मकवानपुर । मकवानपुर जिल्लामा रातिको ९ बजेपछि देउसी भैलो खेल्न नपाइने भएको छ । जिल्ला प्रशासन कार्यालय मकवानपुरले एक सूचना जारी गर्दै तिहारमा राति ९ बजेपछि देउसी भैलो नखेल्न आग्रह गरेको छ ।
राती ९ बजे पश्चात् देउसी-भैलोलगायत सांस्कृतिक तथा मनोरञ्जनात्मक कार्यक्रम नगरी चार्ड पर्वलाई शान्तिपूर्ण र सौहार्दपूर्ण वातावरणमा मनाउन जिल्ला सुरक्षा समिति बैठकले निर्णय गरेकाे प्रमुख जिल्ला अधिकारी तिर्थराज चिलुवालले जानकारी दिए ।
यसैगरी सूचनामा प्लाष्टिकजन्य फूलगुच्छाको उत्पादन, आयात, विक्री वितरण वा भण्डारण गर्न पूर्णरूपमा रोक लगाएकोले विक्री वितरण गरेको पाइएमा प्रचलित कानून कानून बमोजिम कारबाही हुने उल्लेख छ ।
प्रमुख जिल्ला अधिकारी तिर्थ चिलुवालका अनुसार तिहार तथा छठ पर्वलाई सौहार्द्पूर्ण वातावरणमा मनाउन र शान्ति सुरक्षालाई प्रभावकारी बनाउन जिल्ला सुरक्षा समितिको शुक्रबारकाे बैठकले निर्णय गरेको बताए ।
जिल्ला सुरक्षा समितिको बैठकको निर्णय अनुसार चाडपर्व लक्षित सुरक्षाकर्मी परिचालन गरी गस्ती समेत बढाइएको छ । चाडवाड मनाउने नाममा व्यक्ति, छिमेकी, टोल, समुदाय र सार्वजनिक जीवनमा असर नपार्न आग्रह गरिएको छ ।
जिल्ला प्रशासन कार्यालय मकवानपुरले दिपावली, नेपाल सम्वत् ११४५, छठ लगायतका राष्ट्रिय पर्वको शुभकामनासहित पर्वहरु शान्तिपूर्ण एवं सौहार्दपूर्ण वातावरणमा मनाउन अनुरोध गरेको छ ।
मकवानपुर । मकवानपुर प्रहरीले बसमा नगद चोरी गरेकाे आरोपमा ३ जनालाई पक्राउ गरेकाे छ । बस चढेका व्यक्तिको ५१ हजार नगद चोरी गरेकाे आरोपमा उनीहरुलाई पक्राउ गरिएकाे हाे ।
सोमबार राती मकवानपुर मनहरी गाउँपालिका वडा नंबर–६ बस्ने ४९ वर्षिय भरत गौतम हेटौडाबाट ना ५ ख ८१०१ नम्बरको बस चढि लोथर जाने क्रममा निजको साथमा रहेको नगद ५१ हजार पाकेट मारी चोरी भएकाे थियाे ।
चोरीकाे सूचनाकाे आधारमा प्रहरीले सिन्धुपाल्चोक लिसंखु पाखर गाउँपालिका वडा नंबर ६ बस्ने ३२ वर्षिय लाक्पा तामाङ, जिल्ला उदयपुर त्रियुगा नगरपालिका वडा नंबर–१० बस्ने ४२ वर्षिय प्रेम दोर्जे शेर्पा र धनकुटा छथर गाउँपालिकावडा नंबर– ३ बस्ने ३७ वर्षिय हेमराज श्रेष्ठलाई पक्राउ गरेकाे जिल्ला प्रहरी कार्यालय मकवानपुरले जनाएकाे छ ।
इलाका प्रहरी कार्यालय मनहरीबाट खटिएको टोलीले तामाङ, शेर्पा र श्रेष्ठलाई शंका लागि खानतलासी गर्दा निजहरुको साथबाट चोरी भएको रकम फेला परेकोले पक्राउ गरिएको मकवानपुर प्रहरीकाे भनाई रहेकाे छ ।
मकवानपुर । मकवानपुर प्रहरीले लागुऔषध खैरो हेरोइनसहित २ जना र अवैध चाँदीसहित १ जना गरी ३ जनालाई पक्राउ गरेकाे छ । आइतबार २ सय २२ ग्राम २६ मिलिग्राम लागुऔषध खैरो हेरोइनसहित २ जना र ३२ थान चाँदीको मूर्तिसहित १ जनालाई हेटौडा १५ बाट पक्राउ गरिएकाे जिल्ला प्रहरी कार्यालय मकवानपुरले जानकारी दिएकाे छ ।
प्रहरी चौकी रातोमाटेबाट खटिएको प्रहरी टोलीले हेटौंडा–१५, रातोमाटे चेकपोष्टबाट सुनसरी जिल्लाको बराहक्षेत्र नगरपालिका–७ का ४१ वर्षीय दामोदर लुईटेल र १८ वर्षीय सन्देश राज धामीलाई २ सय २२ ग्राम २६ मिलिग्राम लागुऔषध खैरो हेरोइनसहित पक्राउ गरिएको हाे ।
काकडभिट्टाबाट हेटौंडा हुदैं काठमाडौंतर्फ जाँदै गरेको बागमती प्रदेश ०१ ००६ ख ७४४३ नम्बरको यात्रुबाहक बसलाई रोकेर जाँच गर्दा लागुऔषधसहित लुइटेल र धामीलाई पक्राउ गरिएको प्रहरीले जाएकाे छ । प्रहरीका अनुसार मकवानपुर जिल्ला अदालतबाट १५ दिनको म्याद अनुमति लिई लुइटेल र धामीलाई हिरासतमै राखेर अनुसन्धान सुरु गरिएको छ ।
यसैगरी पूर्व–पश्चिम राजमार्ग अन्तर्गत हेटौंडा–१५, रातोमाटे चेकपोष्टबाट अवैध चाँदीसहित १ जना भारतीय नागरिकलाई पक्राउ गरेको छ । पक्राउ पर्नेमा भारत बिहार राज्यका ४८ वर्षीय मनोज कुमार झा रहेकाे मकवानपुर प्रहरीले जनाएकाे छ ।
प्रहरी चौकी रातोमाटेकाे प्रहरी टोलीले पथलैयातर्फबाट हेटौंडातर्फ आउँदै गरेको ना ६ ख ७२६२ नम्बरको बसलाई रोकी जाँच गर्दा झाको साथबाट अवैध चाँदी बरामद गरिएकाे हाे । झाले शरीरको छातीमा फल्स बटम बनाई ल्याएको ३२ थान चाँदीको मूर्तिहरु (२ किलो १९६ ग्राम) बरामद गरेको प्रहरीले जानकारी दिएकाे छ ।
उक्त चाँदीकाे मुर्तिहरु सोमबारको बजार मुल्य अनुसार ३ लाख ६६ हजार ५ सय ४९ रुपैयाँ बराबर रहेकाे बताइएकाे छ । चाँदीको मूर्तिहरुसहित झालाई अनुसन्धान तथा कारबाहीका लागि राजश्व अनुसन्धान कार्यालय पथलैया पठाइएको मकवानपुर प्रहरीले जनाएकाे छ ।
मकवानपुर । मकवानपुरकाे हेटाैंडामा प्रथम अटाेमाेवाइल्स मैत्रीपूर्ण फुटबल प्रतियोगिता भएकाे छ । अटाेमाेवाइल्स एशाेसियसन मकवानपुरकाे आयाेजनामा शुभ दिपावली, नेपाल संम्वत, छठपर्व तथा ल्हाेसारकाे अवसरमा शुभकामना आदान प्रदान सहित मैत्रीपूर्ण फुटबल प्रतियाेगिता भएकाे हाे ।
शनिवार पिप्ले क्याम्पा रंगशालामा आयाेजना भएकाे मैत्रीपूर्ण फुटबल प्रतियाेगितामा टिम ए ले टिम बी लाई ४–१ गोल अन्तरले हराउँदै विजयी भयो । टिम ए काे तर्फबाट दुर्वाश खड्काले विजयी सुरुवाती गोल गर्दै टिमलाई अग्रता दिलाएका थिए । प्रतियोगितामा टिम बी काे तर्फबाट प्रदिप दुलालले जवाफी गोल गरी खेललाई बराबरीमा पुर्याए ।
पुनः टिम ए बाट साेनी शर्मा, रघुनाथ बर्ताैला र प्रकाश रिजालले क्रमशः १/१ गाेल गर्दै टिमलाई वियजी सुनिश्चित गराए । प्रतियाेगिताकाे बेष्ट प्लेयर अवार्ड रघुनाथ बर्ताैला घाेषित भए ।
अटाे माेवाइल्सका अध्यक्ष ऋषि ढकालकाे सभाध्यक्षता तथा अखिल नेपाल फुटबल संघ मकवानपुरका अध्यक्ष टिकाराम लामाकाे प्रमुख आतिथ्यतामा भएकाे कार्यक्रममा केन्द्रीय सदस्य तथा पुर्व अध्यक्ष सागर सापकाेटा, पुर्व अध्यक्ष सुरेश श्रेष्ठ, कार्यक्रम संयाेजक तथा क्षेत्रिय सभापति (दक्षिण क्षेत्र दिपेश खड्गी, सल्लाहाकार सुरेशकुमार श्रेष्ठ, नारायण प्रसाद करेला, वरिष्ठ उपाध्यक्ष धर्मराज धिमाल, उपाध्यक्ष जितेन्द्र तिवारी लगायतकाे उपस्थिति रहेकाे ।
त्यसैगरी अटाेमाेवाइल्सकाे शुभकामना आदान प्रदान कार्यक्रममा मकवानपुर उद्योग वाणिज्य संघ मकवानपुर अध्यक्ष कृष्ण गुप्ताले कतिपय संस्थाहरु झाेलामा सिमित भएकाे बताए । ‘आफ्ना व्यवसायहरु नीति र विधिमा चल्नुपर्छ भनेर नविकरण प्रक्रिया अबलम्बन गरेका छाै’ उनले भने, उद्योग वाणिज्य संघले करचुक्ताकाे विषयमा मात्र बाेलेकाे आरोप समेत लाग्ने गरेकाे छ ।’
जुन संस्था गतिशील हुन्छ उक्त संस्थाका व्यवसायी पनि उर्जाशिल रहन्छ, देशमा हाल आर्थिक मन्दिकाे चपेटामा छ जसबाट काेहि व्यवसायी पनि अछुताे नरहेकाे उनले बताए । ‘हरेक व्यवसायीहरुकाे व्यवसाय सफल भए मात्र उद्योग वाणिज्य संघकाे अस्तित्व रहन्छ‘ उनले भने । व्यवसाय र व्यापार बचाउन आफू पनि बाच्नु पर्छ र अरु पनि बाच्नु पर्छ भन्ने साेचले व्यापार गर्नुपर्ने उनले बताए । मउवासंघ संधै व्यवासायीकाे हितमा रहेकाे उनले जानकारी दिए ।
कार्यक्रममा अटाे माेवाइल्सका केन्द्रीय सदस्य तथा पूर्व अध्यक्ष सागर सापकाेटाले व्यवसायीहरुले सामान्य नीति नियम समेत लागू नगरेकाेले आफ्नाे व्यवासायिक नीति र विधिलाई अबलम्बन गर्न जरुरी रहेकाे बताए । उनले व्यवसायीहरुले आफ्ना कमी कमजाेरीलाई सच्याउँदै व्यवासायिक एकरुपतामा अघि बढ्न अनुराेध गरे ।
त्यस्तै कार्यक्रममा विजयराज सिग्देलले मानिसले समय अनुसार अपडेट हुन आवश्यक रहेकाे भन्दै, एकले अर्कामा बाँचेकाे अनुभूति दिलाउनु ठुलाे कुरा भएकाे जानकारी दिए । ‘प्रकृतिले सबैलाई दिन जानेकाे छ हामीले पनि अरुलाई के दियाै भन्नेतर्फ पनि ध्यान दिन सके उत्तम हुनेछ’ उनले भने ‘स्वयं भित्रकाे दिपलाई हरदम जगाउन र जीवनमा पाएकाे कुराप्रति मुस्कुराउन जान्याै भने जीवन सहज लाग्छ ।
उद्योग बाणिज्य संघ मकवानपुर अध्यक्ष कृष्ण गुप्ताकाे प्रमुख आतिथ्यता तथा एशाेसियसनका काेषाध्यक्ष तथा कार्यक्रम संयाेजक श्याम प्रसाद कंडेल सभाध्यक्षता भएकाे कार्यक्रममा मकवानपुर उवासंघ उपाध्यक्ष प्रमाेद सिं रानाभाट, एशाेसियसनका अध्यक्ष ऋषि ढकाल, केन्द्रीय सदस्य राजु रानाभाट, एशाेसियसनका बरिष्ठ उपाध्यक्ष धर्मराज धिमाल लगायतकाे उपस्थिति रहेकाे थियाे ।
मकवानपुर । मकवानपरे साहित्यकार डीबी बर्तौलाको मुक्तक संग्रह ‘उज्यालोका बाछिटा’ को हेटौडामा विमोचन गरिएकाे छ । शनिबार साहित्य संगम मकवानपुरको आयोजनामा बर्तौलाको मुक्तक संग्रह विमोचनसँगै परिचर्चा गरिएको हो ।
संगमकाे ३४८ औं नियमित साहित्य सन्ध्यामा मुक्तक मञ्च मकवानपुरका संस्थापक अध्यक्ष तथा साहित्य संगम मकवानपुरका अध्यक्ष बर्तौलाको तेस्रो मुक्तक संग्रहको विमोचन गरिएको हो । यसअघि पन्जाबको पिंगलवाडा अमृतसरमा अन्तर्राष्ट्रिय लघुकथा सम्मेलनमा भाग लिन जादाँ यात्राकै क्रममा रेलमै उक्त कृति विमोचन गरिएकाे थियाे ।
यसअघि बर्तौलाको मुक्तक संग्रह ‘आगतको आँगनी’(२०७५) र ‘पसिनाको आभा’ (२०७८) सालमा प्रकाशित छन्। इन्डिगो इन्कद्वारा प्रकाशित १०८ पृष्ठको ‘उज्यालोका बाछिटा’ मा ९२ वटा मुक्तक सामवेश छन् । कृति विमोचन कार्यक्रमा बर्तौलाले ‘उज्यालोका बाछिटा’ बाट ३ वटा मुक्त वाचन गरेका थिए ।
हेटौंडा–२, स्थित मकवानपुर बहुमुखी क्यापसका उपप्राध्यापक घनश्याम घिमिरेले कृतिमाथि समीक्षात्मक टिप्पणी गरेका थिए । यसैगरी आयुष्मा भण्डारीले पाठकीय टिप्पणी गरेकी थिइन् । साहित्य संगम मकवानपुरका उपाध्यक्ष सानु खनालको सभाध्यक्ष तथा साहित्यकार आरसी रिजालको प्रमुख आतिथ्यमा विमोचन कार्यक्रम भएको हो ।