मकवानपुर । मकवानपुरकाे हेटौडामा आज साेमबारबाट तेस्रो रोटरी मकवानपुर पिप्ले-क्याम्पा राष्ट्रिय भेट्रान्स फुटबल प्रतियोगिता हुने भएकाे छ । रोटरी क्लब अफ मकवानपुरकाे आयोजनामा हुने प्रतियोगितामा १५ टिमले भाग लिनेछन्।
हेटौंडा-५ स्थित पिप्लेक्याम्पा रंगशालामा हुने यस प्रतियोगिताको उद्घाटन खेलमा साविक विजेता चितवन भेट्रान्स र नागस्वती भेट्रान्स हेटौंडाबीच प्रतिस्पर्धा हुनेछ आयोजकले पत्रकार भेटघाट गरी जनाएकाे छ । प्रतियोगितामा चितवन र नागस्वतीसहित हेटौंडा भेट्रान्स क्लब, आयोजकको रोटरी पिप्ले भेट्रान्स, सिमरा भेट्रान्स, नव जनजागृति भेट्रान्स सिमरा, वीरगन्ज एकेडेमी भेट्रान्स, युनिटी भेट्रान्स वीरगन्ज, निजगढ भेट्रान्स, हरिवन भेट्रान्स, पुर्वेली भेट्रान्स क्लब झापा, एस.एन.के.सी काठमाडौँ, फ्रिडम फाइटर काठमाडौँ, अभिषेक चर्च नवलपरासी र पोखरा भेट्रान्सको सहभागिता रहने छ ।
प्रतियोगितामा ४० वर्षमाथिका खेलाडीहरूले सहभागिता जनाउनेछन्। भदौ ३१ गतेसम्म चल्ने यस प्रतियोगितामा विजेताले २ लाख २ हजार २२२ रुपैयाँ र उपविजेताले १ लाख १ हजार १११ रुपैयाँ प्राप्त गर्ने रोटरी क्लब अफ मकवानपुरका अध्यक्ष अनिल अग्रवालले जानकारी दिए । उनका अनुसार सर्वोत्कृष्ट प्रशिक्षकले १० हजार रुपैँया, सर्वोत्कृष्ट खेलाडी, सर्वोत्कृष्ट किपर, सर्वोत्कृष्ट डिफेन्स सर्वोत्कृष्ट मिडफिल्डर तथा सर्वोत्कृष्ट फरवार्डले जनही ५/५ हजार रुपैंया प्राप्त गर्ने छन् ।
स्वास्थ्यको लागी खेलकुद भन्ने नाराको साथ रोटरी क्लव अफ मकवानपुरको आयोजनामा सर्व प्रथम २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता आयोजना गरेकाे थियाे । हेटौडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।
जलन प्राथमिक उपचार केन्द्र निर्माण अभियानलाई सहयोग गर्ने उद्देश्यले प्रतियोगिता सञ्चालन गर्न लागिएको संयोजक माेहन ढकालले जानकारी दिए । उनका अनुसार आठ वर्षपछि सामाजिक एवम् मानवीय सहयोगको साथसाथै खेलकुदमा पनि रोटरी भन्ने रोटरी इन्टरनेशनलको नारालाई आत्मसाथ गर्दै रोटरी क्लव अफ मकवानपुरको जलन प्राथमिक उपचार केन्द्र आगोले पोलेकोहरुको तत्काल स्वास्थ्य उपचार गर्ने निर्माण अभियानलाई पनि सहयोगकाे लागि तेस्रो रोटरी मकवानपुर पिप्ले क्याम्पा राष्ट्रिय भेट्रान्स फुटवल प्रतियोगीता आयोजना गर्न लागिएकाे हाे ।
पिप्ले युवा क्लब सहआयोजक र रोट्र्याक क्लब अफ मकवानपुरको सहकार्य हुने प्रतियाेगिताकाे मुख्य प्रायोजक हेटौडा उपमहानगरपालिका र सह प्रायोजक हेटौडा स्कूल अफ म्यानेजमेन्ट रहेकाे प्रतियाेगितामा करिब १७ लाख रुपैयाँ खर्च हुने अनुमान आयोजकले गरेकाे छ।
मकवानपुर । मकवानपुरकाे हेटौंडामा जारी जिल्ला लिग फुटबल प्रतियोगिताअन्तर्गत आइतबार ४ खेल भए । मकवानपुर फुटबल संघकाे आयोजनामा भएकाे लिग अन्तरगत आइतबारकाे खेलमा हाँडीखोला र एफसी पोताला विजयी भएका छन् ।
युनाइनेट नाइन र सहिद स्मृतिबीचको खेल एक/एक गोलको बराबरी भ्एकाे छ । पशुपति युवा क्लब र प्रगतिशील युवा क्लबबीचको खेल ३–२ गोल अन्तरमा स्थगित भएको छ । खेल सञ्चालनको क्रममा रात परेका कारण खेल स्थगित भएको हो । हेटौंडा–६ स्थित गौरीटार रंगशालामा भएको खेलमा प्रतिभा युवा क्लबलाई हाँडीखोलाले १–० गोल अन्तरले पराजित गरेको हो ।
हेटौडा ११ स्थित सिमलटार मैदानमा भएको खेलमा सक्षम युवा क्लबलाई एफसी पोतालाले ५–१ गोल अन्तरले पराजित गरेको छ । गौरीटार रंगशालामा भएको युनाइनेट र सहिद स्मृतिबीचको खेल एक/एक गोलको बराबरीमा रोकिएको हाे । सिमलटारमा भएको पशुपति र प्रगतिशील बीचको खेल ३–२ गोल पछि रात परेका कारण स्थगित भएको छ ।
प्रतियाेगिता अन्तरगत सोमबार ४ खेल हुने आयोजकले जनाएकाे छ । गौरिटारमा रंगशालामा दिउँसो १ बजे आरआरएफसी र परेली युवा क्लब बीच खेल हुनेछ भने दिउँसो ४ बजे रियल स्टार र एफसी इन्टरनेट बीच प्रतिस्पर्धा हुने छ । यसैगरी सिमलटार मैदानमा दिउँसो १ बजे एफसी इन्टरनेट र हेटौंडा भेट्रान्स बीच खेल हुने आयोजकले जनाएकाे छ । यसैगरी दिउँसो ४ बजे हेटौंडा फुटबल एकेडेमी र गोरखा ब्वाइज बीच खेल हुनेछ ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन भइरहेकाे छ ।
यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्पोटर्स एकेडेमीले उपविजेतामा चित्त बुझाएकाे थियो।
पदमपोखरी युथ, गोर्खा व्वाइज विजयी
Tags: No Comments
मकवानपुर । मकवानपुरकाे हेटौडामा जारी मकवानपुर जिल्ला लिग फुटबल प्रतियोगितामा शनिबार ४ खेल भए । मकवानपुर जिल्ला फुटबल संघको आयोजना भएकाे प्रतियोगिता अन्तरगत शनिबारकाे खेलमा पदमपोखरी युथ, गोर्खा व्वाइज विजयी भए भने एक खेल गाेलरहित बराबरीमा राेकियाे ।
हेटौंडा ६ स्थीत गौरिटार रंगशाला भएकाे खेलमा पदमपोखरी युथ क्लबले सानोपाेखरा क्लबलाई हराउँदै जीत हासिल गर्याे । पदमपोखरीले सानाेपाेखरालाई ३–२ काे गोल अन्तरले हराएकाे हाे । गौरिटार रंगशालामा भएकाे एफसी मल्टिभिजन र ७ नम्बर फुटबल क्लब बिचकाे खेल १–१ गोल भएपछि अध्याराेकाे कारण खेलकाे केही समयबाँकी हुदै रोकिएकाे थियाे ।
यसैगरी हेटौडा ११ स्थित सिमलटार मैदानमा भएकाे गोर्खा व्याइज र रियलस्टार क्लब विच भएकाे खेलमा १–० गोल अन्तरले गोर्खा व्याइज विजयी भयाे भने न्यु कम्बाइन र एफसी नामटारले गोलरहित बराबरी खेले ।
प्रतियाेगिता अन्तरगत आइतबार ४ खेल हुने आयोजकले जनाएकाे छ । गोरिटार रंगशालामा दिउँसो १ बजे प्रतिभा युवा क्लव र हाडिखोला युवा क्लब बीच पहिलाे खेल हुनेछ भने दिउँसाे ४ बजे युनाइटेड नाईन र सहिद स्मृति बीच दोस्राे खेल हुनेछ । यस्तै सिमलटार खेल मैदानमा दिउँसो १ बजे एफसी पोताला र सक्षम युवा क्लव बीच पहिलाे खेले हुनेछ भने दिउँसाे ४ बजे पशुपति युवा र प्रगतिशील युवा क्लब बीच हुने आयाेजकले जनाएकाे छ ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन भइरहेकाे छ ।
यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्पोटर्स एकेडेमीले उपविजेतामा चित्त बुझाएकाे थियो।
पशुपति,पोताला,सक्षम,न्यु डाँफे,परेली र हेटौडा एकेडेमी विजयी
Tags: No Comments
मकवानपुर । मकवानपुरकाे हेटौडामा जारी मकवानपुर जिल्ला लिग फुटबल प्रतियोगितामा शुक्रबार ६ खेल भए । मकवानपुर जिल्ला फुटबल संघको आयोजना भएकाे प्रतियोगिता अन्तरगत शुक्रबारकाे खेलमा पशुपति युवा क्लब, एफसी पोताला, सक्षम, न्यु डाँफे, परेली र हेटौडा फुटबल एकेडेमी विजयी भएका छन् ।
बिहीबार वर्षाका कारण भएका २ खेलहरु शुक्रबार बिहान हेटौंडा ६ स्थित गौरीटार रंगशाला र हेटौंडा–११, स्थित सिमलटार मैदानमा खेलाइएकाे थियाे । सिमलटार मैदानमा भएको खेलमा एफसी चाइना क्वाटरलाई १–० गोलअन्तरले हराउँदै पशुपति युवा क्लब विजयी भयाे । यसैगरी गौरीटार रंगशालामा भएको खेलमा विजय युथ क्लबलाई ५–३ ले हराउँदै एफसी पोताला विजयी भयाे ।
यसैगरी शुक्रबार गौरीटार रंगशालामा भएकाे खेलमा सक्षमले एफसी ईन्टरनेटलाई २-० गोल अन्तरले पराजीत गरेकाे छ भने न्यु डाफेले एफसी ईन्टरनेट सिटिलाई ५-१ ले पाखा लगाएकाे छ । शुक्रबार नै सिमलटार मैदानमा भएकाे खेलमा परेली युवा क्लबले हेटौंडा भेट्रान्सलाई ६ -० ले पराजीत गरेकाे छ भने हेटौंडा फुटबल एकेडेमीले महावीर क्लबलाई १-० गोल हराउँदै जीत हात पारेकाे छ ।
यस्तै शनिबार जिल्ला लिग अन्तरगत ४ खेल हुनेछ । गौरीटार रंगशालामा २ खेल तथा सिमलटार मैदानमा २ खेल हुने आयोजकले जनाएकाे छ । गौरीटार रंगशालामा पहिलाे खेल दिउँसाे १ बजे पदमपोखरी युथ क्लब र सानाेपाेखरा क्लब बीच हुनेछ भने दाेस्राे खेल दिउँसाे ४ बजे ७ नम्बर फुटबल क्लब र एफसी मल्टिभिजन बीच हुनेछ । यसैगरी सिमलटारमा दिउँसो १ बजे रियल स्टार र गोर्खा व्वाइज बीच तथा दिउँसो ४ बजे न्यु कम्बाइन र एफसी नामटार बीच हुने आयोजकले जनाएकाे छ ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन गरिएकाे हाे ।
यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्र्पोटर्स एकेडेमी उपविजेता बनेको थियो।
मकवानपुर । मकवानपुरकाे हेटौडामा जारी जिल्ला लिग फुटबल प्रतियोगितामा भएकाे ४ खेलबाट एफसी इन्टरनेट, न्यू डाँफे युवा क्लब, सक्षम युवा क्लब, रियल स्टार क्लब विजयी भएका छन् । हेटौंडा–११ स्थित सिमलटार खेल मैदानमा दुई र हेटौंडा–६ स्थित गौरीटार रंगशालामा दुई गरी मंगलबार प्रतियोगिताको ४ खेल भएको हो ।
सिमलटारमा भएकाे पहिलो खेलमा एफसी इन्टरनेटले विजय युथ क्लबलाई १–० गोलले हरायाे । विजय युथका अर्जुन गोलेले गरेकाे आत्माघाति गोल नै इन्टरनेटकाे जीतकाे कारण बन्याे । खेलको म्यान अफ द म्याच इन्टरनेटका मिक्सन लामा घोषित भए । यस्तै सिमलटारमै भएको दोस्रो खेलमा हेटौंडा फुटबल एकेडेमीलाई ३–० गोलको हराउँदै साविक विजेता न्यू डाँफे युवा क्लब विजयी बन्यो । यसअघि उद्घाटन खेलमा डाँफे क्लबले महाबीर क्लबलाई ७–० को फराकिलो अन्तरले पराजित गरेको थियाे । खेलको म्यान अफ द म्याच किशन थापा मगर घोषित भएका छन् ।
यता, गौरीटार रंगशालामा भएको पहिलो खेलमा सक्षम युवा क्लबले आरआर वाईसीलाई २–० गोलले पराजीत गर्यो । खेलको म्यान अफ द म्याच उत्तम श्रेष्ठ घोषित भएका छन् । दोस्रो खेलमा महाबीर क्लबलाई ६–० गोलले हराउँदै रियल स्टार क्लब विजयी भएको छ । म्यान अफ द म्याच अनिल मोक्तान घोषित भएका छन् ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन गरिएकाे हाे ।
प्रत्येक समूहको पहिलो, दोस्रो र तेस्रो हुने क्लव ए, चौथो र पाँचौ हुने क्लव वी, तथा छैठौं र सातौं हुने क्लव सी श्रेणीमा रहने जिल्ला फुटबल संघले जनाएकाे छ । यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्र्पोटर्स एकेडेमी उपविजेता बनेको थियो। कोरोना संक्रमणको कारण २०७६ सालपछि जिल्ला लिग हुन सकेको थिएन ।