मकवानपुर । मकवानपुरगढी जेसिजको तेस्रो पदस्थापना तथा पुरस्कार वतिरण कार्यक्रम बुधबार गरिएको छ । नेपाल जेसिज वर्ष २०२६ का अध्यक्ष जीवन कार्कीको उपस्थितीमा मकवानपुरगढी जेसिज वर्ष २०२६ को लागि अध्यक्ष इरोज न्यौपानेले पदस्थापना तथा सपथ ग्रहण गरेका हुन् ।
कार्यक्रममा नेपाल जेसिजका अध्यक्ष कार्कीले नेतृत्व र व्यक्तित्व विकासमा जेसिजको भूमिका महत्त्वपूर्ण रहने बताए । नयाँ सोच नयाँ दृष्टकिोण र कल्पनाले समाजलाई सकारात्मक बनाउने भएकोले सही मार्गमा युवाको लगाव राख्न उनले आग्रह गरे । ‘समाजको अपेक्षा भरोसा अनुसार काम गर्नुस’ उनले भने । सामाजिक काम मार्फत आफ्नो शाखालाई उत्कृष्ट बनाउन उनले आग्रह गरे ।
कार्यक्रममा मकवानपुरगढी जेसिजलाई मातृत्व प्रदान गर्ने पालुङ जेसिज बर्ष २०२५ का अध्यक्ष माधव कार्की, हेटौंडा जेसिज बर्ष २०२६ का अध्यक्ष सन्तोष पराजुली, पत्रकारमसंघ मकवानपुर अध्यक्ष बालकृष्ण अधिकारी समेतको उपस्थति रहेको थियो । मकवानपुरगढी जेसिजको बर्ष २०२६ को लागि कार्याकारीणी उपाध्यक्षहरू सुजन सापकोटा र सुबास अधकिारी, उपाध्यक्षहरू किरण खनाल, पुष्कर बहादुर घिमिरे, नश्चिल चौलागाईं र बिनम्र अधकिारी चयन भएका छन् ।
यसैगरी महासचिव सुनिल पाख्रिन, कानुन सल्लाहकार रोहित पुडासैनी, कोषाध्यक्ष सन्तोष न्यौपाने चयन भएको मकवानपुरगढी जेसिजका संस्थापक अध्यक्ष पुष्पराज पुडासैनीले बताए ।
पत्रकार दाहाल सम्मानित
जेसिजको पदस्थापना तथा पुरस्कार वतिरण कार्यक्रममा पत्रकार सरिता दाहाललाई नगद सहित सम्मान प्रदान गरएिको छ । संस्थापन अध्यक्ष पुडासैनीको हजुरबुबाको नाममा स्थापित स्वर्गीय बुद्धप्रिसाद पुडासैनी स्मृती पत्रकारित पुरस्कार दाहाललाई प्रदान गरएिको हो ।
नेपाल जेसिजका अध्यक्ष जीवन कार्की, मकवानपुरगढी जेसिजका संस्थापक अध्यक्ष पुष्पराज पुडासैनीलगायतले पुरस्कार तथा सम्मान प्रदान गरेका हुन् । २०६० सालदेखी पत्रकारतिामा संलग्न दाहाल हाल राजधानी राष्ट्रयि दैनिक, सहीखबर डटकम तथा सहीखबर साप्ताहकिमा आबद्ध छिन् ।मकवानपुरगढी पत्रकार समाजको संस्थापक अध्यक्ष समेत रहेकी दाहाल हाल प्रेस चौतारी मकवानपुर अध्यक्ष हुन ।
मकवानपुर । २१ फागुनकाे लागि ताेकिएकाे निर्वाचनमा मकवानपुर जिल्लाबाट ४४ जनाले उम्मेदवारी दर्ता गराएका छन् । निर्वाचन आयोगले मंगलबारकाे लागि ताेकेकाे उम्मेदवार मनोनयनकाे कार्यताललिका अनुसार जिल्लामा क्रियाशील दल तथा स्वतन्त्र गरी ४४ जनाले उम्मेदवारी दर्ता गराएका हुन् ।
मुख्य निर्वाचन अधिकृतकाे कार्यालयका अनुसार दलहरुकाे तर्फबाट २९ जना तथा स्वतन्त्र तर्फ १५ जनाले उम्मेदवारी दिएका हुन् । २ वटा संघीय निर्वाचन रहेकाे जिल्लाकाे क्षेत्र नम्बर १ मा २३ जनाकाे उम्मेदवारी दर्ता भएकाे छ । जसमा १३ जना दलहरुकाे प्रतिनिधित्व गर्दै चुनावी प्रतिष्पर्धाकाे लागि मनोनयन दर्ता गराएका हुन भने १० जनाले स्वतन्त्र तर्फ उम्मेदवारी दर्ता गराएका छन् । यस्तै क्षेत्र नम्बर २ मा १६ जनाले पार्टीकाे प्रतिनिधित्व गर्दै मनोनयन दर्ता गराउँदा ५ जनाले स्वतन्त्र तर्फ उम्मेदवारी दर्ता गराएकाे मुख्य निर्वाचन अधिकृतकाे कार्यालयले जनाएकाे छ ।
कार्यालयका अनुसार नेकपा एमाले, नेपाली काँग्रेस, नेपाली कम्युनिष्ट पार्टी (नेकपा), राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा), प्रगतिशील लोकतान्त्रिक पार्टी (प्रलोपा), श्रम संस्कृति पार्टी, नेपाल मजदुर किसान पार्टी, राष्ट्रिय जनमोर्चा, नेपाल कम्युनिष्ट पार्टी (माओवादी) मंगोल नेशनल अर्गनाइजेशन जनता समाजवादी पार्टी संयुक्त नागरिक पार्टी आम जनता पार्टी नेशनल रिपब्लिक पार्टी जिल्लाकाे दुवै क्षेत्रमा उम्मेदवारी दिएका छन् ।
ककस्ले गराए उम्मेदवारी
नेकपा एमालेबाट मकवानपुर क्षेत्र नम्बर १ मा रामेश्वर रानाले मनोनयन दर्ता गराएका छन् । एमालेबाटै जिल्लाकाे क्षेत्र नम्बर २ मा पुर्व सांसद महेश बर्तौलाले उम्मेदवारी दर्ता गराए । यस्तै नेपाली काँग्रेसबाट जिल्लाकाे क्षेत्र नम्बर १ मा नेपाली कांग्रेसकी पूर्व सह–महामन्त्री महालक्ष्मी उपाध्याय ‘डिना’ ले उम्मेदवारी दर्ता गराएकी छन्। यस्तै क्षेत्र नम्बर २ मा कांग्रेस मकवानपुरका सभापति बुद्ध लामाले उम्मेदवारी दर्ता गराएका छन्।
नेपाली कम्युनिष्ट पार्टी(नेकपा) काे तर्फबाट क्षेत्र नम्बर १ मा विजय गौतमले उम्मेदवारी दर्ता गराएका छन् । यस्तै क्षेत्र नम्बर २ मा लवशेर विष्टले उम्मेदवारी दिएका छन् । यसैगरी राष्ट्रिय प्रजातन्त्र पार्टीे राप्रपाका दिपक बहादुर सिंहले क्षेत्र नम्बर १ मा उम्मेदवारी दर्ता गराउँदा साेही पार्टीका राम बहादुर थोकर ले क्षेत्र नम्बर २ बाट उम्मेदवारी दिएका छन् ।
राष्ट्रिय स्वतन्त्र पार्टी (रास्वपा) बाट मकवानपुर क्षेत्र नम्बर–१ मा प्रकाश गौतमले उम्मेदवारी दर्ता गराए भने साेही पार्टीबाट क्षेत्र नम्बर २ मा प्रशान्त उप्रेतीले उम्मेदवारी दर्ता गराएका छन् । यस्तै प्रगतिशील लोकतान्त्रिक पार्टी (प्रलोपा) बाट मकवानपुर क्षेत्र नम्बर १ मा तेज प्रसाद उप्रेती (रमेश) ले उम्मेदवारी दर्ता गराएका छन् । साेही पार्टीले क्षेत्र नम्बर २ मा सन्तोष विष्टले उम्मेदवारी दर्ता गराएका छन् ।
यसैगरी श्रम संस्कृति पार्टीबाट जिल्लाकाे निर्वाचन क्षेत्र नम्बर १ मा विद्या श्रेष्ठले उम्मेदवारी दर्ता गरेकी छिन् । कुलमान घिसिङकाे उज्यालो नेपाल पार्टीको केन्द्रीय सदस्य त्यागेर श्रेष्ठले हर्क साम्पाङ नेतृत्वको श्रम संस्कृति पार्टीबाट उम्मेदवारी दिएकी हुन् । साेही पार्टीबाट मकवानपुरकाे क्षेत्र नम्बर २ बाट युनिश लामाले उम्मेदवारी दर्ता गराएका छन् ।
यस्तै क्षेत्र नम्बर १ बाट जसपाका दीपक सिन्तान, नेकपा माओवादीका महेश नेपाली, मंगोल नेशनल अर्गनाइजेशनका युवराज लामा, नेमकिपाकी रञ्जना सुवाल मगजु, जसपा नेपालका रुपक लामाले उम्मेदवारी दर्ता गराएका छन् । क्षेत्र नम्बर २ बाट मंगोल नेशनल अर्गनाइजेशनका हिरालाल स्याङतान, नेशनल रिपब्लिक नेपालका सुर्य तामाङ बल, आम जनता पार्टीका सुर्य राई, नेमकीपाका सरोज तामाङ, संयुक्त नागरिक पार्टी शुभराज प्रजा, नेकपा माओवादीका राम घलान, जसपाका छविलाल वाइवा, जनमोर्चाका निरबहादुर सिन्तानले उम्मेदवारी दर्ता गराएका छन् ।
स्वतन्त्रमा १५ जनाकाे उम्मेदवारी
यसैगरी स्वतन्त्र तर्फ २ वटै क्षेत्रमा गरी १५ जनाले उम्मेदवारी दर्ता गराएका छन् । क्षेत्र नम्बर १ मा स्वतन्त्र तर्फ अमर दंगाल (बकैया), अमिक परियार (हेटौंडा), टिका प्रसाद चौलागाईं (हेटौंडा), सुशीला सुवेदी (हेटौंडा आलदमार), ज्ञान सागर लामा (बागमती), राजाराम बाेगटी (हेटौंंडा), राकेश कुमार शर्मा (हेटौंडा), मठु पुलामी मगर (बागमती), प्रमिला कुमारी खतिवडा (हेटौंडा) र राजकुमार खड्का (मकवानपुरगढी) ले उम्मेदवारी दिएका हुन् ।
यस्तै क्षेत्र नम्बर २ मा स्वतन्त्रबाट अमृत बल (भीमफेदी), कृष्णराम श्रेष्ट (मनहरी), प्रतिक्षा बानिया (हेटौंडा), सिता माया बल (राक्सिराङ), रमेश आचार्य (भीमफेदी) ले उम्मेदवारी दिएका छन् ।
सबै उम्मेदवारकाे सूची यहाँबाट हेर्न सक्नु हुनेछः
उम्मेदवारी मनोनयन सम्बन्धीमकवानपुर । बागमती प्रदेशसभा सदस्य भारती पाठकले स्थानीय तहमा स्थानीय वन ऐन प्रभावकारी रूपमा कार्यान्वयन गर्नुपर्ने आवश्यकता रहेकाे बताएकी छिन् । प्राकृतिक स्रोतमा महिला अधिकार सञ्जाल नेपाल (WRRN) को संयोजनमा खाद्य तथा कृषि संगठन (FAO) नेपालको आयोजनामा हेटौंडामा भएकाे अन्तरक्रिया कार्यक्रममा पाठकले उक्त कुरा बताइकी हुन् ।
‘वन, वातावरण र जलवायु परिवर्तन अहिले विकासको केन्द्रिय एजेन्डा बनेको छ’ उनले भनिन् ‘प्रदेशसभाको विषयगत समितिमा यी विषयमा नीतिगत छलफल भइरहेको छ। नीति बनाउनु मात्रै पर्याप्त हुँदैन, स्थानीय तहसम्म पुर्याएर कार्यान्वयन गराउन सकिए प्रतिफल देखिन्छ ।’ महिला जनप्रतिनिधिहरूको सक्रिय सहभागिताले दिगो वन व्यवस्थापन र जलवायु अनुकूलनकार्यक्रम सफल हुने उनले बताइन् ।
कार्यक्रममा ईन्द्रसरोवर गाउँपालिकाकी उपाध्यक्ष उमा लामाले आफ्नो पालिकाले हरेक वर्ष वन, वातावरण र जलवायु परिवर्तनसम्बन्धी कार्यक्रमका लागि बजेट विनियोजन गर्दै आएको बताइन् । ‘अन्तरक्रियाले जलवायु परिवर्तनका असरकाे जानकारी प्राप्त हुने भएकाेले स्थानीय आवश्यकताअनुसार कार्यक्रम बनाउन मद्दत पुगेको छ उनले भनिन् ।’ जलवायु परिवर्तनका असर हामीले दैनिक जीवनमै भोगिरहेका छौँ, त्यसैले स्थानीय सरकारको योजना पनि त्यसअनुसार नै हुनु पर्ने उनकाे भनाई थियाे ।
मनहरी गाउँपालिकाकी उपाध्यक्ष सिता पुलामीले मनहरी गाउँपालिकाले आम्दानीसँग जोडिएको सामुदायिक वन व्यवस्थापनलाई प्राथमिकतामा राखेर काम गरिरहेको जानकारी दिइन् । पालिकाको सक्रियता, उपभोक्ता समूहको सहभागिता र उद्यममुखी वन व्यवस्थापनका कारण पछिल्ला वर्षमा वन क्षेत्रमा आगलागीसमेत नभएको उनले दावी गरिन् । ‘वनलाई संरक्षण मात्र होइन, आम्दानी र रोजगारीसँग जोड्दा समुदाय स्वयं वनको संरक्षणमा जुट्छ’ उनले भनिन् ‘आगामी दिनमा थप दिगो वन व्यवस्थापनसम्बन्धी नीति तथा कार्यक्रम ल्याउन यो कार्यक्रमले मार्गदर्शन गरेको छ ।’
बकैया गाउँपालिकाकी कार्यपालिका सदस्य लक्ष्मी माझीले जलवायु परिवर्तन, वन संरक्षण र प्राकृतिक स्रोत व्यवस्थापनका विषयमा आफ्नो बुझाइ थप स्पष्ट भएको बताइन् । महिला, आदिवासी जनजाति र सीमान्तकृत समुदायको अधिकार सुनिश्चित गर्दै अघि बढेमा मात्र दिगो विकास सम्भव हुने उनकाे भनाइ थियाे ।
प्राकृतिक स्रोतमा महिला अधिकार सञ्जालकी अध्यक्ष आरती पाठकको अध्यक्षतामा सम्पन्न कार्यक्रममा सहभागीहरुले स्थानीय तहमा वन, वातावरण र प्राकृतिक स्रोतको दिगो व्यवस्थापनलाई संस्थागत रूपमा अघि बढाउने प्रतिबद्धता व्यक्त गरेका छन्। कार्यक्रममा सहभागी महिला नेतृत्वले वन संरक्षण, जलवायु परिवर्तन अनुकूलन र स्थानीय जीविकोपार्जनलाई एकआपसमा जोडेर नीति तथा कार्यक्रम कार्यान्वयन गर्ने प्रतिबद्धता जनाए ।
स्थानीय तहका महिला तथा पुरुष जनप्रतिनिधि, सामुदायिक वन उपभोक्ता समूहका प्रतिनिधि, नवयुवा, नागरिक समाज तथा सरोकारवाला निकायका प्रतिनिधिहरूको उपस्थिति रहेको कार्यक्रममा वन वातावरण संरक्षणलाई महिला सशक्तीकरण, स्थानीय समृद्धि र जलवायु सहनशील विकाससँग जोडेर अघि बढाउनुपर्नेमा सहभागीहरूबीच सहमति जुटेको थियो।
सहभागीहरूले वन र वातावरण संरक्षणलाई केवल संरक्षणको दायरामा सीमित नराखी नीति, बजेट र कार्यान्वयनको स्पष्ट खाकासहित अघि बढाउनुपर्नेमा जोड दिएका छन्। स्थानीय तहमा महिला नेतृत्वको सक्रियताले दिगो वन व्यवस्थापन र जलवायु परिवर्तनको चुनौती सामना गर्न महत्वपूर्ण भूमिका खेल्ने सहभागीहरूको भनाई थियो।
मकवानपुर । मकवानपुरकाे हेटौंडामा बृहत् खेलकुद, कृषि, पर्यटन तथा व्यापार महोत्सव हुने भएकाे छ । जिल्ला खेलकुद विकास समिति मकवानपुरले दोस्राे बृहत् खेलकुद, कृषि, पर्यटन तथा व्यापार महोत्सव आयोजना गर्न लागेकाे हाे ।
खेलकुद समितिले शुक्रबार हेटौंडामा पत्रकार भेटघाट गरी २०८२ माघ २८ गतेदेखि २०८२ फागुन १२ गतेसम्म खेलकुद व्यापार महोत्सव सञ्चालन हुने जानकारी दिएकाे हाे । हेटौंडा उपमहानगरपालिका वडा नं. १० स्थित टीसीएन चौरमा हुने महोत्सवमा राष्ट्रिय तथा जिल्लास्तरीय खेलकुद समावेश हुने समिति अध्यक्ष राजकुमार मोक्तानले जानकारी दिए ।
महोत्सवमा राष्ट्रिय महिला भलिबल, जिल्लास्तरीय पुरुष भलिबल, तेक्वान्दो, जिल्लास्तरीय व्याडमिन्टन, जिल्लास्तरीय कराँते तथा २२ किलोमिटर दौड प्रतियोगिता समावेश गरिनेछ । यसैगरी महोत्सव अवधिभर राष्ट्रिय तथा स्थानीय कलाकारहरूको सांगीतिक प्रस्तुती रहनेछ । उनका अनुसार जनजाति समुदायको साँस्कृतिक झाँकी प्रदर्शनका साथै कृषि, पर्यटन, हस्तकला प्रदर्शनी तथा बाल उद्यान समेत महोत्सवमा समावेश गरिने छ ।
महाेत्सवकाे अवधिमा हुने राष्ट्रिय महिला भलिबल प्रतियोगितामा विजेताले ४ लाख रुपैयाँ, उपविजेताले २ लाख रुपैयाँ प्राप्त गर्ने छन् । सान्त्वना हुने टिमले ५० हजार रुपैयाँ पुरस्कार प्राप्त गर्ने बताइएकाे छ । यसैगरी जिल्लास्तरीय पुरुष भलिबल प्रतियोगितामा प्रथम हुनेले १ लाख रुपैयाँ, दोस्रो हुनेले ५० हजार रुपैयाँ र सान्त्वना हुने टिमले १० हजार रुपैयाँ पुरस्कार हात पार्ने छन् ।
यस्तै, जिल्लास्तरीय व्याडमिन्टन प्रतियोगितामा प्रथम र द्वितीय हुनेले क्रमशः ३० हजार र २० हजार रुपैयाँ प्राप्त गर्नेछन् । उक्त प्रतियोगितामा सान्त्वना स्वरुप ५ हजार रुपैयाँ पुरस्कार प्रदान गरिनेछ । जिल्लास्तरीय कराँते तथा २२ किलोमिटर दौड प्रतियोगितामा प्रथम, द्वितीय र तृतीय हुनेले क्रमशः ३० हजार, २० हजार र १० हजार रुपैयाँ पुरस्कार प्राप्त गर्नेछन् ।
महोत्सवको अवसरमा खेलकुद क्षेत्रमा उत्कृष्ट योगदान दिएका १० जना खेलाडीलाई जनही २५ हजार रुपैयाँ नगदसहित सम्मान गरिने अध्यक्ष मोक्तानले बताए । हेटौंडा बजार सडक बिस्तारका क्रममा विस्थापित भएका व्यवसायीहरुले महोत्सवमा स्टल राख्न चाहनु भएमा ५० प्रतिशत छुट उपलब्ध गराउने आयोजकले जनाएकाे छ । महोत्सवमा करिब चार सय स्टलहरू रहने अपेक्षा आयोजकले गरेको छ ।
करिब ८० लाख रुपैया खर्च हुने अनुमान महोत्सवबाट प्राप्त हुने आम्दानी मकवानपुर जिल्ला खेलकुद विकास समितिको भवन निर्माण र खेल सामग्री खरिदमा खर्च गरिने आयोजकले जनाएको छ । महोत्सवको उद्घाटन बागमती प्रदेशका मुख्यमन्त्री इन्द्र बहादुर बानियाँले गर्ने तथा समापन हेटौंडा उपमहानगरपालिकाकी नगर प्रमुख मीनाकुमारी लामाले गर्ने छन् ।
मकवानपुर । एघाराैँ राष्ट्रिय योग दिवसको अवसरमा आयोजित अन्तर विद्यालयस्तरीय योग खेलकुद प्रतियाेगितामा छात्रा तर्फ कमाने एकेडेमीकी सृष्टि चाैधरी र छात्र तर्फ ज्ञानाेदय बालबाटिकाका युनेश अधिकारीले प्रथम स्थान हासिल गरेका छन ।
त्यसैगरि द्वितिय स्थानमा लक्ष्मि आधारभुत विद्यालयकी छात्रा फारना खातुन, ब्रम्हद्विक एकेडेमीका छात्र दिपान्सु चाैधरी र तृतियम छात्रा तर्फ सिद्धार्थ शिशु सदनकी मानवी त्रिपाठी छात्र तर्फ कमाने एकेडेमीका आर्यन शाह भएका छन ।
आधुनिक राष्ट्रिय मावि, भुटनदेवी मावि, लक्ष्मि आधारभूत विद्यालय, कमाने एकेडेमी, रोज एकेडेमी, सिद्दार्थ शिशु सदन, ब्रम्हादिक एकेडेमी, ज्ञानाेदय बालवाटिका लगायतका विद्यालयका २० जना छात्र छात्राहरुले प्रतियाेगितामा सहभागिता जनाएका थिए ।
स्वस्थ समाज, समृद्ध नेपाल र विश्व शान्तिका लागि योग भन्ने नाराका साथ पतञ्जलि योग जिल्ला समिति मकवानपुरले ११ औं राष्ट्रिय योग दिवस सप्ताहव्यापी रूपमा भव्य कार्यक्रमसहित मनाउने निर्णय अनुरुप हेटौंडा उपमनपा-४ चिल्ड्रेन पार्कमा पतन्जली याेग जिल्ला समिति मकवानपुर र मकवानपुर जिल्ला याेग खेलकुद समितिकाे संयुक्त आयाेजनामा अन्तर विधालय याेग खेलकुद प्रतियाेगिता मकवानपुर जिल्ला खेलकुद विकास समितिका अध्यक्ष राजकुमार माेक्तानकाे प्रमुख आतिथ्यता तथा पतन्जली याेग जिल्ला समितिका अध्यक्ष रामकृष्ण थापाकाे सभाध्यक्षता, मकवानपुर याेग खेलकुद संघका सल्लाहकार भरत भण्डारी, व्रम्हकुमार बासु भण्डारी, मकवानपुर जिल्ला याेग खेलकुद संघा अध्यक्ष रामशरण दहाल, पतन्जली युवा समिति अध्यक्ष जयराम पुलामी लगायतकाे उपस्थितिरहेकाे थियाे ।
मकवानपुर याेग खेलकुद संघकि उपाध्यक्ष शकुन्तला सिंह बुढाथाेकिले संचालन गर्नुभएकाे प्रतियाेगितामा पहिलाे दाेस्राे र तेस्राेलाई याेगा म्याट र स्टेसनरी सामान वितरण गरिएकाे थियाे । साथै अन्य सहभागी वालबालिकालाइ म्याट वितरण गरिएकाे थियाे ।