मकवानपुर । बागमती प्रदेशकाे विभिन्न जिल्लामा भएकाे घटनामा १८ जना घाइते भएका छन् । प्रदेशकाे मकवानपुर, चितवन, नुवाकाेट, धादिङ्ग र सिन्धुपाल्चोक जिल्लfमा भएका घटनामा उनीहरु घाइते भएका हुन् ।
मकवानपुरमा भएकाे सवारी दुर्घटनामा ३ जना, चितवनमा भएकाे सवारी दुर्घटनामा १२ जना, नुवाकाेटमा भएकाे सवारी दुर्घटनामा ४ जना, धादिङ्गमा भएकाे घटनामा १ जना तथा सिन्धुपाल्चोकमा भएकाे घटनामा १ जना घाइते भएकाे बागमती प्रदेश प्रहरी कार्यालय हेटौंडाले जनाएकाे छ ।
मकवानपुरकाे हेटौंडा उपमहानगरपालिकामा ३ लेवट स्थित पुर्व-पश्चिम सडक खण्डमा लेवटबाट हेटौडा तर्फ जादै गरेको ना ५५ प ९७२५ नम्बरकाे मोटरसाइकल ले पैदल यात्री स्थानीय ५० वर्षीय मैया महतलाई ठक्कर दिदाँ उनी घाइते भएका हुन् । यसैगरी माेटरसाइकल स्थानीय ५२ वर्षीय राम कृष्ण ढुङ्गाना समेत घाइते भएकाे प्रहरीले जनाएकाे छ ।
यसैगरी हेटौडा ४ कान्तिकोलपथ सडक खण्डमा पिप्लेबाट हेटौडा तर्फ आउदै गरेको बा ६१ प १३९५ नम्बरको स्कुटर आफै अनियन्त्रित भई दुर्घटना हुदा स्कुटर चालक मकवानपुर मकवानपुरगढी गाउँपालिका ३ मक्रानचुली बस्ने अन्दाजी २५/२६ वर्षीय सरोज वाईबा घाइते भएकाे प्रदेश प्रहरीले जानकारी दिएकाे छ ।
यस्तै चितवनकाे भरतपुर महानगरपालिका २५ स्थित मिलिजुली चोकमा सिमाना चोक तर्फ बाट मिलिजुली चोक तर्फ जाँदै गरेको ना ३५प ८२६७ नम्बरकाे मोटरसाइकल र बिपरित दिशा तर्फबाट जाँदै गरेको बा. प्र.०६-००१ प ११२१ नम्बरकाे मोटरसाइकल ठक्कर खाइ दुर्घटना भएकाे हाे । दुर्घटनामा ना ३५ प ८२६७ नम्बरको चालक भरतपुर बस्ने ५२ वर्षीय प्रदिप महतो बा. प्र.०६-००१ प ११२१ नम्बरको चालक भरतपुर २४ बस्ने २२ वर्षीय बिनिता सिग्देल र साेही माेटरसाइकल पछाडी बस्ने भरतपुर ७ बस्ने १६ वर्षीय अश्रे काफ्ले घाइते भएका हुन् ।
भरतपुर ९ नं.वडा कार्यालय अगाडी प्रदेश १-०२-०४६ प ८९७४ नम्बरकाे माेटरसाइकल र प्रदेश २-०२- ००५ प ६२३० नम्बरको स्कुटर ठोकिएर भएकाे दुर्घटनामा ८९७४ नम्बरकाे चालक बारा घर भई भरतपुर बस्ने ३२ वर्षीय रमेश शाह, साेही माेटरसाइकल पछाडी बस्ने शाहकाे श्रीमती ३० वर्षीय सोनी महत्तो, निजहरुकाे छोरा ८ वर्षीय रिदम शाह तथा ६२३० नम्बरको स्कुटर चालक भरतपुर ९ बस्ने २० वर्षीय ईसान दुरा घाइते भएकाे प्रदेश प्रहरीले जनाएकाे छ ।
यस्तै भरतपुर १५ देवीचोकमा बा.प्र.००२-०३२प ८९३३ नम्बरको मोटरसाइकल र बागमती प्रदेश ०६-००३ प १७८८ नम्बरकाे स्कुटर टोक्किदा भएकाे दुर्घटनामा स्कुटर चालक भरतपुर १५ रामपुर बस्ने १६ वर्षीय हिमान्सु सिंह, मोटरसाइकल चालक भरतपुर ४ लंकु बस्ने ३१ वर्षीय कसम खरेल, मोटरसाइकल पछाडी बस्ने ३५ वर्षीय प्रतिक्षाराज खरेल घाइते भएकाे प्रहरीले जनाएकाे छ ।
भरतपुर ८ गौरीगंञ्जमा घोलपारीबाट ज्योति तर्फ जादै गरेको बा.प्र.०३ -००४प ८७२५ नम्बरको स्कुटरले विपरीत दिशाबाट आउदै गरेको साइकल लाई ठक्कर दिदा साइकल यात्री भरतपुर ८ बस्ने ७५ वर्षीय पदम बहादुर आले स्कुटर चालक स्थानीय १९ वर्षीय आशिष थापा घाइते भएका छन् ।
यसैगरी धादिङकाे गल्छी गाउँपालिका २ खरी ढुङगामा कुटपिटबाट १ जना घाइते भएका छन् । स्थानीय काले नाम बताउने व्यक्तिले मादक पदार्थ गरी गजुरी ६ जरे बस्ने २७ वर्षीय सरोज भुजेललाई बियरको बोतल प्रहार गरी घाईते बनाएकाे प्रहरीले जनाएकाे छ ।
नुवाकाेटकाे लिखु गाउँपालिका ६ खाल्टे स्थित टोखा छहरे सडक खण्डमा काठमाडौंबाट रसुवा तर्फ जादैं गरेको बा.प्र.०२०५२ प ६४३६ नम्बरको मोटरसाइकलले बा ७८ प २५८० नम्बरको मोटरसाइकल लाई ठक्कर दिंदा २५८० मोटरसाइकल चालक लिखु ६ बस्ने ६५ वर्षीय सुदन थापा मोटरसाइकल पछाडी सवार थापाको श्रीमती बर्ष ६५ वर्षीय दुर्गा थापा, ६४३६ नम्बर मोटरसाइकल चालक रसुवा आङछेदुङगा ३ बस्ने २१ वर्षीय डम्बर तामाङ घाइते भएका छन् ।
यस्तै लिखु ६ छहरे टोखा छहरे सडक खण्डमा काठमाडौंबाट ढिकुरे तर्फ जादै गरेको बा६च ६९३२ नम्बरको टोयोटा हाईलक्स गाडी र बिपरित दिशा बाट जाँदै गरेको बा.प्र.०२००३प ७१७९ नम्बरको मोटरसाइकल ठोकिएर भएकाे दुर्घटनामा माेटरसाइकल चालक नुवाकोट पञ्चकन्या १ बस्ने २१ वर्षीय रोशन राई मोटरसाइकल पछाडी सवार उक्त स्थान बस्ने २३ वर्षीय सबिन राई घाइते भएकाे प्रदेश प्रहरी कार्यालयले जनाकारी दिएकाे छ ।
यसैगरी सिन्धुपाल्चाेक साँगाचोकगढी नगरपालिका ३ बतासेमा कुटपिटबाट १ जना घाइते भएका छन् । स्थानीय ३७ वर्षीय नवराज कटुवालले मादक पदार्थ सेवन गरी ३९ वर्षीय श्रीमति पबित्रा कटुवाललाई कुटपिट गरी घाईते बनाएको प्रहरीले जनाएकाे छ ।
मकवानपुर । मकवानपुरकाे २ भिन्नाभिन्नै स्थानमा भएकाे दुर्घटनामा ३ जना घाइते भएका छन् । पूर्व–पश्चिम राजमार्गअन्तर्गत हेटौँडा–१५ रातोमाटेमा मोटरसाइकल र म्याजिक भ्यान आपसमा ठोक्किएर दुर्घटना हुँदा २ जना गम्भीर घाइते भएका छन् । यसैगरी बागमती गाउँपालिका–७ हवाङखोलामा ट्याक्टर र मोटरसाइकल आपसमा ठोक्किएर दुर्घटना हुँदा १ जना घाइते भएका छन् ।
बागमती प्रदेश प्रहरी कार्यालय हेटौंडाका अनुसार रातोमाटेबाट हेटौँडा बजारतर्फ आउँदै गरेको ना १० प १०५९ नम्बरको मोटरसाइकल र विपरित दिशाबाट आउँदै गरेको ना १ ज ८४७५ नम्बरको म्याजिक एक आपसमा ठोक्किएर दुर्घटना हुँदा मोटरसाइकलमा सवार दुईजना गम्भीर घाइते भएका छन् भने म्याजिक चालक फरार रहेकाे छ ।
शनिबार भएकाे दुर्घटनामा मोटरसाइकल चालक मकवानपुरको भीमफेदी गाउँपालिका–६, सिमलटारका १९ वर्षीय रविन तामाङ र मोटरसाइकलमा सवार मकवानपुरगढी गाउँपालिका–१ रानीशेराका २२ वर्षीय दावा लामा बम्जन गम्भीर घाइते भएको प्रदेश प्रहरीले जनाएकाे छ । टाउको र शरीरको विभिन्न ठाउँमा चोट लागेको रविन र दावाकाे हेटौंडा अस्पतालमा उपचारपछि थप उपचारका लागि भरतपुरस्थित पुरानो मेडिकल कलेजमा उपचारका लागि लगिएको छ ।
यसैगरी मकवानपुरको पूर्वी क्षेत्र बागमती गाउँपालिका–७ हवाङखोलामा ट्याक्टर र मोटरसाइकल आपसमा ठोक्किएर दुर्घटना हुँदा मोटरसाइकल चालक बागमती गाउँपालिका–८ का ४० वर्षीय दीपक बिश्वकर्मा घाइते भएका छन् । शनिबार मदन भण्डारी लोकमार्गमा फापरबारीबाट झुरझुरेतर्फ जाँदै गरेको बागमती प्रदेश ०३–००१ त ४१५ नम्बरको ट्याक्टर र झुरझुरेबाट फापरवारीतर्फ जाँदै गरेको बा प्र ०३–००४ प ६३१८ नम्बरको मोटरसाइकल आपसमा ठोक्किएर दुर्घटना भएको प्रदेश प्रहरी कार्यालयले जनाएको छ ।
दुर्घटनामा परी टाउकोमा चोट लागेका दीपकलाई उपचारका लागि हेटौंडास्थित मकवानपुर सहकारी अस्पताल ल्याइएकाे थियो । शनिबार राती नै दीपकलाई थप उपचारका लागि भरतपुरस्थित पुरानो मेडिकल कलेज लगिएको र त्यहाँबाट पनि काठमाडौंस्थित न्यूरो अस्पताल लगिएको प्रहरीले जानकारी दिएको छ । प्रहरीले ट्याक्टर र ट्याक्टर चालक बागमती गाउँपालिका–८ का ५१ वर्षीय सुनिल राईलाई नियन्त्रणमा लिएको छ ।
मकवानपुर । नुवाकोट जिल्लाको लिखु गाउँपालिका–६ छहरेमा ट्रकमा माेटरसाइकल ठाेकिदाँ १ जनाको मृत्यु भएको छ भने अरु २ जना घाइते भएका छन् ।
टोखा–छहरे सडकमा बिहीबार भएको दुर्घटनामा तादी गाउँपालिका–३ का ३५ वर्षीय विनोद चौलागाईँको मृत्यु भएको बागमती प्रदेश प्रहरी कार्यालय हेटौंडाले जनाएकाे छ । दुर्घटनामा तादी–३ का राजाराम श्रेष्ठ गम्भीर घाइते तथा लिखु ५ बस्ने १८ वर्षीय प्रशान्त गोतामे घाइते भएका छन् । दुवै जनाकाे ग्रिनसिटी अस्पताल काठमाडौंमा उपचार भइरहेको प्रहरीले जनाएकाे छ ।
काठमाडौं–टोखा–छहरे सडक खण्डमा काठमाडौंबाट नुवाकाेटकाे खरानीटार तर्फ जाँदै गरेको बा ६२ प २८७९ नम्बरकाे मोटरसाइकल ढिकुरेबाट छहरे तर्फ आउँदै गरेको बा ५ ख ७०१६ नम्बरको आईचर ट्रकमा ठोकिदा भएकाे दुर्घटनामा माेटरसाइकलमा सवार चौलागाईं घाइते भएकाेमा उपचारको क्रममा ग्रिनसिटि अस्पतालमा मृत्यु भएको प्रदेश प्रहरी कार्यालयले जनाएकाे छ । उक्त दुर्घटनामा माेटरसाइकल चालक श्रेष्ठ र पैदलयात्री गोतामे घाइते हुन् ।
मोटरसाइकले पैदल यात्री लिखु ५ बस्ने प्रेम बहादुर गोतामेको छोरा १८ को प्रशान्त गोतामेलाई ठक्कर दिंदा अनियन्त्रित हुन गई बा ५ ख ७०१६ नम्बरकाे ट्रकमा ठोकिएकाे थियाे । प्रदेश प्रहरीकाे अनुसार दुबै सवारी साधन प्रहरीको नियन्त्रणमा रहेको छ भने आईचर चालक नुवाकोट ककनी गाउँपालिका वडा नम्बर ५ डाडाँगाउ बस्ने ३२ वर्षीय शान्तसिहं लामालाई नियन्त्रणमा लिई जिल्ला प्रहरी कार्यालय नुवाकाेटमा राखिएकाे छ ।
मकवानपुर । मकवानपुर प्रहरीले लागुऔषधसहित २ जनालाई पक्राउ गरेकाे छ । लागु औषध ट्रामाडोल तथा डाईजेपामसहित १/१ जनालाई पक्राउ गरिएकाे हाे ।
जिल्ला प्रहरी कार्यालय मकवानपुरका अनुसार ट्रामाडोलसहित हेटौंडा–९, लामसुरे हाईटबाट रौतहटको देवाही गोनाह नगरपालिका– २ घर भई लामसुरे बस्ने २३ वर्षीय शिव शंकर पाण्डेलाई पक्राउ गरिएकाे हाे । यसैगरी डाईजेपामसहित हेटौंडा–१५, रातोमाटे चेकपोष्टबाट जितपुर जिल्लाको सिमरा उपमहानगरपालिका–१२ का २५ वर्षीय मनोज साहलाई पक्राउ गरिएकाे प्रहरीले जानकारी दिएको छ ।
मंगलबार इलाका प्रहरी कार्यालय पशुपतीनगर मकवानपुरबाट खटिएको प्रहरी टोलीले हेटौंडा–९, लामसुरे हाईटमा पाण्डेलाई शंका लागि जाँच गरेकाे थियो । प्रहरीले पाण्डेको साथबाट लागुऔषध ट्रामाडोल ७ पत्ता ७० क्यापसुल फेला नियन्त्रण लिएर थप अनुसन्धान भई रहेको जनाएकाे छ ।
यसैगरी मंगलबार नै प्रहरी चौकी रातोमाटेबाट खटिएको प्रहरी टोलीले हेटौंडा–१५, रातोमाटे चेकपोष्टमा वीरगंजबाट हेटौंडा तर्फ आउँदै गरेको मधेश प्रदेश ०३–००१ ज ०४३१ नम्बरको यात्रुबाहक ईभी गाडीलाई जाँच गरेकाे थियाे । उक्त गाडीमा सवार साहको साथबाट लागुऔषध डाईजेपाम २५ एम्पुल, फेनार्गन २५ एम्पुल,र नुर्फिन २५ एम्पुल गरी जम्मा ७५ एम्पुल बरामद गरेको प्रहरीले जनाएकाे छ । उक्त डाइजेपामसहित साहलाई नियन्त्रणमा लिई थप अनुसन्धान भई रहेको प्रहरीले जनाएकाे छ ।
मकवानपुर । मकवानपुर प्रहरीले बसमा नगद चोरी गरेकाे आरोपमा ३ जनालाई पक्राउ गरेकाे छ । बस चढेका व्यक्तिको ५१ हजार नगद चोरी गरेकाे आरोपमा उनीहरुलाई पक्राउ गरिएकाे हाे ।
सोमबार राती मकवानपुर मनहरी गाउँपालिका वडा नंबर–६ बस्ने ४९ वर्षिय भरत गौतम हेटौडाबाट ना ५ ख ८१०१ नम्बरको बस चढि लोथर जाने क्रममा निजको साथमा रहेको नगद ५१ हजार पाकेट मारी चोरी भएकाे थियाे ।
चोरीकाे सूचनाकाे आधारमा प्रहरीले सिन्धुपाल्चोक लिसंखु पाखर गाउँपालिका वडा नंबर ६ बस्ने ३२ वर्षिय लाक्पा तामाङ, जिल्ला उदयपुर त्रियुगा नगरपालिका वडा नंबर–१० बस्ने ४२ वर्षिय प्रेम दोर्जे शेर्पा र धनकुटा छथर गाउँपालिकावडा नंबर– ३ बस्ने ३७ वर्षिय हेमराज श्रेष्ठलाई पक्राउ गरेकाे जिल्ला प्रहरी कार्यालय मकवानपुरले जनाएकाे छ ।
इलाका प्रहरी कार्यालय मनहरीबाट खटिएको टोलीले तामाङ, शेर्पा र श्रेष्ठलाई शंका लागि खानतलासी गर्दा निजहरुको साथबाट चोरी भएको रकम फेला परेकोले पक्राउ गरिएको मकवानपुर प्रहरीकाे भनाई रहेकाे छ ।