मकवानपुर । नेकपा एमाले ११ औं केन्द्रिय महाधिवेशनको लागि मकवानपुरकाे प्रतिनिधि चयनका लागि आज निर्वाचन भइरहेकाे छ । मकवानपुरको क्षेत्र नम्बर २ का प्रतिनिधिहरुकाे चयन सहमतीबाटै टुङ्ग्याइएकाे छ भने क्षेत्र नम्बर १ बाट चयन हुने ८ जना प्रतिनिधिकाे लागि निर्वाचन भइरहेकाे छ ।
४ हजार १०९ जना मतदाता रहेकाे क्षेत्र नम्बर १ मा खुला तर्फ ४ जना, महिला तर्फ ३ जना र युवा तर्फ १ जना गरी ८ जना प्रतिनिधि चयनका लागि २९ जना चुनावी मैदान छन् । प्रतिनिधि चयनकाे लागि तोकिएकाे समय सिमा गत बुधबारसम्म ४९ जना चुनावी प्रतिष्पर्धामा रहेकाेमा शुक्रबार २० जनाले उम्मेदवारी फिर्ता लिए पछि २९ जनाकाे उम्मेदवारी कायम गरिएकाे निर्वाचन कमिटी संयोगक सूर्य चन्द्र न्यौपानेले जनाकारी दिए ।
जिल्लाको निर्वाचन क्षेत्र नम्बर १ बाट खुला तर्फ ३० जनाले उम्मेदवारी दिएकोमा निर्वाचनकाे लागि १७ जनाकाे उम्मेदवारी कायम भएकाे हाे । यसैगरी महिला तर्फ ९ जनाले उम्मेदवारी दिएकाेमा निर्वाचनकाे लागि ७ जनाकाे कायम भएकाे छ भने युवा तर्फ १० जनाले उम्मेदवारी दिएकोमा निर्वाचनकाे लागि ५ जनाकाे उम्मेदवारी कायम भएकाे संयोगक न्यौपानेले बताए ।
महाधिवेशनको लागि जिल्लाबाट १७ जना प्रतिनिधि चयन हुने छन् । दलित क्षेत्र अन्तरगत १ जना प्रतिनिधिकाे लागि जिल्ला भरिबाट निर्वाचित हुने छन् । दलित क्षेत्र तर्फ २६२ जना मतदाता रहेकाे एमाले मकवानपुरले जनाएकाे छ । प्रतिनिधिमा एमालेका जिल्ला अध्यक्ष देखि निर्वाचित जनप्रतिनिधि समेत प्रतिष्पर्धामा छन् ।
क्षेत्र नम्बर २ काे प्रतिनिधि निर्विरोध
महाधिवेशन प्रतिनिधिका लागि मकवानपुर क्षेत्र नम्बर–२ बाट ८ जना निर्विरोध चयन भएका छन् । खुला तर्फ बलराम बल, एकलाल श्रेष्ठ, हिदम लामा, बिदुर हुमागाई चयन भएका छन् ।
यसैगरी महिला तर्फ सुमित्रा काफ्ले, भगवती पुढासैनी, गिता प्रजा चयन हुँदा युवा तर्फ रोहण लामा निर्विरोध चयन भएकाे निर्वाचन कमिटिले जनाएकाे छ । ४ हजार २६४ जना मतदाता रहेकाे क्षेत्र नम्बर २ मा खुला तर्फ १६ जना, महिला तर्फ १० र युवा तर्फ ६ जनाले उम्मेदवारी दर्ता गराएका थिए ।
महाधिवेशन प्रतिनिधिमा खुला तर्फ उम्मेदवारी दिएका हेटौंडा उपमहानगरपालिका ४ नम्बर वडाध्यक्ष नवीन सिग्देलले सामाजिक सञ्जालमार्फत पार्टी सदस्यहरूलाई प्रतिनिधि छनोटसहित सबै प्रक्रियामा सक्रिय भूमिका निर्वाह गर्न आग्रह गरेका छन् । ‘पार्टी एकता, नीति तथा नेतृत्व निर्माणमा महाधिवेशनको महत्वपूर्ण भूमिका रहने छ’ उनले भने ‘लाेकतान्त्रिक विधिलाई आत्मसाथ गर्दै मित्रवत् प्रतिस्पर्धामा हामी सहभागी बनिरहेका छाैँ । मलाई विश्वास छ, पार्टीकाे आन्तरिक जीवनलाई सृदृढ, एकताबद्व र गतिशिल बनाउन स्वस्थ लाेकतान्त्रिक अभ्यास महत्वपूर्ण रहनेछ ।’
भक्तपुरकाे सल्लाघारीमा २७ मंसिरमा उद्घाटन भई काठमाडौंकाे भृकुटी मण्डपमा बन्दसत्र हुने एमालेको ११औँ महाधिवेशनमा देशभरका प्रतिनिधि सहभागी हुनेछन्।
मकवानपुर । संविधान विपरित प्रतिनिधी सभा बिघटन भएको निष्कर्ष सहित नेकपा एमाले संसदीय दलका तर्फबाट पुर्नस्थापनाका माग राख्दै सर्बोच्च अदालतमा दायर भएको रिट माथि आगामी मंसिर १७ गते सुनुवाई हुने भएको छ ।
सर्बोच्च अदालतले मंसिर १७ गतेका लागि पेशी तोकेको रिट निवेदक एमाले नेता महेश बर्तौलाले जानकारी दिए । नेकपा एमाले संसदीय दलका तर्फबाट मुख्य सचेतक महेश बर्तौला र सचेतक सुनिता बरालले गत मंसिर १० गते सर्बोच्च अदालतमा रिट निवदन दर्ता गराएका थिए । संविधानको धारा ७६ र धारा १३२ (२) विपरित नियुक्ती भएका प्रधानमन्त्री सुशीला कार्कीको नियुक्ती प्रथम दृष्टीमै गैर संवैधानिक भएको रिट निवेदनमा उल्लेख छ ।
प्रधानमन्त्री कार्कीको सिफारिसमा राष्ट्रपतीबाट २०८२ भदौ २७ गते प्रतिनिधी सभा बिघटन गर्ने गरी भएको निर्णय उत्प्रेषणको आदेशले बदर गरी भदौ २४ पछाडिको अवधीलाई शुन्य मानी राज्यका सबै अंगहरु पुर्ववत संचालन हुनेगरी विपक्षीहरुका नाममा परमादेश जारी गर्न रिट निवेदनमा माग गरिएको छ । रिटमा राष्ट्रपति, प्रधानमन्त्री तथा मन्त्री परिषदको कार्यालय समेतलाई विपक्षी बनाईएको छ ।
एमाले संसदीय दलकाे निर्णयले बर्तौला र बराललाई रिट निवेदनको प्रकृया अघि बढाउने अख्तियारी दिएकाे थियो ।
मकवानपुर । नेकपा एमाले मकवानपुरबाट पार्टीको ११ औं केन्द्रिय महाधिवेशनको लागि प्रतिनिधि चयन गर्न उम्मेदवारी दर्ता गरिएकाे छ । मकवानपुरकाे क्षेत्र नम्बर १ र २ बाट १६ जना प्रतिनिधि चयनका लागि ८० जनाले निर्वाचन प्रक्रियामा भाग लिन उम्मेदवारी दर्ता गरेका हुन् ।
नेकपा (एमाले) को ११ औ महाधिवेशन मंसिर २७–२९ गते काठमाडौँमा हुने तयारी संगै मकवानपुर एमालेले प्रतिनिधि चयन प्रक्रिया अगाडि बढाइएकाे हाे । जिल्लाको निर्वाचन क्षेत्र नम्बर १ बाट खुला तर्फ ३० जनाले उम्मेदवारी दिएको निर्वाचन कमिटी संयोगक सूर्य चन्द्र न्यौपानेले जानकारी दिए । यस्तै महिला तर्फ ८ जना र युवा तर्फ १० जनाले उम्मेदवारी दिएको उनले बताए । न्यौपानेका अनुसार निर्वाचन क्षेत्र नम्बर २ बाट खुला तर्फ १६ जना, महिला तर्फ १० र युवा तर्फ ६ जनाले उम्मेदवारी दर्ता गराएका छन् ।
क्षेत्र नम्बर १ बाट ८ जना र क्षेत्र नम्बर २ बाट ८ जना निर्वाचित हुने छन् । दलित क्षेत्र अन्तरगत १ जना प्रतिनिधिकाे लागि जिल्ला भरिबाट निर्वाचित हुने छन् । क्षेत्र नं १ बाट खुला ४ जना, महिला ३ जना र युवा १ जना गरी ८ जना तथा क्षेत्र नं २ बाट खुला ४ जना, महिला ३ जना र युवा १ जना गरी ८ जना निर्वाचित हुने एमाले मकवानपुरले जनाएको छ । महाधिवेशनको लागि जिल्लाबाट १७ जना प्रतिनिधि चयन हुने छन् । उक्त प्रतिनिधि चयनको लागि आगामी १३ गते निर्वाचन हुने बताइएको छ । प्रतिनिधि छनौटका लागि क्षेत्र नं १ बाट ४ हजार १०९ जना, क्षेत्र नं २ बाट ४ हजार २६४ जना र दलित क्षेत्रबाट २६२ जना मतदाता रहेकाे एमाले मकवानपुरले जनाएकाे छ ।
यसै बीच एमाले महाधिवेशन प्रतिनिधिका लागि स्थानीय तहका निर्वाचित जन प्रतिनिधि, प्रदेशमा प्रतिनिधित्व गर्ने प्रदेश सभा सदस्य पूर्व सांसदहरुले समेत उम्मेदवारी दर्ता गराएका छन् । हेटौडा उपमहानगरपालिका–४ का वडाध्यक्ष नवीन सिग्देल, १८ का वडाध्यक्ष अनिकुमार बानियाँ, १० का वडाध्यक्ष फुर्वादोर्जे लामा, १५ का वडाध्यक्ष सुनिल मुक्तान, ११ का वडाध्यक्ष जुना दाहाल लगायतका छन् ।
दाहालले मकवानपुर क्षेत्र नं. २ बाट महिला तर्फ महाधिवेशन प्रतिनिधिका लागि आफ्नो उम्मेदवारी दर्ता गराएका छिन् भने अन्यले क्षेत्र नं. १ बाट खुला तर्फ महाधिवेशन प्रतिनिधिका लागि आफ्नो उम्मेदवारी दर्ता गराएका हुन् । प्रदेश सभा सदस्य एकालाल श्रेष्ठ तथा भीमफेदी गाउँपालिका अध्यक्ष हिदम लामाले क्षेत्र नम्बर २ बाट उम्मेदवारी दर्ता गराए । स्थानीय तहका पूर्व जनप्रतिनिधिहरुले समेत उम्मेदवारी दर्ता गराएका छन् ।
वडाध्यक्ष सिग्देलले सामाजिक सञ्जालमार्फत पार्टी सदस्यहरूलाई प्रतिनिधि छनोटसहित सबै प्रक्रियामा सक्रिय भूमिका निर्वाह गर्न आग्रह गरेका छन् । उनले पार्टी एकता, नीति तथा नेतृत्व निर्माणमा महाधिवेशनको महत्वपूर्ण भूमिका रहने उल्लेख गर्दै सबैको सहयोग र साथको अपेक्षा व्यक्त गरेका छन्। ‘लाेकतान्त्रिक विधिकाे सर्वाेकृष्ट पद्वति सर्वसम्मतिबाट छनाैट गर्न सबैकाे पहल आवश्यक रहेकाे छ’ उनले भने ‘सर्वसम्मत विधिबाट प्रतिनिध चयन हुन हुन नसक्दा मित्रवत् प्रतिस्पर्धामा सहभागी भई छनौट गरिने छ।’ ‘हामी स्वस्थ र पार्टीकाे सदस्यहरुकाे भावनाका साथ अगाडि बढाैँ । पार्टीकाे आन्तरिक जीवनलाई अझ सुदृढ र बलियाे बनाऔँ ’ उनले भने ।
भक्तपुरकाे सल्लाघारीमा २७ मंसिरमा उद्घाटन भई काठमाडौंकाे भृकुटी मण्डपमा बन्दसत्र हुने एमालेको ११औँ महाधिवेशनमा देशभरका प्रतिनिधि सहभागी हुनेछन्।




मकवानपुर । मकवानपुरकाे हेटौंडा उपमहानगरपालिकाकाे कार्यपालिकाकाे बैठक निर्वाचित जनप्रतिनिधिले बहिष्कार गरे पछि स्थगित भएकाे छ ।
बुधबारकाे लागि निर्धारित कार्यपालिका बैठकमा नेपाली कांग्रेस र एकीकृत समाजवादीको तर्फबाट निर्वाचित जनप्रतिनिधि उपस्थित नभएकाेले स्थगित भएकाे हाे । नेपाली कांग्रेसबाट निर्वाचित उपमेयर राजेश बानियाँ, नौजना वडा अध्यक्ष र समाजवादीबाट निर्वाचित एकजना वडाध्यक्ष बुधबारकाे बैठकमा सहभागी नभएपछि बैठक सुरु नै नभई स्थगित भएकाे ।
अघिल्लो कार्यपालिका बैठकमा मेयर मीनाकुमारी लामाले कांग्रेस निकट वडाध्यक्षहरुलाई आफ्नो धारणा राख्ने समय नदिएपछि बैठकमा सहभागी नभएको उनीहरुले बताएका छन् । एमालेबाट निर्वाचित केही वडाध्यक्षहरु बैठकका लागि हेटौंडा उपमहानगरपालिकामा उपस्थित भए तर बैठक नबसेपछि फर्किए । हेटौंडा उपमहानगरको कार्यपालिका २९ सदस्यीय रहेको छ । बैठक आज (बिहीबार) बिहान ९ बजे बस्ने गरी पत्राचार भएकाे हेटौंडा उपमहानगरपालिकाले जनाएको छ ।
हेटौडा उपमहानगरका प्रवक्ता समेत रहेका काँग्रेसको तर्फबाट निर्वाचित वडा नम्बर १ का वडाध्यक्ष सविन न्यौपानेले भने ‘अघिल्लो बैठकको एजेन्डामाथि छलफलको क्रममा मेयर लामाले वडाध्यक्षहरुलाई बोल्ने समय नदिएपछि विवाद सिर्जना भएको हो । ‘अघिल्लो बैठकमा एजेन्डामाथि छलफल गर्दा हामीले आफ्नो धारणा राख्न फ्लोर मागेका थियौं । तर, पाएनौं । त्यसकारण बुधबारकाे वैठकमा हामी सहभागी भएनौं’ उनले भने ।
नगर प्रमुखकाे सचिवालयले नगर प्रमुख लामाले समस्या समाधान गर्न आज बिहान ८ बजे कांग्रेसबाट निर्वाचित नगर उपप्रमुख तथा वडाध्यक्ष छलफल गर्ने जनाएको छ । ‘बिहान ८ बजे छलफलकाे लागि समय तोकिएकाे छ । सहमति भएपश्चात् कार्यपालिकाकाे बैठक संचालनकाे तयारीमा छौं’, सचिवालय स्रोतले भन्यो ।
यता हेटौंडा ४ का वडाध्यक्ष नवीन सिग्देल चित्त नबुझेको कुराहरुलाई बैठकमा राख्नुपर्ने र बैठकमानै नआएर समस्याको समाधान नहुने बताउँछन् । कांग्रेसका उपमेयर सहित वडा अध्यक्षहरुलाई बिहीबारकाे बैठकमा सहभागि हुन समेत उनले आग्रह गरेका छन् । काँग्रेसबाट निर्वाचित उपमेयरसहित कार्यपालिका सदस्यहरूलाई उनले आग्रह गर्दै भने ‘समस्या छन् , समस्या साझा हुन्छन् । दलगत हुँदैन, नगरकाे नगरबासीका समस्या नै हाम्राे प्राथमिक विषय हाे । बैठकमा सहभागी बनाैँ, समाधान खाेजाै, जिम्मेवार बनाैँ ।’ उनले भने ‘स्थानीय तहमा प्रतिपक्ष हुँदैन’ ।
मकवानपुर । नेकपा (एमाले) को ११ औं महाधिवेशन हुने तयारी संगै मकवानपुर एमालेले प्रतिनिधि चयन प्रक्रिया अगाडि बढाएकाे छ । मंसिर २७–२९ गते काठमाडौंमा हुने महाधिवेशनकाे लागि प्रतिनिधि चयन गर्न एमाले मकवानपुरले मंगलबारबाट प्रक्रिया अगाडि बढाएकाे हाे ।
मंगलबार जिल्लाबाट प्रतिनिधि छनाैट गर्न मतदाता नामावली प्रकाशित गरेकाे पार्टीले बुधबारसम्म उम्मेदवारी दर्ताकाे समय दिएकाे थियो ।बुधबारसम्म उम्मेदवारकाे नामावली दर्ता तथा नामावली प्रकाशनकाे समय तोकिएकाेमा हेटौडा उपमहानगरपालिका–४ का वडाध्यक्ष नवीन सिग्देलले मकवानपुर क्षेत्र नं. १ बाट खुला तर्फ महाधिवेशन प्रतिनिधिका लागि उम्मेदवारी दर्ता गराएका छन्।
जिल्ला पार्टी कार्यालय, हेटौंडा उम्मेदवारी दर्ता गरेका सिग्देलले सामाजिक सञ्जालमार्फत पार्टी सदस्यहरूलाई प्रतिनिधि छनोटसहित सबै प्रक्रियामा सक्रिय भूमिका निर्वाह गर्न आग्रह गरेका छन्। उनले पार्टी एकता, नीति तथा नेतृत्व निर्माणमा महाधिवेशनको महत्वपूर्ण भूमिका रहने उल्लेख गर्दै सबैको सहयोग र साथको अपेक्षा व्यक्त गरेका छन्।
राष्ट्रिय महाधिवेशनका लागि मकवानपुरकाे क्षेत्र नं १ बाट ४ हजार १०९ जना, क्षेत्र नं २ बाट ४ हजार २६४ जना र दलित क्षेत्रबाट २६२ जना महाधिवेशन प्रतिनिधि छनाैटका लागि मतदाता रहेका छन । क्षेत्र नं १ बाट खुला ४ जना, महिला ३ जना र युवा १ जना गरी ८ जना तथा क्षेत्र नं २ बाट खुला ४ जना, महिला ३ जना र युवा १ जना गरी ८ जना निर्वाचित हुने एमाले मकवानपुरका सदस्य शिवहरी दाहालले जनाकारी दिए । यसै गरी जिल्ला भरीबाट दलित क्षेत्र तर्फ हुने १ जना प्रतिनिधि सहित १७ जना प्रतिनिधि छनौट गरिने उनले बताए ।
एमाले मकवानपुरका अनुसार जिल्लामा प्रतिनिधि चयनका लागि आगामी १३ गते निर्वाचन हुने छ भने बुधबार नै उम्मेदारकाे नामावली दर्ता पश्चात प्रकाशन गर्ने कार्यक्रम रहेकाे छ ।
४ ३ युवा