मकवानपुर । मकवानपुरमा निषेधाज्ञा उल्लङ्घन गर्ने ५ सवारी साधन कारवाहीमा परेकाे छ । जेठ ३१ गते साेमबार मकवानपुर प्रहरीले निषेधाज्ञा उल्लङ्घन गर्ने मोटरसाइकल/स्कुटर, अटो, सानो गाडी गरी १९ वटा सवारी साधनको कागजपत्र नियन्त्रणमा लिएकाे छ ।
जिल्ला प्रहरी कार्यालय मकवानपुर तथा मातहत कार्यालयबाट खटिएको प्रहरी टोलीले बिभिन्न स्थानका चेकप्वाईन्टमा निषेधाज्ञा उल्लङ्घन गर्ने १९ सवारी साधनलाई नियन्त्रणमा लिइएकाेमा कोभिड- १९ संकट व्यवस्थापन अध्यादेश, २०७८ बमोजिम ५ वटा सवारी साधनलाई कारवाही गरिएको जिल्ला प्रहरी कार्यालय मकवानपुरका प्रवक्ता जयश्वर रिमालले बताए ।
यस्तै जेठ ३१ गते निषेधाज्ञाकाे अवधीमा पसल ब्यवसाय खोली संचालन गर्ने ४ जना कारवाहीमा परेका छन् । निषेधाज्ञाकाे अवधीमा पसल ब्यवसाय खोली संचालन गर्ने हेटाैडा ८ का किराना पसल, हेटाैडा ८ काे हार्डवेयर पसल हेटाैडा ९ काे तरकारी पसल, हेटाैडा ९ कै हार्डवयर पसल समेतका ४ जना प्रहरीले नियन्त्रणमा लिइएकाे हाे ।
उनीहरूलाई आवश्यक कारवाहीको जिल्ला प्रशासन कार्यालय मकवानपुर पठाईएकोमा जिल्ला प्रशासन कार्यालयबाट प्रत्येकलाई जनही ३ हजार रूपैयादेखि ५ हजार रूपैयाका दरले जरिवाना समेत भएको प्रवक्ता रिमालले जानकारी दिए ।
निषेधाज्ञाको निशानामा बालबालिका, बढ्यो बाल हिंसा
Tags: No Comments
मकवानपुर / कोरोना महामारीको कारण जारी निषेधाज्ञाको निशानामा बालबालिकाहरु परेका छन्। एकातिर विद्यालयहरु बन्द, अर्कोतिर घरभित्रको अभाव र हिंसाको कारणबाट बालिबालिकाहरु शिकार हुने गरेका हुन् ।
सिविन बाल हेल्प लाइन मकवानपुरका अनुसार निषेधाज्ञाको समयमा बालबालिका सम्बन्धी घटनाहरु बढेका छन् । सिविन बाल हेल्प लाइन मकवानपुरका प्रमुख झविन्द्र ज्ञावलीका अनुसार निषेधाज्ञामा बालबालिकाहरुमाथि हिंसा तथा बालविवाह बढेको छ । घरेलु हिंसाको कारण पनि बालविवाह बढेको ज्ञावलीको भनाई छ ।
निषेधाज्ञाको समयमा मात्रै ८ वटा बालविवाहको घटनाहरु भएको सिविनले जनाएको छ । ति मध्ये केही बालिकाहरुलाई सिविनले अहिले पनि आश्रय दिंदै आएको छ । विद्यालय बन्द भएको समयमा बालबालिकाहरुमाथि हिंसा बढी हुने गरेको ज्ञावलीले बताए । सामान्य अवस्थामा अर्थात १ साउन २०७७ देखि २० वैशाख २०७८ सम्म (१० महिनाको अवधिमा) ४८ वटा बाल विवाहका घटनाहरु सिविनको पहलमा रोकिएको थियो ।
निषेधाज्ञा सुरु भएको १ महिनाको अवधिमा मात्रै ८ वटा घटना सार्वजनिक भएको छ । ८ वटाै घटनाहरु सिविनको पहलमा रोकिएको बताइएको छ । पछिल्लो पटक साेमबार मकवानपुरगढी गाउँपालिकामा बालविवाहको तयारीमा रहेको घटना राेकिएकाे सिविनले जनाएको छ । ‘याे साता मात्रै ३ वटा बालविवाह सम्वन्धी घटना राेकियाे’ ज्ञवालीले भने । परिवारीक आर्थिक अवस्था बिग्रेपछि घरेलु हिंसा बढेको र यसको प्रत्यक्ष असर बालबालिकामा परेको ज्ञावलीले बताए । ‘यो विषम परिस्थितीमा बालबालिबाहरु आफूखुसी विवाह गर्ने क्रम पनि बढेको छ’ उनले भने ।
विगत १० महिनामा ११ जना बालबालिकाहरु बेपत्ता भएका थिए भने निषेधाज्ञाको समयमा मात्रै ६ जना बालबालिकाहरु बेपत्ता भएको तथ्याङ्कले देखाएको छ । यो बिचमा २ जना बालबालिकामाथि दुव्र्यवहार भएको सिविनमा दर्ता भएको छ । निषेधाज्ञाको समयमा मकवानपुरमा बालबालिबासम्बन्धी १९ वटा घटना भएका छन् ।
पछिल्लो समय घरेलु हिंसा हुनुमा मद्यपान सेवन गरेर हुने हिंसा, कुटपिट गर्ने, घरमा आर्थिक समस्या हुने, शंकाको आधारमा दम्पत्ती विच हुने झगडाले बालबालिकाहरु शिकार हुने गरेका छन्।निषेधाज्ञको समय जारी रहेको भएपनि जस्तो सुकै घरेलु हिंसा घटनामा तुरुन्तै ‘एक्सन’ लिने गरि प्रहरीले टोली खटाउने जिल्ला प्रहरी कार्यालय मकवानपुर महिला बालबालिका तथा ज्येष्ठ नागरिक सेवा केन्द्रकी प्रहरी निरीक्षक चुडाकुमारी खड्काले बताइन् ।
हेटौंडा /काेराेना महामारीकाे कारण जारी निषेधाज्ञा मकवानपुरमा असार ७ गतेसम्मलाई लम्बिएको छ । जिल्ला कोभिड–१९ व्यवस्थापन केन्द्रको आइतबार बसेको बैठकले ७ गतेसम्म केहि खुकुलाे गर्दै निषेधाज्ञा लम्बाउने निर्णय गरेको जिल्ला प्रशासन कार्यलय मकवानपुरले जनाएकाे छ ।
विहान ४ बजे देखी ९ बजेसम्म खाद्य तथा दैनिक उपभोग्य वस्तुको विक्रीका लागि खुलाइएकोमा अब मोवाइल, कम्प्युटर व्यवसाय पनि १० बजेसम्म सञ्चालन गर्न पाइने भएकाे छ । बैंकहरू अब सबै दिन खुल्ला रहने पाउने छन् ।
हप्ताको सातै दिन बिहान १० बजे सम्म खाद्यन्न, तरकारी, फलफुल तथा दुग्धजन्य ब्यवसाय संञ्चालन गर्न पाईने भएको छ । निषेधाज्ञाको स्वरुप परिवर्तन गर्दे जिल्ला कोभिड संकट ब्यबस्थापन केन्द्रको बैठकले निषेधाज्ञालाई लम्ब्याउदै हप्ताको सातै दिन खाद्यन्न, तरकारी, फलफुल तथा दुग्धजन्य ब्यवसाय बिहान १० बजेसम्म सञ्चालन गर्न दिने निर्णय गरेको हो ।
तर अन्य व्यवसाय भने पूर्णरुपमा बन्द रहने जनाइएको छ ।
यस्ता छन् निर्णयहरु :–खाद्यन्न, तरकारी, फलफुल तथा दुग्धजन्य ब्यवसाय बिहान १० बजेसम्म सञ्चालन हुने (प्रत्येक दिन)
-स्टेस्नरी पसल, मोवाईल, अटोमोवाईल मर्मत बिहान १० बजेसम्म (प्रत्येक दिन)
-बैंक दिनको बिहान १० बाट दिउँसो ३ बजेसम्म सञ्चालन हुने (प्रत्येक दिन)
-वित्तिय सस्था, सहकारी, रेमिट्यान्स दिउँस २ बजेसम्म सञ्चालन हुने (प्रत्येक दिन)
-मार्टहरु दिउँसो १० बजेसम्म सञ्चालन हुने ( प्रत्येक दिन)-सहकारीको हकमा बजारबाट रुपैँया संकलन गर्न नपाईने ।
मकवानपुर । मकवानपुर प्रहरीले निषेधाज्ञा उल्लङ्घन गर्ने २२ सवारी साधनलाइ कारवाही गरेकाे छ । जेठ २८ गते जिल्ला प्रहरी कार्यालय मकवानपुर तथा मातहत कार्यालयबाट खटिएको प्रहरी टोलिले निषेधाज्ञा उल्लङ्घन गर्ने मोटरसाइकल/स्कुटर, अटो गरी २० वटा सवारीसाधन कारवाही गरेकाे जिल्ला प्रहरी कार्यालयले जनाएकाे छ ।
यसैगरी निषेधाज्ञा उल्लङ्घन गर्ने ६१ वटा सवारी साधनको कागजपत्र नियन्त्रणमा लिईएको छ । नियन्त्रणमा लिइएका २० वटा सवारी साधनलाइ कोभिड- १९ संकट व्यवस्थापन अध्यादेश, २०७८ बमोजिम प्रति सवारी साधन २ हजार देखि ५ हजारका दरले कारवाही गरिएको मकवानपुर प्रहरी प्रवक्ता जयश्वर रिमालले जानकारी दिए ।
यस्तै निषेधाज्ञा उल्लंघन गरी पसल पसल खोली संचालन गर्ने १ जना नियन्त्रणमा लिई आवश्यक कारवाहीको लागी जिल्ला प्रशासन कार्यालय मकवानपुर पठाईएकोमा प्रशासन कार्यालयबाट ५ हजार जरीवाना समेत भएको रिमालले बताए ।
‘अनुमति लिएर राहत वितरण गर्नु पर्ने’
Tags: No Comments
मकवानपुर । कोरोना संक्रमणकाे बेला संक्रमित तथा परिवारलाई राहत वितरण गर्दा अनुमित लिएर मात्र विरतर गर्न जिल्ला प्रशासन कार्यालय मकवानपुरले आग्रह गरेको छ । २८ गते शुक्रबारकाे जिल्ला काेभिड व्यवस्थापन समितिले निर्णय गरेर राहत वितरण गर्ने व्यक्ति तथा संस्थालाइ सम्वन्धित स्थानीय तह, जिल्ला प्रशासन कार्यालयसँग अनुमति लिएर मात्र राहत वितरण गर्न भनेकाे हाे ।
शुक्रबार सुचना जारी गरी जिल्लामा पछिल्लो समय राहत सामग्री आफु खशी ढंगबाट वितरण भएको जनगुनासो बढेकोले राहत बितरण गर्न इच्छुक व्यक्ति वा संस्थाले स्थानियतह तथा कोभिड व्यवस्थापन समिति, मकवानपुरबाट अनुमति लिएर मात्रै राहत सामग्री वितरण गर्न गराउन भनिएको छ । प्रशासनले आफूखुसी राहत बितरण नगर्न आग्रह गर्दै अनुगमनको क्रममा अनुमति बेगर राहत सामग्री वितरण गरिएको पाईएमा प्रचलित कानुन बमोजिम कारवाही समेत गरिने सूचनामा उल्लेख गरिएको छ ।
जिल्ला काेभिड व्यवस्थापन समितिका निर्णयहरू:-
- उद्योग तथा प्रतिष्ठानहरूमा कार्यरत मजदूर कर्मचारीहरू कोभिड-१९ बाट संक्रमित भएमा उद्योग प्रतिष्ठानले आफैले स्थापना गरेको आइसोलेशसन सेन्टर वा संस्थागत आइसोलेशसन सेन्टरमा निजहरूलाई राख्ने व्यवस्था उद्योग संघ, मकवानपुरले मिलाउने ।
- कोभिड-१९ बाट संक्रमित भई संस्थागत आइसोलेशन तथा होम आइसोलेशनमा बसिरहेकाहरूलाई एकीकृत ग्रामीण विकास सेवा, मकवानपुरले सम्बन्धित पालिकासँग समन्वय गरी मनोसामाजिक परामर्श प्रदान गर्ने ।
- कोभिड-१९ बाट संक्रमितहरूको उपचार गर्ने सन्दर्भमा हेटौडा अस्पतालले बालबालिका मैत्री संरचना समेत तयार गर्ने ।
- आगामी दिनमा हुनसक्ने कोभिड-१९ को तेस्रो लहर र बालबालिकाहरूलाई हुनसक्ने सम्भावित जोखिमलाई मध्यनजर गर्दै हेटौडा अस्पतालले आवश्यक पूर्वतयारी एवं स्रोतसाधनको आँकलन सहित जिल्ला कोभिड व्यवस्थापन समितिको आगामी बैठकमा योजना पेश गर्ने ।
- स्वास्थ्य कार्यालय, मकवानपुर र सबै स्थानीय तहहरूले कोभिड-१९ को परीक्षणको दायरा एवं संख्या बढाउने ।
- कोभिड-१९ बाट संक्रमित एवं प्रभावित परिवारलाई राहत सामग्री वितरण गर्ने सम्बन्धमा कतिपय व्यक्ति तथा संघ संस्थाले सम्बन्धित निकायबाट अनुमति नै नलिई राहत सामग्री वितरण गरिरहेको सूचना एवं गुनासो प्राप्त भएको सन्दर्भमा राहत सामग्री वितरण गर्न इच्छुक व्यक्ति तथा संघ संस्थाले सम्बन्धित स्थानीय तह वा जिल्ला कोभिड व्यवस्थापन समितिबाट अनुमति लिई मात्र राहत वितरणको कार्य गर्ने, गराउने ।
- निषेधाज्ञाको प्रभाव एवं आगामी रणनीतिका सम्बन्धमा जिल्ला कोभिड व्यवस्थापन समितिका सदस्यहरू (आमन्त्रित समेत)ले क्षेत्रगतरूपमा आ-आफ्ना राय आगामी बैठकमा पेश गर्ने ।