मकवानपुर । शनिबार हेटाैडामा २ सय १५ जना नेपाली कांग्रेसमा प्रवेश गरेका छन् । नेपाली कांग्रेस हेटौंडा उपमहानगर समितिले आयोजना गरेको कार्यक्रममा नेकपा एमाले, नेकपा माओवादी, राप्रपालगायत विभिन्न पार्टी परित्याग गरी उनीहरु नपेाली कांग्रेसमा प्रवेश गरेका हुन् ।
शुभ दीपावली, नेपाल संवत, छठ लगायतका पर्वहरुको अवसरमा आयोजना गरेको चियापान तथा शुभकामना आदानप्रदान कार्यक्रममा नेकपा एमाले मकवानपुरका जिल्ला सदस्य विष्णुगोपाल महर्जन, घरजग्गा व्यवसायी संघ मकवानपुरका अध्यक्ष ध्रुब घिमिरे सहित २ सय १५ जना कांग्रेस प्रवेश गरेका हुन् ।
नवप्रबेशीहरुलाई कार्यक्रमका प्रमुख अतिथि नेपाली कांग्रेसकी केन्द्रिय सदस्य महालक्ष्मी उपाध्याय (डिना) र नेपाली कांग्रेस बागमती प्रदेश संसदीय दलका नेता तथा मकवानपुरका सभापति इन्द्रबहादुर बानियाँले कांग्रसेसको सदस्यता प्रदान गर्दै पार्टीमा स्वागत गरेका छन् ।
मकवानपुर । नेपाली कांग्रेस हेटौंडा उपमहानगर समितिले शनिवार चियापान तथा शुभकामना आदानप्रदान कार्यक्रमको गरेको छ । कांग्रेस हेटौंडा उपमहानगर समितिले शुभ दीपावली, नेपाल संवत, छठ लगायतका पर्वहरुको अवसरमा चियापान तथा शुभकामना आदानप्रदान कार्यक्रम गरेकाे हाे ।
कांग्रेस हेटौंडा नगर सभापति उत्सव इटेनीको सभाध्यक्षता, नेपाली कांग्रेसकी केन्द्रीय सदस्य महालक्ष्मी उपाध्याय डिनाको प्रमुख आतिथ्यता तथा नेपाली कांग्रेस बागमती प्रदेश संसदीय दलका नेता ईन्द्रबहादुर बानियांको विषेश आतिथ्यता कार्यक्रम भएको हो ।
शुभकामना आदानप्रदान तथा चियापान कार्यक्रममा संविधान सभा सदस्य शोभाकर पराजुली, नेपाली कांग्रेस मकवानपुरका उपसभापति बिष्णु लामिछाने, प्रमुख सल्लाहकार रामचन्द्र अर्याल माइकल, जिल्ला सचिब बुद्ध लामा, कोषाध्यक्ष गोपिलाल बिश्वकर्मा, प्रबक्ता प्रदिप कोइराला, नेबि संघका केन्द्रीय महासचिव प्रभात दाहाल, जिल्ला सल्लाहकार उमा दाहाल, नेपाल प्रेस युनियनका पूर्व केन्द्रीय उपाध्यक्ष एवं रेडियो नेपालका उपनिर्देशक नवराज लम्साल लगाoत विभिन्न भातृ तथा सुभेच्छुक संस्थाका प्रमुख तथा प्रतिनिधिहरुको उपस्थिति रहेको थियो ।
मकवानपुर /बागमती प्रदेशको मुख्यमन्त्रीमा राजेन्द्र पाण्डे नियुक्त भएका छन् । नवनियुक्त मुख्यमन्त्री पाण्डे सहित ३ जना मन्त्रीहरुले विहीबार पद तथा गोपनीयताको सपथ ग्रहण गरेका छन्।
नेकपा (एकीकृत समाजवादी)को संसदीय दलका नेता राजेन्द्र पाण्डेले आज पद तथा गोपनीयताको सपथ ग्रहण गरेसँगै ३ जान मन्त्रीहरुलाई पनि सपथ गराएका हुन् । यस पटकको मन्त्री मण्डलमा मकवानपुरले अर्की नेतृले पनि मन्त्री बन्ने अवसर पाएकी छिन् ।
अष्टलक्ष्मी शाक्यले १० कात्तिकमा राजीनामा दिएपछि विपक्षी गठबन्धनका तर्फबाट पाण्डेले मुख्यमन्त्रीका लागि दाबी पेश गरेका थिए । बागमती प्रदेश प्रमुख यादवचन्द्र शर्माले मुख्यमन्त्री पाण्डेलाई र पाण्डेले मन्त्रीहरु कुमारी मोक्तान, कृष्ण खनाल र कृष्ण भडेललाई सपथ खुवाएका हुन्। कांग्रेसका तर्फबाट भँडेल, माओवादीका तर्फबाट मोक्तान र एकीकृत समाजवादीका तर्फबाट खनाल मन्त्री हुने भएका हुन् ।

भडेललाई भौतिक पूर्वाधार मन्त्रालय, मोक्तान सामाजिक विकास मन्त्रालय र खनाललाई आन्तरिक मामिला तथा कानुन मन्त्रालयको जिम्मेवारी दिइएको छ। कांग्रेसका भँडेल भक्तपुर १ ‘क’ बाट प्रदेश सभामा निर्वाचित भएका हुन्। त्यस्तै, माओवादीकी मोक्तान मकवानपुर २ ‘ख’ बाट र एकीकृत समाजवादीका खनाल चितवन २ ‘ख’ बाट बागमती प्रदेश सभामा निर्वाचित भएका हुन् ।
यसअघि खनाल शाक्य नेतृत्वको सरकारमा सामाजिक विकास मन्त्री थिए। उनले मन्त्रीबाट राजीनामा दिएर एकीकृत समाजवादी रोजेका थिए ।
एकीकृत समाजवादी, नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा) का तर्फबाट ५९ सांसदको हस्ताक्षर सहित पाण्डेले बुधबार नै दाबी पेश गरिसकेका थिए ।
मकवानपुर/ बागमती प्रदेशको मुख्यमन्त्री नियुक्त हुन लागेका नेकपा (एकीकृत समाजवादी)को संसदीय दलका नेता राजेन्द्र पाण्डेले आजै शपथ लिने तयारी गरेका छन्। यसपटककाे मन्त्री मण्डलमा मकवानपुरले अर्की नेतृ मन्त्री बन्ने पक्का भएकाे छ ।
अष्टलक्ष्मी शाक्यले १० कात्तिकमा राजीनामा दिएपछि विपक्षी गठबन्धनका तर्फबाट पाण्डेले मुख्यमन्त्रीका लागि दाबी पेश गरेका छन्। बागमती प्रदेश प्रमुख यादवचन्द्र शर्माले मुख्यमन्त्रीका लागि दाबी पेश गर्न आज अपराह्न ३ बजेसम्मको समय दिएका छन्।
मुख्यमन्त्री नियुक्त भएसँगै पाण्डेले तीन जना मन्त्री बनाउने तयारी गरेका छन्। कांग्रेसका तर्फबाट कृष्ण भँडेल, माओवादीका तर्फबाट कुमारी मोक्तान र एकीकृत समाजवादीका तर्फबाट कृष्ण खनाल मन्त्री हुने भएका छन्।
मोक्तानले अर्थ मन्त्रालयको जिम्मेवारी सम्हाल्ने माओवादी स्रोतले जनाएको छ। त्यस्तै, कांग्रेसका भडेलले भौतिक पूर्वाधार र एकीकृत समाजवादीका खनालले सामाजिक विकास मन्त्रालयको जिम्मेवारी सम्हाल्ने तय भएको छ।
कांग्रेसका भँडेल भक्तपुर १ ‘क’ बाट प्रदेश सभामा निर्वाचित भएका हुन्। त्यस्तै, माओवादीकी मोक्तान मकवानपुर २ ‘ख’ बाट र एकीकृत समाजवादीका खनाल चितवन २ ‘ख’ बाट बागमती प्रदेश सभामा निर्वाचित भएका हुन्।
यसअघि खनाल शाक्य नेतृत्वको सरकारमा सामाजिक विकास मन्त्री थिए। उनले मन्त्रीबाट राजीनामा दिएर एकीकृत समाजवादी रोजेका थिए। तीनै जना मन्त्रीलाई पनि आजै पद तथा गोपनीयताको शपथ खुवाउने तयारी गरिएको छ।
एकीकृत समाजवादी, नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा)का तर्फबाट ५९ सांसदको हस्ताक्षर सहित पाण्डेले बुधबार नै दाबी पेश गरिसकेका छन्। एमालेका तर्फबाट भने दाबी पेश नगरिने जनाइएको छ। हिमालखबरकाे सहयाेगमा
नेपाली कांग्रेसले १४औं महाधिवेशनको मितिलाई हेरफेर गर्ने तयारी गरेको छ । केन्द्रीय निर्वाचन समिति र कांग्रेस पदाधिकारीबीच मंगलबार संसदीय दलको कार्यालय सिंहदरबारमा भएको बैठकमा महाधिवेशनको मिति सार्ने विषयमा छलफल भएको हो ।
बैठकमा सभापति शेरबहादुर देउवाले मंसिर नकट्नेगरी महाधिवेशनको कार्यतालिका बनाएर ल्याउन निर्वाचन समितिलाई निर्देशन दिएका छन् । कांग्रेस वरिष्ठ नेता रामचन्द्र पौडेलले निर्धारित ९ देखि १३ मंसिरसम्मको मितिलाई २० मंसिरबाट सुरु गर्नेगरी सार्ने विषयमा छलफल भएको जानकारी दिए ।
‘मिति धेरै धकेल्ने कुरा छैन, ९ देखि १३ को साटो २० मंसिरबाट सुरु गर्ने भन्ने विषयमा छलफल भयो, त्यसमा एकदुई दिन तलमाथि होला, निर्वाचन समितिलाई त्यहीअनुसार काम अघि बढाउन भनिएको छ,’ कांग्रेस वरिष्ठ नेता रामचन्द्र पौडेलले राजधानीसँग भने ।
बैठकमा निर्वाचन समितिले भने निर्धारित मितिमा अब महाधिवेशन गर्न सकिने सम्भावना नरहेकोबारे पदाधिकारीहरूलाई जानकारी गराएको थियो । समितिले अझै पनि १३ जिल्लामा वडा अधिवेशन गराउनेतर्फ ध्यान नदिनु ठीक नभएको भन्दै नेतृत्वलाई तिहारअघि नै ती जिल्लामा वडा अधिवेशन गर्ने वातावरण बनाउन ध्यानाकर्षण गराएको छ ।
बैठकमा सभापति शेरबहादुर देउवाले भने निर्वाचन समितिलाई सहज हुनेगरी काम अघि बढाउन पार्टीले सहयोग गर्ने आश्वासन दिएका छन् । देउवाको आश्वासनपछि वरिष्ठ नेता पौडेलले भने महाधिवेशनका विषयमा तयारी गरेरै अघि बढ्ने हो भने तयारी समिति तथा उपसमितिहरू बनाउनुपर्ने भन्दै त्यसका लागि केन्द्रीय समिति बैठक बोलाउन सभापति देउवालाई आग्रह गरे ।
निर्वाचन समितिका संयोजक महादेवप्रसाद यादवले अब कुनै पनि हालतमा मंसिरका लागि तोकिएको मितिमा महाधिवेशन गर्न सक्ने अवस्था नरहेको जानकारी दिए । ‘अब मंसिरमा तोकिएको मितिमा महाधिवेशन गर्न सकिंदैन, यो हाम्रो निष्कर्ष हो, नयाँ मिति हामीले भनेर मात्रै हुँदैन, उहाँहरूको हातको कुरा हो,’ यादवले भने ।
कांग्रेसले हालसम्म ७७ जिल्लामध्ये ६४ जिल्लामा मात्रै वडा अधिवेशन गरेको छ । बाँकी १३ जिल्लामा अझै पनि वडा अधिवेशन सुरु हुने वातावरण बनेको छैन ।
कांग्रेस नेताहरू भने छठपछि मात्रै बाँकी वडा अधिवेशन गर्ने मनस्थितिमा छन् । यो विषयमा कांग्रेस सहमहामन्त्री डा. प्रकाशशरण महतले केही दिनअघि सार्वजनिक अभिव्यक्ति दिएका थिए ।
प्रदेश २ का आठ जिल्लासहित डोल्पा, सुर्खेत, कैलाली, बाँके र रसुवामा वडा अधिवेशन भएका छैनन् । तीमध्ये रसुवा र रौतहटको क्रियाशील सदस्यतासमेत टुंगो लाग्न बाँकी छ ।
कांग्रेसले गत ३० साउनमा ल्याएको कार्यतालिका अनुसार ९ देखि १३ मंसिरसम्म १४औं महाधिवेशन तोकेको छ । पछिल्लोपटक निर्धारित कार्यतालिका अनुसार कांग्रेसको वडा अधिवेशन १८ भदौ, गाउँ–नगर अधिवेशन २७ भदौ, प्रदेशसभा क्षेत्रीय अधिवेशन १ असोज, प्रतिनिधिसभा क्षेत्रीय अधिवेशन र एक मात्र प्रतिनिधिसभा निर्वाचन क्षेत्र भएको जिल्ला अधिवेशन ५ असोजमा हुने उल्लेख थियो ।
यसै गरी एकभन्दा बढी प्रतिनिधिसभा निर्वाचन क्षेत्र भएको जिल्ला अधिवेशन १० असोज, प्रदेश अधिवेशन १० कात्तिकदेखि १२ गतेसम्म हुने उल्लेख छ । यीमध्ये धेरैजसो तालिका प्रभावित भइसकेको छ ।
निर्वाचन समितिले केही हिमाली जिल्लामा भने जिल्ला अधिवेशनसमेत सकाएको छ । कांग्रेसले २१ हिमाली जिल्लामा भने कार्यतालिकालाई नघाएर भए पनि जिल्ला अधिवेशन सुरु गरेको थियो । २१ हिमाली जिल्लामा दसैंअघि नै जिल्ला अधिवेशन गर्ने भनिए पनि १३ जिल्लामा मात्रै सकिएको छ । राजधानी दैनिकमा प्रकाशित समाचार साभार गरिएकाे