मकवानपुर । हेटौडामा नेपाली कांग्रेस साँस्कृतिक विभागको शुभकामना आदानप्रदान कार्यक्रम भएकाे छ । दीपावली, नेपाल संवत तथा छठपर्वको अवसर पारेर साँस्कृतिक विभागकाे आयोजनामा शुभकामना आदानप्रदान तथा बृहत चियापान कार्यक्रम गरिएकाे हाे ।
चर्चित सेलिब्रेटीहरुको उपस्थितीमा कात्तिक १७ गते बुधबार हेटौडामा कार्यक्रम भएकाे हाे । कार्यक्रममा वरिष्ठ कलाकार नीर शाह, गायक सुगम पोखरेल, कृष्ण काफले,लोक गायिका राधिका हमाल लगायतका कलाकारकाे सहभागिता रहेकाे साँस्कृतिक विभाग मकवानपुरका प्रमुख शुसान्त कुमार श्रेष्ठले बताए । ।
शुभकामना आदानप्रदान तथा बृहत चियापान कार्यक्रममा कलाकारहरुले आआफनो प्रस्तुती समेत प्रस्तुत गरेका थिए । कार्यक्रम भव्य र सभ्य रुपमा सम्पन्न भएकाे श्रेष्ठले जानकारी दिए । कार्यक्रममा बागमती प्रदेश कांग्रेस संसदीय दलका नेता तथा जिल्ला सभापति इन्द्रबहादुर बानियाँ आनन्दराम पराजुली रामकृष्ण काेइराला लगायतकाे उपस्थिती रहेकाे थियाे ।
कार्यक्रममा मकवानपुर उद्योग वाणिज्य संघका नव निर्वाचित अध्यक्ष कृष्णकुमार गुप्ता अग्रवालसहितको टिमलाई सम्मान गरिएको थियो ।
मकवानपुर । नेपाली कांग्रेस बागमती प्रदेश संसदीय दलका नेता एवम् मकवानपुर सभापति ईन्द्रबहादुर बानियाँले मकवानपुरगढी गाउँपालिका वडा नम्वर ८, बुढीचौरका ४ सय घरपरिवारलाई खाद्यान्न सहयोग गरेका छन् ।
नेता बानियाँले शुभ दिपावली, छठ पर्वको अवसरमा कांग्रेस मकवानपुरगढी गाउँपालिकाले आज (बुधबार) आयोजना गरेको शुभकामना आदानप्रदान तथा चियापान कार्यक्रममा स्थानीय ४ सय घरपरिवारलाई खाद्यान्न वितरण गरेका हुन् । उनले प्रतिपरिवारलाई २५ किलो चामल, नुनु, दाललगायत खाद्य सामाग्री सहयोग गरेका हुन् ।
कांग्रेस मकवानपुरगढी गाउँपालिका ८ का वडा सभापति बेदनाथ न्यौपानेको सभाध्यक्ष तथा नेता बानियाँको प्रमुख आतिथ्यतामा भएको हो । कार्यक्रममा प्रतिनिधिसभा १ का संघीय सभापति यतिराज सापकोटा, क्षेत्रीय सभापति लोक मुक्तान, हेटौंडा उपमहानगरपालिकाका निवर्तमान सभापति आनन्दराम पराजुली, वडा अध्यक्ष कुमार सिं घिसिङलगायतको उपस्थिति रहेको थियो ।
मकवानपुर । प्रेस चौतारी मकवानपुरले शुभकामना आदान प्रदान कार्यक्रम गरेकाे छ । चौतारी मकवानपुर शाखाले दिपावली, नेपाल सम्बत र छट पर्वको अवसरमा शुभकामना आदानप्रदान तथा चियापान कार्यक्रम गरेको हाे ।
पत्रकारहरुमाथि हुने दण्डहिनताको विरुद्धको अन्तराष्ट्रिय दिवसको अवसरमा गरिएको चियापान कार्यक्रमका प्रमुख अतिथि एवम् बागमती प्रदेशका पूर्व मुख्यमन्त्री डोरमणी पौडेलले पत्रकारहरुले असत्यसँग लड्दै समाजमा दविएका आवाज विहिनहरुको आवाज बन्नु पर्ने बताए । उनले भने ‘नेपालको हरेक आन्दोलनमा पत्रकारहरुको भूमिका महत्वपूर्ण रहेको छ ।’
वाणिज्य संघमा एसोसियट तर्फबाट उपाध्यक्षमा विजयी भएका प्रेस चौतारी मकवानपुरका सल्लाहाकार, ब्रोड कास्टिङ यसोसियसन (बान) का कार्यवाहक अध्यक्ष उज्जवल चौँलागाईलाई खादा ओढाएर सम्मान समेत गरिएको थियो ।
प्रेस चौतारी नेपाल मकवानपुरका अध्यक्ष धर्मेन्द्र दाहालको अध्यक्षतामा भएको कार्यक्रममा चियापान कार्यक्रममा विशेष अतिथि एमाले मकवानपुरका अध्यक्ष बद्री लम्साल, एमाले बागमती प्रदेश सदस्य तथा जिल्ला समन्वय समितिका प्रमुख रघुनाथ खुलाल, पूर्व सामजिक विकास राज्यमन्त्री जुनेली श्रेष्ठ, बागमती प्रदेश सदस्य भोजराज ढकाल, एमाले जिल्ला सचिव एकालाल श्रेष्ठ, सचिवालय सदस्य नविन सिग्देल, एमाले जिल्ला सदस्य ध्रुबप्रसाद चौँलागाई लगायकाे आथित्यता रहेकाे थियाे ।
यसैगरी प्रेस चौतारी नेपालका बागमती प्रदेश सहसंयोजक प्रकाश दाहाल, युवा संघ नेपालका केन्द्रीय सचिवालय सदस्य मिलन पाठक, नेपाल पत्रकार महासंघ बागमती प्रदेश सस्थापक अध्यक्ष प्रताप विष्ट, वर्तमान उपाध्यक्ष रुपेश दुलाल, महासचिव कृष्ण सारुमगर, नेपाल पत्रकार महासंघ मकवानपुरका उपाध्यक्ष ध्रुब अधिकारी, प्रेस युनियन मकवानपुरका अध्यक्ष कुमार अधिकारी, प्रेस सेन्टरका जिल्ला अध्यक्ष अन्जली थापा लगायकाे उपस्थिति रहेको थियो ।
मकवानपुर /बागमती प्रदेशका पहिलो मुख्यमन्त्री डोरमणि पौडेलले नेकपा एमाले सङ तुलना गर्न मिल्ने कुनै पनि पार्टी नभएको बताएका छन् । जनताले देखेको सपना एमालेले मात्र पुरा गर्ने उनले बताए ।
आज हेटौंडा १५ मा प्रदेश सरकारद्वारा बिनियोजित ठूलो सुकौली सडकको शिलान्यास गर्दै एमाकेका केन्द्रिय सदस्य एबम बागमती प्रदेशका सह इन्चार्ज समेत रहेका नेता पौडेलले ३ महिनासम्म सरकार बनाउन नसक्नेले मुलुक बनाउने कल्पना गर्न नसकिने बताए । एमाले सरकारबाट बाहिरीए पनि देशब्यापी रुपमा पार्टी प्रवेशको लहर नरोकिएको उनले बताए। माधब नेपालले पार्टी फुटाएको नभई भरिलो रुखबाट केही सुकेको पात मात्र झरेको टिप्पणी गरे ।
१५ बर्षसम्म पार्टी नेतृत्व गरेपनि हाल माधब नेपाल जस्ता गद्दारलाई जनताले माफ नदिने उनको भनाइ थियो । “माधब नेपालको पार्टीमा केही मान्छे गएको भए पनि फर्किने क्रम जारी छ” उनले भने ।
अहिले ५ वटा पार्टी एकातिर हुँदा समेत एमालेले सबैलाई पराजित गर्ने क्षमता राख्ने उनले बताए । आगामी निर्वाचनमा एकल सरकार बन्ने उनको उद्घोष । विकासका क्रम सरकार बाहिर भएपनी जारी रहने भन्दै एमाले मात्र विकासको सम्बाहक रहेको बताए ।
यस्तै कार्यक्रममा बोल्दै बागमती प्रदेशमका पुर्व राज्यमन्त्री जुनेली श्रेष्ठले जनताको साथमा सधै एमाले रहने बताइन् । उनले आएको बजेटलाई सदुपयोग गरेर उत्कृष्ट कार्य गर्न अनुरोध गरिन । सडक निर्माण उपभोक्ता समितिका अध्यक्ष राजकुमार थिङ को अध्यक्षतामा भएको कार्यक्रममा नेकपा एमाले मकवानपुरका सचिवालय सदस्य सुनिल मोक्तान, जिल्ला कमिटी सदस्य प्रकाश दाहाल, मेनुका दाहाल, साबिक चुरियामाई गाउँ बिकास समितिका अध्यक्ष इन्द्रमान स्याङ्तान, वडा सदस्यहरु पातलीमाया गोङ्वा, पर्स बहादुर भुजेललगायतको सहभागिता रहेको थियो ।

हेटौंडा / ११ कात्तिकमा बागमती प्रदेशको मुख्यमन्त्री भएका राजेन्द्र पाण्डेले मन्त्री भएको ११ औं दिनमा विश्वासको मत लिने तयारी गरेका छन् ।
मुख्यमन्त्री पाण्डेले २२ कात्तिकमा प्रदेशसभाबाट विस्वासको मत लिने अनि मात्रै मन्त्री परिषद् बिस्तार गर्ने तयारी गरेका हुन् । विस्वासको मत लिएपछि अरु मन्त्रीहरु थप्ने र मन्त्रालयहरु फुटाउने तयारी भएको स्रोतले जनाएको छ । मुख्यमन्त्रीका रुपमा सपथ लिएको एक महिना भित्रमा विस्वासको मत लिने समय भएपनि उनले ११ औं दिनमै विस्वासको मत लिन लागेका हुन् ।
बिस्वासको मत लिनका लागि मुख्यमन्त्री कार्यालयबाट प्रदेशसभामा पत्र पठाइ सकिएको छ । मुख्यमन्त्रीले विस्वासको मत लिनका लागि मुख्यमन्त्री कार्यालयबाट पत्र प्राप्त भएको प्रदेशसभा सचिवालयका प्रवक्ता विनोद अमात्यले बताए ।
तिहारलगत्तै सदनबाट विश्वासको मत लिने बित्तिकै प्रदेशमा मन्त्रालयको सख्या १२ वटा पुर्याउने तयारी गरिएको छ । अहिले भने मुख्यमन्त्री पाण्डे मन्त्रालय भागबन्डामा जुटेको बताईएको छ । माओवादी केन्द्र, नेपाली कांग्रेस र जनता समाजवादी पार्टीको समर्थनमा नेकपा (एकीकृत समाजवादी) बाट मुख्यमन्त्री बन्नु भएका पाण्डेले प्रदेशका मन्त्रालय फुटाएर भागबन्डा मिलाउने प्रयास लागेका हुन् ।
माओवादी र कांग्रेसले चार, चार मन्त्रालय र एक, एक राज्यमन्त्री मागेपछि पाण्डे नेतृत्वको सरकार जम्बो मन्त्रिपरिषद् बनाउन बाध्य हुने देखिएको छ । मुख्यमन्त्री पाण्डेले पनि सपथ ग्रहणलगत्तै गठबन्धनमा रहेका दलहरूलाई चित्त बुझाएर मन्त्रिपरिषद् विस्तार गर्ने घोषणा गर्ने उद्घोष गरेका थिए ।