पशुपति र प्रगतिशीलकाे विजयी सुरुवात, २ खेल बराबरी हुँदा अंक बाँडे
Tags: No Comments
मकवानपुर । मकवानपुरकाे हेटौडामा जारी जिल्ला लिग फुटबल प्रतियोगिता अन्तरगत सोमबारकाे खेलमा पशुपति युवा क्लब र प्रगतिशील युबा क्लबले विजयी सुरुवात गरेका छन् ।
हेटौडा ६ स्थित गौरीटार रंगशालामा भएको पहिलो खेलमा पशुपति युवा क्लवले युनाइटेड नाईनलाई २-१ गोल अन्तरले पराजित गर्यो । यसैगरी उक्त रंगशालामै सोमबारकाे दोश्रो खेलमा एफसी पोताला र परेली युवा क्लवले २-२ को बराबरी खेलेसँगै अङ्क बाडेका छन्। हेटौडा ११ स्थित सिमलटार खेल मैदानमा भएकाे सोमबारकाे पहिलो खेलमा सहिद स्मृति र हाडिखोला युवा क्लवले गोलरहित बराबरी खेले । उनीहरुले बराबरी खेल्दै अङ्क बाडे भने दोश्रो खेलमा प्रगतिशील युवा क्लवले एफसी चाईनाक्वाटरलाई ७-० को गोलले पाखा लगायाे ।
लिग अन्तरगत मंगलबार ४ खेल खेलाईने भएकाे छ । सिमलटार खेल मैदानमा एफसी इन्टरनेट र एफसी बिजय युथ बिचकाे खेल दिउँसो १ बजे तथा हेटौंडा फुटबल एकेडेमी र न्यु डाफे बिचकाे खेल दिउँसो ४ बजे हुने आयोजक मकवानपुर जिल्ला फुटबल संघले जनाएकाे छ । यसैगरी गौरिटार रङगशालामा दिउासो १ बजे सक्षम युवा क्लव र आरआरएफसी बिच प्रतिष्पर्धा हुने छ । यस्तै दिउँसो ४ बजे रियल स्टार क्लव र महाबिर क्लव बिच खेल हुने भएकाे छ ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन गरिएकाे हाे ।
प्रत्येक समूहको पहिलो, दोस्रो र तेस्रो हुने क्लव ए, चौथो र पाँचौ हुने क्लव वी, तथा छैठौं र सातौं हुने क्लव सी श्रेणीमा रहने जिल्ला फुटबल संघले जनाएकाे छ । यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्र्पोटर्स एकेडेमी उपविजेता बनेको थियो। कोरोना संक्रमणको कारण २०७६ सालपछी जिल्ला लिग हुन सकेको थिएन ।
मकवनापुर जिल्ला लिगः आइतबार नामटार र कम्वाइन विजयी, ३ खेल स्थगित
Tags: No Comments
मकवानपुर । मकवानपुरकाे हेटौडामा जारी जिल्ला लिग फुटबल प्रतियोगिता अनतर्गत आइतबार दुई खेल खेलाइएकाे छ । आइतबारकाे लागि तय गरिएकाे ५ खेल मध्ये वर्षाका कारण २ खेलमा खेलाइएकाे हाे ।
मकवानपुर जिल्ला फुटबल संघले हेटौंडा–६ स्थित गौरीटार रंगशालामा १ खेल र हेटौंडा–११ स्थित सिमटार खेल मैदानमा एक गरी दुई खेल खेलाइएकाे जनाएकाे छ । आइतबार गौरीटार रंगशालामा भएको खेलमा हटिया स्पोर्टस लाई एफसी नामटारले २–१ गोलले हरायाे । नामटारको जीतमा सविन गोल र सन्दीप भोलनले एक/एक गोल गरे । यस्तै हटियाका लागि सुरज तामाङले एक मात्रै गोल गरे । उक्त खेलकाे म्यान अफ द म्याच नामटारका सविन घोषित भए ।
यस्तै सिमलटार मैदानमा भएको खेलमा हेटौंडा–७ लाई ३–० गोलअन्तरले हराउँदै न्यू कम्वाइन विजयी भएकाे छ । कम्वाइनलाई जीत दिलाउन सुरज थिङले दुई र विशाल भोलनले एक गोल गरे । उक्त खेलकाे म्यान अफ द म्याच कम्वाइनका सुरज घोषित भए ।
प्रतियोगिता अन्तर्गत आइतबार ३ खेल वर्षाका कारणले स्थगित भएको थियाे । शनिबार स्थगित भएर आइतबार बिहान हुने भनिएको हेटौंडा भेट्रान्स र सक्षम युवा क्लब बिचकाे खेल, दिउँसोकाे लागि तय गरिएकाे पिप्ले युवा क्लब र रियल स्टार क्लब तथा मल्टिभिजन र पदमपोखरी युथबीच खेल स्थगित भएको हो । स्थगित खेलहरुको बारे सोमबार निर्णय गरिने जिल्ला फुटबल संघले जनाएको छ ।
जिल्ला लिग अन्तरगत सोमबार समेत ४ खेलहरु हुने भएका छन् । सिमलटार खेल मैदानमा शहीद स्मृति र हाडिखाेला युवा क्लब बिच दिउँसाे १ बजे खेल हुनेछ । त्यसैगरी दिउँसाे ४ बजे एफी चाइना र प्रगतिशील क्लब बिच प्रतिष्पर्धा हुने छ । गौरीटार रंगशालामा पशुपति युवा क्लब र युनाइटेड नाइन बिच दिउँसाे १ बजे तथा परेली युवा क्लब र एफसी पोताला बिच खेल हुने आयोजकले जनाएकाे छ ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन गरिएकाे हाे ।
प्रत्येक समूहको पहिलो, दोस्रो र तेस्रो हुने क्लव ए, चौथो र पाँचौ हुने क्लव वी, तथा छैठौं र सातौं हुने क्लव सी श्रेणीमा रहने जिल्ला फुटबल संघले जनाएकाे छ । यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्र्पोटर्स एकेडेमी उपविजेता बनेको थियो। कोरोना संक्रमणको कारण २०७६ सालपछी जिल्ला लिग हुन सकेको थिएन ।
मकवानपुर । मकवानपुर हेटौडामा जारी जिल्ला लिग फुटबल प्रतियोगिताअन्तर्गत शनिबार भएका खेलबाट गोर्खा ब्वाइज विजयी भएको छ । मकवानपुर जिल्ला फुटबल संघको आयोजनामा भइरहेकाे लिगमा शनिबार चार खेल भएकाेमा अन्य तीन खेल भने बराबरी भएको थियाे ।
हेटौंडा–६ स्थित गौरीटार रंगशालामा भएको खेलमा एफसी इन्टरनेटलाई ३–१ गोल अन्तरले पाखा लगाउँदै गोर्खा ब्वाइज विजयी भएको छ । गौरीटार रंगशालामा अर्काे खेलमा विजय युथ र परेलीबीचको खेल १–१ को बराबरीमा राेकियाे । यसैगरी हेटौंडा–११ स्थित सिमलटार खेल मैदानमा सक्षम युवा क्लब र हेटौंडा भेट्रान्स क्लबबीचको खेल वर्षाको कारण गोलरहित बराबरीमा स्थगित भएको छ । आरआर एफसी र एफसी इन्टरनेटबीचको खेल पनि १–१ गोलको बराबरी भएकाे थियाे ।
शनिबार भएका खेलमा विजय युथका सरोज राई, एफसी इन्टरनेटका अभिनाष भोम्जन र गोर्खा ब्वाइजका अनिल घलान म्यान अफ द म्याच घोषित भए । आइतबार लिगका ५ खेल हुने भएकाेमा विहानकाे खेल बर्षाकाे कारण स्थगीत गरिएकाे आयोजकले जनाएकाे छ । विहान ८ बजे सिमलटार खेल मैदानमा हेटौंडा भेट्रान्स र सक्षम युजा क्लव बीच हुने खेल स्थगीत भएकाे हाे । यस्तै आइतबार नै पिप्ले युवा क्लव र रियल स्टार क्लव , न्यु कम्वाइन क्लव र ७ नम्बर फुटवल क्लब बीच हुने आयोजकले जनाएकाे छ । यसैगरी गौरिटार खेल मैदानमा एफसी मल्टिभिजन र पदमपोखरी युथ क्लव तथा हटिया स्पाेर्टस र एसी नामटार बीच खेल हुने छ ।
१४ भदौबाट सुरु लिगको विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन गरिएकाे हाे ।
प्रत्येक समूहको पहिलो, दोस्रो र तेस्रो हुने क्लव ए, चौथो र पाँचौ हुने क्लव वी, तथा छैठौं र सातौं हुने क्लव सी श्रेणीमा रहने जिल्ला फुटबल संघका अध्यक्ष टीकाराम लामाले जानकारी दिए । यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्र्पोटर्स एकेडेमी उपविजेता बनेको थियो। कोरोना संक्रमणको कारण २०७६ सालपछी जिल्ला लिग हुन सकेको थिएन ।
मकवानपुर । मकवानपुर जिल्ला फुटबल संघको आयोजनामा शुक्रबारबाट सुरु जिल्ला लिग फुटबल प्रतियोगितामा डाँफे क्लबले विजयी सुरुवात गरेकाे छ । शुक्रबार भएको उद्घाटन खेलमा साविक विजेता डाँफेले महावीर क्लव हेटौंडालाई ७–० को गोलले पराजित गरेकाे हाे ।
डाँफेकाे जीतमा सुशान्त तामाङले दुई तथा अभिषेक बल तामाङ, निश्चल थापा, रितेश श्रेष्ठ, बोधकुमार वाइबा र राजिव डिमडुङले समान एक/एक गोल गरे । खेलको म्यान अफ द म्याच डाँफेका सुशान्त लामा घोषित भए । १५ भदौमा ४ खेल हुने छन् । सक्षम युवा क्लव र हेटौंडा भेट्रान्स, आरआर एफसी र एफसी इन्टरनेट, परेली युवा क्लव र विजय यूथ तथा गोर्खा ब्वाइज क्लव र एफसी ईन्टरनेट सिटीको बीच प्रतिस्पर्धा हुने आयोजकले जनाएको छ ।
लिगको विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन गरिएकाे हाे ।
प्रत्येक समूहको पहिलो, दोस्रो र तेस्रो हुने क्लव ए, चौथो र पाँचौ हुने क्लव वी, तथा छैठौं र सातौं हुने क्लव सी श्रेणीमा रहने जिल्ला फुटबल संघका अध्यक्ष टीकाराम लामाले जानकारी दिए ।
वडास्तरीय टि–२० क्रिकेट प्रतियोगिता हुने
Tags: No Comments
मकवानपुर । मकवानपुरकाे हेटौडामा वडास्तरीय टि–२० क्रिकेट प्रतियोगिता हुने भएको छ । नेपाल खेलकुद महासंघ हेटौंडा उपमहानगरपालिका ८ नम्बर वडा कमिटीको आयोजना क्रिकेट प्रतियोगिता हुने भएको हाे ।
२९ भदौदेखि ५ असोजसम्म हेटौडा उपमहानगरपालिकाका वडास्तरीय टि–२० क्रिकेट प्रतियोगिता सञ्चालन गरिने आयोजकले शनिबार हेटौंडामा पत्रकार भेटघाट गरी जानकारी दिएकाे हाे । नेकपा एमाले हेटौंडा उपमहानगरपालिका–८ नम्बर कमिटीको व्यवस्थापनमा क्रिकेट प्रतियोगिता गर्न लागिएको हो ।
‘खेलकुदको विकासको लागि स्थानीय तहदेखि केन्द्रसम्म भौतिक पूर्वाधार, व्यवसायीक र प्रतिस्पर्धा खेलकुद गतिविधि हाम्रो आधार’ भन्ने अभिप्रायले टि–२० क्रिकेट प्रतियोगिता आयोजना गर्न लागिएको प्रतियोगितका संयोजक धर्मराज पुडासैनीले जानकारी दिए । पुडासैनीकाे संयोजकत्वमा ३१ सदस्यीय क्रिकेट खेल सञ्चालन तथा व्यवस्थापन मूल समिति तथा अन्य ५ वटा विभिन्न उपसमितिहरु गठन गरिएको छ ।
प्रतियोगितामा हेटौंडा उपमहानगरपालिकाका १९ वटै वडाको सहभागिता रहने बताइएको छ । प्रतियोगितामा प्रथम हुने टिमले ५० हजार रुपैंया पुरस्कार सहित शिल्ड र प्रमाणपत्र प्राप्त गर्ने छन् । द्वितीय हुने टिमले २५ हजार रुपैंया, शिल्ड र प्रमाण र पत्र वितरण प्राप्त गर्ने छन् । यस्तै, उत्कृष्ट पार्चपास गर्ने क्रिकेट टिमलाई विविध पुरस्कार र प्रमाणपत्र वितरण गरिने उनले बताए । उत्कृष्ट खेलाडी तथा लामो समय खेल क्षेत्रमा लागेका व्यक्तित्वलाई सम्मान गरिने आयोजकले जनाएको छ ।
प्रतियोगितामा सहभागिता जनाउने टिमले ५ हजार रुपैंया शुुल्क बुझाउनु पर्नेछ । हेटौंडा–८ कमानेमा रहेको चन्द्रोदय माध्यामिक विद्यालय खेल मैदानमा हुने प्रतियोगिताकाे लागि ३ लाख ५० हजार रुपैंया लाग्ने आयोजकको अनुमान रहेकाे छ । प्रतियोगिता हरेक वर्ष आयोजना गरिने बताइएकाे छ ।