मकवानपुर । मकवानपुरकाे हेटौंडामा टी–१० क्रिकेट प्रतियाेगिता हुने भएकाे छ । मुस्लिम इत्तेहाद संगठन जिल्ला कार्यसमिति मकवानपुरले टी–१० क्रिकेट प्रतियोगिताको आयोजना गर्ने भएको हाे ।
संगठनले आइतबार गरेकाे पत्रकार भेटघाटमा प्रतियोगिताको जानकारी गराइएकाे हाे । १२ देखि १५ मंसीरसम्म हेटौंडा उपमहानगरपालिका वडा नम्बर ४ स्थित हुप्रचौरमा प्रतियोगिता आयोजना गरिने भएकाे छ । प्रतियोगितामा बागमती प्रदेशका ७ र मधेश प्रदेशका ९ टिमले सहभागिता रहने नेपाल मुस्लिम इत्तेहाद सङ्गठन जिल्ला कमिटी मकवानपुरले जनाएकाे छ ।
नकआउट प्रणालीमा सञ्चालन हुने प्रतियोगिताको उद्घाटन खेल १२ मंसिर बिहान ८ बजे नेपाल स्टार क्लब र टिमबिल्ट फोर्टबीच हुने भएकाे छ ।प्रतियोगिताको उपाधि विजेताले १ लाख रुपैयाँ नगदसहित शिल्ड, मेडल तथा प्रमाणपत्र प्राप्त गर्ने प्रतियोगिताका संयोजक मुस्तफा अन्सारी जानकारी दिए । उनका अनुसार उपविजेता टिमले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्ने छन् ।
मकवानपुर जिल्ला क्रिकेट संघको सहयोग रहने प्रतियोगितामा उत्कृष्ट व्याट्सम्यान, उत्कृष्ट बलर, म्यान अफ द म्याच र प्रतियोगिताको उत्कृष्ट खेलाडीलाई ट्रफि प्रदान गरिने प्रतियोगिताका सह संयोजक प्रमोद मानन्धरले जानकारी दिए । प्रतियोगिता सञ्चालन गर्नका लागि करिवब छ लाख रुपियाँ खर्च हुने आयोजकले अनुमान गरेको छ । दुई प्रदेशबीचको सम्बन्ध स्थापित गर्न तथा खेलकुदको विकासका लागि प्रतियोगिता गर्न लागिएको आयोजकले जनाएकाे छ ।
प्रतियाेगिताका संयोजक, सह संयोजक, मुस्लिम इत्तेहाद संगठन बागमती प्रदेश अध्यक्ष मोहमद समीम, जिल्ला क्रिकेट संघका सचिव विनोद बानियाँ लगायतको उपस्थितिमा पत्रकार भेटघाटमा रहेको थियो ।
मकवानपुर । मकवानपुरकाे हेटौंडामा जारी भेट्रान्स फुटबल प्रतियोगिताको उपाधि आयोजक नागस्वाती भेट्रान्स क्लबकाे पोल्टामा परेकाे छ । नागस्वती भेट्रान्स क्लबको आयोजनामा भएकाे तेस्राे संस्करणकाे नागस्वती कप भेट्रान्स फुटबल प्रतियोगिता अन्तरगत शनिबार भएकाे फाइनलमा जोरपाटी भेट्रान्स काठमाडौंलाई ट्राई ब्रेकरमा ४–३ गोल अन्तरले पाखा लगाउँदै नागस्वती भेट्रान्स बी ले उपाधी हात पारेकाे हाे ।
यो सङै नागस्वती क्लबले लगातार तेस्रो संस्करणकाे उपाधी जितेकाे छ । उपाधीसँग नागस्वतीले २ लाख १ हजार नगद हात पारेकाे छ भने जोरपाटीले १ लाख १ हजार नगद सहित उपविजेतामा चित्त बुझाएकाे छ । हेटौडा ७ नागस्वती स्थित नवज्योति माविको खेल मैदानमा भएकाे फाइनल खेलकाे निर्धारित समयमा दुवै टोलीले एक/एक गोल गरेका थिए । खेल बराबरी भएपछि विजेताकाे छिनाेफानाे ट्राई ब्रेकरबाट लिइएकाे हाे ।
ट्राई ब्रेकरमा जोरपाटीको तर्फबाट राकेश लामा,निमा लामा र रञ्जित लामाले गोल गरेका थिए भने नागास्वतीको तर्फबाट मिलेन्द्र देवान,दिलीप छेत्री,विक्रम श्रेष्ठ र निमा लामाले गोल गरे । यसअघि भएकाे निर्धारित समयकाे खेलकाे ३९ औँ मिनेटमा नागस्वतीको तर्फबाट मिलेन्द्र देवानले गोल गरेका थिए । जोरपाटीको तर्फबाट ४६ औँ मिनेटमा निमा लामाले जवाफी गोल फर्काएका थिए । फाइनल खेलको म्यान अफ द म्याच नागस्वतीका गोलकिपर दिलीप छेत्री घोषित भएका थिए ।
खेलको सर्वोत्कृष्ट खेलाडी नागस्वतीका सन्तोष बस्नेत घोषित भएका थिए । बस्नेतले नगद ५० हजार प्राप्त गरे । यसैगरी खेलमा वेस्ट फर्वाड जोरपाटीका सुरज सुवेदी हुँदा वेस्ट गोलकिपर नागस्वतीका दिलीप छेत्री भए । वेस्ट डिफेन्डर मिलन राई, वेस्ट मिड फिल्ड राजकुमार घिसिङ,वेस्ट स्कोरर मिलेन्द्र देवान, वेस्ट टिम कोच भीम श्रेष्ठ घोषित भएका थिए । विधागत उत्कृष्ट खेलाडीलाई जनही १० हजार नगद प्रदान गरिएकाे थियो ।
प्रतियोगितामा देशभरका १५ वटा भेट्रान्स क्लबहरूको सहभागिता रहेको थियो । स्वास्थ्यका लागि खेलकुद भन्ने नाराका साथ आयोजना भएको प्रतियोगिता ४ मंसिरबाट सुरु भएकाे हाे । विजयी खेलाडीलाई प्रदेश खेलकुद विकास परिषद् बागमती प्रदेशका सदस्य सचिव दीपक लामाले पुरस्कार वितरण गरे ।
मकवानपुर । मकवानपुरकाे हेटौंडामा जारी तेस्रो नागस्वती कप भेट्रान्स फुटबल प्रतियोगिताको फाइनल समिकरण पुरा भएकाे छ । शुक्रबारकाे सेमिफाइनल खेलबाट आयोजक नागस्वती भेट्रान्स र जोरपाटी भेट्रान्स काठमाडौं फाइनल प्रवेश गरेका छन् ।
नागस्वती भेट्रान्स क्लबको आयोजनामा हेटौडा ७ नागस्वती स्थित नवज्योति माविको खेल मैदानमा प्रतियोगिता भएकाे हाे । प्रतियोगिता अन्तरगत शुक्रवार भएको पहिलो सेमिफाइनल खेलमा हेटौंडा भेट्रान्सलाई १–० गोलले पराजित गर्दै जोरपाटी भेट्रान्स फाइनल प्रवेश गरेको हो । जोरपाटीकाे जीतका लागि खेलको ८ औँ मिनेटमा जोरपाटीका सुरज सुबेदीले गरेको गोल नै निर्णायक बन्यो । खेलको म्यान अफ द म्याच जोरपाटीका सुवेदी घोषित भए ।
यस्तै दोस्रो सेमिफाइनल खेलमा आयोजक नागस्वती भेट्रान्स बि ले लेक साइड भेट्रान्स पोखरालाई १–० गोल अन्तरमा हराउँदै फाइनल यात्रा तय गरेकाे हाे । खेलको ४३ औँ मिनेटमा नागस्वतीको तर्फबाट राजकुमार घिसिङले गोल गर्दै टिमलाई फाइनल प्रवेश गराए । खेलको म्यान अफ द म्याच घिसिङ घोषित भएका थिए ।
प्रतियाेगिता अन्तरगतकाे फाइनल खेल शनिवार दिउँसो २ बजे नागस्वती भेट्रान्स बी र जोरपाटी भेट्रान्स बीच हुनेछ । प्रतियोगितामा १५ वटा भेट्रान्स क्लबहरूको सहभागिता रहेको थियाे । ४० वर्ष माथि उमेर समूहका पूर्व राष्ट्रिय खेलाडीहरूको सहभागी रहेकाे भेट्रान्सकाे यो तेस्राे संस्करण हाे । चार वर्ष अघि स्थापना भएको क्लबले लगातर गर्दै आएकाे प्रतियोगितामा विजेताले २ लाख १ हजार र उपविजेताले एक लाख १ हजार नगद हात पार्ने छन् ।
मकवानपुर । मकवानपुरकाे हेटौंडा उपमहानगरपालिका वडा नम्बर ७ नागस्वतीमा जारी तेस्रो नागस्वती कप भेट्रान्स फुटबल प्रतियोगितामा नागरस्वती,लेकसाईड,जोरपाटी भेट्रान्स सेमिफाइनल प्रवेश गरेकाे छ । बिहीबार भएकाे क्वाटरफाइनलका खेलसँगै आयोजक नागस्वती भेट्रान्स बीसँगै लेक साइड भेट्रान्स पोखरा, जोरपाटी भेट्रान्स सेमिफाइन प्रवेश गरेका छन् ।
नागस्वती भेट्रान्स ए र हेटौडा भेट्रान्स बिच भएकाे क्वार्टरफाइनलकाे चौथो खेलकाे पहिलो हाप मात्र भएको छ । खेलकाे समय नसकिदैं रात परेपछि उक्त क्लब बिचकाे दोस्राे हाफकाे खेल शुक्रबार बिहान खेलाइने आयोजकले जनाएकाे छ । बिहीबारको पहिलो खेलमा आयोजक नागस्वती भेट्रान्स बिले पशुपति भेट्रान्सलाई २–० गोल अन्तरमा पराजित गर्दै सेमिफाइनल प्रवेश गरेको हाे । खेलको १६ र २३ औँ मिनेटमा नागस्वतीका तर्फबाट मिलेन्द्र देवानले दुई गोल गर्दै टिमलाई सेमिफाइनलकाे यात्रामा पुर्याए ।
यस्तै बिहीबार दोस्रो क्वाटरफाइनल खेलमा लेक साइड भेट्रान्स पोखराले चितवन भेट्रान्सलाई २–१ काे गोल अन्तरमा पराजित गर्दै सेमिफाइनल प्रवेश गरेको छ । खेलमा लेसाइकड्को तर्फबाट ७ औँ र १६ औ मिनेटमा कन्या सुब्बा गरुङ्ले दुई गोल गर्दै टिमलाई विजयी बनाए । चितवनको तर्फबाट खेलको १९ औँ मिनेटमा भूपेन्द्र कार्कीले सान्त्वना गोल गरे ।
यसैगरी तेस्रो खेलमा जोरपाटी भेट्रान्सले प्ले टुगेदर भेट्रान्स झापालाई ट्राई ब्रेकरमा ४–३ गोल अन्तरमा हराउँदै सेमिफाइनलमा स्थान बनाएकाे छ । खेलको निर्धारित समयमा दुवै समूहबाट एक–एक गोल भएपछि खेल ट्राई ब्रेकरमा धकेलिएकाे थियो । यस्तै चौथो खेल नागस्वती भेट्रान्स ए र हेटौडा भेट्रान्स बिच भएकोमा पहिलो हापमा नागस्वती भेट्रान्सले २ गोल गर्दै अग्रतामा छ भने हेटौडाको तर्फबाट एक गोल भएको छ । दोस्राे हाफकाे खेल रात परेपछि स्थगित गरिएकाे छ । बाँकी खेल शुक्रबार बिहान खेलाइने आयोजकले जनाएको छ ।
शुक्रवार आयोजक नागस्वती भेट्रान्स बि र लेक साइड भेट्रान्स बिच पहिलाे सेमिफाइनल खेल हुनेछ भने जोरपाटी भेट्रान्स र आयोजक नागरस्वती भेट्रान्स ए र हेटौडा भेट्रान्स बीचकाे विजेता बिच हुनेछ । नागस्वती भेट्रान्स क्लबको आयोजनामा भएको प्रतियोगिताकाे फाइनल ८ मंसिरमा हुनेछ । प्रतियोगितामा देशभरका १५ वटा भेट्रान्स क्लबहरुकाे सहभागिता रहेकाे छ । ४० वर्ष माथि उमेर समूहका पूर्व राष्ट्रिय खेलाडीहरूको सहभागिता रहेको क्लबले प्रतियोगितामा सहभागिता जनाएकाे आयोजक क्लब अध्यक्ष सोम बहादुर तितुङ्ले जानकारी दिए ।
प्रतियोगिताकाे विजेताले २ लाख १ हजार र उपविजेताले एक लाख १ हजार नगद हात पार्नेछन् । चार वर्ष अघि स्थापना भएको क्लबले तेस्रो सिरिजकाे प्रतियोगिता आयोजना गरेको हो । स्वास्थ्यका लागि खेलकुद भन्ने नाराका साथ आयोजना भएको प्रतियोगिता हेटौडा ७ नागस्वती स्थित नवज्योति माविको खेल मैदानमा भइरहेको छ ।
मकवानपुर । हेटौंडामा जारी तेस्रो राष्ट्रिय रनिङ शिल्ड एट ए साइड भेट्रान्स कप फुटबल प्रतियोगितामा बिहीबारबाट क्वार्टरफाइनलका खेल हुने भएकाे छ । बुधबारकाे खेलबाट लेकसाइड भेट्रान्स पोखरा, पशुपति भेट्रान्सले बिरगंज, जोरपाटी भेट्रान्स र नागस्वती भेट्रान्स बि विजयी भएसँगै क्वार्टरफाइनलकाे समिकरण पुरा भएकाे हाे ।
बुधबारकाे पहिलाे खेलमा लेकसाइड भेट्रान्स पोखराले बिरगंज युनिटी भेट्रान्सलाई २–१ काे गोलले हराउँदै विजयी भएकाे हाे । लेकसाइडको तर्फबाट ९ औ मिनेटमा कन्या सुब्बा गुरुङले एक गोल र राजु हमालले ४६ औं मिनेटमा एक गोल गरेका थिए । यस्तै बिरगंज युनिटिको तर्फबाट ४८ औ मिनेटमा सान्त्वना गोल गरेका थिए । खेलमा लेकसाइड भेट्रान्सका खेलाडी कन्या सुब्बा गुरुङ म्यान अफ द म्याच घोषित भएका थिए ।
यस्तै दोस्रो खेलमा पशुपति भेट्रान्सले बिरगंज युथ एकेडेमी भेट्रान्सलाई ट्राइब्रेकरमा २–१ ले जित हासिल गरेको थियो । खेलमा निर्धारीत समयमा एकएक गोल भएपछि खेलकाे नतिजा ट्राइब्रेकरबाट लिइएकाे थियो । खेलको ३५ औं मिनेटमा पशुपति भेट्रान्सको तर्फबाट मदन श्रेष्ठ र बिरगंज युथका तर्फबाट १२ औं मिनेटमा संजय मण्डलले गोल गरेका थिए । ट्राइब्रेकरमा पशुपतिको तर्फबाट जितेन्द्र कर्मचार्य र मदन लामाले एक एक गोल गरेका थिए भने बिरगंज युथका तर्फबाट रामबाबु चौधरीले गोल गरेका थिए । खेलको म्यान अफ द म्याच पशुपति भेट्रान्सका नवराज केसि घोषित भएका थिए ।
बुधबारको तेस्रो खेलमा जोरपाटी भेट्रान्स बिजयी भएको छ । जोरपाटीले बिरगंज सिटि भेट्रान्सलाई ट्राइब्रेकरमै २–१ ले पराजित गरेको हो । निर्धारित समयकाे खेल बराबरीमा रोकिएपछि खेल ट्राइब्रेकरमा धकेलिएकाे थियाे । ट्राइब्रेकरमा जोरपाटी भेट्रान्सको तर्फबाट बिकाश श्रेष्ठ र राकेश लामाले गोल गरेका थिए भने बिरगंज सिटिको तर्फबाट रामबाबु चौधरीले गोल गरेका थिए ।
यस्तै चौथो खेलमा आयोजक नागस्वती भेट्रान्स बिले अभिषेक चर्च नवलपरासीलाई ४–० गोलले हराउँदै जीत निकालेकाे हाे । नागस्वतीको तर्फबाट खेलको मिलेन्द्र देवानले ७ औ, २१ औं र ३(औं मिनेटमा तिन गोल गरेका थिए भने २) औं मिनेटमा क्याप्टेन निमा लामाले एक गोल गरेका थिए । खेलको म्यान अफ द म्याच नागस्वती भेट्रान्सका मिलेन्द्र देवान घोषित भएका थिए ।
मङ्गलवार देखी हेटौंडामा दुई लाख राशिको तेस्रो राष्ट्रिय रनिङ शिल्ड एट ए साइड भेट्रान्स कप फुटबल प्रतियोगिता सुरु भएको हाे । नागस्वती भेट्रान्स क्लबको आयोजनामा सुरु भएको प्रतियोगिताको उद्घाटन हेटौडा उपमहानगरपालिका वडा नम्बर ७ का वडा अध्यक्ष दामोदर गौतमले गरे । उनले स्वास्थ्यकाे लागि खेलकुद महत्त्वपूर्ण रहेकाे बताए । कार्यक्रममा जिल्ला फुटबल सङ्घका अध्यक्ष टिका लामा, पत्रकार महासङ्घ मकवानपुरका अध्यक्ष मणिराज गौतम,अमेरिका निवासी युवा व्यवसायी गौरव बस्नेत लगायतले खेलको सफलताको शुभकामना दिएका थिए ।
मगलबारकाे उद्घाटन खेलमा आयोजक नागस्वती भेट्रान्स ए ले र एनजेजेभिसी भेट्रान्स सिमरालाई ३–१ गोल अन्तरले विजयी सुरुवात गरेको थियाे । खेलको १२,२७ र ३३ औ मिनेटमा नागस्वती भेट्रान्सका तर्फबाट डेबिन श्रेष्ठले तिन गोल गरेका थिए भने एनजेजे भेट्रान्सको तर्फबाट खेलको दोस्रो मिनेटमा रत्न बहादुर खत्रीले एक मात्र गोल गरेका थिए । खेलको म्यान अफ द म्याच नागस्वती भेट्रान्सका डेबिन श्रेष्ठ घोषित भएका थिए ।
यस्तै मगलबारकाे दोस्रो खेलमा हेटौडा भेट्रान्स विजयी भएको छ । हेटौडाले पश्चिम चितवन भेट्रान्सलाई ४–० गोल अन्तरले पाखा लगायो । खेलको १४,५१ र ५२ औ मिनेटमा हेटौडा भेट्रान्सको तर्फबाट रितेस थापाले तिन गोल र सुबिन घिमिरेले २३ औ मिनेटमा एक गोल गरेका थिए । खेलको म्यान अफ द म्याच हेटौडा भेट्रान्सका रितेस थापा घोषित भएका थिए । यस्तै मंगलबारकाे तेस्रो खेलमा चितवन भेट्रान्सले निजगढ भेट्रान्सलाई २–१ गोलले हराएकाे थियो । चितवनका तर्फबाट खेलको १७ मिनेटमा सुरेन्द्र चौधरी र ३९ औ मिनेटमा विष्णु दराईले गोल गरेका थिए भने निजगढ भेट्रान्सका तर्फबाट खेलको २४ औ मिनेटमा भीम लामाले एक गोल गरेका थिए । खेलको म्यान अफ द म्याच चित्तवन भेट्रान्सका विष्णु दराई घोषित भएका थिए ।
मङ्सिर ८ गतेसम्म हुने प्रतियोगितामा देशभरका ४० वर्ष माथि उमेर समूहका पूर्व राष्ट्रिय खेलाडीहरूको सहभागिता रहेकाे १५ वटा भेट्रान्स क्लबहरूको सहभागिता रहेको आयोजक क्लब अध्यक्ष सोम बहादुर तितुङ्ले जानकारी दिए । प्रतियोगिता विजेताले २ लाख १ हजार र उपविजेताले एक लाख १ हजार नगद सहित शिल्ड मेडल प्राप्त गर्नेछन् । स्वास्थ्यका लागि खेलकुद भन्ने नाराका साथ आयोजना भएको प्रतियोगिताले पूर्व खेलाडीहरूको मनोबल उच्च राख्न सहयोग पुग्ने उनले बताए । चार वर्ष अघि स्थापना भएको यस क्लबले लगातार तेस्रो सिरिजको प्रतियोगिता आयोजना गरेको हो । खेल हेटौडा ७ नागस्वतीमा रहेको नवज्योति विद्यालयको खेल मैदानमा भैरहेको छ ।
यसैगरी बिहीबारबाट प्रतियाेगिताका क्वाटरफाइनलका खेल हुनेछन् । बिहीबार आज क्वाटरफाइनलका चार खेल हुने आयोजकले जनाएकाे छ ।