मकवानपुर । राष्ट्रिय सभाको निर्वाचनको लागि बागमती प्रदेशमा रिक्त रहेको ४ पदको लागि १५ जनाको उम्मेदवारी दर्ता भएको छ ।
जसमा दलितबाट १ पदको लागि ३ जनाको उम्मेदवारी परेको छ भने, महिला, अपाङ्ग र अन्य कोटाबाट १/१ पदका लागि ४/४ जनाको उम्मेदवारी परेको छ । राप्रपाले दलित कोटामा उम्मेदवार बनाएन ।
सत्तागठबन्धन दल (नेपाली काँग्रेस, एकीकृत समाजवादी र नेकपा माओवादी), नेकपा एमाले, राप्रपा र नेपाल मजदुर किसान पार्टीको तर्फबाट उम्मेदवारी दर्ता गराइएको हो ।
एमालेबाट रोजकुमारी चौलागाई (दोलखा जिल्ला महिला कोटा) विवेक देवकोटा (काठमाडौ जिल्ला अपाङ्ग कोटा) ध्रुब विश्कर्मा (धादिङ जिल्ला दलित कोटा) त्रिलोचन निर्मल पौडेल (चितवन जिल्ला अन्य कोटा) को मनोनयन दर्ता भएको छ ।
सत्ता गठबन्धनको तर्फबाट नेपाली कांग्रेस विष्णुदेबी पुडासैनी (काठमाडौ जिल्ला,महिला कोटा) नेपाली कांग्रेसबाट जितजंग बस्नेत (ललितपुर जिल्ला, अन्य कोटा) माओवादीकेन्द्रबाट श्रीकृष्ण प्रसाद अधिकारी (नुवाकोट जिल्ला) नेकपा एसबाट घनश्याम रिजाल (दोलखा जिल्ला, दलित कोटा) ले मनोनयन दर्ता गराएका छन् ।
यसैगरी नेपाल मजदुर किसान पार्टीले पनि ४ जनाको उम्मेदवारी दर्ता गराएको छ । जसमा हिमालयश्वर लाल मुल (भक्तपुर जिल्ला, अपाङ्ग कोटा) श्रीकृष्ण महर्जन (काठमाडौ जिल्ला, अन्यकोटा) संगिता नेपाली (भक्तपुर जिल्ला दलित कोटा) कृष्ण लक्ष्मी दुवाल (भक्तपुर जिल्ला महिला कोटा) ले मनिनयन दर्ता गरेको मकवानपुरका जिल्ला न्यायाधीश तथा राष्ट्रिय सभा निर्वाचन अधिकृत श्रीप्रसाद संजेलले बताए ।
यसैगरी राप्रपा नेपालबाट हेमजंग गुरुङ (लमजुङ जिल्ला, अन्य कोटा), बालकुमारी डल्लाकोटी (मकवानपुर जिल्ला महिला कोटा), भरतमणी भट्ट (चितवन जिल्ला, अपाङ्ग कोटा) को उम्मेदवार रहेको निर्वाचन कार्यालयले जनाएको छ ।
प्रदेश निर्वाचन कार्यालय बागमती प्रदेश, हेटौंडाका निमित्त निर्वाचन अधिकारी तारा प्रसाद आचार्यका अनुसार बागमती प्रदेशमा ३ सय ३७ जना मतदाता रहेका छन् । हेटौंडामा राष्ट्रिय सभा सदस्य निर्वाचनका लागि हेटौंडा ४ स्थित भुटनदेवी माध्यमिक विद्यालयको प्राविधिक शिक्षालयको भवनमा मतदान केन्द्र तय गरिएको छ ।
मकवानपुर । राष्ट्रिय सभाको निर्वाचनको लागि बागमती प्रदेशमा उम्मेदारी दर्ता सुरु भएको छ । निर्वाचन कार्यालयले दिएको समय अनुसार २ वटा दलले उम्मेदारी दर्ता गराएको छ ।
एमालेबाट महिलाबाट राेजकुमारी चाैलागाई (दाेलखा) अन्यबाट विवेक देवकाेटा (काठमाडौ) दलितबाट ध्रुव विश्कर्मा (धादिङ) अपाङ्गताबाट त्रिलाेचन निर्मल पाैडेल (चितवन)को मनोनयन दर्ता गरेका छन् ।
यसैगरी नेमकिपा अपाङबाट हिमालयश्वर मुल (भक्तपुर) अन्यबाट श्रीकृष्ण महर्जन (काठमाडौ) दलितबाट संगिता नेपाली (भक्तपुर) महिलाबाट कृष्ण लक्ष्मी दुवाल (भक्तपुर) ले मनिनयन दर्ता गरेको मकवानपुरका जिल्ला न्यायाधीश तथा राष्ट्रिय सभा निर्वाचन अधिकृत श्रीप्रसाद संजेलले बताए ।
गठवन्धनबाट नेपाली कांग्रेस विष्णुदेवि पुडासैनि (काठमाडौ,महिला) नेपाली कांग्रेसबाट जितजंग वस्नेत (ललितपुर, अन्य) माओवादीकेन्द्रबाट श्रीकृष्ण अधिकारी (नुवाकोट) नेकपा एसबाट घनश्याम रिजाल (दोलखा) ले मनोनयन दर्ताको लागि निर्वाचन कार्यालय परिसरमा रहेका छन् ।
यसैगरी राप्रपा नेपालबाट हेमजंग गुरुङ बालकुमारी डल्लाकोटी(महिला), भरतमणी भट्ट (अपाङ्ग) र पुर्णबहादुर बिश्वकर्मा (दलित) उम्मेदवार रहने पार्टी जनाएको छ ।
प्रदेश निर्वाचन कार्यालय बागमती प्रदेश, हेटौंडाका निमित्त निर्वाचन अधिकारी तारा प्रसाद आचार्यका अनुसार बागमती प्रदेशमा ३ सय ३७ जना मतदाता रहेका छन् । हेटौंडामा राष्ट्रिय सभा सदस्य निर्वाचनका लागि हेटौंडा ४ स्थित भुटनदेवी माध्यमिक विद्यालयको प्राविधिक शिक्षालयको भवनमा मतदान केन्द्र तय गरिएको छ ।
यस्तो छ मतभार
आउँदो माघ ११ गतेका लागि तय भएको राष्ट्रिय सभा निर्वाचनको तयारी तीब्र बनाइएसँगै मतपरिणाममा प्रभाव पार्न दौडधुपमा जारी छ ।
१९ सिटका लागि हुन लागेको निर्वाचनमा बागमती प्रदेशमा चार सिटको निर्वाचन हुनेछ । एमालेबाट २, एकिकृत समाजवादीबाट १ र स्वतन्त्रबाट १ वटा पद रिक्त हुँदैछ । प्रदेशबाट एमालेबाट दिलकुमारी रावल र रामचन्द्र राई, एकीकृत समाजवादीका सिंगबहादुर विश्वकर्मा र स्वतन्त्र सांसद खिमलाल देवकोटाको पद फागुन २० गतेबाट रिक्त हुदैछ ।
यस अघि नै निर्वाचन हुनुपर्ने व्यवस्था अनुसार माघ ११ मा निर्वाचन हुँदैछ । रावल महिला, राई अपांगता/अल्पसंख्यक, विश्कर्मा दलित र देवकोटा अन्य समूहबाट निर्वाचित भएका थिए। अब ती चार वटै समूहमा छुट्टाछुट्टै प्रतिस्पर्धा हुनेछ।
सत्ता गठबन्धन दलको दबदबा रहेको बागमतीमा राष्ट्रिय सभामा पनि यिनै दलका मतदाताहरूको संख्या धेरै छ। प्रदेश सभातर्फ हेर्ने हो भने पनि ११० सांसदमध्ये सत्ता गठबन्धन दलमा आवद्ध तीन दलको संख्या मात्रै ६५ सिट छ । अहिले बागमती प्रदेशमा गठबन्धनमा आवद्ध नेपाली कांग्रेसका ३७, नेकपा माओवादी केन्द्रका २१ र नेकपा एकीकृत समाजवादीका ७ सांसद छन्।
हाम्रो नेपाली पार्टीका २ सांसद्को साथ पनि प्रदेश सरकार अर्थात् सत्ता गठबन्धनलाई नै छ। यो दलको समेत संख्या जोड्ने हो भने बागमतीमा सत्ता गठबन्धनको ६७ प्रदेश सभा सदस्य छन्। यसैगरी यि बाहेक विपक्षी दल नेकपा एमालेको २७, राष्ट्रिय प्रजातन्त्र पार्टीको १३ र नेपाल मजदुर किसान पार्टी (नेमकिपा) को ३ सिट छ ।
निर्वाचनको लागि तयारी तिव्रता बनाइदै गर्दा उम्मेदवारी दर्ता नभएसम्म प्रत्येक समूहबाट निर्वाचित हुनका लागि कति उम्मेदवार हुन्छन्, त्यो अहिल्यै आकलन गर्न सकिँदैन। तर कुल मतभारको बहुमत अर्थात् ५ हजार १७७ मत भए जित सुनिश्चित हुन्छ। जसका लागि प्रदेश सभामा रहेका हाम्रो नेपाली पार्टीका २ सांसद बाहेक पनि ६५ सांसदको ५३ मतभारले प्रदेशतर्फ मात्रै ३ हजार ४४५ मतभार हुन आउँछ ।
यता, सत्ता बाहिर रहेका एमाले, राप्रपा, नेमकिपा र हाम्रो नेपाली पार्टीका गरी ४५ सांसद छन् । बागमती प्रदेश सभातर्फ ५३ मतभारले प्रतिपक्षी दलहरुको कुल मतभार २ हजार ३८८ मात्रै हुन आउँछ। प्रदेश सभा तर्फ कुल ११० सांसदको ५ हजार ८३० मतभार छ।
यता बागमती प्रदेशमा रहेका ११९ स्थानीय तहमा प्रमुख, उपप्रमुख, अध्यक्ष र उपाध्यक्षको संख्या २३८ हो । प्रदेशको दोलखाको गौरीशंखर गाउँपालिका उपाध्यक्ष श्यामसुन्दर तामाङको गत असार ३१ गते हृदयाघातका कारण मृत्यु भएपछि यो सङ्ख्या पनि घटेको छ ।
अब एक मतदाता संख्या कम हँदा बागमती प्रदेशको कुल मतदाता २३७ छ । मतभार १९ रहेको स्थानीय जनप्रतिनिधिको बागमतीमा ४ हजार ५०३ मतभार हुन आउँछ ।
जसमा स्थानीय तहतर्फ सत्ता गठबन्धनमा आवद्ध नेपाली कांग्रेसका १०७, माओवादी केन्द्रको ५७, नेकपा एकीकृत समाजवादीका ९ जनप्रतिनिधि छन्। सत्ता गठबन्धनमा आवद्ध १७३ जना स्थानीय तहका जनप्रतिनिधिको १९ मतभारले ३ हजार २८७ मतभार हुन आउँछ।
यसबाहेक प्रतिपक्षमा रहेका नेकपा एमालेका ६०, र अन्य ४ दलका जनप्रतिनिधि गरी ६४ जना छन्। जसमा प्रतिपक्षी दलहरूको १ हजार २१६ मतभार हुन आउँछ। यसरी बागमती प्रदेशको ११९ स्थानीयतहको कुल मतभार ४ हजार ५०३ रहेको छ।
प्रदेशको ५ हजार ८३० र स्थानीय तहको ४ हजार ५०३ मतभार गरेर यहाँ कुल मतभार १० हजार ३३३ हुनेछ। बागमती प्रदेशमा कांग्रेस, माओवादी केन्द्र, नेकपा एकीकृत समाजवादीको गठबन्धन छ। उनीहरूले साझा उम्मेदवार तय गरेमा उक्त उम्मेदवारले जित्ने सम्भावना बलियो देखिन्छ । किनकी, उल्लेखित तीनवटा पार्टीसँग मात्रै ६ हजार ७७० मत छ ।
प्रमुख प्रतिपक्षी दलको भूमिकामा रहेको नेकपा एमाले र अन्य दल मिलेर उम्मेदवार तय गरेपनि कुनै सिट जित्ने मतभार छैन । एमालेको मात्रै पनि बागमती प्रदेशसभामा २७ सांसदको १ हजार ४३१ मत छ भने स्थानीय तहका ६० जनप्रतिनिधिको १ हजार १४० गरी कुल बागमती प्रदेशमा २ हजार ५७१ मात्रै मत छ। त्यसमा राप्रपालगायतका दलहरुको साथ रहदाँ समेत जितकोे सम्भावना कम रहेको विश्लेषकहरु बताउँछन् ।
तर यो निर्वाचनका केन्द्रमा सत्ता गठबन्धनसँगै प्रतिपक्षी एमालेले समेत मिलेर जाने आन्तरिक गृहकार्य गरिरहेको छ । राष्ट्रिय सभा निर्वाचनमा दलहरू कसरी जान्छन्, त्यो भने अझै हेर्न बाँकी छ ।
राष्ट्रिय सभा सदस्य निर्वाचनलाई व्यवस्थित र शान्तिपूर्ण रूपमा सम्पन्न गर्न सर्वदलीय बैठक, सुरक्षा व्यवस्थालगायतको तयारीलाई तिव्रता दिइएको छ ।




मकवानपुर । बागमती प्रदेश मन्त्रिपरिषदले विभिन्न १० वटा निर्णय गरेकाे छ । आइतबारकाे मन्त्रिपरिषद्काे वैठकले समस्याग्रस्त सहकारी संस्थाको व्यवस्थापनका लागि ३ सदस्यीय समिति गठन गर्ने निर्णय गरेको छ ।
प्रदेश मन्त्रिपरिषद्को आइतबार बसेको बैठकले काठमाडौंका प्रशान्त अधिकारीको संयोजकत्वमा काठमाडौंकै यज्ञनाथ दाहाल र मकवानपुरका यतीराज सापकोटा रहेको समस्याग्रस्त सहकारी संस्थाहरुको व्यवस्थापनकाे लागि समिति गठन गर्ने निर्णय गरेको हो ।
बागमती प्रदेश सरकारका प्रवक्ता गंगानारायण श्रेष्ठका अनुसार बैठकले आन्तरिक मामिला तथा कानुन मन्त्रालयको प्रस्तावमा प्रदेशका विभिन्न स्थानमा कारागार र प्रहरी भवन संरचना सुधारका लागि ५ करोड बजेट ५६ लाख रुपैयाँ खर्च गर्न अख्तियारी प्रदान गर्ने निर्णय गरेको छ ।
बैठकले प्रदेश सभा सदस्य गीता गुरुङका लागि हेयरिङ मेसिन खरिद गर्न स्वीकृत प्रदान गरेको छ । यस्तै बैठकले विभिन्न कार्यविधि समेत स्वीकृत गरेकाे छ ।
बागमती प्रदेश सरकार मन्त्रीपरिषद्का निर्णयहरु
१. भाैतिक संरचनाकाे संरचनात्मक सुधारकाे खर्च अख्तियारी प्रदान गर्ने । (आन्तरिक मामिला तथा कानून मन्त्रालय)
२. जनचेतनामूलक प्रचार सामग्री निर्माण, प्रसारण तथा वितरण कार्यविधि २०८० स्वीकृत (आन्तरिक मामिला तथा कानून मन्त्रालय)
३. माैलिक चलचित्र निर्माण तथा प्रवर्द्धनमा सहयाेग कार्यक्रम सन्चालन सम्वन्धी कार्यविधि २०८० स्वीकृत । (आन्तरिक मामिला तथा कानून मन्त्रालय)
४. द्वन्द्व पीडितका लागि सवलिकरण कार्यक्रम कार्यन्वयन कार्यविधि २०८० स्वीकृति (आन्तरिक मामिला तथा कानून मन्त्रालय)
५. माननीय प्रदेश सदस्य गिता गुरुङकाे हेयरिङ मेशिन खरिद (आन्तरिक मामिला तथा कानून मन्त्रालय)
६. एक वडा एक कृषि पशुपन्छी तथा मत्स्यजन्य उत्पादन कार्यक्रम कार्यान्वयन कार्यविधि २०८० स्वीकृत (कृषि तथा पशुपन्छि विका मन्त्रालय)
७. एक विद्यालय एक नर्स कार्यक्रम सन्चालन (दाेश्राे संसाेधन) कार्यविधि २०८० स्वीकृत (स्वास्थ्य मन्त्रालय)
८. गर्भवती तथा सुत्केरी अवस्थाका ज्यान जाेखिममा परेका महिलाकाे निशुल्क हवाइ उद्धार सेवा सम्वन्धि कार्यविधि २०८० स्वीकृत (स्वास्थ्य मन्त्रालय)
९. दुर्गम क्षेत्र विशेषज्ञ चिकित्सक प्राेत्साहन तथा विस्तारित अस्पताल सेवा सन्चालन सम्वन्धि कार्यविधि २०८० स्वीकृत (स्वास्थ्य मन्त्रालय)
१०. समस्याग्रस्त सहकारी संस्थाकाे निमित्त व्यवस्थापन समिति गठन तथा साे समितिकाे सेवा सुविधा तथा शर्त सम्वन्धी व्यवस्था सम्वन्धमा (संस्कृति पर्यटन तथा सहकारी मन्त्रालय) -प्रशान्त अधिकारी कामनपा ३१ अध्यक्ष -यज्ञनाथ दाहाल कामनपा ४ सदस्य -यतीराज सापकाेटा मकवानपुर
मकवानपुर । राष्ट्रिय सभा सदस्य निर्वाचनका लागि मतदाताकाे अन्तिम नामावली प्रकाशित गरिएकाे छ । स्वीकृत निर्वाचन कार्यक्रम अनुसार आगामी माघ ११ गते हुने राष्ट्रिय सभा सदस्य निर्वाचनका लागि आइतबार ७ वटै प्रदेशकाे अन्तिम मतदाता नामावली प्रकाशन गरिएको हाे।
निर्वाचन आयोगले राष्ट्रिय सभा सदस्य निर्वाचनकाे लागि प्रदेश सभाका सदस्यको प्रति मतदाता मतभार ५३ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखको प्रति मतदाता मतभार १९ कायम गरेकाे छ । उक्त मतभार अनुसार माघ ११ गते हुने राष्ट्रिय सभा सदस्य निर्वाचन प्रयोजनका लागि प्रदेश सभा सदस्यको कूल मतभार २९ हजार ९७ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखको कूल मतभार २८ हजार ४ सय ६२ गरी जम्मा ५७ हजार ५ सय ५९ मतभार कायम हुनेछ।
निर्वाचन आयोगका अनुसार प्रकाशित अन्तिम नामावली अनुसार बागमती प्रदेशमा प्रदेश सभा सदस्य तर्फको मतदाता सङ्ख्या १ सय १० तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या २ सय ३७ गरी जम्मा ३ सय ४७ जना मतदाता कायम भएका छन्। प्रदेशमा प्रदेश सभा सदस्यको मतभार ५ हजार ८ सय ३० र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ४ हजार ५ सय ३ गरी जम्मा १० हजार ३ सय ३३ मतभार कायम हुने भएकाे छ।
यसैगरी कोशी प्रदेशमा प्रदेश सभा सदस्य तर्फको मतदाता सङ्ख्या ९३ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या २ सय ७४ गरी जम्मा ३ सय ६७ जना मतदाता कायम भएका छन्। कोशी प्रदेशमा प्रदेश सभा सदस्यको मतभार ४ हजार ९ सय २९ कायम भएकाे छ । गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ५ हजार २ सय ६ गरी कायम भइ जम्मा १० हजार १ सय ३५ मतभार कायम हुने भएकाे निर्वाचन आयोगका प्रवक्ता शालिकराम शर्मा पौडेलले जानकारी दिए ।

लुम्बिनी प्रदेशमा प्रदेश सभा सदस्य तर्फको मतदाता सङ्ख्या ८७ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या २ सय १८ गरी जम्मा ३ सय ५ जना मतदाता कायम भएका छन्। प्रदेशमा प्रदेश सभा सदस्यको मतभार ४ हजार ६ सय ११ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ४ हजार १ सय ४२ गरी जम्मा ८ हजार ७ सय ५३ मतभार कायम हुने भएकाे पौडेलले बताए ।
यसैगरी कर्णाली प्रदेशमा प्रदेश सभा सदस्य तर्फको मतदाता सङ्ख्या ४० तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या १ सय ५६ गरी जम्मा १ सय ९६ जना मतदाता कायम भएका छन्। प्रदेशमा प्रदेश सभा सदस्यको मतभार २ हजार १ सय २० र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार २ हजार ९ सय ६४ गरी जम्मा ५ हजार ८४ मतभार कायम भएकाे छ ।
सुदूरपश्चिम प्रदेशमा प्रदेश सभा सदस्य तर्फको मतदाता सङ्ख्या ५२ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या १७६ गरी जम्मा २२८ जना मतदाता कायम भएका छन्। प्रदेशमा प्रदेश सभा सदस्यको मतभार २ हजार ७ सय ५६ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ३ हजार ३ सय ४४ गरी जम्मा ६ हजार १ सय मतभार कायम हुने भएकाे निर्वाचन आयोगले जानकारी दिएकाे हाे ।
मकवानपुर । चितवनकाे भरतपुरमा एकै दिन २ जनाकाे मृत्यु भएकाे छ । चितवनकाे भरतपुर महानगरपालिका–१५, विष्णुचोकमा साईकलबाट लडेर १ जनाको र हर्ट अट्याककाे कारण अर्का १ जनाकाे मृत्यु भएको प्रहरीले जनाएकाे छ ।
साइङ्मृकलबाट लडेर त्यु हुनेमा बारा जिल्लाको कोहल्बी घर भई हाल भरतपुर महानगरपालिका–१५, भद्रकालीटोलमा बस्ने ५० वर्षीय देवेन्द्र चौधरी रहेको बागमती प्रदेश प्रहरी कार्यालय हेटौंडाले जानकारी दिएको छ । चौधरी बुधबार बिहान आफैंले चलाएको साइकलबाट लड्दा घाइते भएका थिए । घाइते चौधरीलाई उपचारका लागि जिल्ला अस्पताल लगिएकोमा उपचारको क्रममा बुधबार नै मृत्यु भइको प्रदेश प्रहरीले जनाएकाे छ ।
यसैगरी काठमाडौं जाँदै गरेको भारतीय कन्टेनर नम्बर NL 01 AC 1246 को चालक भारत महाराष्ट्र बस्ने ५४ वर्षीय जाकेर उस्मान मिर्जालाई कन्टेर चलाइरहेकै अवस्थामा एक्कासी अप्ठ्यारो भएकाे प्रहरीले जनाएकाे छ । प्रहरीका अनुसार कन्टेर चलाइरहेकै अवस्थामा भरतपुर २९ दासढुंगामा मिर्जालाई अप्ठ्याराे भएकाेले उपचारकाे लागि बुधबार नयाँ मेडिकल कलेज भरतपुर ल्याएकोमा उपचारको क्रममा मृत्यु भएको हाे । मिर्जाकाे मेजर हर्ट अट्याककाे कारण मृत्यु भएकाे चिकित्सकलाई उदृत गर्दै प्रदेश प्रहरी बागमतीले जानकारी दिएकाे छ ।