चितवन। चितवनकाे माडी नगरपालिका वडा नम्बर ६ मा नेकपा एमाले विजयी भएकाे छ । माडी नगरपालिकामा एमालेले पहिलो वडा अध्यक्षमा जित हासिल गरेकाे छ ।
वडा नं. ६ को वडाध्यक्षमा नेकपा (एमाले) का उम्मेदवार दीपेन्द्रराज पौडेल ८ सय ६१ मत प्राप्त गरी निर्वाचित हुँदा उनकाे निकटतम प्रतिष्पर्धी नेपाली काँग्रेसका यमनाथ सुवेदी (रामु) ले ८ सय ३९ मत प्राप्त गर्दै पराजित भएका छन् । लामो समयसम्म शिक्षण सेवामा संलग्न पौडेलले एमालेबाट वडाध्यक्षको टिकट पाएसंगै शिक्षण पेशाबाट राजिनामा दिएका थिए ।
माडीमा अब वडा नम्बर ५ को मतगणना बाकी रहेकाे छ । गणना भएका वडा मध्ये माओवादी केन्द्रले ३, राप्रपाले २, एकीकृत समाजबादीले २ र एमालेले १ वटा वडा जितेका छन् ।
नुवाकोट । नुवाकोटको तादी गाउँपालिकाको अध्यक्षमा नेपाली काँग्रेसका सन्तमान तामाङ विजयी भएका छन्।
अध्यक्षमा निर्वाचित तामाङले ३ हजार २ सय ४१ मत ल्याएका थिए भने उनको निकटतम प्रतिस्पर्धी nekapaa (माओवादी केन्द्र)का किरण रिजालले २ हजार ५ सय १८ मत प्राप्त गरेका छन् ।
उपाध्यक्षमा नेकपा (माओवादी केन्द्र)का सञ्जु प्याकुरेल विजयी भएकी छिन । प्याकुरेलले ३ हजार ३ सय ९७ मत प्राप्त गर्दा निकटतम प्रतिस्पर्धी काँग्रेसकी ईश्वरी उप्रेतीले २ हजार ७ सय ७८ मत ल्याएकी छन् ।
वडाध्यक्षहरूमा वडा नं १ मा नेपाली काँग्रेसका नकुरदोङ तामाङ, वडा नं २ मा माओवादी केन्द्रका बच्चुराम तामाङ, वडा नं ३ मा काँग्रेसका सोनाम थिङ तामाङ, वडा नं ४ मा माओवादी केन्द्रका अश्विनकुमार पाण्डे, वडा नंं ५ का एमालेका सरोज भण्डारी र वडा नं ६ मा माओवादी केन्द्रमा शेरमान तामाङ निर्वाचित भएको तादी गाउँपालिका निर्वाचन अधिकृतको कार्यालयले जनाएको छ ।
जिल्लाको अन्य ११ स्थानीय तहको मतगणना जारी रहेको छ । तादीबाट उपेन्द्र दाहलको सहयोगमा
चितवन । भरतपुर महानगरपालिकामा भएकाे मतगणनाकाे विषयमा विवाद हुँदा स्थगित गरिएकाे मतगणना सुरु भएकाे छ । मतगणनामा मत सदर कि बदर भन्ने विषयमा विवाद हुँदा मतगणना स्थगित गरिएकाे थियाे । भरतपुर वडा नं २ को १ हजार ९ सय मतगणना सकिएर थप मत गन्दै गर्दा मतगणना रोकिएको हाे ।
मतपत्रकाे चुनाव चिन्हमा लागेकाे आंशिक स्वस्तिक छापलाई मान्यता नदिने सहमति भएपछि भरतपुर महानगरपालिकाको मतगणना पुनः सुरु भएको हाे । मतगणना स्थगित हुने वित्तिकै बसेको सर्वदलीय बैठकमा अब देखि कुनै पनि उमेदवारको चुनाव चिह्नमा परेको आंशिक छापलाई बदर गर्ने सहमति भएको छ।
मतगणनाको क्रममा एउटा मतपत्रमा स्वस्तिक छापको विषयमा विवाद उत्पन्न भएपछि मतगणना स्थगित भएको थियो । स्थगित भएको २५ मिनेटपछि मतगणना पुनः सुरु भएको हाे । भरतपुर–२ को ८ स्थानमा मत गणना भइरहेको बेला विवाद भएकाे थियाे । मतपत्रमा छाप प्रस्ट नभएको भन्दै उम्मेदवारका प्रतिनिधिबीच विवाद भएपछि मतगणना रोकिएको थियो ।
मतगणना अवरुद्ध हुनुअघि सम्म ५ हजार १ सय ७७ मतगणना सकिएको थियो । जसमा मेयरकी उम्मेदवार रेनु दाहालले १ हजार ८ सय ६६ मत पाएर अग्रता कायम राखेकी छन् । यस्तै विजय सुवेदीले १ हजार ८ सय १४ मत पाउँदा स्वतन्त्र उम्मेदवार जगन्नाथ पौडेलले ६ सय १९ मत पाएका छन् ।
चितवन। भरतपुर महानगरपालिकामा भएकाे मतगणनामा मत सदर कि बदर भन्ने विषयमा विवाद हुँदा मतगणना स्थगित गरिएकाे छ । भरतपुर वडा नं २ को १ हजार ९ सय मतगणना सकिएर थप मत गन्दै गर्दा मत सदर कि बदर भन्ने विषयमा मतगणना रोकिएको हाे ।
नेकपा एमाले पक्षले सदर गर्न माग गर्दै विरोध जनाएपछि मतगणना रोकिएको हो। मत बदर वा सदर गर्ने विषयमा गणना अधिकृतले पक्पात गरेको नेकपा एमालेको आरोप छ।
चितवन । चितवनकाे माडी नगरपालिका वडा नम्बर १ मा राष्ट्रिय प्रजातन्त्र पार्टी (राप्रपा) का अमित कुमार लामाले वडा अध्यक्ष पदमा विजयी सुरुवात गरेका छन् । चितवनमा २०७४ सालको स्थानीय तह निर्वाचनमा राप्रपाले एक जना मात्रै जनप्रतिनिधि अमितलाई पाएकाे थियाे । उनी उतीवेला माडी नगरपालिकाको वडा नम्बर १ मा सदस्यमा गाई चुनाव चिन्ह लिएर वडा सदस्य जितेका थिए।
जिल्लामै राप्रपाको प्रतिनिधित्व गर्ने उनी एक्ला राप्रपा हुन्। तर स्थानीय तह निर्वाचन-२०७९ सम्म आइपुग्दा उनै अमितकुमार लामाले सोही वडामा वडा अध्यक्ष जितेका छन्।
यसअघि वडा नम्बर १ मा नेपाली कांग्रेसबाट वडा अध्यक्ष थिए। तर यसपटक नेपाली कांग्रेसले वडा अध्यक्ष गुमाएको छ। वडा अध्यक्षमा निर्वाचित भएका लामाले २०७४ को निर्वाचनमा ६ सय ७० मत ल्याएर वडा सदस्य जितेका थिए। यसपटक वडाअध्यक्षमा भने उनले १ हजार ४ सय ३३ मतसहित जित हासिल गरेका हुन्। उनका निकटतम प्रतिद्वन्द्वी नेपाली कांग्रेसका जीवन चौधरीले ९ सय ४३ मत पाए भने नेकपा एमालेका टिकाराम सुवेदीले जम्मा १ सय २६ मत मात्रै प्राप्त गरे।
२०७४ को निर्वाचनमा वडा अध्यक्ष, महिला सदस्य र एक जना सदस्य पदन नेपाली कांग्रेसले जितेको थियो। दलित महिला सदस्य भने नेकपा माओवादीले जितेको थियो। तर, यसपटक १ जना सदस्यबाहेक सबै राप्रपाले जितेको छ। १ जना सदस्यमा भने नेपाली कांग्रेसले पद जोगाएको छ। माडीमा निकै कमजोर देखिएको नेपाली कांग्रेसले यसअघि पाएको वडा पनि गुमाएको छ ।
चितवनकाे स्थानीय तहकाे मतगणना जारी रहँदा अन्य वडाहरुकाे नतिजा कस्ताे आउने हाे त्याे भने हेर्न बाँकी छ ।