लागूऔषध गाँजा ३४ किलोसहित १ जना पक्राउ
Tags: No Comments
मकवानपुर । मकवानपुर प्रहरीले लागूऔषध गाँजासहित १ जनालाई पक्राउ गरेको छ । जिल्ला प्रहरी कार्यालय मकवानपुरले गाँजा ३४ किलाेसहित पर्साको बिन्दावासिनी गाउँपालिका ३ बस्ने २९ वर्षीय रबिन्द्र उपाध्यायलाई पक्राउ गरेकाे हाे ।
जिल्ला प्रहरी कार्यालय मकवानपुरका प्रहरी निरीक्षक अविनाश अधिकारीका अनुसार, उपाध्यायलाई विशेष सूचनाको आधारमा प्रहरी चौकी भैंसे मकवानपुरबाट प्रहरी सहायक निरीक्षक प्रभु राउत कुर्मीको कमाण्डमा खटिएको प्रहरी चेकीङ टोलीले विहीबार बैशाख १६ गते दिउँसो पक्राउ गरिएकाे हाे । उपाध्यायलाई भीमफेदी गाउँपालिका १ सुन्दरीमाईस्थित राप्तीखोलाको बगरबाट उक्त परिणामको लागूऔषधसहित पक्राउ गरिएकाे अधिकारीले बताए ।
मकवानपुर प्रहरीका अनुसार पालुङगबाट हेटौँडातर्फ आउदैं गरेको ना १ ज ४७३३ नम्वरको सुमो भीमफेदी–२ मा रोकी चेकजाच गर्न खाेज्दा नरोकी तीब्र गतिमा भागेकोले उक्त सुमोको पिछा गर्दै भीमफेदी–१ सुन्दरीमाईस्थित राप्तीखोलाको बगरमा फेला पारेको हाे । सुमाे फेलापारी चेकजाच गर्दा उक्त परिणामको लागूऔषध बरामद भएपछि निजलाई पक्राउ गरेको जिल्ला प्रहरी कार्यालय मकवानपुरले जनाएको छ ।
उक्त सुमो र गाँजासहित पक्राउ परेका उनीमाथि आवश्यक अनुसन्धानका साथै कानूनी कारबाही अगाडि बढाइएको जनाएको छ ।
मकवानपुर। बुधबार बैशाख १५ गतेबाट मकवानपुर जिल्लामा चल्ने सबै निजी तथा सार्वजनिक सवारीमा जोरबिजोर प्रणाली लागू हुने भएको छ । आज बुधबारबाट लामो दुरी र अत्यावश्यक सेवा बाहेकका सबै सवारी साधनमा जोरविजोर प्रणाली कढाईका साथ लागू हुने भएको हाे ।
यसअघि बैशाख १२ गते बाट हेटौंडामा चल्ने निजी सवारीमा प्रशासनले जोरबिजोर लागू गरेको थियो । बुधबारबाट अर्का सुचना नभएसम्म लामो दूरीका सवारी, सरकारी र अत्यावश्यक सेवा (स्वास्थ्य, खाद्यान्न, खानेपानी, तरकारी, फलफुल, दुध तथा दुधजन्य पदार्थ, बैंक तथा वित्तय संस्था, दुरसञ्चार, क्वारेन्टाइन, आइसोलेसन र फोहोरमैला) बाहेकका जिल्लाभित्र संचालन हुने सबै सवारीमा जोरबिजोर लागू गर्ने जिल्ला कोभिड–१९ संकट व्यवस्थापन केन्द्र मकवानपुरको मंगलबार बसको बैठकले निर्णय गरेको छ ।
बुधबारबाट जिल्लामा सैलुन, ब्युटिपार्लर र मदिरा व्यवसाय अर्का सुचना नभएसम्मको लागि बन्द हुनेछन् । कोभिडको मध्यनजर गर्दै यस्तो निर्णयहरु गरिएको प्रमुख जिल्ला अधिकारी भरतमणी पाण्डेले जानकारी दिए । सेवाग्राहीको अत्याधिक भिड हुने राष्ट्रिय परिक्षा बोर्ड शाखा कार्यालय, यातायात व्यवस्था सेवा कार्यालयको आन्तरिक कार्य बाहेक सबै प्रकारका सेवा अाजबाट अर्को सूचना नहुन्जेलसम्मका लागि बन्द गर्ने निर्णय गरिएको छ ।

यसैगरी मकवानपुरमा संचालित सवै बैंक तथा वित्तिय संस्थाहरू हप्तामा ३ दिन मात्र खुन्ने भएकाे छ । कोभिड-१९ संक्रमण रोकथाम, नियन्त्रण तथा व्यवस्थापनकाे लागि बैशाख १४ गते प्रमुख जिल्ला अधिकारीकाे अध्यक्षतामा बैंक तथा वित्तिय संस्थाका प्रमुख एवं सञ्चालकहरूसँग बसेको बैठकले बैक तथा वित्तिय संस्था हप्ताकाे ३ दिन विहान ११ वजेबाट दिउँसाे २ बजेसम्म खेाली सेवा प्रवाह हुने व्यवस्था मिलाउने निर्णय गरेकाे हाे ।
बैंक तथा वित्तिय संस्थाकाे एटिएम भने २४ घण्टा खुल्ला रहने छन् । सहकारी सस्थाहरूले घर घर गरी गरिने वित्तिय काराेबार भने बन्द रहने भएका छन् । मकवानपुरमा बुधबारबाट बार अनुसार तालिका बनाएर व्यवसाय संचालन हुने भएको छ ।
कोभिड-१९ संकट व्यवस्थापन केन्द्रको बैठकले हप्तामा ३/३ दिनको तालिका अनुसार बजारका पसल, व्यवसाय संचालन हुने निर्णय गरेको हो । केन्द्रको बैठकले मकवानपुर उद्योग वाणिज्य संघलाई समन्वय गर्न परिपत्र गरे पछी संघले सुची तयार पार्दै १७ व्यवसाय तालिकामा संचालन गर्न संयोजक तोकेको छ ।



मकवानपुरको ८ स्थानीय तहमा अक्सिजन सहितको आईसोलेशन
Tags: No Comments
मकवानपुर । कोभिड–१९ (कोरोना भाईरस)को दोश्रो लहरले नेपाल समेत प्रभाव पार्न थालेपछि मकवानपुर जिल्लाका सवै स्थानीय तहमा अक्सिजन सहितको आइसोलेसन वार्डको तयारी सुरु भएकाे छ । मकवानपुरकाे १० स्थानीय तह मध्ये ८ स्थानीय तहमा अक्सिजन सहितको आईसोलेशनको ब्यवस्थापन भइसकेको छ ।
‘मकवानपुरको १० स्थानीय तहमध्ये ८ वटा तहमा अक्सिजन सहितको आईसोलेशनको ब्यवस्थापन भइसकेको छ’ जिल्ला समन्वय समिति मकवानपुरका प्रमुख रघुनाथ खुलालले भने– ‘बाँकी स्थानीय तहमा भने अबको एकहप्ता भित्र स्थापना भइसक्ने छ ।’
मगलबार मकवानपुरमा बढै गएकाे काेराेना भाइरस कोभिड १९ काे सन्दर्भमा मकवानपुरको तयारी सम्बन्धी पत्रकार सम्मेलनमा प्रमुख खुलालले कोरोना संक्रमण रोक्न करिब तयारी पुरा भएको बताए । काेराेनाकाे दोश्रो लहर मकवानपुरमा दैिनक तिब्र गतिमा फैलिएको हुँदा स्वास्थ्य सावधानी अपनाउन आम नागरिकलाई प्रमुख खुलालले आग्रह गरे ।
कोरोनाको संक्रमणमा परेकाहरुलाई आइसोलेशनमा राख्नको लागि हेटौँडा उपमहानगरपालिकाले १ सय २० शैयाको आइसोलेशन वार्ड गौरीटारमा स्थापना गरेको छ । सुविधासम्पन्न उक्त आइशोलेसनको क्षमता १ सय ५० सम्म रहेको छ ।
यसैगरि बागमती गाउँपालिकाले १० शैया, बकैया गाउँपालिकाले २०, मकवानपुरगढी गाउँपालिकाले १५ , इन्द्रसरोबर गाउँपालिकाले १२, थाहा नगरपालिकाले चालु अवस्थामा २० र तयारी थप २० गरि ४० बेड, कैलाश गाउँपालिकाले १० तयार गरेका छन् भने अबको एक हप्तामा प्रयोग हुने गरी राक्सीराङ गाउँपालिकाले २० शैयाको आइसोलेशन तयार गरेका छन् ।
मकवानपुर । मकवानपुरको बकैया गाउँपालिका वडा नंबर ७ हात्तीखोलामा गोठमा आगलागी हुँदा जलेर नष्ट भएको छ । साेमबार दिउँसो स्थानीय यज्ञ प्रसाद सापकोटाको पक्की गोठमा विद्युत सर्ट भएर आगलागी हुँदा करिब १७ लाख बराबरको क्षती भएको प्रारम्भिक अनुमान गरिएकाे छ ।
जिल्ला प्रहरी कार्यलय मकवानपुरका प्रहरी निमित्त प्रवक्ता अविनाश अधिकारीका अनुसार आगलागी नियन्त्रणमा लिनको लागि हेटौंडाबाट दमकल पठाइएकाे थियो । आगलागीबाट मानवीय र पशुचौपायाको क्षती नभएको तर गोठ भने पूर्ण रुपमा जलेर नष्ट भएको प्रवक्ता अधिकारीको जानकारी दिए ।
स्थानीयका अनुसार मध्यान्ह १२ बजेबाट सुरु भएको आगलागी ३ बजे नियन्त्रणमा आएको थियाे । विद्युत सर्ट भएर आगलागी भएको आगलागी भएको बताइएकाे छ । ४ वटा मोटरले पानी फाल्दा पनि आगो नियन्त्रणमा लिन नसकेपछि हेटौंडाबाट दमकल पठाइ अागाे नियन्त्रणमा लिइएकाे हाे ।
मकवानपुर । मकवानपुरमा पछिल्लो समय कोरोना भाइरस (कोभिड–१९) को संक्रमण बढिरहेको सन्दर्भमा यसकाे नियन्त्रणकाे लागि थप निर्णय भएकाे छ । सोमबार जिल्ला प्रशासन कार्यालयमा बसेको कोभिड–१९ संक्रमण रोकथाम तथा संकट व्यवस्थापन केन्द्र (डीसीएमसी) को बैठकले जिल्लाको सुरक्षा ब्यवस्था कडाई गर्ने लगायतका ८ निर्णय गरेको हो ।
बैठकले जिल्ला भित्र रहेका पार्टी प्यालेसहरु पूर्ण रुपमा बन्द गर्ने, विद्यालय,कलेज,टुयसन सेन्टर लगायत शिक्षण संस्थाहरुमा भौतिक रुपमा उपस्थित भई संचालन हुने पठनपाठन तथा सबै परिक्षाहरु बन्द गर्ने, होटल, रेष्टुरेन्ट, रिर्सोटहरुमा हुने बिवाह, ब्रतबन्ध, जन्मउत्सब लगायत भिडभाड हुने कार्यक्रमहरु पुर्णरुपमा रोक लगाईने, हेटौंडा बजार क्षेत्रको फुतपातमा हुने सबै किसिमका ब्यापार पुर्णरुपमा बन्द गर्ने निर्णय गरेकोे छ ।
यसैगरि बैठकले जिल्लामा संचालनमा रहेको विभिन्न किसिमका ब्यापार ब्यवसायहरु आलोपाले गरी संचालन गर्ने र हेटौंडा–१० स्थित बसपार्कमा रहेको तरकारी बजार, माछामासु बजार, खोपेगल्लीमा रहेको तरकारी बजार बिहान ४ बजे दखी बिहान ८ बजे सम्म मात्र संचालन गराईने निर्णय गरेको गरेको छ । साथै जिल्लाभर निर्माण भएका आइसोलसन सेन्टरहरु पुन संचालन गरिने निर्णण समेत गरिएको छ ।
यसैगरी जिल्ला प्रशासन कार्यालय मकवानपुरले साेमबार सूचना जारी गरी स्थानीय तह अनुसार अलग अलग दिन सेवा प्रवाह गर्ने समेत निर्णय गरेकाे छ ।

