काठमाडौं । युवा तथा खेलकुदमन्त्री तेजुलाल चौधरीले १०औं राष्ट्रिय खेलकुद प्रतियोगिता निर्धारित समयमै हुने बताएका छन् । शनिबार काठमाडौंमा आयोजना गरेको अन्तरक्रिया कार्यक्रमलाई सम्बोधन गर्दै उनले यस्तो बताएका हुन् ।
१०औं राष्ट्रिय खेलकुद प्रतियोगिता आगामी मंसिर २ देखि ९ सम्म कर्णालीको सुर्खेतमा आयोजना हुँदैछ । राष्ट्रिय खेलकुदका लागि सुर्खेतको वीरेन्द्रनगर नगरपालिका–८ मा बन्दै गरेको रङ्गशाला निर्माणको काम अन्तिम चरणमा पुगेको पनि मन्त्री चौधरीले बताए । मन्त्री चौधरीले भने ‘पहिलोपल्ट कर्णाली प्रदेशको आफ्नै लगानीमा सुर्खेतमा रङ्गशाल निर्माण हुँदैछ । कर्णाली प्रदेशका मुख्यमन्त्री,खेलकुद मन्त्री सबैको जोश–जाँगर छ । संघीय सरकारले ६० करोड रूपैयाँ बजेट छुट्याएको छ । १०औं राष्ट्रिय खेलकुदको गतिविधि अब व्यापक रूपमा सुरुवात हुन्छ’
रङ्गशालाको भौतिक पूर्वाधार विकासका विषयमा केही दिनअघि आफैंले सम्पर्क गरेर बुझेको बताउँदै उनले दशैं अगाडि भौतिक पूर्वाधार व्यवस्थापनको सबै काम सकिने बताए । खेललाई कसरी राम्रो र व्यवस्थित बनाउने सन्दर्भमा आफूहरु लागिरहेको उनको भनाइ छ । १०औं राष्ट्रिय खेलकुद प्रतियोगिताको समापनमै ११औं राष्ट्रिय खेलकुलको घोषणा हुने उनले बताए । मन्त्री चौधरीका अनुसार ११औं राष्ट्रिय खेलकुद मधेश प्रदेशमा हुनेछ ।
१०औं राष्ट्रिय खेलकुद प्रतियोगितामा ३६ वटा खेल समावेश गरिएको उनले बताए । मन्त्री चौधरीका अनुसार २२ देखि २४ वटा खेल सुर्खेतमा हुनेछ । बाँकी खेल नेपालगञ्ज अथवा काठमाडौंमा हुने मन्त्री चौधरीले बताए । मन्त्री चौधरीले खेलकुदका क्षेत्रमा सरकारले सबैभन्दा कम बजेट विनियोजन गर्ने गरेकाले सोचेअनुरुपको काम गर्न नसकिएको बताए । अहिले संघीय सरकारको २१ वटा मन्त्रालयमध्ये खेलकुद मन्त्रालयमै सबैभन्दा कम बजेट रहेको उनले सुनाए ।
‘खेलकुदमा सबैभन्दा कम बजेट विनियोजन हुन्छ । २१ वटा मन्त्रालयमध्ये सबैभन्दा कम बजेट यसैमा छ । त्यसकारण तालिम सञ्चालन गर्न,खेलाडीलाई तलब दिन त्यति सजिलो छैन । विभिन्न संघहरुले आफ्नै किसिमको तलब निर्धारण गरेर दिइराखेका छन्,’ उनले भने । मूलपानीमा रहेको अन्तर्राष्ट्रिय क्रिकेट रङ्गशालाको डीपीआर तयार भइसकेको र बहुवर्षीय योजनाका लागि राष्ट्रिय योजना आयोगमा यही हप्ता पेश हुने उनले बताए । उनका अनुसार सरकारले रकमको सुनिश्चितता गरिसकेपछि कार्यक्रम सुरु हुनेछ ।
वर्तमान सरकारले कीर्तिपूर रंगशाला ३ सय दिनमा तयारी गर्ने पहिलो निर्णय गरेको बताउँदै उनले त्यसका लागि २० करोड रुपैयाँ छुट्याइएको बताए । उक्त कामको टेन्डर गर्न बाँकी रहेकोछ । कीर्तिपुर क्रिकेट रंगशालाको कामको थप प्रगतिका लागि खेलकुद मन्त्रालय र खेलकुद परिषद्ले सहरी विकास मन्त्रालयलाई जिम्मा दिएको उनकाे भनाई रहेकाे छ । ‘३ सय दिनमा खेलकुद मन्त्रालय अथवा राष्ट्रिय खेलकुद परिषद्बाट सम्भव नदेखिएको हुनाले कहाँबाट छिटो काम हुन्छ भनेर हामीले त्यो रकम सहरी विकास मन्त्रालयमा ह्याण्डओभर गरेका छौं । उहाँहरु कामको नजिक–नजिकमा हुनुहुन्छ । टेन्डर गर्नै बाँकी छ । तीन पटकमा काम गर्नुपर्ने शर्तमा टेन्डर हुँदैछ’ उनले भने ।
मकवानपुर । मकवानपुरकाे हेटौंडामा जारी तेस्रो संस्करणको रोटरी मकवानपुर पिप्ले क्याम्पा राष्ट्रिय भेट्रान्स फुटबल प्रतियोगिताको क्वार्टरफाइनल समीकरण पूरा भएको छ । शुक्रबार बिहान पहिलो चरणको अन्तिम एक खेल सम्पन्न भएसँगै प्रतियोगिताको क्वार्टरफाइनल समीकरण पूरा भएको हो ।
शुक्रबारकाे पहिलाे चरणकाे अन्तिम खेलमा वीरगञ्ज एकेडेमी भेट्रान्सलाई ४–१ गोलले हराउदैं पोखराको बगरभाइ भेट्रान्सल क्वार्टरफाइनलमा प्रवेश गरेकाे छ । बिहीबारकाे खेल वर्षाकाे कारण राेकिएपछि शुक्रबार खेलाइएकाे थियाे । यस अघि बिहीबार भएकाे नव जनजागृति भेट्रान्स, सिमराले सानो गौचरण नाईट किङ भेट्रान्सलाई ४–३ गोल अन्तरले पाखा लगाउँदै क्वाटरफाइनल प्रवेश गरेको थियाे । निर्धारित समयमा दुबै टाेलीबाट २–२ गोलकाे बराबरी भएपछि खेलकाे निर्णय टाइब्रेकरबाट लिइएकाे थियाे । टाइब्रेकरमा नव जनजागृतिले सानो गौचरणलाई ४-३ ले पराजित गरेको हो ।
यो सँगै शुक्रबार दिउँसोबाट दोस्रो चरणका खेल हुने आयोजकले जनाएकाे छ । प्रतियोगिता अन्तर्गत सेमिफाइनल प्रवेशका लागि शुक्रबार दुई खेल हुँदै छ । हेटौंडा–५, पिप्लेस्थित पिप्ले क्याम्पा रंगशालामा हुने पहिलो खेल पुर्वेली भेट्रान्स क्लब झापा र सिमरा भेट्रान्स बारा बीच हुनेछ भने दोस्रो खेल चितवन भेट्रान्स क्लब र फ्रिडम फाइटर भेट्रान्स काठमाण्डौं बीच हुनेछ ।
३१ भदौ गतेसम्म सञ्चालन हुने प्रतियोगिताको १५ टिमले सहभागिता जनाएका छन् । जलन प्राथमिक उपचार केन्द्र निर्माण सहयोगकाे लागि आयोजना गरिएकाे प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँ प्राप्त गर्नेछ । प्रतियोगिताको उत्कृष्ट प्रशिक्षकले १० हजार प्राप्त गर्नेछन् भने उत्कृष्ट खेलाडी, गोलरक्षक, डिफेन्डर, मिडफिल्डर र फरवार्डले जनही नगद ५ हजार रुपैयाासहित ट्रफी प्राप्त गर्ने छन् ।
रोटरी मकवानपुरको आयोजनामा २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता संचालन भएकाे थियाे । हेटौंडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।
मकवानपुर । मकवानपुरकाे हेटौंडामा जारी तेस्रो रोटरी मकवानपुर पिप्ले–क्याम्पा राष्ट्रिय भेट्रान्स फुटबल प्रतियोगितामा फ्रिडम फाइटर्स भेट्रान्स काठमाडौं र सिमरा भेट्रान्स बारा क्वाटरफाइनलमा प्रवेश गरेको छ ।
रोटरी क्लव अफ मकवानपुरको आयोजनामा भएकाे प्रतियाेगिता अन्तरगत बुधबारकाे खेलमा युनिटी भेट्रान्स वीरगञ्जलाई ५–१ गाेलले पाखा लगाउँदै फ्रिडम फाइटर्स क्वाटरफाइनलमा प्रवेश गरेको हो । बुधबार भएकाे दोस्रो खेलमा अभिषेक चर्च भेट्रान्सलाई टाइब्रेकरमा हराउँदै सिमरा भेट्रान्स क्वाटरफाइनल प्रवेश गरेको हाे । निर्धारित समयमा खेल एक/एक गोलको बराबरी भएपछि टाइब्रेकरमार्फत निर्णय लिइएको हो ।
रोटरी क्लव अफ मकवानपुरको आयोजनामा भएको उद्घाटन खेलमा नागस्वती भेट्रान्सलाई ट्राइबेकरमा ४–२ को गोल अन्तरले पराजित गर्दै चितवन भेट्रान्स विजयी भएको थियो । उक्त खेलमा चितवन भेट्रान्सले नियमभन्दा बाहिरका खेलाडी खेलाएको भन्दै नागस्वती भेट्रान्सले प्रोटेस्ट हालेको थियो ।
उजुरीका कारण चितवन बाहिरियाे
२४ भदाैमा प्रतियाेगिताकाे उद्घाटन खेलमा चितवन भेट्रान्स क्लवले नागरस्वती भेट्रान्स क्लबलाई हराएकाे थियाे । नागस्वती भेट्रान्सले चितवन विरुद्ध उजुरी गरे पछि नियम विपरितकाे खेलाडीलाई खेलाइएकाे पाइएकाेले आयोजक कमिटिले चितवनकाे जीतलाई मान्यता दिएन ।
चितवनले ३६ वर्षको एक जना खेलाडीलाई खेलाएकाे पाइएपछि चितवन भेट्रान्स विजयी भएपनि खेलको नियमानुसार नागस्वती भेट्रान्सलाई उद्घाटन खेलको बिजेता घोषित गरिएकाे आयोजकले जनाएकाे छ । नागस्वती भेट्रान्सले २८ भाद्र गते सेमिफाइनल प्रवेशको लागि फ्रिडम फ्राइटर भेट्रान्स काठमाडौंकाे सामना गर्ने भएकाे छ ।
भदौ ३१ गतेसम्म सञ्चालन हुने प्रतियोगिताको १५ टिमले सहभागिता जनाएका छन् । जलन प्राथमिक उपचार केन्द्र निर्माण सहयोगकाे लागि आयोजना गरिएकाे प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँ प्राप्त गर्नेछ । प्रतियोगिताको उत्कृष्ट प्रशिक्षकले १० हजार प्राप्त गर्नेछन् भने उत्कृष्ट खेलाडी, गोलरक्षक, डिफेन्डर, मिडफिल्डर र फरवार्डले जनही नगद ५ हजार रुपैयाासहित ट्रफी प्राप्त गर्ने छन् ।
रोटरी मकवानपुरको आयोजनामा २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता संचालन भएकाे थियाे । हेटौडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।
मकवानपुर । मकवानपुरकाे हेटौंडामा जारी तेस्रो रोटरी मकवानपुर पिप्ले–क्याम्पा राष्ट्रिय भेट्रान्स फुटबल प्रतियोगिता अन्तर्गत मङ्गलबार भएको खेलमा हरिवन भेट्रान्स सर्लाही र निजगढ भेट्रान्सले विजयी सुरुवात गरेका छन् ।
रोटरी क्लव अफ मकवानपुरको आयोजनामा भएकाे प्रतियोगिताकाे मङ्गलबार भएको पहिलो खेलमा घरेलु टिम हेटौंडा भेट्रान्सलाई ४–० को गोल अन्तरले पराजित गर्दै हरिवन भेट्रान्सले विजयी भएकाे छ । यसैगरी मंगबारकै दोस्रो खेलमा आयोजक रोटरी पिप्ले भेट्रान्सलाई ट्राइबेकरमा ३–१ को गोल अन्तरले पराजित गर्दै निजगढ भेट्रान्सले विजयी शुरुवात गरेको छ । निर्धारित समय गोलरहित भएपछि टाइब्रेकरमार्फत निर्णय लिइएको हो ।
प्रतियोगिता अन्तर्गत बुधबार युनिटी भेट्रान्स विरगंज र फ्रिडम फाईटर भेट्रान्स काठमाडौंबीच खेल हुने आयोजकले जनाएकाे छ । यसैगरी बुधबार नै अभिषेक चर्च भेट्रान्स नवलपुर र सिमरा भेट्रान्स बाराबीच प्रतिष्पर्धा हुनेछ । यस अघि साेमबारकाे उद्घाटन खेलमा चितवन भेट्रान्सले विजय सुरुवात गरेकाे छ । प्रतियोगिताको उद्घाटन खेलमा हेटौंडाको नागस्वती भेट्रान्सलाई टाइब्रेकरमा ४–३ गोलले हराउादै साविक विजेता चितवन विजयी भएको हो ।
भदौ ३१ गतेसम्म सञ्चालन हुने प्रतियोगिताको १५ टिमले सहभागिता जनाएको प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँसहित ट्रफी, मेडल र प्रमाणपत्र प्राप्त गर्नेछ । यसैगरी सर्वोत्कृष्ट प्रशिक्षकले १० हजार, सर्वोत्कृष्ट खेलाडी, सर्वोत्कृष्ट किपर, सर्वोत्कृष्ट डिफेन्स सर्वोत्कृष्ट मिडफिल्डर तथा सर्वोत्कृष्ट फरवार्डले जनही ५/५ हजार रुपैंया प्राप्त गर्ने छन् ।
आयोजकका अनुसार सामाजिक एवम् मानवीय सहयोगको साथसाथै खेलकुदमा पनि रोटरी भन्ने नारालाई आत्मसाथ गर्दै रोटरी क्लव अफ मकवानपुरले आठ वर्षपछि जलन प्राथमिक उपचार केन्द्र निर्माणलाई सहयोगकाे लागि प्रतियोगीता आयोजना गरेकाे हाे ।
प्रतियोगीताका लागि करिब १६ लाख रुपैयाँ खर्च हुने अनुमान आयोजककाे छ । रोटरी मकवानपुरको आयोजनामा २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता संचालन भएकाे थियाे । हेटौडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।
मकवानपुर । मकवानपुरकाे हेटौडा सोमबारबाट सुरु तेस्रो रोटरी मकवानपुर पिप्ले–क्याम्पा राष्ट्रिय भेट्रान्स फुटबल प्रतियोगितामा चितवन भेट्रान्सले विजय सुरुवात गरेकाे छ ।
रोटरी क्लव अफ मकवानपुरको आयोजनामा सुरु प्रतियोगिताको उद्घाटन खेलमा हेटौंडाको नागस्वती भेट्रान्सलाई टाइब्रेकरमा ४–३ गोलले हराउादै साविक विजेता चितवन विजयी भएको हो । हेटौंडा–५ स्थित पिप्लेक्याम्पा रंगशालामा भएकाे खेलकाे निर्धारित समयमा दुवै टोलीबाट एक/एक गोलको बराबरी भएपछि खेल टाइब्रेकरमा धकेलिएकाे थियो । नेपालका १५ टिमको सहभागिता रहेको प्रतियोगिताको उद्घाटन हेटौंडा उपमहानगरपालिकाका मेयर मीनाकुमारी लामाले गरेकी हुन् ।
भदौ ३१ गतेसम्म सञ्चालन हुने प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँसहित ट्रफी, मेडल र प्रमाणपत्र प्राप्त गर्नेछ । यसैगरी सर्वोत्कृष्ट प्रशिक्षकले १० हजार, सर्वोत्कृष्ट खेलाडी, सर्वोत्कृष्ट किपर, सर्वोत्कृष्ट डिफेन्स सर्वोत्कृष्ट मिडफिल्डर तथा सर्वोत्कृष्ट फरवार्डले जनही ५/५ हजार रुपैंया प्राप्त गर्ने छन् ।
जलन प्राथमिक उपचार केन्द्र निर्माण अभियानलाई सहयोग गर्ने उद्देश्यले प्रतियोगिता सञ्चालन गरिएकाे संयोजक माेहन ढकालले जानकारी दिए । उनका अनुसार आठ वर्षपछि सामाजिक एवम् मानवीय सहयोगको साथसाथै खेलकुदमा पनि रोटरी भन्ने नारालाई आत्मसाथ गर्दै रोटरी क्लव अफ मकवानपुरको जलन प्राथमिक उपचार केन्द्र निर्माणलाई सहयोगकाे लागि प्रतियोगीता आयोजना गरेकाे हाे ।
प्रतियोगीताका लागि करिब १६ लाख रुपैयाँ खर्च हुने आयोजक बताएको छ । स्वास्थ्यको लागी खेलकुद भन्ने नाराको साथ रोटरी क्लव अफ मकवानपुरको आयोजनामा २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता आयोजना गरेकाे थियाे । हेटौडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।