मकवानपुर । हेटौडा उपमहानगरपालिका वडा नम्बर ८ कमानेमा जारी ८ ए साइड फुटबल प्रतियोगितामा फायरलाइन, मर्निङ स्टार र राम नगर बिजयी भएका छन् ।
कर्णावती युवा क्लबको आयोजनामा सुरु ६० केजी मुनि तौल समूह नकआउट प्रतियोगिता अन्तरगत सोमबारको खेलबाट फायरलाइन, मर्निङ स्टार र राम नगर बिजयी भएको हो ।
सोमबार भएको तितेपनी एफसी र फायरलाइन एफसी बिचको पहिलो खेलमा पेनाल्टी मार्फत फायरलाइन बिजयी भएको हो । निर्धारित समयमा दुबै समूहले २/२ गोलको बराबरी खेलेपछि पेनाल्टी सुटआउटमा फायरलाइनले एफसीले तितेपानी एफसी ३-२ गोल अन्तरले हराएको हो ।
यसैगरी प्रतियोगिता अन्तरगत सोमबारनै भएको दोश्रो खेलमा मर्निङ स्टार र नागस्वती युवा क्लबले निर्धारित समयमा १-१ गोल गर्दै बराबरी खेलेका थिए । निर्धारित समय बराबरी हुँदा खेल पेनाल्टीमा धकेलियो । पेनाल्टी सुटआउटमा मर्निङ स्टारले नागस्वती युवा क्लबलाई ३-२ गोल अन्तरले पराजित गरेको थियो।
त्यस्तै सोमबारको तेस्रो खेलमा राम नगर युवा क्लबले मनकामनालाई २-० ले पराजित भएको थियो। माघ २ गते मङ्गलबारबाट क्वाटरफाइनलका खेल हुने आयोजकले जनाएको छ । मंगलबार दिउँसो १ बजे पहिलो क्वाटरफाइनल खेल देवनगर एफसी र हुप्रा सिटी बीच हुनेछ । यस्तै दोस्रो क्वाटरफाइनल खेल दिउँसो ३ बजे कालिकामाई टोल र आयोजक कर्णावती युवा क्लब बिच हुनेछ।
कर्णावती युवा क्लबको आयोजना भएको प्रतियोगितामा १५ वटा टोलीको सहभागी रहेको छ । प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जानकारी दिएको छ ।
मकवानपुर । मकवानपुरको हेटौंडा उपमहानगरपालिका ८ कमानेमा ६० केजीभन्दा कम तौल समुहको फुटबल प्रतियोगिता सुरु भएको छ।
कर्णावती युवा क्लबको आयोजनामा सुरु भएको ८ ए साईड नक आउट प्रतियोगितामा शनिबार भएको पहिलो खेलबाट आयोजक कर्णावातीले बिजयी सुरुवात गरेको छ । कर्णावतीले ओम नगरलाई ३-० ले हराउदै बिजयी भएको हो ।
हेटौंडा ८ नम्बर वडा खेलकुद समिति अध्यक्ष उमेश थापा मगरको आतिथ्यतामा भएको उद्घाटन खेलमा कर्णावतीका उपाध्यक्ष कृष्णहरी चौलागाईं, ७ नम्बर वडा सदस्य दिनेश थापा मगर, प्रथम पुरस्कार सहयोगी राजु अधिकारी, कर्णावती टोवि अध्यक्ष सुबास दाहाल, चन्द्रोदय स्कुल प्रधानाध्यापक जीवन ढकाललगायतको उपस्थिति थियो ।
त्यसैगरी प्रतियोगितामा अन्तरगत आइतबार ३ खेल हुनेछन् । पहिलो खेल बिहान ७ बजे कालिकामाई र लेभल अप मकवानपुर बिच हुनेछ । यस्तै दोस्रो खेल दिउँसो १ बजे सिमपानी र समाज कल्याण बिछ हुनेछ भने तेस्रो खेल दिउँसो ३ बजे बिकास टोल र देवनगर फुटबल क्लब बिच हुने आयोजकले जनाएको छ ।
प्रतियोगिताको उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजले जानकारी दिएको छ । प्रतियोगिताको फाइनल खेल माघ ६ गते हुनेछ ।
मकवानपुर । मकवानपुरको बकैया गाउँपालिकामा हुने पाँचौं बकैया कप फुटबल प्रतियोगिताको खेल तालिका सार्वजनिक भएको छ । पुष २४ गतेबाट बकैया ३ हात्तीसुडेस्थित बकैया रंगशालामा आयोजना हुने प्रतियोगिताको शुक्रबार खेल तालिका सार्वजनिक गरिएको हो ।
आयोजक बकैया गाउँपालिका खेलकुद विकास समितिले शुक्रवार खेल तालिका सार्वजनिक गर्दै उद्घाटन खेल बकैया-३ र बकैया-६ बीच खेल हुने जनाएको छ । प्रतियोगिताको फाइनल खेल पुष २९ गते हुनेछ । प्रतियोगिता १२ वटा टिमको सहभागिता रहेको आयोजकले जनाएको छ।
प्रतियोगिताको उपाधि विजेता सिनियर टिमले १ लाख रुपैयाँ र उपविजेता टिमले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् । यस्तै, उपाधि विजेता जुनिएर टिमले ५० हजार रुपैयाँ र उपविजेता टिमले २५ हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् ।
यसैगरी विधागत उत्कृष्ट खेलाडीहरुका लागि समेत पुरस्कारको व्यवस्था गरिएको आयोजकले जानकारी दिएको छ ।
मकवानपुर । मकवानपुरकाे हेटौंडामा जारी बृहत खेलकुद तथा व्यापार महोत्सव अन्तर्गत भएको राष्ट्रिय महिला भलिबल प्रतियोगिताको उपाधि सशस्त्र प्रहरी बल (एपीएफ) काे पोल्टामा परेकाे छ । सोमबार भएको फाइनल खेलमा चन्द्रागिरी न्यू डायमण्ड क्लबलाई ३–१ सेटले हराउँदै एपीएफले उपाधि माथि कब्जा जमाएकाे हाे ।
केशवलाल श्रेष्ठ स्मृति राष्ट्रिय महिला भलिबल प्रतियोगिताको विजेता एपीएफले उपाधिसहित दुईलाख रुपैयाँ हात पारेकाे छ । एपीएफले न्यू डाइमण्डलाई २५–१९, २०–२५, १७–२५ र २३–२५ को सेटमा हराएको हो । उपविजेतामा चित्त बुझाएकाे न्यु डाइमण्डले एकलाख रुपैयाँ हात पारेकाे छ । प्रतियोगिताको सर्वोत्कृष्ट खेलाडी निरुता ठगुन्ना, उत्कृष्ट प्रशिक्षक विजय केसी र उत्कृष्ट सर्भर एपीएफका सरस्वती चौधरी हुँदा बाँकी विधागत उत्कृष्ट खेलाडीको पुरस्कार न्यू डाइमण्डले प्राप्त ग¥यो ।
उत्कृष्ट स्पाइकर जेनिसा विश्वकर्मा, ब्लकर सुमित्रा रेग्मी, डिफेण्डर सलिना श्रेष्ठ र सेटर प्रगती नाथ घोषित भए । सर्वोत्कृष्ट खेलाडीले १५ हजार र विधागत उत्कृष्टले नगद ५ हजार रुपैयाँसहित ट्रफी प्राप्त गरे । ५ वटा टोलीको सहभागिता रहेको प्रतियोगिता सिंगल राउण्ड रोविनको आधारमा सञ्चालन भएको थियो । एपीएफ ११ अंकका साथ समूह विजेता र न्यू डाइमण्ड १० अंकसहित समूह उपविजेता हुँदै फाइनल खेलेका थिए । समूह चरणको अन्तिम खेलमा न्यू डाइमण्डले त्रिभुवन आर्मीलाई र एपीएफले नेपाल पुलिस क्लवलाई हराउँदै उपाधि भिडन्त पक्का गरेका थिए । समूह चरणको खेलमा समेत न्यू डायमण्ड एपीएफसँग २–३ को सेटमा पराजित भएको थियो ।
प्रतियोगिताको सेमिफाइनलबाट बाहिरिएका त्रिभुवन आर्मी र नेपाल पुलिस क्लवले ५०/५० हजार रुपैयाँ प्राप्त गरेको छ । विजेता, उपविजेता तथा विधागत उत्कृष्ट खेलाडीहरुलाई हेटौंडा उपमहानगरपालिकाका मेयर मीनाकुमारी लामा, आयोजक केशवलाल श्रेष्ठ स्मृति प्रतिष्ठानका अध्यक्ष प्रताव विष्ट, मकवानपुर जिल्ला भलिबल संघका अध्यक्ष वसन्तकुमार सिटौला, हेटौडा उपमहानगरपालिकाका वडा अध्यक्षलगायतले पुरस्कार वितरण गरेका हुन् ।
मकवानपुर जिल्ला खेलकुद विकास समितिले औद्योगिक शान्ति नेपाल संस्थासँगको सहकार्यमा हेटौंडामा आयोजना गरेको बृहत खेलकुद तथा व्यापार महोत्सवमा भलिबल संघ र केशवलाल श्रेष्ठ स्मृति प्रतिष्ठानले पुष १३ गतेबाट राष्ट्रिय महिला भलिबल प्रतियोगिताको आयोजना गरेको हो ।प्रतियोगितामा तीन विभागीय टोली सहति ५ टिमको सहभागिता रहेको थियो । मकवानपुर जिल्ला भलिबल संघ र केशवलाल श्रेष्ठ स्मृति केन्द्रीय प्रतिष्ठानको संयुक्त आयोजना तथा हेटौंडा उपमहानगरपालिका तथा जिल्लाका अन्य पालिकाहरुकाे समेत सहयोगमा राष्ट्रिय महिला भलिबल प्रतियोगिता भएको हो ।
मकवानपुर । मकवानपुरकाे हेटाैंडामा जारी खेलकुद तथा व्यापार महाेत्सवमा शानिबार लोकगायिका बबिता बानियाँ जेरी र लोक गायक प्रदीप रोक्काले प्रस्तुती दिएका छन् ।
उनीहरुकाे लाइभ दोहोरी प्रश्तुतीमा मकवानपुरेहरुले मज्जा लिए । मकवानपुर जिल्ला खेलकुद विकास समितिको आयोजनामा हेटौंडाको टिसिएन चौरमा जारी महोत्सव अन्तर्गत उनीहरुको प्रश्तुती रहेको थियो । लोक गायनको क्षेत्रमा चर्चित यी जोडीको प्रस्तुतीमा दर्शकहरुले नाचेर साथ दिएका थिए ।
अन्य दिनको तुलनामा शनिबार दर्शकको बाक्लो उपस्थिती रहेको थियो । शनिबारै चर्चित गायिका रचना रिमाल, कमल के क्षेत्री र सुमन नेपाली ब्याण्डको लाइभ प्रस्तुती रहेको थियो । गायिका रिमालले आफ्ना निकै चर्चित गीतहरु प्रश्तुत गरेकी थिइन् ।
पुस १७ गतेसम्म सञ्चालन हुने महोत्सवमा दैनिक राष्ट्रिय तथा स्थानीय कलाकारले सांगीतिक प्रस्तुती दिइरहेका छन् । महोत्सवमा आइतबार गायिका राधिका हमाल, गायक उर्गेन दोङ, कमल खत्री, एन्जिला रेग्मी र द शिल्ड ब्याण्डको प्रस्तुती रहने छ । महोत्सवमा राष्ट्रिय, प्रदेश तथा जिल्लास्तरीय गरी १३ वटा विधामा खेल समेत भैरहेको छ ।
महोत्सव आयोजक समितिका संयोजक समेत रहेका मकवानपुर जिल्ला खेलकुद विकास समितिका अध्यक्ष भेष खड्कीले खेलकुद क्षेत्रको विकासका लागि आयोजित महोत्सव सफलतापूर्वक सञ्चालन भैरहेको जानकारी दिए ।
महोत्सवमा करिब २६० वटा स्टलहरु छन् । महोत्सवमा कृषि, पर्यटन, हस्तकला, अटोमोबाइलका साथै बाल उद्यान रहेको छ । वर्षभर विभिन्न खेलकुद प्रतियोगिता आयोजना गर्नका लागि रकमको जोहो गर्ने उद्देश्यले औद्योगिक शान्ति नेपाल संस्थासँगको सहकार्यमा महोत्सव आयोजना गरिएको उनले बताए ।
महोत्सवमा खेलकुद अन्तर्गत राष्ट्रिय महिला भलिबल प्रतियोगिता जारी रहेको छ । १६ गतेसम्म सञ्चालन हुने भलिबलको विजेताले २ लाख, उपविजेताले १ लाख, सेमिफाइनलमा पराजित हुने दुई टोलीले नगद ५०/५० हजारसहित ट्रफी र प्रमाणपत्र प्राप्त गर्नेछ । सर्वोत्कृष्ट खेलाडीले १५ हजार तथा विधागत उत्कृष्ट खेलाडीहरुले जनही ५ हजार रुपैयाँसहित ट्रफी प्राप्त गर्ने खड्गीले बताए ।