मकवानपुर । मकवानपुर प्रहरीले शुक्रबार हेटौडाबाट ४ किलो गाँजासहित २ जनालाई नियन्त्रणमा लिएकाे छ ।
हेटौडा १५ राताेमाटेबाट भारत बिहार राज्य मोतिहारी जिल्ला पश्चिमी चम्पारण वडा नं. ३६ बस्ने ३७ वर्षीय जितेन्द्र जैसवाल र ३८ वर्षीय मनोज कुमार दासलाई उक्त परिमाणकाे गाँजासहित नियन्त्रणमा लिइएकाे जिल्ला प्रहरी कार्यालय मकवानपुरले जनाएको छ ।
शुक्रबार विहान प्रहरी चौकी रातोमाटेबाट खटिएको प्रहरी टोलीले हेटौडा पथलैया सडकखण्डमा रातोमाटे स्थित सडकखण्डमा चितवनबाट बिरगंजतर्फ जादै गरेको ना ४ ख ५९२२ नम्बरको यात्रुवाहक बस जाच गर्दा जितेन्द्र र मनोजकाे साथबाट ४ किलाे गाँजा बरामद गरिएकाे प्रहरीले जनाएकाे छ ।
उनीहरुले आफ्नो शरीरमा कपडाले छोपी लुकाई राखेको अवस्थामा ४ किलो लागूऔषध गाँजा फेला परेकोले उक्त लागूऔषध गाँजासहित नियन्त्रणमा लिई थप अनुसन्धान भईरहेको मकवानपुर प्रहरीले जनाएकाे छ ।
मकवानपुर । चितवनकाे भरतपुरमा एकै दिन २ जनाकाे मृत्यु भएकाे छ । चितवनकाे भरतपुर महानगरपालिका–१५, विष्णुचोकमा साईकलबाट लडेर १ जनाको र हर्ट अट्याककाे कारण अर्का १ जनाकाे मृत्यु भएको प्रहरीले जनाएकाे छ ।
साइङ्मृकलबाट लडेर त्यु हुनेमा बारा जिल्लाको कोहल्बी घर भई हाल भरतपुर महानगरपालिका–१५, भद्रकालीटोलमा बस्ने ५० वर्षीय देवेन्द्र चौधरी रहेको बागमती प्रदेश प्रहरी कार्यालय हेटौंडाले जानकारी दिएको छ । चौधरी बुधबार बिहान आफैंले चलाएको साइकलबाट लड्दा घाइते भएका थिए । घाइते चौधरीलाई उपचारका लागि जिल्ला अस्पताल लगिएकोमा उपचारको क्रममा बुधबार नै मृत्यु भइको प्रदेश प्रहरीले जनाएकाे छ ।
यसैगरी काठमाडौं जाँदै गरेको भारतीय कन्टेनर नम्बर NL 01 AC 1246 को चालक भारत महाराष्ट्र बस्ने ५४ वर्षीय जाकेर उस्मान मिर्जालाई कन्टेर चलाइरहेकै अवस्थामा एक्कासी अप्ठ्यारो भएकाे प्रहरीले जनाएकाे छ । प्रहरीका अनुसार कन्टेर चलाइरहेकै अवस्थामा भरतपुर २९ दासढुंगामा मिर्जालाई अप्ठ्याराे भएकाेले उपचारकाे लागि बुधबार नयाँ मेडिकल कलेज भरतपुर ल्याएकोमा उपचारको क्रममा मृत्यु भएको हाे । मिर्जाकाे मेजर हर्ट अट्याककाे कारण मृत्यु भएकाे चिकित्सकलाई उदृत गर्दै प्रदेश प्रहरी बागमतीले जानकारी दिएकाे छ ।
मोटरसाइकले ठक्करदिँदा प्रहरी जवानको मृत्यु
Tags: No Comments
मकवानपुर । मकवानपुरकाे हेटौंडामा माेटरसाइकलले ठक्कर दिदा पीटी दौडमा सहभागी प्रहरी जवानको मृत्यु भएको छ । बागमती प्रदेश प्रहरी कार्यालय हेटौंडामा कार्यरत २५ वर्षीय प्रहरी जवान विनोद एडीको मृत्यु भएको जिल्ला प्रहरी कार्यालय मकवानपुरले जनाएको छ ।
बुधबार बिहान पूर्व–पश्चिम राजमार्गअन्तर्गत हेटौँडा–११, थानाभर्याङमा नवलपुरतर्फ जाँदै गरेको ना ४३ प २२२ नम्बरको मोटरसाइकलले डडेल्धुरा जिल्लाको आलिताल गाउँपालिका–६ स्थायी घर भई हाल प्रदेश प्रहरी कार्यालयमा कार्यरत एडीलाई ठक्कर दिएको थियो । मोटरसाइकलको ठक्करबाट घाइते भएका एडीलाई उपचारका लागि हेटौंडा अस्पताल लगिएकाेमा बुधबार बिहान नै चिकित्सकले मृत घोषणा गरेकाे मकवानपुर प्रहरीले जनाएको छ ।
प्रहरी जवानलाई ठक्कर दिने मोटरसाइकल चालक हेटौँडा–४, हुप्रचौरका ४१ वर्षीय लक्ष्मण लामा घाइते भएका छन् । लामाकाे टाउको र हातमा चोट लागेकाेमा हेटौंडा अस्पतालमा उपचारपछि थप उपचारका लागि भरतपुरस्थित पुरानो मेडिकल कलेज लगिएकाे छ । मोटरसाइकलको ठक्करबाट पीटी दौडमा सहभागी प्रहरी जवान नवराज सार्की र विजय खत्री पनि सामान्य घाइते भएका छन् । उनीहरु उपचार पश्चात डिस्चार्ज भएका छन् ।
मनहरीमा जंगली हात्ती आतङ्कः मंगलबार ४ घरमा क्षती
Tags: No Comments
मकवानपुर । मकवानपुरको मनहरी गाउँपालिकामा जंगली हात्तीले आतङ्क फैलाउने क्रम बढेको छ । मंगलबार बिहान मनहरी ७, रमौलीमा जङ्गली हात्तीले ४ वटा घरमा क्षति पुर्याएको छ । यस अघि समेत पटक पटक मनहरी गाउँपालिकाका स्थानीयकाे घरमा हात्तीले क्षति पुर्याएकाे थियाे ।
मगलबार जङ्गली हात्तीको आक्रमणबाट स्थानीय खड्ग बहादुर थिङको काठ र टिनले बनेको भान्साकोठा, भगवती सुवेदीको घर अगाडिको काठको पाली,अर्जुन दहालको घर अगाडिको पाली भत्काई १ बोरा धानमा क्षती पुर्याएकाे र चित्र बहादुर घलानको घरको जस्ता भत्काएको जिल्ला प्रहरी कार्यालय मकवानपुरले जानकारी दिएको छ ।
हात्ती आएर क्षति गरेको सूचना पछि स्थानीय, नेपाल प्रहरी र पर्सा राष्ट्रिय निकुञ्जबाट नेपाली सेनाको टोलीले हात्तीलाई जङ्गलतर्फ लखेटेको तर मानवीय क्षति भने नभएको प्रहरीले जनाएको छ ।
गत शुक्रबार मध्यरातमा जंगली हात्तीले मनहरी ७ शान्तिटोलमा तीन वटा घरमा क्षति पुर्याएको थियाे । यसैगरी हात्तीकै आक्रमणबाट पुष ७ गते शनिबार मनहरी –७ बिजौना बस्ने ५१ वर्षीया कान्छिमाया तामाङलाई आक्रमण गरी घाइते बनाएको थियो । पौष १ गते राती हात्तीले मनहरी ८ सिम्पानी स्थित टल्के चेपाङको ढुङ्गा र जस्ताले बनेको १ तले घरमा पूर्ण क्षति पुर्याएको । यसै गरि उक्त हात्तीले स्थानीय राम बहादुर तामाङको गोठमा समेत क्षति पुर्याएको थियाे ।
मनहरीमा पछिल्लो समय जङ्गली हात्तीको आतङ्क बढेसँगै मकवानपुर क्षेत्र नं. २ का सांसद महेश बर्तौला प्रभावित क्षेत्र पुगेका छन् । घर र घरमा भएको अन्नपातमासमेत क्षति पु¥याउने गरेपछि जङ्गली जनावर प्रभावित स्थानीयको समस्या सुन्न आएका बर्तौलासँग स्थानीयले राप्ती खोलामा तटबन्ध निर्माण हुनुपर्ने माग गरेका थिए । स्थानीयहरुले हात्तीबाट धनजनको क्षति हुनबाट रोक्न कङ्क्रीट पर्खाल आवश्यक भएको बताएका छन् । उक्त क्षेत्रकाे केही स्थानमा कङ्क्रीट पर्खाल निर्माण भए पनि पर्खाल नभएको स्थानबाट हात्ती बस्तीमा छिरेर क्षति पुर्याइदिने गरेको छ ।
सांसद बर्तौलाले हात्तीबाट स्थानीयले भाेगेका पीडा सुनिसके पछि भने कङ्क्रीट पर्खाल अधुरो हुँदा जङ्गली जनावरको त्रास कायमै रहेको र पुर्जाका लागि नापजाँच सुरु भए पनि निकुञ्जका कारण रोकिएकाले मध्यवर्ती क्षेत्रको कानुन संशोधन आवश्यक भएको बताए । उनका अनुसार बस्तीको सुरक्षाका लागि तटबन्ध निर्माण त्यत्तिकै आवश्यक छ । सांसद बर्तौलाले मध्यवर्तीको समस्या सम्बन्धमा संसदमा आवाज उठाउँदै आएकाे जानकारी दिए । उनले भने, “मध्यवर्तीको खारेजी वा सिमाना हेरफेर आवश्यक छ ।
मकवानपुर । मकवानपुरकाे हेटौंडा उपमहानगरपालिकामा भीरबाट लडेर १ जनाकाे मृत्यु भएकाे छ । हेटौडा–१२, घरेटीडाँडामा भीरबाट लडेर हेटौंडा–१२, पदमपोखरीका ५५ कृष्ण बहादुर थापा मगरकाे मृत्यु भएकाे जिल्ला प्रहरी कार्यालय मकवानपुरले जनाएकाे छ ।
मगर आइतबारदेखि घरपरिवारबाट सम्पर्कविहिन भएका थिए । गत आइतबार रातिदेखि सम्पर्क विहिन भएका उनकाे खोजीकाे क्रममा मंगलबार बिहान घरेटीडाँडाको भीरबाट २ सय मिटर तल लडी मृत अवस्थामा फेला परेकाे प्रहरीले जनाएकाे छ । मुचुल्का पश्चात शव पोष्टमार्टमका लागि हेटौँडा अस्पताल ल्याइएकाे प्रहरीले जानकारी दिएको छ ।