हेटौंडामा एपीएफ र फ्रेन्डस क्लबको भिडन्त
Tags: No Comments
मकवानपुर । हेटौंडामा जारी चौथो स्थानीय तह शहीद स्मृति अन्तराष्ट्रिय गोल्डकप प्रतियोगिता अन्तर्गत आज शनिबार सशस्त्र प्रहरीको एपीएफ क्लब,काठमाडौं र फ्रेन्डस क्लब ललितपुर भिड्दै छन् ।
हेटौंडा-५ को पिप्लेक्याम्पा रंगशालामा जारी खेल शनिबार अपरान्न ४ बजे सुरु हुने आयोजक मकवानपुर जिल्ला फुटबल संघले जनाएको छ । शुक्रबार भएको खेलमा बीएफसी भरतपुरलाई ३–० गोल अन्तरले हराउँदै चर्च ब्वाइज काठमाडौ क्वार्टरफाइनलमा प्रवेश गरेको छ ।
३० गते सम्म जारी रहने प्रतियोगितामा विजेता टोलीले शिल्ड,मेडल र प्रमाणपत्रसहित १५ लाख र उपविजेता टोलिले १० लाख प्राप्त गर्ने छन् । प्रतियोगितामा १२ वटा क्लबले सहभागिता जनाएका छन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर । साहित्य सङ्गम मकवानपुरले यस वर्ष ४ स्रष्टा लाई सम्मान गर्ने भएको छ । हरेक वर्ष प्रदान गर्दै आइरहेको सम्मान तथा पुरस्कार यस वर्ष पनि प्रदान गरिने संगमले जनाएको छ ।
सङ्गमले यसवर्ष गद्य कविता लेखनका थालनीकर्ता ‘गोपालप्रसाद रिमाल स्मृति सम्मान’–२०७८ वरिष्ठ कवि तथा नाटककार अविनाश श्रेष्ठलाई प्रदान गर्ने भएको छ । रिमालका परिवारले अक्षयकाेष स्थापना गरेको सम्मानको राशी २० हजार एक रुपैयाँ रहेको छ ।
त्यसैगरी, हेटौंडा उपमहानगरपालिका वडा नम्बर ४ को कार्यालयले प्रगतीवादी कवि श्यामप्रसाद शर्माको स्मृतिमा स्थापना गरेको ‘श्यामप्रसाद शर्मा स्मृति सम्मान’–२०७८ यसवर्ष साहित्यकार तथा पत्रकार नवराज शर्मा तिमल्सिनालाई प्रदान गरिने भएको छ । यस सम्मानको राशी १५ हजार ५ सय ५५ रुपैयाँ रहेको छ ।
यस्तै, हास्यव्याङ्ग्यकार डा. गणेशकुमार पौडेलले स्थापना गरेको ‘शान्तिदेवि स्मृति वनस्खण्डी साहित्य सम्मान’–२०७७ र ०७८ क्रमशः लघुकथाकार तथा कवि श्रीओम श्रेष्ठ (रोदन) र कवि शान्तिप्रिय वन्दनालाई प्रदान गरिने भएको छ । पौडेललेले सासुआमाको नाममा स्थापना गरेको सम्मानको राशी जनही १० हजार एक रुपैयाँ रहेको छ ।
साहित्यका विभिन्न क्षेत्रमा काम गर्दै आएको सङ्गमले साहित्यका विभिन्न क्षेत्रमा योगदान पुर्याउने स्रष्टाहरुलाई सम्मान गर्दै आइरहेको संस्थाकी अध्यक्ष अनिता न्यौपानले जानकारी दिइन् । उनले जेठ २२ गते हेटौंडा–२ मा रहेको धार्मिक पर्यटकीय स्थल वनस्खण्डीमा हुने विशेष साहित्य कार्यक्रम आयोजना गरेर सम्मान प्रदान गरिने उनले बताइन् ।
मकवानपुर । स्थानीय तह सदस्य निर्वाचन, २०७९ मा विजयी भएका मकवानपुरका ५ गाउँपालिकाका अध्यक्षले पद तथा गोपनियताको सपथग्रहण गरेका छन् ।
पहिलो चरणमा ५ स्थानीय तहका अध्यक्ष क्रमशः भीमफेदी गाँउपालिकाका हिदम लामा, इन्द्रसरोबर गाउँपालिका देवकृष्ण पुडासैनी, राक्सिराङ गाउँपालिकाका राजकुमार मल्ल, मकवानपुर गढीगाउँपालिका दोर्जे लामा र बकैया गाउँपालिका धर्मराज लामिछानेले पद तथा गोपनियताको सपथग्रहण गरेका हुन् ।
उनीहरुलाई बाँकी स्थानीय तहका प्रमुखलाई दोस्रो चरणमा सपथ ग्रहले पद तथा गोपनियताको सपथग्रहण गरेका हुन् । उनीहरुलाई मुख्य निर्वाचन अधिकृत तथा जिल्ला न्यायाधिश डिल्लीरत्न श्रेष्ठले सपथ ग्रहण गराएका थिए । बाँकी स्थानीय तहका प्रमुखलाई दोस्रो चरणमा पद तथा गोपनियताको सपथग्रहण गराइने मुख्य निर्वाचन अधिकृत श्रेष्ठले बताए ।
कानुनतः नगरपालिका तथा गाउँपालिकाका प्रमुख तथा अध्यक्षलाई मुख्य निर्वाचन अधिकृतले सपथ ग्रहण गराउनु पर्ने व्यवस्था रहेकाे छ । नगरपालिका तथा गाउँपालिकाका उपप्रमुख तथा उपाध्यक्ष र सदस्यहरुलाई प्रमुख तथा अध्यक्षले पद तथा गाेपनियताकाे सपथ गराउनु पर्ने गरी व्यवस्था गरिएकाे छ । हाल सम्ममकवानपुरको ८ स्थानीय तहको अन्तिम नतिजा आएकाे छ ।
मकवानपुर । मकवानपुरको थाहा नगरपालिकाको मेयरमा नेकपा माओवादी केन्द्र र उप मेयरमा नेपाली काग्रेस विजयी भएको छ ।
सत्तारुढ गठबन्धनबाट मेयरका उम्मेदवार माओवादीका विष्णु बिष्ट र उपमेयरका उम्मेदवार काग्रेसका भरत गोपाली विजयी भएका हुन । मेयरमा बिष्टले ९ हजार ७ सय १९ मत प्राप्त गरि निर्वाचित हुँदा नेकपा एमालेको उम्मेदवार अच्युतम ढकालले ७ हजार ७ सय ७१ मत ल्याइ पराजित भए ।
थाहामा कुल २३ हजार ५६ मत खसेकोमा उपमेयरमा कांग्रेसका भरत गोपालीले ८ हजार ६ सय ७ मत प्राप्त गरे भने एमालेकी कल्पना बलामीले ८ हजार ५ सय २२ मत प्राप्त गरिन् ।
थाहामा माओवादी ६ वटा, कांग्रेस र एमालेले ३/३ वडामा विजयी भएका छन् । अघिल्लो स्थानीय तहको निर्वाचनमा पनि थाहाको मेयरमा माओवादी र उप मेयरमा काग्रेसको गठबन्धन नै विजयी भएको थियो ।
मकवानपुर । मकवानपुरको मकवानपुरगढी गाउँपालिका अध्यक्षमा नेपाली काग्रेसका दोर्जे लामा स्याङ्तान र उपाध्यक्षमा मान कुमारी पाख्रिन विजयी भएका छन । स्याङ्तान र पाख्रिन ५ दलिय गठबन्धनबाट उमेदवार रहेका थिए ।
मंगलबार सार्वजनिक मत परिणाम अनुसार गठबन्धनबाट अध्यक्षमा कांग्रेसका स्याङतान ६ हजार ७ सय ६ मत सहित विजयी भएका छन् । उनका प्रतिस्पर्धी नेकपा एमालेका निर्वतमान गाउँपालिका अध्यक्ष विदुर हुमागाईले ५ हजार ६ सय ४५ मत ल्याए ।
यसैगरि, अध्यक्ष पदमा राष्ट्रिय प्रजातन्त्र पार्टीका विजय सिंह ठकुरीले १ सय ५० मत ल्याउँदा मंगोल नेशनल अर्गनाइजेसनका युवराज लामाले २४ मत,स्वतन्त्र उम्मेद्वारहरु कृष्ण प्रसाद कंडेल १२ र नवराज तिमल्सिनाले १ मत प्राप्त गरे ।
यसैगरि,उपाध्यक्षमा गठबन्धनबाट नेकपा माओवादीकी मान कुमारी पाख्रीन ६ हजार १ सय १० मत सहित विजयी भएकी छन् । उनका प्रतिस्पर्धी सन्तु थिङले ५ हजार २ सय ४ मत ल्याउँदा राप्रपाकी हिरा देवी हुमागाईले २ सय ७ मत प्राप्त गरिन ।
यसअघि,२०७४ को स्थानीय निर्वाचनमा मकवानपुरगढीको अध्यक्ष र उपाध्यक्ष दुबै पदमा नेकपा एमाले विजयी भएको थियो ।
मकवानपुरगढी गाँउपालिकामा रहेका ८ वटा वडाहरु मध्ये ६ वटा वडा काग्रेश र २ वडामा नेकपा एमालेका उमेदवार वडा अध्यक्षमा बिजयी भएकाछन् ।
वडा नम्बर १ मा आइतसिं लो नेपाली कांग्रेस
वडा नम्बर २ मा बखान सिं पाख्रिन नेपाली कांग्रेस
वडा नम्बर ३ मा भागवत घिमिरे नेकपा एमाले
वडा नम्बर ४ मा अर्जुन प्रसाद तिमल्सिना नेकपा एमाले
वडा नम्बर ५ मा दिपेश दाहाल नेपाली कांग्रेस
वडा नम्बर ६ मा कृष्ण बजगाईं नेपाली कांग्रेस
वडा नम्बर ७ मा सुर्य बहादुर रुम्बा नेपाली कांग्रेस
वडा नम्बर ८ मा कुमार घिसिङ नेपाली कांग्रेस