मकवानपुर । स्थानीय तह सदस्य निर्वाचन २०७९ अन्तर्गत मकवानपुरको ३ स्थानीय तहको मतगणना सकिएको छ ।
जिल्लाको १० स्थानीय मध्ये ३ स्थानीय तहको मतगणना सम्पन्न भएको निर्वाचन आयोगले जनाएको छ ।
बाकी ७ स्थानीय तहको मतगणना जारी रहेको छ । जिल्लाको इन्द्रसरोबर गाउँपालिका,भीमफेदी गाउँपालिका र कैलाश गाउँपालिकाको मतगणना सम्पन्न भएको छ ।
इन्द्रसरोबरमा नेकपा एमालेले अध्यक्ष र उपाध्यक्षसहित ५ वटा वडामा २ वटा वडामा जित हाँसिल गरेको छ ।
यसैगरि,भिमफेदीमा नेकपा एमालेले अध्यक्ष जित्दा गठबन्धनबाट नेपाली कांग्रेसले उपाध्यक्ष जितेको छ । यहाँको ९ वटा मध्ये एमालेले ५ वटा वडा जित्दा,कांग्रेस र माओवादीको गठबन्धनले क्रमशः ३ र १ वटा जितेको छ ।
यसैगरी,कैलाश गाउँपालिकाको अध्यक्ष तथा उपाध्यक्षमा नेपाली कांग्रेस र नेकपा माओवादीको गठबन्धनका उम्मेद्वार विजयी भएका छन् । अध्यक्षमा गठबन्धनबाट कांग्रेसका उम्मेद्वार लोक बहादुर मुक्तान निर्वाचित भएका छन् भने उपाध्यक्षमा गठबन्धनबाट नेकपा माओवादीका बाल कुमार मल्ल ठकुरी निर्वाचित भएका छन् ।
यहाँ ५ वटा वडामा नेपाली कांग्रेस विजयी हुँदा नेकपा एमाले र माओवादी केन्द्र क्रमशः ४ र एक वडामा विजयी भएको छ ।
भीमफेदी गाउँपालिकामा निर्वाचित जनप्रतिनिधि
अध्यक्ष: हिदम लामा नेकपा एमाले
उपाध्यक्ष: संजिब श्रेष्ठ,गठबन्धनबाट नेपाली कांग्रेस
१ नंबर वडा अध्यक्ष: सोम बहादुर स्याङतान,नेपाली कांग्रेस
२ नंबर वडा अध्यक्ष: काशी राम बज्यु,नेकपा एमाले
३ नंबर वडा अध्यक्ष: पृति लाल लामा,नेकपा माओवादी
४ नंबर वडा अध्यक्ष: सागर पाण्डे,नेकपा एमाले
५ नंबर वडा अध्यक्ष: जाहार सिं लामा, नेकपा एमाले
६ नंबर वडा अध्यक्ष: सोम बहादुर घलान,नेपाली कांग्रेस
७ नंबर वडा अध्यक्ष: मित्र बन्धु सिजाली,नेपाली कांग्रेस
८ नंबर वडा अध्यक्ष: विष्णु बहादुर लामा,नेकपा एमाले
९ नंबर वडा अध्यक्ष: प्रकाश पुडासैनी,नेकपा एमाले
इन्द्रसरोबर गाउँपालिकामा निर्वाचित हुने जनप्रतिनिधि
अध्यक्ष: देव कृष्ण पुडासैनी शर्मा,नेकपा एमाले
उपाध्यक्ष: उमा कुमारी लामा, नेकपा एमाले
१ नंबर वडा अध्यक्ष: शुवास थापा मगर, नेपाली कांग्रेस
२ नंबर वडा अध्यक्ष: सुमन श्रेष्ठ,नेपाली कांग्रेस
३ नंबर वडा अध्यक्ष: प्रताप भोम्जन,नेकपा एमाले
४ नंबर वडा अध्यक्ष: चन्द्र कुमार बल,नेकपा एमाले
५ नंबर वडा अध्यक्ष: दुत राज तितुङ,नेपाली कांग्रेस
कैलाश गाउँपालिकामा निर्वाचित हुने जनप्रतिनिधि
अध्यक्ष: लोक बहादुर मुक्तान,गठबन्धन नेपाली कांग्रेस
उपाध्यक्ष: बाल कुमार मल्ल ठकुरी,गठबन्धन नेकपा माओवादी
१ नंबर वडा अध्यक्ष: तेज बहादुर ब्लोन,नेपाली कांग्रेस
२ नंबर वडा अध्यक्ष: राजेन्द्र तामाङ घिसिङ,नेपाली कांग्रेस
३ नंबर वडा अध्यक्ष: देव लाल बल,नेकपा एमाले
४ नंबर वडा अध्यक्ष: तीलक बहादुर मुक्तान,नेकपा माओवादी
५ नंबर वडा अध्यक्ष: छेकु लामा,नेकपा एमाले
६ नंबर वडा अध्यक्ष: राम बहादुर गोम्बा,नेकपा एमाले
७ नंबर वडा अध्यक्ष: उदास कुमार भोलन,नेपाली कांग्रेस
८ नंबर वडा अध्यक्ष: आशिष प्रजा,नेपाली कांग्रेस
९ नंबर वडा अध्यक्ष: वन सिं घलान,नेपाली कांग्रेस
१० नंबर वडा अध्यक्ष: सूर्य बहादुर ब्लोन,नेकपा एमाले
मकवानपुर । मकवानपुरगढी गाउँपालिकामा गठबन्धनकाे अग्रता कायमै छ । प्राप्त मत परिणाम अनुसार गाउँपालिका अध्यक्ष र उपाध्यक्षमा गठबन्धनले अग्रता कायमै राखेको छ ।
गठबन्धनबाट अध्यक्षका उम्मेदवार नेपाली कांग्रेसका दार्जे लामा नेकपा एमालेका अध्यक्ष उम्मेदवार विदुर हुमागाईं भन्दा १ हजार ५ सय ७३ मतले अगाडि रहेका छन् । उनले हालसम्म ३ हजार ५ सय ७९ मत प्राप्त गरेका छन् भने हुमागाईंले २ हजार ६ मत प्राप्त गरेका छन् ।
त्यसैगरी उपाध्यक्षमा गठबन्धनका उम्मेदवार माओवादी केन्द्रकी मानकुमारी पाख्रिनले एमालेका उपाध्यक्षकी उम्मेदवार सन्तु थिङ्लाई १ हजार ३६० मतले पछि पारेकी छिन् । पाख्रिनले ३ हजार २ सय ३६ मत प्राप्त गर्दा एमालेकी थिङले १ हजार ८ सय ७६ मत प्राप्त गरेकी छिन् ।
सोमबार बिहानसम्म गाउँपालिकाकाे ४ वटा वडाको अन्तिम मतपरिणाम सार्वजनिक भएको छ । वडा नम्वर १,२,७ र ८ को मतगणनाको अन्तिम परिणाममा सवै वडामा नेपालीका काग्रेस विजयी भएकाे छ । अहिले वडा नम्वर ३ र ६ को मत गणना जारी छ ।
मकवानपुर । मकवानपुर जिल्लाको इन्द्रसरोवर गाउँपालिकामा नेकपा एमाले बिजयी भएको छ ।
इन्द्रसरोवर गाउँपालिकामा एमालेका देबकृष्ण पुडासैनी बिजयी भएका हुन् । इन्द्रसरोबर गाउँपालिकाको उपाध्यक्षमा पनि नेकपा एमालेका उम्मेदवार विजयी भएका छन् ।
इन्द्रसरोबारको अध्यक्षमा एमालेका देवकृष्ण पुडासैनीले ३ हजार ७२२ मत ल्याएर जित हात पारे । कांग्रेसका विश्व लामा ३ हजार ४७२ मत पाएर पराजित भए । निवर्तमान अध्यक्ष समेत रहेका एकीकृत समाजवादीका जीवन लामाले ४७९ मत ल्याए ।
उपाध्यक्षमा पनि एमालेकै उमाकुमारी लामाले जित हासिल गरिन् । उनले ३ हजार ७२५ मत पाइन् । कांग्रेसकी निर्मला रुम्बाले ३ हजार ६५६ मत ल्याएर हार ब्यहोरिन् ।
मकवानपुर । स्थानीय तह सदस्य निर्वाचन २०७९ अन्तरगत मकवानपुरको हेटौंडा उपमहानगरपालिका, थाहा नगरपालिका र ८ वटा गाउँपालिकाको मतगणना कार्य भइरहेकाे छ ।
मुख्य निर्वाचन अधिकृतको कार्यालयले दिएको जानकारी अनुसार हालसम्म मकवानपुरको ३६ वडाको मतगणना पूर्ण रुपमा सम्पन्न भइसकेको छ ।
हालसम्म मतगणना सम्पन्न भएको ३६ वटा वडामध्ये नेपाली कांग्रेस पहिलो स्थानमा रहेको छ । मकवानपुरमा माओवादीले १० वटा र एमालेले ७ वटा वडामा विजयी भएको छ । कांग्रेसले भीमफेदी, मनहरी, कैलाश राक्सिराङमा ३/३ वटा वडा, इन्द्रसरोबर, गढी, वकैया गाउँपालिकामा २/२ वटा र हेटौंडाको एउटा वडामा जितेको छ ।
माओवादीले थाहा नगरपालिकामा चारवटा, वकैयामा २ र भीमफेदी, कैलाश, राक्सिराङ र वागमतीमा एउटा/एउटा वडामा विजयी भएको छ । एमालेले भीमफेदीमा ३, इन्द्रसरोबरमा २, कैलाश र राक्सिराङमा १ वडामा जित हात पारेको छ । जिल्लाको दशवटा स्थानीय तहमध्ये नौवटामा सत्तारुढ गठबन्धन र इन्द्रसरोबरमा एमालेले प्रमुखमा अग्रता कायम गरेको छ ।
मकवानपुर । हेटौंडा उपमहानगरपालिकाको मेयर पदमा राप्रपाले पहिलो स्थान टेकेको छ ।
मतपरिणामता लगातार तेस्रो स्थानमा रहेको राप्रपा हेटौंडा उपमहानगरपालिका वडा २ को मत गणना जारी रहदा पहिलो स्थानमा आएको हो ।
हेटौंडा उपमहानगरपालिका–२ सिदार्थ माविमा मतगणना जारी छ । हेटौँडा उपमहानगरपालिकामा मेयरमा त्रिपक्षीय रोचक प्रतिस्पर्धा देखिएको छ ।
९०२९ मतगणनाको मतपरिणाममा राप्रपाबाट मेयरका उम्मेदवार दीपकबहादुर सिंह पहिलो स्थानमा आएका हुन् । उनले २७१० मत ल्याएका छन् । उनलाई पछ्याउँदै गठबन्धनको उम्मेदवार मिना कुमारी लामा दोस्रो स्थानमा छिन् भने यस अघि पहिलो र दोस्रोमा लगातार प्रतिस्पर्धी रहेका एमालेका अनन्त पौडेल तेस्रोमा पुगेका छन् । लामाको २६६९ मत पुगेको छ भने पौडेलको २४३४ मत छ । उपमेयरमा एमाले ३०१६ गठबन्धन ३९८२ र राप्रपा ८०३ मत रहेको छ ।