मकवानपुर । मकवानपुरगढी गाउँपालिकामा करेन्ट लागेर १ जनाको मृत्यु भएको छ भने अ२ जना घाइते भएका छन् ।
बिहीबार मकवानपुरगढी २ मोरेमा बिजुलीको पोल गाड्ने क्रममा पोलले हाइटेन्सन लाइनको विद्युतीय तारलाई छुँदा करेन्ट लागेर स्थानीय राजकुमार गोलेको मृत्यु भएको जिल्ला प्रहरी कार्यालयले जनाएको छ । उक्त घटनामा घाइते गोलेको हेटौंडास्थित चुरेहिल अस्पतालमा उपचारको क्रममा मृत्यु भएको प्रहरीले जनाएको छ ।
करेन्ट लागेर मकवानपुरगढी-२ मोरेका ३० वर्षीय राजकुमार स्याङतान र मकवानपुरगढी-७ सानडाँडाका ५५ वर्षीय मानबहादुर गोले घाइते भएका छन् । दुवै जनाको चुरेहिल अस्पतालमा उपचार भइरहेको प्रहरीले जनाएको छ ।
मकवानपुर । मकवानपुरको हेटौंडामा दुई वटा मोटरसाइकल एक आपसमा ठोक्किएर भएको दुर्घटनामा १ जनाको मृत्यु भएको छ ।
बुधबार दिउँसो हेटौंडा उपमहानगरपालिका वडा नम्बर ९ स्थित पूर्व पश्चिम सडकखण्डमा हेटौंडा बजार तर्फबाट रातमाटे तर्फ जाँदै गरेको बा प्र. ३-०२-००७ प ७६८३ नम्बरको मोटरसाइकल र रातमाटे तर्फबाट हेटौंडातर्फ आउदै गरेको ना ४४ प ९३५४ नम्बरको मोटरसाइकल एक आपसमा ठोकिएर दुर्घटना भएको मकवानपुर प्रहरीले जनाएको छ ।
उक्त दुर्घटनामा बा. प्र.०२-००७ प ७६८३ नम्बरको मोटरसाइकल पछाडि सवार हेटौंडा ९ प्रगतिशील टोल बस्ने १८ वर्षीय एकता वैधको घटनास्थल मै मृत्यु भएको जिल्ला प्रहरी कार्यालयले जनाएको छ । मोटरसाइकल दुर्घटना हुँदा हेटौंडातर्फबाट रातमाटे तर्फ जाँदै गरेको ना ६ प ३१४५ नम्बरको ट्रकमा वैद्य ठोक्किएकी थिइन् ।
७६८३ नम्बरको मोटरसाइकल चालक हेटौंडा ४ कर्रा बस्ने १८ वर्षीय रोनित कार्की र अर्को मोटरसाइकल चालक चितवन इच्छाकामना ५ घर भइ हाल हेटौंडा ४ शितलमहल चोक बस्ने २२ वर्षीय पुष्पलाल गुरुङ सामान्य घाइते भएको प्रहरीले जनाएको छ ।
घाइते दुवै जनाको हेटौंडा अस्पताल उपचार भइ रहेको छ भने मोटरसाइकल, ट्रक र ट्रक चालक प्रहरीले नियन्त्रणमा लिएको बताइएको छ ।
मकवमनपुर । बागमती प्रदेशकाे २ जिल्लामा भएकाे छुट्टाछुट्टै घटनामा ३ जनाकाे मृत्यु भएकाे छ । प्रदेशकाे मकवानपुर र चितवनमा भएकाे घटनामा ३ जनाकाे मृत्यु भएकाे प्रहरीले जनाएकाे छ ।
मकवानपुरकाे बकैया गाउँपालिका ११ घट्टेपाखास्थित कान्ति लोकपथमा बुधबार बिहान ट्रक दुर्घटना हुँदा एक जनाको मृत्यु भएको छ भने चालक घाइते भएका छन्।
हेटौंडाबाट काठमाडौंतर्फ जाँदै गरेको ना ८ ख ८७६० नम्बरको सरसफाइ सामग्री लोड गरिएको ट्रक दुर्घटना हुँदा ट्रकमा सवार वीरगन्ज महानगरपालिका–३२ का २० वर्षीय सन्तोष यादवको घटनास्थलमै मृत्यु भएको हो। दुर्घटनामा चालक ३३ वर्षीय कृष्ण यादव घाइते भएका छन्। उनलाई उपचारका लागि भरतपुर रिफर गरिएको जिल्ला प्रहरी कार्यालय मकवानपुरले जानकारी दिएकाे छ।
वीरगन्जबाट काठमाडौंतर्फ जाँदै गरेको उक्त ट्रक बुधबार बिहान करिब ३ बजे दुर्घटनामा परेको थियो। ट्रक अनियन्त्रित भई सडक नजिक रहेको खालि घरमा ठोक्किएर करिब १५० मिटर तल खोल्सीमा खसेको प्रहरीले जनाएको छ। ट्रकले ठक्कर दिएको घर ओमानसिंह तितुङको रहेको बताइएकाे छ।
यसैगरी चितवनकाे भरतपुर महानगरपालिका–२७ मा स्कुटरको ठक्करबाट साइकलयात्रीको मृत्यु भएको छ भने त्रिशूली नदी किनारमा एक पुरुषको शव भेटिएको छ ।
भरतपुर महानगरपालिका–२७, पर्साढाप बजारमा स्कुटरले साइकललाई ठक्कर दिँदा गम्भीर घाइते भएका साइकलयात्रीको उपचारका क्रममा मृत्यु भएको छ । आइतबार दिउँसो १ बजेको समयमा जितपुरबाट चनौलीतर्फ जाँदै गरेको बा प्र ०६–०१ प ००९० नम्बरको स्कुटरले साइकलयात्री भरतपुर–२७, पर्साढापका ६२ वर्षीय रामजी अर्याललाई ठक्कर दिएको बागमती प्रदेश प्रहरी कार्यालय हेटौंडाले जनाएको छ ।
स्कुटरकाे ठक्करबाट घाइते अर्याललाई उपचारका लागि चितवन मेडिकल कलेज लगिएकोमा मंगलबार मृत्यु भएको प्रहरीले जानकारी दिएको छ । स्कुटर चालक भरतपुर–२८ का २८ वर्षीय सतिस मास्केलाई प्रहरीले नियन्त्रणमा लिएको छ ।
यस्तै चितवनको इच्छाकामना गाउँपालिका–६ त्रिशूली नदी किनारमा एक पुरुषको शव फेला परेको छ । मंगलबार दिउँसो ३ बजेको समयमा अन्दाजी ३५ वर्षीय पुरुषको शव फेला परेको प्रहरीले जानकारी दिएको छ । शवको पहिचान हुन सकेको छैन ।
मकवानपुर । मकवानपुरको हेटौंडा उपमहानगरपालिका – ४ स्थित भुटनदेवी माध्यमिक विद्यालयले अन्तराष्ट्रिय गुणस्तर कायम गर्ने भएकाे छ ।
भुटनदेवी मावि र ग्लाेवल क्वालिटी काउन्सिल, नेपालकाे प्रतिनिधिबीच आईतबार अन्तराष्ट्रिय गुणस्तर (आईएसओ) मा जाने सम्झाैतामा हस्ताक्षर भएकाे हाे । भाैतिक र शैक्षिक स्तर सुधारसहितको आईएसओमा हस्ताक्षर विद्यालय व्यवस्थापन समिति अध्यक्ष नवीन सिग्देल, प्रधानाध्यापक सूर्यप्रसाद घिमिरे र काउन्सिलका प्रतिनिधि सुदीप शर्माले गरे ।
आगामी २०८३ चैत्र मसान्तभित्र अन्तराष्ट्रिय गुणस्तर प्रमाणिकरण गरिसक्ने लक्ष्य रहेकाे विव्यस अध्यक्ष सिग्देलले जानकारी दिए । उनले भाैतिक संरचनाकाे गुणस्तरीय व्यवस्थापन र शैक्षिक वातावरण अन्तराष्ट्रियस्तरकाे मापदण्ड कायम गरिने प्रतिबद्धता व्यक्त गरे।
विद्यालयकाे प्रारम्भिक बस्तुस्थितिकाे परीक्षण र आगामी ३ वर्षे शैक्षिक गुणस्तर ढाँचा तयार गरिएकाे ग्लाेवल क्वालिटी काउन्सिल, नेपालका प्रतिनिधि सुदीप शर्माले जानकारी दिए। शर्माले सामुदायिक विद्यालयमा मकवानपुरकाे पहिलाे अन्तराष्ट्रिय गुणस्तर प्रमाणिकरण भएको विद्यालय भुटनदेवी मावि हुने समेत बताए ।
विद्यालय व्यवस्थापन समिति, शिक्षक तथा अभिभावक संघ, अनुगमन समितिका सदस्यहरूलाई अन्तराष्ट्रिय गुणस्तर मापदण्ड र सुचकबारे अभिमूखीकरण कार्यक्रम सञ्चालन गरिएकाे प्रअ सूर्यप्रसाद घिमिरेले जानकारी दिए ।
विभिन्न चरणमा भएकाे छलफल र अन्तरक्रियामा विव्यस अध्यक्ष सिग्देल, प्रअ घिमिरे, ग्लाेवल क्वालिटी काउन्सिल, नेपालका प्रतिनिधि शर्मासहितकाे टाेली तथा शिक्षक तथा अभिभावक संघ, नेपालका अध्यक्ष निकेशकृष्ण श्रेष्ठ, विद्यालय अनुगमन समितिका संयाेजक ईन्द्रप्रसाद नेपाल, टाेल विकास संस्था नगर समन्वय समितिका अध्यक्ष ध्रुव अधिकारी, महासचिव शिवहरी लगायत विभिन्न समितिका सदस्यहरूबीचकाे छलफलपछि अन्तराष्ट्रिय गुणस्तर प्रमाणीकरणमा जाने सम्झाैता गरिएकाे सहायक प्रअ तथा विद्यालय आईएसओ वेदराज काेईरालाले बताए ।
राष्ट्रिय महिला भलिबलको उपाधिमा न्यू डायमण्डको कब्जा
Tags: No Comments
मकवानपुर । मकवानपुरको हेटौंडा उपमहानगरपालिका -१०, स्थित टिसीएन चौरमा जारी राष्ट्रिय महिला भलिबल प्रतियोगिताको उपाधि काठमाडौंको न्यू डायमण्ड क्लबले कब्जा गरेको छ ।
जिल्ला खेलकुद विकास समिती मकवानपुरले आयोजना गरेको बृहत् खेलकुद कृषि तथा पर्यटन महोत्सव अन्तर्गत आइतबार दिउँसो भएको फाइनलमा बागमती प्रदेशको केशवलाल श्रेष्ठ स्मृति प्रतिष्ठानलाई ३-० को सोझो सेटले हराउँदै काठमाडौ चन्द्रगिरी नगरपालिकाको न्यू डायमण्ड क्लबले उपाधि आफ्नो पोल्टामा पारेको हो ।
फाइनलमा केशवलाल स्मृति प्रतिष्ठानलाई २५-१३,२५-१५ र २५-२३ को सोझो सेटमा पराजित गरेको हो । उपाधि विजेतासंगै न्यू डायमण्डले ३ लाख रुपैयाँ सहित शिल्ड, मेडल तथा प्रमाणपत्र प्राप्त गरेको छ भने उपविजेता केशवलालले २ लाख रुपैयाँ सहित शिल्ड, मेडल तथा प्रमाणपत्रमा चित्त बुझाए छ । यस्तै, सेमीफाइनलमा पराजित भएका लुम्बिनी प्रदेश पाल्पा जिल्लाको स्टेप भलिबल क्लब र मधेश प्रदेशको जनशक्ति युवा क्लबले ५० हजार रुपैयाँसहित मेडल तथा प्रमाणपत्र प्राप्त गरेका छन् ।
प्रतियोगिताको सर्वोत्कृष्ट खेलाडी घोषित हुँदै न्यु डायमण्ड क्लबकी सुनिता क्षेत्रीले १० हजार रुपैयाँको नगद पुरस्कार प्राप्त गरेकी छिन् । उत्कृष्ट स्पाइकर न्यू डायमण्डकी जेनिशा विश्वकर्मा, उत्कृष्ट डिफेन्डर एञ्जीला प्रधान, उत्कृष्ट सेटर न्यू डायमण्डकी भावना तामाङ, उत्कृष्ट सर्भर केशवलाल प्रतिष्ठानकी रेबिका लामा, उत्कृष्ट ब्लकर केशवलालकी सलिना गुरुङ र उत्कृष्ट प्रशिक्षक न्यू डायमण्डकी कुमार राई घोषित भएका छन् । उनीहरुले जनही ५/५ हजार रुपैयाँको नगद पुरस्कार र मेडल प्राप्त गरेकी छिन् ।
आइतबारको दोस्रो सेमीफाइनलमा पाल्पाको स्टेप भलिबल क्लबलाई २५-१६,२५-७ र २५-२० को सोझो सेटले पराजित गर्दै केशवलाल प्रतिष्ठान फाइनलमा प्रवेश गरेको थियो । यस्तै शनिबारको पहिलो सेमीफाइनलमा न्यू डायमण्डले मधेश प्रदेशको जनशक्ति युवा क्लबलाई २५-१०,२५-१४ र २५-१८ को सोझो सेटले पराजित गर्दै फाइनलमा प्रवेश गरेको थियो ।
न्यू डायमण्ड क्लब यस अघिको महोत्सवमा भएको प्रतियोगिताको उपविजेता टोली हो । समूह ए बाट लिगको २ खेल खेलेको न्यू डाइमण्ड र समूह बी बाट लिगको २ खेल खेलेको केशवलालले विजेता बन्दै फाइनल यात्रा तय गरेका थिए ।
बागमती प्रदेशका कृषि तथा पशुपंक्षी विकास मन्त्रालय मन्त्री मदुसुदन पौडेलको प्रमुख आतिथ्यमा मकवानपुर जिल्ला खेलकुद विकास समितिका अध्यक्ष राजकुमार मोक्तानको सभाध्यक्षमा पुरस्कार वितरण भएको थियो । मकवानपुर जिल्ला भलिबल संघ र केशवलाल श्रेष्ठ स्मृति प्रतिष्ठानको व्यवस्थापनमा भएको प्रतियोगितामा ६ वटा राष्ट्रिय टिमको सहभागिता रहेको थियो ।
यसैगरि खेलकुद महोत्सवमा अन्तिम प्रतियोगिता अन्तर्गत राष्ट्रिय खुल्ला तेक्वान्दो चैत ११ बुधबारदेखि शुक्रबारसम्म सचालन हुने आयोजकले जानकारी दिएको छ।