबन्धनले ३ सय १० मत पाएका थिए ।
त्यस्तै वडा सदस्यहरुमा नेपाली काँग्रेसकै दिपक ढकाल,सानोकान्छा घलान,सेती माया तामाङ,सावित्री घिमीरे बिजयी भएका छन । उक्त वडामा जम्मा १ हजार ७ सय मत खसेको थियो ।
मकवानपुर । मकवानपुरगढी गाउँपालिकामा मगणनाको क्रममा विवाद भएको छ । मतगणनाको क्रममा विवाद भएपछि तत्कालका लागि मतगणना स्थगित गरिएको छ ।
सर्वदलिय वैठकको क्रममा मतगणना सुरु हुनु अघि गाउँपालिकाका कर्मचारी जिन्सी शाखा प्रमुख युवराज पौडेललाई मतगणनामा सहभागी नगराइने सहमति भएको थियो । तर उनलाई मतगणनाको क्रममा चेकजाँच नगरी भित्र पठाएको भन्दै बिरोध भएपछि विवाद सुरू भएको हो ।
अहिले मत गणना रोकिएको छ । अहिलेसम्म गाउँपालिका–१ र ८ को मतगणनामा गठबन्धन अगाडि देखिएको छ । गठबन्धनलाई एमालेले पछ्याउदै आएको छ । १ नम्बरको सय मत र वडा नम्बर ८ को २ सय मत गणना हुँदा गाउँपालिका अध्यक्षमा गठबन्धनबाट नेपाली कांग्रेसका दोर्जे लामा स्याङतानले १ सय ७४ मत प्राप्त गरेका छन् ।
यसैगरी अध्यक्षका अर्का उम्मेदवार एमालेका विदुर हुमागाईंले ९० मत प्राप्त गरेका छन् । गाउँपालिका उपाध्यक्षमा गठबन्धनबाट माओवादी केन्द्रकी मानकुमारी पाख्रिन नेपालीले १ सय ५१ मत प्राप्त गरेकी छन्। उनलाई पछ्याउँदै एमालेकी सन्तु थिङले ८९ मत प्राप्त गरेकी छ । मतगणनास्थलमा पत्रकार समेतलाई समेत प्रवेश निषेध गरिएकोले मतगणनास्थल बाहिर भएका स्थानीयबाट बिरोध भईरहेको छ ।
मकवानपुर । मकवानपुरको इन्द्रसरोबर गाउँपालिकामा हालसम्मकाे मत गणना अनुसार कांग्रेसले अग्रता लिएकाे छ । गाउँपालिकाकाे वडा नंबर १ को मत गणना हुँदा नेपाली कांग्रेसले अध्यक्ष तथा उपाध्यक्षमा अग्रता कायम राखेको छ ।
१ हजार ६ सय ९२ मत गणना हुँदा अध्यक्षमा नेपाली कांग्रेसका विश्व लामाले ७ सय ४४ मत प्राप्त गरेका छन् भने एमालेका देबकृष्ण पुडासैनीले ६ सय ७४ मत प्राप्त गरेका छन् । यस्तै जनता समाजवादीका देबकुमार लामाले १६ मत ल्याउँदा निर्वतमान गाउँपालिका अध्यक्ष समेत रहेका एकिकृत समाजवादीका जीवन लामाले १२ मत प्राप्त गरेका छन् ।
मकवानपुर । मकवानपुरको मनहरीमा गठबन्धन दोब्बरभन्दा बढि मतले अगाडि छ । मनहरी–१ को १ हजार १ सय ८४ मत गणना हुँदा गठबन्धनको उम्मेदवारले अग्रता फराकिलो पारेको हो ।
मनहरीमा गठबन्धनको तर्फबाट कांग्रेसका उम्मेदवारले प्रमुखमा ६ सय ९६ मत ल्याउँदा एमालेले ३ सय २४ मत प्राप्त गरेको छ । उपप्रमुखमा माओवादीले ३ सय २६ मत ल्याएको छ । एमालेले उपप्रमुखमा २ सय ७२ र नेकपा एसले २ सय १८ मत ल्याएको छ । वडा अध्यक्षमा कांग्रेस जिततर्फ उन्मुख भएको छ । कांग्रेसले वडा अध्यक्षमा ७ सय ७१, एमालेले २ सय ७६ मत ल्याएको छ । चारवटै वडा सदस्यमा कांग्रेसले अग्रता लिएको छ ।
यसैगरी मकवानपुर भिमफेदी गाउँपालिकामा पनि गठबन्धनले अग्रता लिएको छ । पहिलो चरणमा ८ सय मत गणना हुँदा गठबन्धनका तर्फबाट साझा उम्मेदवार माओवादी केन्द्रका बद्रीबहादुर स्याङ्तानले मतगणनामा ४ सय ५ मत ल्याएका छन् ।
उनका प्रतिद्वन्द्वी एमालेका हिदम लामाले ३ सय १५ मत ल्याएका छन् । यस्तै उपाध्यक्षमा गठबन्धनका तर्फबाट उपमेयरमा कांग्रेस उम्मेदवार सञ्जीव श्रेष्ठले ४ सय ११ मत ल्याएका छन् । एमालेकी पार्वती रानाले ३ सय १५ मत ल्याएकी छन् । हाल वडा नम्बर १ र २ को मतगणना भइरहेको छ ।
मकवानपुर । मकवानपुरको इन्द्रसरोबरबाट कांग्रेसले विजयी सुरुवात गरेकाे छ । गाउँपालिकाकाे वडा नम्बर १ मा कांग्रेसको प्यानल नै विजयी भएको हाे ।
कांग्रेसको तर्फबाट वडा अध्यक्षमा विजयी भएका सुवास थापाले ७ सय ४४ मत ल्याएका छन् । अध्यक्षका प्रत्याशी नेकपा एमालेका राजु बस्नेतले ५ सय ९४ मत प्राप्त गर्दा १ सय ५९ मतान्तरले थापा विजयी भएका हुन् । वडामा १६ सय ९३ मत खसेको थियो ।
यस्तै वडा सदस्यहरुमा नेपाली काँग्रेसका तर्फबाट मनकृष्ण थापामगर,बुद्ध घिसिग,गोमा लामा बिजयी भएका छन् । यस अघी नै दलित महिला सदस्य तर्फ नेकपा एमालेका तर्फबाट लक्ष्मी दमाई सर्बसम्मत भएकी थिईन । २०७४ सालको स्थानीय तह निर्वाचनमा पनि यस वडामा कांग्रेस विजयी भएको थियो ।