मकवानपुर । नेपाल बिधुत प्राधिकरणको कर्मचारी कल्याण परिषदले आज बागमती प्रदेश स्तरिय भेला, चियापान तथा शुभकामना आदानप्रदान आयोजना गरेको छ ।
कर्मचारीहरुले आफ्नो पेशागत हितको संरक्षण गर्दै मुलुकमा भएको बेथिति र बिकृतिको बिरुद्ध लाग्नुपर्ने चियापान तथा शुभकामना आदानप्रदान कार्यक्रमका प्रमुख अतिथि एवम् राष्ट्रिय प्रजातन्त्र पार्टी मकवानपुरका पूर्व अध्यक्ष मधु अधिकारीले बताए । ‘परिषदले कर्मचारीको मर्यादालाई कायम राख्दै संगठनलाई राजनीतिक हस्तक्षेपबाट मुक्त राख्नु पर्छ उनले भने ‘उर्जा क्षेत्रको समुचित बिकास र व्यवस्थापन गर्न नसक्दा देशले लामो समय लोडशेडिंगको मार खेपेकाे छ ।’
कार्यक्रममा अथितिको रुपमा राप्रपा मकवानपुर जिल्ला अध्यक्ष गुरु प्रसाद सापकोटा, जिल्ला प्रवक्ता बिशभ अधिकारी र जिल्ला सचिव सागर थापा लगायतका उपस्थिति रहेको थियो।
मकवानपुर । मकवानपुरको बकैया गाउँपालिकामा उद्घोषण तथा व्यक्तित्व विकास तालिम सुरु भएको छ । बकैया गाउँपालिका सामाजिक विकास शाखाको आयोजना २ दिने उद्घोषण तथा व्यक्तित्व विकास तालिमको सुरू गरिएको हो ।
कक्षा ११ र १२ का विद्यार्थीहरुको क्षमता अभिवृद्धिका लागि आयोजना गरिएको तालिममा बुद्ध माविका ५५ जना विद्याथीहरुकोे सहभागिता रहेको महिला तथा बालबालिका शाखाका प्रमुख कविता शर्माले जानकारी दिइन् ।
तालिम सञ्चालनको पहिलो दिन सहभागीहरुलाई उद्घोषण सम्बन्धी विभिन्न विषयमा रुपक कालिराजले प्रशिक्षण दिएका थिए । आफूहरुलाई मध्यनजर गरी सञ्चालन गरिएको तालिमले थप आत्मविश्वास बढाउने अपेक्षा लिएको तालिममा सहभागीहरुले बताएका छन् । सामाजमा खुलेर बोल्न नसक्दा त्यसको प्रत्यक्ष असर समाजको विकास र स्तरोन्नतिका लागि पर्ने भएकाले यस तालिमको आयोजना गरिएको हो ।
उद्घाटन कार्यक्रमलाई सम्बोधन गर्दै बकैया गाउँपालिकाकी उपाध्यक्ष सरला बोलखेले अब विद्यार्थीहरुको बिचबाट कार्यक्रम संचालन गर्न उद्घोषक उत्पादन गर्नु यस कार्यक्रमको उद्देश्य रहेको बताइन । बोलखेले पालिकाले यो नयाँ अभ्यास गरेको भन्दै कार्यक्रमलाई प्रभावकारी कसरी बनाउने भन्ने उद्घोषकको हातमा हुनेहुँदा कुशल उद्घोषक बन्नको लागि उनले आग्रह गरिन् ।
त्यस्तै बकैया गाउँपालिकाका प्रमुख प्रशासकीय अधिकृत लक्ष्मण पुडासैनीले महत्वपुर्ण तालिम भएको भन्दै बोल्ने कलाको विकास गर्नु आजको आवश्यकता रहेको बताए । उनले तालिमले पालिकाको समृद्धि र विकासमा महत्वपूर्ण भूमिका खेल्ने बताए ।
पालिकाले पहिलो चरणमा बुद्ध माविमा र दोस्रो चरणमा महेन्द्र उच्च मावि छतिवनमा कार्यक्रम संचालन गर्ने जनाएको छ । सो तालिममा बुद्धमाविका प्रार्चाय प्रेम बहादुर बोम्जन, विद्यालयका लेखापाल श्याम दाहाल लगायतको आथित्यता रहेको थियो ।
मकवानपुर । कार्तिक ११, हेटौडा सामुदायिकआँखा अस्पतालले तिलगंगा आँखा अस्पताल र सामुदायिक आँखा केन्द्र मुस्ताङको समन्वयमा मुस्ताङमा निशुल्कआँखाशिविर संचालन गरेको छ ।
कार्तिकको पहिलो सातामाथिल्लो मुस्ताङ र तल्लो मुस्ताङमाशिविर संचालन गरेको होे । लो घेकर दामोदरकुण्ड गाँउपालिका र चरागं स्वास्थ्य चौकी र आमा समुहको समन्वयमामाथिल्लो मुस्ताङको लोमान्थाङ, चराङ, सुखाङलगायतका स्थामाशिविर संचालन गरी मोतिविन्दु देखिएका विरामीहरुकाे शल्यक्रिया गरिएको थियो ।
जिल्ला अस्पताल मुस्ताङ, घरापजोड गाँउपालिका, मुस्ताङ कल्याणकारी समाज,नेपाल रेडक्रश सोसाईटी मुस्ताङको समन्वयमा तल्लो मुस्ताङको जोमसोम, फलाक, कागवेनी, कुञ्जु, कोबाङलगायतका स्थानमाशिविर संचालन गरी मोतिविन्दुको बिरामी पहिचान गरिएको थियो ।
हेटौडा सामुदायिक आँखा अस्पताल प्रमुख डा. सुनिल थकालीको नेतृत्वमा गएको टोलीले दुवै स्थान गरी ७ सय ९८ विरामीहरुको निशुल्कआँखा जाँच र आवश्यकऔषधि वितरण र ५० जना विरामीहरुको निशुल्क मोतिविन्दुको शल्यक्रिया गरेको हाे।

मकवानपुर । बागमती प्रदेशको मुख्य मन्त्री अष्टलक्ष्मी शाक्यले पदबाट राजीनामा दिएकी छन्
प्रदेश सभामा उठेको प्रश्नलाई सम्बोधन गर्दै आज मुख्यमन्त्री शाक्यले राजनीतिलाई संस्कारयुक्त कदमको सुरूवात आफूबाट गर्न मार्ग प्रसस्त गरेको बताइन् । शाक्यले प्रदेशसभा सचिवालयमा विस्वासको मत नपाउने पाक्का भएपछि मत बिभाजनको बाटो रोज्नु भन्दा मार्ग प्रसस्त गर्न राजीनामा दिएको बताइन् ।
प्रदेशसभामा पाँचदलिय गठवन्धनको सरकार गठन गर्नका लागि बाटो खुल्ला गरिदिन पनि आफूले राजिनामा दिएको शाक्यले बताइन् । अब प्रदेशमा एकीकृत समाजबादीका नेता राजेन्द्र पाण्डेको नेतृत्वमा बागमती प्रदेश सरकार गठन हुने भएको छ । उनको पाटीसंगै नेपाली काँग्रेस नेकपा माओबादी लगायतका दलको सहभागितामा बागमती प्रदेश सरकार गठन हुन लागेको हो ।
शाक्यको विश्वासको प्रस्तावमा आज प्रदेशसभामा मतविभाजन गरिने कार्यतालिका थियो । प्रदेशसभा बैठकमा विश्वासको मत विभाजनका गर्न सबै तयारी पूरा गरिएको भएको भए पनि शाक्यले नयाँ सरकार गठन गर्नका लागि बाटो खोलीदिएकि हुन् ।
शाक्यले विश्वासको मतको लागि ४ कात्तिकमा सत्तारूढ एमाले र विपक्षी गठबन्धनको आन्तरिक विवादका कारण सभामुख सानुकुमार श्रेष्ठले मत विभाजन प्रक्रिया दुई पटक सारेका थिए।
प्रदेशसभामा हाल सत्तापक्ष एमालेका ४३ सांसद छन् । विपक्षी गठबन्धनमा रहेका माओवादी केन्द्रका २३, कांग्रेसका २२, एकीकृत समाजवादीका १३ र जनता समाजवादी पार्टीका १ सांसद छन् ।
त्यसबाहेक विवेकशील साझाका ३, नेपाल किसान मजदुर पार्टी (नेमकिपा) र राप्रपाका २ जना छन् । विश्वासको मतका लागि ५५ सांसद चाहिन्छ । विश्वासको मतमा नपुग्ने भएपछी नयाँ सरकार गठनका लागि सहज पार्न पनि राजिनामा दिएको शाक्यले बताइन्।
विपक्षी गठबन्धनले एकीकृत समाजवादीका संसदीय दल नेता राजेन्द्र पाण्डेलाई मुख्यमन्त्रीका रूपमा अगाडि बनाउने निर्णय गरिसकेको छ । बागमती प्रदेशमा एकीकृत समाजवादी र कांग्रेसले आधा–आधा कार्यकाल सरकारको नेतृत्व गर्ने सहमति पनि भएको छ ।
शाक्य भदौ २ मा नेपालकै पहिलो महिला मुख्यमन्त्री बन्नु भएको थियो । बागमती प्रदेशको प्रदेश सभा अर्को सूचना जारी नभएसम्मको लागि स्थगित गरिएको सभामुख सानुकुमार श्रेष्ठले बताए ।
मकवानपुर । मकवानपुर उद्योग वाणिज्य संघको अध्यक्षमा कृष्ण गुप्ता अग्रवाल विजयी भएका छन् । अग्रवाल १ हजार २ सय ४६ मत प्राप्त गर्दै विजयी भएका हुन् ।
उनका निकटतम प्रतिद्धन्दी संघका पूर्वअध्यक्ष समेत रहेका राजकुमार न्यौपानेले १ हजार १ सय ५५ मत प्रात्त गरेका छन् । अध्यक्ष पदका लागि वाणिज्यको १ हाजर ५ सय १५ मत, उद्योगको ७ सय ५३ मत, एशोसियटको १ सय १६ मत, र वस्तुगत ३१ मत गरी २ हजार ४ सय १५ मत खसेको थियो ।
नेपाल उद्योग वाणिज्य महासंघ केन्द्रको चुनावमा पराजित भएका न्यौपाने पुनः जिल्लामा अध्यक्षमा उम्मेदवारी दिएका हुन् । उनी संघको पूर्व अध्यक्ष समेत रहेका छन् । यस अघि गुप्ता भने वाणिज्य तर्फको उपाध्यक्ष रहेका थिए ।