मकवानपुर । मकवानपुरगढी गाउँपालिकामा करेन्ट लागेर १ जनाको मृत्यु भएको छ भने अ२ जना घाइते भएका छन् ।
बिहीबार मकवानपुरगढी २ मोरेमा बिजुलीको पोल गाड्ने क्रममा पोलले हाइटेन्सन लाइनको विद्युतीय तारलाई छुँदा करेन्ट लागेर स्थानीय राजकुमार गोलेको मृत्यु भएको जिल्ला प्रहरी कार्यालयले जनाएको छ । उक्त घटनामा घाइते गोलेको हेटौंडास्थित चुरेहिल अस्पतालमा उपचारको क्रममा मृत्यु भएको प्रहरीले जनाएको छ ।
करेन्ट लागेर मकवानपुरगढी-२ मोरेका ३० वर्षीय राजकुमार स्याङतान र मकवानपुरगढी-७ सानडाँडाका ५५ वर्षीय मानबहादुर गोले घाइते भएका छन् । दुवै जनाको चुरेहिल अस्पतालमा उपचार भइरहेको प्रहरीले जनाएको छ ।

