मकवानपुर । बागमती प्रदेशका मुख्यमन्त्री इन्द्रबहादुर बानियाँले प्रदेश सभाबाट विश्वासको मत प्राप्त गरेका छन् । मंगलबारको प्रदेशसभा विश्वासको मत सम्बन्धी प्रस्ताव पेस गरेका मुख्यमन्त्री बानियाँले पक्षमा ६३ मत प्राप्त गरे । उनको विपक्षमा २२ सदस्यकाे मत पर्यो ।
प्रदेश सभाका ७ जना सदस्य भने मत विभाजन हुँदा तटस्थ बसेका थिए । कुल ११० सदस्यीय प्रदेश सभामा ५६ प्रदेश सभा सदस्यकाे समर्थन भए सरकार गठन हुन्छ भने विश्वासकाे मतकाे लागि समेत पर्याप्त हुन्छ । उनलाई नेपाली कांग्रेसका ३६ र नेकपा एमालेका २७ सांसदले मत दिएका छन् । कांग्रेसका रामकृष्ण चित्रकार देश बाहिर रहेकाले एक मत प्राप्त भएन ।
प्रदेशसभाको मंगलबारकाे बैठकमा कूल ९२ सदस्य उपस्थित थिए । सभामुखले भने मत विभाजनमा सहभागी भएनन् । गत साउन २० मा एमाले र कांग्रेसको गठबन्धनबाट प्रदेशको मुख्यमन्त्री नियुक्त भएका बानियाँले नेपालको संविधानको धारा १६८ को उपधारा ४ बमोजिम तथा प्रदेशसभा नियमावली २०७४ को नियम १४३ को उपनियम ४ बमोजिक विश्वासको मत लिएका हुन् ।
उनी आफ्नै पार्टीका नेता बहादुर सिंह लामालाई अविश्वासको प्रस्तावले हटाउँदै मुख्यमन्त्री बनेका थिए । कांग्रेस र एमालेले मुख्यमन्त्रीकाे विश्वासकाे पक्षमा मत दिन ह्वीप जारी गरेका थिए ।
मकवानपुर । बागमती प्रदेश सभाको लागि नयाँ भवन निमाणार्थ शिलान्यास गरिएको ४ वर्ष ८ महिनापछि प्रयोगको लागि तयार भएको छ । बागमती प्रदेश सभाको बहुप्रतिक्षित भवन आज २७ साउन मंगलबारदेखि औपचारिक रूपमा सञ्चालनमा आउने भएको छ ।
प्रदेश सभा सचिवालयका सचिव रामकुमार पौडेलका अनुसार २७ साउनमा बस्ने प्रदेश सभाको बैठक पहिलो पटक नयाँ भवनमा आयोजना हुने भएको हो । आजै बागमती प्रदेशका नवनियुक्त मुख्यमन्त्री इन्द्रबहादुर बानियाँले विश्वासको मत लिने कार्यक्रम रहेको छ । सचिव पौडेलले बताए अनुसार सभा हलको भित्री सम्पूर्ण निर्माण कार्य सम्पन्न भइसकेको छ ।
सोमबार साँझसम्म माइक जडान र परीक्षण कार्य सकिएको छ भने मंगलबार बिहानसम्म जेनेरेटर जडानको काम सकिने तयारी गरिएको छ । उक्त भवनको शिलान्यास १० मंसिर २०७७ मा भएको थियो । झन्डै साढे पाँच वर्षको प्रतीक्षापछि निर्माण सम्पन्न भएको यो अस्थायी भवन सञ्चालनमा आएसँगै प्रदेश सभाको बैठक र कार्यसञ्चालन थप सहज हुने सचिवालयको विश्वास छ । हेटौंडा उपमहानगरपालिका–१०, स्थित हाल अस्थायी रुपमा सञ्चालित प्रदेश सभा सचिवालयको जग्गाभित्रै प्रिफ्याबबाट अस्थायी संरचना निर्माणको हो ।
तत्कालिन क्षेत्रीय शिक्षा निर्देशनालयको कार्यालयलाई मोडिफाइ गरेर निर्माण गरिएको भवनमा हाल सचिवालय सञ्चालन गरिदै आएको थियो । जुन धेरै साँघुरो भएको कारण पत्रकारहरुलाई समेत प्रवेश दिने गरिएको थिएन । अब सञ्चालन हुने भवनमा भने पत्रकारहरुको लागि समेत छुट्टै दिर्घाको व्यवस्था गरिएको छ । भवन अपाड्डमैत्री छ । हाल रहेका ११० मध्ये १ सांसाद ह्वील चियर प्रयोगकर्ता भएको थाहा पाएपछि राताराता मर्मत गरेर ¥याम राखिएको भए पनि रोस्ट्रममा जान सहज नभएको भन्दै सांसद लक्ष्मी घिमिरेले अपाड्ड मैत्री संरचना नभएसम्म आफू रोस्ट्रममा नै नजाने भनेर सरकारको ध्यानाकर्षण गराउँदै आएकी थिइन् । रामेछाप जिल्लाबाट समानुपातिक संसदमा निर्वाचित भएकी राप्रपाकी सांसद लक्ष्मी घिमिरेले नीति निर्माण गर्ने तहमै अपाङ्मैत्री संरचनाप्रति चासो नहुनुमा दुख प्रकट गर्दै आएकी छिन् ।
अर्घाखाँची–सगुन–पारामाउन्ट जेभीले १८ महिनामा काम सक्ने गरी १९ कात्तिक २०७७ मा ४ करोड ९४ लाख ९ हजार ९ रुपैयाँमा प्रदेश सभाको अस्थायी भवन बनाउने ठेक्का पाएको थियो । तर समयमा काम सकिएन । ठेकदार कम्पनीले झण्डै ५ वर्ष वर्ष लगाएर प्रिफ्याबको अस्थायी संरचना तयार गरेको छ ।
भवन संरचना निर्माणमै दुईपटक ठेक्का
अर्घाखाँची–सगुन–पारामाउन्ट जेभीले ढिलो गरी प्रिफ्याबको संरचना निर्माण गरेपछि थप कमका लागि डेढ वर्ष अघि मात्रै २३ फागुन २०८० मा सिउडी निर्माण सेवासँग ३ करोड ५३ लाख ६१ हजार ५ सय ८३ रुपैयाँमा शहरी भवन कार्यालयले ठेक्का सम्झौता गरेको थियो । उसले पनि समयमै काम नसकेपछि एकपटक म्याद थप गरिएको थियो ।
प्रदेश सभा सचिवालयले २०८० पुस २२ मा फर्निचरका लागि खुलाएको ठेक्कामा कानुनी जटिलता देखिएको भन्दै रद्द गरेको थियो । त्यसपछि नयाँ ठेक्का आह्वान गरेर सिउडी इन्टरनेशनल प्रालिसँग भवनमा फर्निचर÷फर्निसिङ कार्यका लागि २ करोड २४ लाख ७३ हजारमा ४ फागुन ०८१ मा ठेक्का सम्झौता भएको प्रदेश सभा सचिवालयले जनाएको छ ।
प्रदेश सभा सचिवालयले साउण्ड सिष्टम जडानका लागि २२ फागुन २०८१ भित्र प्रस्ताव पेस गरिसक्नु पर्ने गरि आव्हान गरेको थियो। साउण्ड सिष्टमको ठेक्का रकम २ करोड बढीको रहने प्रदेश सभा सचिवालयले जनाएको छ। शहरी भवन कार्यालयले संरचना निर्माणमा एउटैले गर्न सक्ने कामलाई पनि दुुई वटा कम्पनीलाई ठेक्का दिएर काम गर्दा भवन तयार हुन ढिलाइ भएको हो ।
१८ माघ २०७४ मा स्थापित प्रदेश सभा संघीय सरकार मातहतको तत्कालीन मध्यमाञ्चल क्षेत्रीय शिक्षा निर्देशनालयको भवनमा सञ्चालन भइरहेको छ । प्रदेश सभाको हालको सभाहल ११० जना प्रदेश सभा सदस्यका लागि साँघुरो छ । नयाँ भवनको क्षमता २५० जना रहेको छ ।

मर्मतको लागि लाखौ खर्च
प्रदेश सभाको नयाँ भवन निर्माण सम्पन्न नभएपछि हाल रहेको कार्यालयमा मर्मतको नाममा लाखौं खर्च भएको छ । अघिल्लो कार्याकाल बिताएका सांसदहरुलाई बिदाइ गरेपछि नयाँ सांसदको स्वागतताका सचिवालय हल पुरै नयाँ जस्तै रुप दिइएको थियो । त्यतिबेला अनावश्यक मर्मत कार्यमा १० लाख बढी खर्च गरिएको थियो ।
फेरि हालमा सभामुख भुवनकुमार पाठकले आफ्नो कर्यकक्ष मर्मत सुधारको नाममा झण्डै १० लाख रुपैया लाख खर्च गरेका छन् । प्रदेश सभाको दोस्रो सभामुखका रूपमा गत पुसमा निर्वाचित भएका पाठकले आफ्नो कार्यकक्षलाई अत्याधुनिक रुपमा मर्मत गर्न लगाए । फर्निचर, कार्पेट, वाल फिनिसिङदेखि गलैँचासम्म सुधारको नाममा उक्त खर्च भएको सचिवालयले जनाएको छ । सचिवालय भवनमा संरचना निर्माण तथा मर्मतसुधार शीर्षकको बजेटबाट ९ लाख ८८ हजार ११ सय रुपैयाँमा आर.बी.एस. कन्ट्रक्सनलाई ठेक्का दिइएको थियो। जसमा पुराना संरचना पुरै हटाएर नयाँ डेकोरेसन बनाएइको छ ।
यसैगरी आवासमा ४४ लाख खर्च भएको छ । पाठकले हेटौैडा–१०, राप्तीरोडमा रहेको सरकारी आवास मर्मतका लागि पनि झण्डै ४५ लाख रुपैयाँमा ठेक्का दिइसकेका छन् । कम्पाउन्ड वाल निर्माण, रंगरोगन तथा भित्री सजावट गर्न ४४ लाख ६२ हजार ३० रुपैयाँमा ठेक्का लगाएर काम सुरु भइसकेको बागमती प्रदेश सभा सचिवालयले जनाएको छ । आवास मर्मत पनि सचिवालय सभा भवनमा संरचना निर्माण तथा मर्मत सुधार शीर्षकको बजेटबाट भइरहेको हो ।
काँग्रेसमा विवाद अझै बाँकी
बागमतीका नव नियुक्त मुख्यमन्त्री इन्द्रबहादुर बानियाँले आज मंगलबार संसदबाट विश्वासको मत लिदैछन्, तर उनी मुख्यमन्त्री हुँदा भएको सहमति कार्यान्वयनमा नहुँदा अझै केही विवाद र उल्झनहरु भ्ने उस्तै छन् ।
बागमती प्रदेश सभामा नेपाली कांग्रेसभित्र देखिएको विवाद मिलाउने प्रयास भइरहेको छ । मुख्यमन्त्री इन्द्र बहादुर बानियाँ र पूर्वमुख्यमन्त्री बहादुरसिंह लामा पक्षमा देखिएको तिक्तता अन्त्य गरी सहमति जुटाउने प्रयास भइरहेको नेताहरुले जानकारी गराएका छन् ।
पूर्वमुख्यमन्त्री लामाले सोमबार पार्टी सभापति शेरबहादुर देउवालाई भेटेर आफ्नो पक्षको विचार राखिका छन् । लामासँगै सभापति देउवालाई भेटेका नेताहरुका अनुुसार मिलेर अघि बढ्न देउवाले निर्देशन दिएका थिए ।
लामाले नियुक्त गरेका छन् सपथ ग्रहण नभएका तीन मन्त्रीहरुलाई बानियाँले पहिलो चरणमा नै मन्त्री परिषदमा समेट्ने सहमति भएको थियो, तर बानियाँले व्यवहारमा त्यो देखाएनन् । उनले आफू मुख्यमन्त्री भए लगत्तै आफ्नो पार्टीबाट २ जनालाई मन्त्री नियुक्त गरे, तर अघिल्ला ३ जनालाई पाखा लगाए । उद्यापि उनले अझै ६ जना मन्त्रीहरु आफ्नो दलबाट नियुक्त गर्न बाँकी छ । मन्त्री परिषद विस्तार नै नगरी विश्वासको मत तर्फ लागेकाले बानियाँप्रति लामा पक्षको विश्वास घटेको हो ।
आज (२७ साउनमा) मुख्यमन्त्री बानियाँले विश्वासको मत लिनु अघि नै दुईपक्षमा सहमति जुटाउन लामा पक्षको माग छ । लामा विरुद्ध संसदीय दलको नेतामाथि अविश्वासको प्रस्ताव दर्ता भपछि उनले धादिङका गोविन्द लम्साल, चितवनका माया श्रेष्ठ र गीता गुरूङलाई मन्त्री नियुक्त गरेका थिए । लम्साललाई आन्तरिक मामिला तथा कानुन मन्त्रालय, श्रेष्ठलाई युवा तथा खेलकुद मन्त्रालय र गुरूङलाई सहकारी तथा गरिबी निवारण मन्त्री नियुक्त गरेका थिए । तर उनीहरुले सपथ लिएर कार्यभार जिम्म लिन पाएनन् ।
असन्तुष्ट पक्षले आÇना मागहरु सम्बोधन नभए मुख्यमन्त्री बानियाँलाई विश्वासको मत नदिने र सामूहिक राजीनामा दिने चेतावनी समेत दिएका छन् । कुरा मिलेन भने विश्वासको मत दिनलाई सोच्नुपर्छ कि भन्ने कुरा छ” काँग्रेस सांसद तथा सामाजिक विकास पूर्वमन्त्री हरिप्रभा खड्कीले बताइन् । प्रदेश सभामा कांग्रेसका ३७ सांसदमा लामा पक्षका १४ जना छन् ।
सांसदलाई व्हिप जारी
सत्ता साझेदार कांग्रेस र एमाले दुबै दलले मुख्यमन्त्री बानियाँलाई मंगलबार विश्वासको मत दिन व्हिप जारी गरेका छन् । कांग्रेसको संसदीय दलको निर्वाचनमा लामाको पक्षमा मत दिएका एक सांसदले व्हिप जारी भएको हुँदा विश्वासको मत प्रदान गर्ने जानकारी गराए ।
“हामीले मुख्यमन्त्री बानियाँको विश्वासको पक्षमा मत दिन आफ्ना सबै सांसदलाई व्हिप जारी गरेका छौ” नेकपा एमाले बागमती प्रदेश प्रमुख सचेतक एकालाल श्रेष्ठले भने “हाम्रा सबै माननीय ज्यूहरु सहभागी भएर पक्षमा नै मत दिनु हुनेछ ।” बागमती प्रदेश सभामा ११० सांसद छन् । मुख्यमन्त्रीले प्रदेश सभामा विश्वास मत लिन ५६ जना सांसदको साथ चाहिन्छ । एमाले र काँग्रेसको गरी ६४ जना सांसद हुन्छन् ।
मकवानपुर । नेकपा (एमाले) बागमती प्रदेश संसदीय दलले बागमतीका मुख्यमन्त्री इन्द्रबहादुर बानियाँलाई विश्वासको मत दिन ह्विप जारी गरेको छ ।
दलका प्रमुख सचेतक एका लाल श्रेष्ठले प्रदेश सभा सबै सदस्यलाई अनिवार्य बैठकमा उपस्थित भएर मुख्यमन्त्रीको विश्वासको मतको पक्षमा मतदान गर्न ह्विप जारी गरिएको जानकारी दिए । त्यस्तै प्रमुख सचेतक श्रेष्ठद्वारा जारी सूचनामा भनिएकाे छ‘ प्रदेश सभा बैठक बस्नु अघि दिउँसो १ बजे नेकपा(एमाले) संसदीय दलको बैठक बस्ने भएकाले दलको कार्यालयमा उपस्थित हुन सांसदहरुलाई जानकारी गराइन्छ ।’
मुख्यमन्त्री बानियाँले मंगलबार दिउँसो ४ बजे बस्ने प्रदेश सभा बैठकमा विश्वासको मत लिने कार्यसुची रहेको छ । बानियाँले साउन २७ गते नेपालको संविधानको धारा १६८ उपधारा (४) र प्रदेश सभा नियमावली, २०७४ को नियम १४३ को उपनियम (१) बमोजिम विश्वासको मत लिन लागेका हुन्।यसअघि मुख्यमन्त्री बानियाँलाई विश्वासको मत दिन नेपाली कांग्रेसले ह्विप जारी गरेकाे थियो ।
कांग्रेसका बागमती प्रदेश सभापतिसमेत रहेका बानियाँ २० साउनमा आफ्नो दलका ३७ र सत्ता साझेदार एमालेका २७ गरी कुल ६४ सांसदको समर्थनमा मुख्यमन्त्रीमा नियुक्त भएका हुन् । नेपालकाे संविधान अनुसार मुख्यमन्त्रीमा नियक्ति हुनेले ३० दिन भित्र प्रदेश सभामा विश्वासकाे मत लिनु पर्ने हुन्छ । ११० सदस्य रहेको बागमती प्रदेशसभामा बानियाँलाई विश्वासको मत प्राप्त गर्न ५६ सांसदको समर्थन चाहिन्छ ।
मकवानपुर । नेपाली काँग्रेस बागमती प्रदेश संसदीय दलको बैठकले दलका नेतासमेत रहेका मुख्यमन्त्री इन्द्रबहादुर बानियाँले लिने विश्वासको मतका लागि ह्विप जारी गरेको छ । २७ साउनमा बाँनियाले प्रदेश सभाबाट विश्वासकाे मत लिन काँग्रेसले ३ बुँदे व्हिप जारी गरेकाे हाे ।
बानियाँले नेपालको संविधानको धारा १६८ को उपधारा ९४० तथा प्रदेश सभा नियमावली, २०७४ को नियम १४३ को उपनियम ९१० बमोजिम विश्वासको मत लिँदैछन् । प्रदेशसभा सचिवालयले २७ साउन दिउँसो ४ बजेका लागि बैठक आह्वान गरिसकेको छ ।
दल नेता बानियाँले काँग्रेस संसदीय दलको ९ सदस्यीय कार्यसमिति गठन गरेसँगै बसेको बैठकले ह्विप जारी गर्ने निर्णय गरेको प्रदेशसभा सदस्य काँग्रेस संसदीय दलका प्रवक्ता सुरजचन्द्र लामिछानेले जानकारी दिए । ललितपुर भैंसेपाटीस्थित मुख्यमन्त्री निवासमा शनिबार बसेको संसदीय दलको बैठकले विश्वासको मतको पक्षमा मतदान गर्न ह्विप जारी गर्ने निर्णय गरेको संसदीय दलका प्रवक्ता प्रदेशसभा सदस्य सुरजचन्द्र लामिछानेले जानकारी दिए ।
जारी तीन बुँदामा ह्विपमा बैठकमा अनिवार्य उपस्थित हुने, तटस्थ नबस्ने र विश्वासको मतको पक्षमा मत दिने रहेकाे लामिछानेले जानकारी दिए। २७ साउन दिउँसो १ बजे काँग्रेस संसदीय दलको कार्यालय हेटौंडामा दलको बैठक राख्ने निर्णय समेत गरेकाे छ । बैठकले ३ सदस्यीय अनुशासन समिति गठन गर्ने निर्णय गरेको छ । अनुशासन समिति सदस्यमा लामिछाने, छिरिङ दोर्जे लामा र विनु रायमाझी पौडेल रहेका छन् ।
मुख्यमन्त्री बानियाँको नेतृत्वमा भैंसेपाटीमा दलको बैठक बसिरहँदा निवर्तमान मुख्यमन्त्री बहादुर सिंह लामा पक्षको काठमाडौंमा छुट्टै बैठक बसी विश्वासको मतको विषयमा छलफल भएकाे बताइएको छ । मुख्यमन्त्री बानियाँले २० साउनमा अन्य मन्त्रीको नियुक्तिसँगै लामा पक्षका तीन जनालाई पनि मन्त्री नियुक्त गर्नुपर्ने सहमति पालना नगरेको भन्दै लामा पक्ष असन्तुष्ट छ ।
कांग्रेस संसदीय दलको प्रवक्तामा लामिछाने
नेपाली कांग्रेस बागमती प्रदेश संसदीय दलको प्रवक्तामा सुरजचन्द्र लामिछाने नियुक्त भएका छन् । शनिबार बसेको कांग्रेस संसदीय दलको कार्यसमितिको बैठकले लामिछानेलाई प्रवक्तामा नियुक्त गरेको हो ।
लामिछाने प्रदेशका पूर्वमन्त्री हुनुहुन्छ । साउन ९ मा तत्कालीन संसदीय दलका नेता रहेका बहादुर सिंह लामालाई अविश्वास प्रस्ताव दर्ताको क्रममा लामिछानेसहित मन्त्रीले राजीनामा दिएका थिए । राजीनामा सँगै उनीहरु लामा विरुद्धको अविश्वास प्रस्तावको पक्षमा खुलेका थिए । लामा विरुद्धको अविश्वास प्रस्ताव पारित उराउन महत्वपूर्ण भुमिका खेलेका थिए ।
दलको मुख्य सचेतकमा बादे, महर्जनलाई सदस्य सचिवको जिम्मेवारी
काँग्रेस बागमती प्रदेश संसदीय दलको मुख्य सचेतकमा कञ्चनचन्द्र बादे नियुक्त भएका छन् । मुख्यमन्त्री एवम् संसदीय दलको नेता इन्द्रबहादुर बानियाँले बादेलाई मुख्य सचेतकमा नियुक्त गरेका हुन् ।
नेपाली कांग्रेस बागमती प्रदेश संसदीय दलको विधानको दफा ११ को उपदफा १ बमोजिम प्रदेशसभा सदस्य बादेलाई मुख्य सचेतकको जिम्मेवारी दिइएकाे हाे । संसदीय दलको रिक्त रहेका मुख्य सचेतक पदमा नियुक्त भएकाबादे काभ्रेको निर्वाचन क्षेत्र नम्बर २ (२) बाट निर्वाचित भएका हुन् । उनी कांग्रेस बागमती प्रदेश समितिका महामन्त्री समेत हुन् ।
त्यसैगरी मुख्यमन्त्री बानियाँले संसदीय दलको विधानको दफा १० को उपदफा ८ बमोजिम संसदीय दलको सदस्य सचिवमा मीनकृष्ण महर्जनलाई नियुक्त गरेका छन् । प्रदेश सरकारको पूर्वमन्त्री समेत रहनुभएका महर्जनलाई बानियाँले संसदीय दलको सदस्य–सचिवको जिम्मेवारी दिएका हुन् । महर्जन ललितपुर निर्वाचन क्षेत्र नम्बर १ (१) बाट निर्वाचित हुन् ।
मकवानपुर । बागमती प्रदेश सभा २७ साउनकाे लागि आव्हान गरिएकाे छ । प्रदेशसभा सचिवालयले शुक्रबार एक सूचना जारी गर्दै साउन २७ गते दिउँसो ४ बजेका लागि प्रदेश सभा बैठक आव्हान गरेकाे हाे ।
बागमतीका नवनियुक्त मुख्यमन्त्री इन्द्रबहादुर बानियाँले विश्वासको मत लिन प्रदेश सभाकाे आव्हान गरिएकाे हाे । उक्त बैठकमा मुख्यमन्त्रीकाे विश्वासको मत लिने कार्यसूची रहेको प्रदेश सभा सचिवालयले जनाएकाे छ । नेपालको संविधानको धारा १६७ को उपधारा (४) र प्रदेश सभा नियमावली, २०७५ को नियम ११२ को उपनियम (१) बमोजिम मुख्यमन्त्री बानियाँले बैठकमा विश्वासको मत प्राप्त गर्ने प्रस्ताव पेश गर्नेछन् ।
प्रदेश सरकारकाे बजेट पारित गर्दै गत २३ असारमा स्थगित बैठक मुख्यमन्त्रीकाे विश्वासको मतका लागि आह्वान गरिएको हो । साउन २० गते कांग्रेस–एमालेको गठबन्धनबाट नेपालको संविधानको धारा १६८ को २ बमोजिम मुख्यमन्त्री बनेका बानियाँले बानियाँले आगामी भदौ १८ गतेसम्म प्रदेशसभाबाट विश्वासको मत लिइसक्नु पर्ने संवैधानिक व्यवस्था छ ।
मुख्यमन्त्री बानियाँले साउन २७ का लागि विश्वासको मतकाे प्रक्रियाकाे लागि प्रदेशसभा बैठक बोलाउन प्रदेशसभा सचिवालय समक्ष जानकारी गराएका थिए । कांग्रेस बागमती प्रदेश सभापति समेत रहनुभएका बानियाँ कांग्रेसका ३७ र एमालेका २७ गरी कुल ६४ जना प्रदेशसभाको समर्थनमा मुख्यमन्त्री नियुक्त भएका हुन् । बानियाँले प्रदेश सभामा विश्वासकाे मतका लागि ५६ जना प्रदेशसभा सदस्यको समर्थन प्राप्त गर्नु पर्नेछ ।
बानियाँले आफ्नै दलका नेता बहादुर सिंह लामाका विरुद्ध संसदीय दलमा अविश्वास प्रस्ताव पारित गर्दै दल नेता निर्वाचित भएका थिए । २२ साउनमा पद तथा गोपनीयताको सपथ लिएका उनले एक जना बिना विभागीय मन्त्रीसहित कांग्रेसका २ र एमालेका ६ जना मन्त्री नियुक्त गरेका थिए ।
बागमती प्रदेशमा १४ मन्त्रालय रहेका छन् । ८ वटा मन्त्रालयमा मन्त्री नियुक्त गर्न बाँकी रहेकाे छ । विश्वासकाे मत लिएपछि मात्रै मुख्यमन्त्री बानियाँले सरकारलाई पूर्णता दिने बताइएकाे छ ।