मकवानपुर । मकवानपुरको राक्सिराङ गाउँपालिकामा दुई वटा घरमा आगलागी हुँदा जलेर नष्ट भएको छ ।
मंगलबार बिहान ११ बजेको समयमा राक्सिराङ ५ का गहिराम प्रजाको काठ, ढुङ्गा, माटो र खरले बनेको १ तले २ वटा घरमा अचानक आगलागी भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार आगलागीबाट घर पूर्ण रुपमा क्षति हुनुका साथै अन्नपात, भाडाकुडा जलेर नष्ट हुँदा १० लाख रुपैयाँ बराबरको धनमाल जलेर नष्ट भएको छ । घरमा लागेको आगो स्थानीयको सहयोगमा दिउँसो ४ बजे नियन्त्रणमा आएको मकवानपुर प्रहरीले जनाएको छ ।
मकवानपुर । मकवानपुरमा भएको ट्याक्टर दुर्घटनामा ३ जनाको ज्यान गएको छ ।
आज मनहरी गाउँपालिका ३ कालिदमार भित्री सडकबाट मिलडांडातर्फ जाँदै गरेको ट्याक्टर दुर्घटना हुदा ३ जनाको मृत्युु भएको हो ।
जिल्ला प्रहरी कार्यालय मकवानपुरका अनुसार मधेश प्रदेश ०३-००१ त ७१८८ नं. को ट्याक्टर आफै अनियन्त्रित भई सडकमा पल्टिदा दुर्घटना भएको थियो । ट्याक्टरमा सवार ५ जनामध्य ३ जनाको ज्यान गएको हो । २ जना घाइते छन् ।
घाइते भएका अन्दाजी २४ बर्षिय राजकुमार प्रजालाई चुरेहिल अस्पतालमा उपचारको लागि ल्याइएकोमा डाक्टरले मृत घोषणा गरेको थियो । यस्तै हेटौंडा अस्पतालमा उपचारको क्रममा मनहरी ३ हाँडिखोला बस्ने अन्दाजी ३० बर्षको बिरमान रुम्बालाई डाक्टरले मृत घोषणा गरेको मकवानपुर प्रहरीले जनाएको छ ।
यस्तै सालघारी बस्ने अन्दाजी २० बर्षको प्रबिण प्रजा उपचारको क्रममा हेटौंडा अस्पतालमा मृत्युु भएको जिल्ला प्रहरी कार्यालय मकवानपुरले जनाएको छ ।
यसैगरी दुर्घटनामा घाइते भएका मनहरी हांडिखोलाका अमृत प्रजा चुरेहिल अस्पतालमा उपचारत छन् । उनको अवस्था मध्यम रहेको बताईएको छ । यसैगरी अर्का घाइते ठेगाना नखुलेका अन्दाजी ४५ उमेरको जोखलाल प्रजाको शरिरका बिभिन्न भागमा चोट लागेकोमा चुरेहिल अस्पतालमा उपचार भइरहेको प्रहरीले जनाएको छ ।
मकवानपुर । मकवानपुरमा पुर्ण विद्युतीकरणका लागि साँसद बर्तौलाले कुलमान घिमिङसँग पहल गरेका छन् ।
मकवानपुर निर्वाचन क्षेत्र न २ बाट निर्वाचित संघीय साँसद महेश बर्तौला र नेपाल विधुत प्राधिकरणका महानिर्देशक कुलमान घिसिङ्गकाबीचमा मकवानपुरमा पुर्ण रुपमा विद्युतीकरण गर्ने विषयमा छलफल गरेका हुन् ।
मकवानपुरका राक्सिराङ्ग, कैलाश तथा मनहरीका केहि गाउँमा अझै पनि विद्युत नपुगेको जानकारी प्राप्त गरेपछि साँसद बर्तौला घिसिङ्गसंग छलफलको लागि प्राधिकरणको कार्यालयमा नै पुगेका हुन् ।
साँसद बर्तोलासंगै विद्युतीकरणका विषयमा छलफलका लागि प्राधिकरण पुगेका राजन लामाका अनुसार बर्तौलाले महानिर्देशक घिसिङ्गलाई मकवापुरमा सडककोबीचमा पिच तथा ढलान गरिएको अवस्थामा विधुतको पोलको बारेमा समेत चर्चा भएका थियो ।
मकवानपुरको मनहरी गाउँपालिका र थाहा नगरपालिकाको मार्खु सबस्टेसनको ३३ केभीको प्रशारण लाईनको काम सम्पन्न हुन ढीलाई भएको, गाउँगाउँमा रहेको काठको पोल विस्थापन गरि फलामे पोल राखिनुपर्ने, ट्रान्सफर्मरहरु थप गर्नुपर्ने तथा परिवर्तन गर्नुपर्ने अवस्थामा रहेको बताए । बर्तौलाले केहि गाउँमा राम्ररी बक्ति बाल्न पनि भोल्टेजको समस्या रहेको बताउँदै यी कठिनाईलाई कसरी समन्वयात्मक हिसाबले समाधन गर्ने बारे छलफलको सुरुवात गरेको थियो ।

विधुत प्राधिकरणका महानिर्देश घिसिङ्गले आफू कार्यान्वयन गर्न बसेकाले जहाँ विधुत पुगेको छैन त्यहाँ तत्कालै विधुत पु¥याउने कदम चालिने बताए । छलफलकै क्रममा घिसिङ्गले फोनमार्फत मनहरी सबस्टेसनको कामको प्रगतिको विवरण मागेका थिए ।
एक महिना भित्र सबस्टेसनको सबै काम सक्न मातहतका कर्मचारीलाई निर्देशन दिए । नेपालमा भौतिक पुर्वाधारको विकासहरुमध्य सडक संजालको विकास अत्याधिक भएकोमा खुशी व्यक्त गर्दै सडक खनेर पोलबीच आईपुगेका पोलहरु सार्न सम्वन्धीत गाउँपालिकाले २० प्रतिशत र नगरपालिकाले ३० प्रतिशत लगानीमा बाँकी प्राधिकरणको लागानीमा आफूले पोल सार्ने कार्यविधि बनाएर काम अघि बढाईको बताए ।
चट्याङले लागेर चौपायको मृत्यु
Tags: No Comments
मकवानपुर । मकवानपुर जिल्ला मकवानपुरगढी गाउँपालिका ३ घोप्टे भन्ने स्थानमा चट्याङ पर्दा ४ वटा चौपायको मृत्यु भएको छ ।
घोप्टे बस्ने मदन सापकोटाको घर नजिक रहेको गोठमा चट्याङ पर्दा खसी, बाख्रा गरी ४ वटा मृत्यु भएको छ जिल्ला प्रहरी कार्यालय मकवानपुरले जनाएको छ ।
अस्थायी प्रहरी पोष्ट धादिङबाट खटिएका प्रहरी सहायक निरीक्षक गोकर्ण थापाका अनुसार पशुचौपायको मृत्यु हुँदा अन्दाजी पैसठ्ठी हजार बराबरको क्षती भएको छ ।
मनोसामाजिक सु स्वास्थबारे ध्यानाकर्षणपत्र
Tags: No Comments
मकवानपुर । कोशिश मकवानपुरले सामाजिक विकास मन्त्रालय बागमती प्रदेशको महाशाखा प्रमुख गोपाल कंडेललाई मनोसामाजिक सु-स्वास्थबारे ध्यानाकर्षण पत्र बुझाईएको छ ।
मनोसामाजिक अपाङ्गता भएका व्यक्तिको सुस्वास्थ्यको लागि मन्त्रालयले बिगतमा जस्तै सहकार्य र समन्वयमा काम गर्न र आवश्यक बजेटको व्यवस्था गर्न माग सहित ध्यानाकर्षण पत्र बुझाईएको हो ।
ध्यानाकर्षण पत्र बुझ्दै महाशाखा प्रमुख कंडेलले मनोसामाजिक सुस्वास्थ्य जल्दोबल्दो बिषय भएको उल्लेख गर्दै आगामी प्री बजेटको छलफलमा राख्ने बताए । आर्थिक मन्दिको कारण बजेको सिलिङ घटेकोले केही घट्ने संभावना रहेको उनले बताए । आगामी बजेटमा कसरी सम्बोधन गर्दा उचित होला भन्ने ठ्याक्कै तोकेर सुझाव दिन कंडेलले आग्रह गरे । मन्त्रालयको कार्यक्षेत्र अन्तरगत स्थानीय तहसम्म जानुपर्ने आवश्यक भएको कंडेलले बताए ।
मनोसामाजिक अपाङ्गतामा रहेको व्यक्ति संगीता मोक्तान, रुकु खडका, धिरज लामा दोङ, अपाङ्गता भएको व्यक्ति सन्जय पुलामी, सरस्वती कटवाल, नेपाल मानव अधिकार संगठन अध्यक्ष सर्मिला श्रेष्ठ, इन्सेक बागमती प्रदेश प्रमुख गणेश भण्डारी, हिमराईट्स मकवानपुर कार्यक्रम संयोजक कुमारी वाइबा समेतको उपस्थितिमा ध्यानाकर्षण पत्र बुझाइएको कोशिश मकवानपुर पैरवी अधिकृत सुनिरा लामाले बताइन् । मनोसामाजिक सुस्वास्थ्यको लागि मन्त्रालयले विगतमा पनि राम्रो सहकार्य भएको र आगामी दिनमा पनि सोही अपेक्षा गरिएको लामाले बताइन् ।
यस्तो छ ध्यानाकर्षण पत्र
श्री महाशाखा प्रमुख ज्यु बागमती प्रदेश सरकार सामाजिक विकास मन्त्रालय हेटौडा, नेपाल ।
विषय: ध्यानाकर्षण सम्बन्धमा ।
प्रस्तुत विषयमा सामाजिक विकास मन्त्रालय बागमती प्रदेशले विभिन्न समाजिक सुरक्षाका कार्यक्रम, निति तथा रणनिती अवलम्बन गर्दै नागरिकको सामाजिक सुरक्षाको रक्षार्थ अत्यन्त संवेदनशिल छ भन्ने कुरा सर्वविधित नै छ ।
अझ अपाङ्गताको सवालमा सामाजिक विकास मन्त्रालयले २०७९ चैत्र २९ गते जारि गरेको “अपाङ्गता भएका व्यक्तिहरुको हक अधिकार संरक्षण र प्रबर्द्धनको क्षेत्रमा काम गर्ने संस्थाको छनौट र सम्झौता सम्बन्धि सूचनाले पनि मन्त्रालयले आफू मातहतका निकाय तथा संस्था, संस्थासंगको समन्वयमा संवेदनशिल भएर कार्यगरिरहेको छ भन्ने कुरालाई प्रमाणि गर्दछ । बिभिन्न कार्यक्रमहरुमा सम्बन्धित अधिकारीहरुबाट अपाङ्गता भएका व्यक्तिका हकहितका लागि मन्त्रालयको तहबाट कुनै पनि कसर बाकि नराख्ने जस्ता प्रतिबर्द्धताबाट पनि कुशल अभिभावकत्व भएको निकाए हो भन्ने कुरामा विश्वस्त छौं ।
पछिल्लो जनगणना २०७५ सालको तथ्यांकलाई हेर्दा शारिरिक अपाङ्गता ३६.७५ प्रतिशत न्यून दृष्टि भएको अपाङ्गता १६.८८ प्रतिशत, दृष्टिविहिन अपाङ्गता ५.३७ प्रतिशत त्यस्तै मनोसामाजिक अपाङ्गता ४.२८ प्रतिशत साथै अन्य अपाङ्गताहरुको प्रतिशत हेर्दा पनि १ देखि ७ प्रतिशतको बिचमा रहेको देखिन्छ । यसरी तथ्यगत प्रमाणलाई हेर्दा पनि अपाङ्गताको संख्या उल्लेख्य मात्रामा रहेको देखिन्छ । अपाङ्ग भएका व्यक्तिहरुको अधिकार सम्बन्धि ऐन २०७५ को परिच्छेद ७ को ३२ नं दफामा सामाजिक सुरक्षा अन्तर्गत नेपाल सरकारले अपाङ्गता भएका व्यक्तिहरुलाई समाजमा स्वतन्त्र र स्वावलम्बन पूर्वक जीवनयापन गर्न सक्ने गरी सक्षम बनाउन अपाङ्गता भएका व्यक्तिको योगदान रहने गरी वा तोकिएको अवस्थामा निःशुल्क रुपमा समाजिक सुरक्षा कार्यान्वयमा ल्याउनेछ भनिएको छ ।
जसमा सुरक्षा र स्वास्थ्य सेवा सहितको सामाजिक आवास सुविधा विकास गर्ने, असहाय बालवालिका तथा परिवार बाट त्यागिएका अपाङ्गता भएका व्यक्तिको लागि आवासको व्यवस्था गर्ने, जीवन बीमा, स्वास्थ्य बीमा र दुर्घटना बीमा गराउने, औषधि तथा आवश्यक सामाग्रि उपलब्ध गराउने, तोकिएको आधारमा बेरोजगारी भत्ता, जीवनयापन भत्ता तथा बृद्ध भत्ता उपलब्ध गराउने, तोकिएको अवस्थामा अपाङ्गता भएका व्यक्तिका सहयोगीका लागि भत्ता उपलब्ध गराउने जस्ता बुदाहरु उल्लेख छन् । जून कुराहरु प्रत्येक्ष रुपमा सामाजिक विकाश मन्त्रालय तथा त्यस मातहतका निकायहरुसंग सम्बन्धित छन् । उल्लेखित कुराहरुलाई कार्यान्वयमा ल्याउन र कार्यान्वयनमा आए नआएको कुराहरुको अनुगमन गर्ने निकाय पनि सामाजिक विकास मन्त्रालय हो भन्ने हाम्रो ठम्याई छ ।
देश, काल र परिस्थितिले अनुसार सबै कुराहरुको कार्यान्वयन एकै पटक हुन्छ वा गर्नुपर्छ भन्ने कुरामा हाम्रो चासो पक्कै पनि होईन। यस्ता कुराहरुको सुनिश्चिताको लागि प्रभावकारी योजना र रणनिती बनाउने कुरामा सम्बन्धित मन्त्रलयले कुनै पनि किसिमको कञ्जुस्याई गर्ने छैन भन्ने कुरामा हामि बिस्वस्थ छौं । यि सवै उल्लेखित कुराहरुलाई चरणबद्ध रुपमा कार्यान्वयनमा ल्याउनको लागि बजेटको आवश्यकता पर्दछ । यसर्थ अपाङ्ग भएका व्यक्तिहरुको सामाजिक सुरक्षाको सवालमा मन्त्रालयले स्पष्ट बजेट छुट्याओस् भन्ने हाम्रो अनुरोध हो । सबै नागरिक मन्त्रालयको नजरमा एउटै हुन्छन् त्यो स्वभाविक पनि हो तर अपाङ्ग भएका व्यक्तिहरुलाई समानता भन्दा पनि समताको आँखा बाट हेरेर उनिहरुको अधिकारलाई सुनिश्चित गरि सपाङ्ग व्यक्ति सरह जीवनयापन गर्न पाउने वातावरण तयार गर्न औपचारिक रूपमा बजेट सहित सम्बोधन गर्न अनुरोध गर्दछौं । मन्त्रालय बाट बिगत देखि प्राप्त जून साथ र सहयोग छ त्यसको निरन्तरताको अपेक्षा पनि गर्दछौं ।
हाम्रो यस अनुरोधलाई सम्बोधन गरिदिनुहुनको लागि तपसिल बमोजिमका अपाङ्गतामा रहेका सञ्जालका सदस्यहरु साथै कोशिश मकवानपुरको समन्वय सरोकारवाला सङ्घ संस्थाहरूको एक्यवद्धता साथै हस्ताक्षर सहित यो ध्यानाकर्षण पत्र पेश गर्दछौं । धन्यवाद ।