मकवानपुर । नेपाल प्रेस युनियन मकवानपुर शाखाले प्रदान गर्दै आएको सीतादेवी स्मृति प्रेस युनियन पत्रकारिता पुरस्कारको राशी बढ्ने भएकाे छ । १५ हजार रुपैयाँ रहेको उक्त पुरस्कारको राशी बढाएर ५० हजार रुपैयाँ पुर्याइने घोषणा शुक्रबार पुरस्कार संस्थापकले गरेकाे छन् ।
पुरस्कार संस्थापक चिरञ्जीबी ढकालले हेटौंडामा आगामी वर्षदेखि पुरस्कार राशी ५० हजार रुपैयाँ पुर्याउने घोषणा गरेका हुन् । हेटौंडामा प्रेस युनियन मकवानपुरको टोलीसँगको भेटघाटमा गैरआवासीय नेपाली संघ (एनआरएनए) का संस्थापक समेत रहेका ढकालले उक्त पुरस्कारकाे राशी बढाउने घोषणा गरेका हुन् । अव मकवानपुरे पत्रकारिता क्षेत्रमा उक्त पुरस्कार सर्वाधिक नगद राशीको पत्रकारिता पुरस्कार हुनेछ । यस पुरस्कारबाट पहिलो पटक नेपाल प्रेस युनियन मकवानपुरका संस्थापक अध्यक्ष राममणि दाहाल सम्मानित भइसकेका छन् ।
भेटघाटकामा ढकालले पत्रकारहरुलाई संगठित हुँदै व्यावसायिक नेतृत्व विकासमार्फत पत्रकारितालाई अझ सशक्त बनाउनुपर्ने बताए । उनले प्रेस स्वतन्त्रता र पत्रकारको पेशागत सम्मान सुदृढ गर्न युनियनको भूमिकाको प्रशंसा गर्दै निरन्तर सहयोग गर्ने प्रतिबद्धता समेत जनाएका छन् । प्रेस युनियन मकवानपुर अध्यक्ष सुवास विडारीले ‘मकवानपुरको पत्रकारिता क्षेत्रमा यो एक ऐतिहासिक क्षण भएकाे बताए । ‘पत्रकारितालाई मुल पेशा बनाई आफ्नो कर्ममा निरन्तर लागिरहेका मकवानपुरका पत्रकारहरुलाई नगद ५० हजार सहित सम्मान गर्न पाउनु हामी युनियनकर्मीका लागि समेत गर्वको विषय हो’ उनले भने ।
‘यसले पत्रकारिता क्षेत्रमा लागिरहेकालाई प्रोत्साहन गर्ने र संस्थागत विकासमा समेत टेवा पुग्ने हामीले विश्वास लिएका छौं’ विडारीले भने । उक्त पुरस्कार प्रेस युनियन मकवानपुरको मात्र नभई मकवानपुरे पत्रकारहरूको पुरस्कार हुने उनले बताए । युनियनले उक्त पुरस्कार प्रत्येक दुई वर्षमा प्रदान गर्ने अध्यक्ष बिडारीले जानकारी दिए । ‘युनियनले स्थापना गरेको अरु तीनवटा पुरस्कार रहेको छ । हामी अन्य तीनवटा पुरस्कारलाई साधारणसभा र अधिवेशनको समयमा वितरण गर्नेछौं’ उनले भने ।
युनियनले प्रदान गर्ने सम्मानलाई विशेष कार्यक्रमको आयोजना गरी वितरण गर्ने बताइएकाे छ । अध्यक्ष विडारीले आन्तरिकरुपमा कार्यविधि निर्माण गरेर मकवानपुरे पत्रकारलाई विशेष प्राथमिकतामा राखेर पुरस्कार वितरण गरिने बताए ।
मकवानपुर । बागमती प्रदेश विपद् ब्यवस्थापन परिषद्को बिहीबार बैठक बसेकाे छ । मुख्यमन्त्री इन्द्रबहादुर बानियाँको अध्यक्षतामा बसेकाे बैठकमा गत असोज १७ देखि २१ गतेसम्मको अविरल वर्षाकाे कारण सिर्जित प्राकृतिक विपद्का बारेमा सरोकारवाला निकाय र मन्त्रालयद्वारा आआफ्नो क्षेत्रको क्षति तथा गरिएका कार्यप्रगतिको समिक्षा समेत भएकाे छ ।
के के भए निर्णय ?
- देशभर मिति २०८२ असोज १७-२१ गते सम्म भएको मनसुनी बर्षाका कारण सिर्जित बाढी, पहिरो लगायातका घटनामा परि दिवंगत हुनुभएकानागरिकहरु प्रति भावपूर्ण श्रद्धाञ्जली अर्पण गर्दै मृतकको परिवार प्रतिगहिरो समवेदना र घाइतेहरुको शिघ्र स्वास्थ्य लाभको कामना गर्दछौँ ।साथै उक्त विषम परिस्थितिमा विषयगत मन्त्रालय र सुरक्षा निकायहरुबाट जोखिम न्यूनीकरण, प्रतिकार्य र सवारी आवागमन लगायतका कार्यहरुमा उल्लेख्य भूमिका निर्वाह गरेकामा धन्यवाद ज्ञापन गर्दै बागमती प्रदेशबाट हालसम्म मनसुन बाहिरि नसकेको हुँदा आगामी दिनमा हुनसक्ने सम्भावित जोखिम न्यूनीकरणका लागि प्रदेश मन्त्रालय/निकाय, प्रदेशस्थित सुरक्षा निकायहरु, जिल्ला प्रशासन कार्यालय, स्थानीय तह तथा सार्वजनिक सेवा प्रदायक कार्यालयहरुको आफूसँग भएको स्रोत साधन तत्काल परिचालन गर्न सकिने गरी तयारी अवस्थामा राख्न निर्देशन दिने निर्णय गरियो ।
- बागमती प्रदेश अन्तरगतका जिल्ला प्रशासन कार्यालयले (जिल्ला आपतकालिन कार्यसञ्चालन केन्द्र (DEOC) सँगको समन्वयमाsसम्बन्धित जिल्लाका स्थानीय तहहरु तथा जिल्लास्थित कार्यालयहरुमाविपद्बाट भएको मानवीय, पशुचौपया तथा कृषिबाली, घरगोठको क्षति, उद्योग व्यवसायहरु, सार्वजनिक सम्पत्ति (सडक, पुल, विद्युतगृह, स्वास्थ्यचौकी, विद्यालय, सरकारी कार्यालय) तथा प्रभावित परिवार लगायतकोअद्यावधिक विवरण यथाशिघ्र प्रदेश आपतकालीन कार्यसञ्चालन केन्द्र(PEOC) मा पठाउन लेखी पठाउने।
- विषयगत क्षेत्र परिचालनका सम्बन्धमा सम्बन्धित विषयगत मन्त्रालयहरुलेदेहाय बमोजिमको कार्य तत्काल प्रारम्भ गर्ने।
क. प्रदेश राजमार्ग अन्तर्गत रहेका अवरुद्ध सडक तत्काल सूचारु गर्नआवश्यक भएको हुँदा भौतिक पूर्वाधार विकास मन्त्रालयले, नेपाली सेना, नेपाल प्रहरी, सशस्त्र प्रहरी बल नेपाल, स्थानीय तह, विभिन्न राजनीतिकदलहरु, निर्माण व्यवसायी लगायत निजी क्षेत्र एवम् स्थानीयस्वयंसेवकहरुको साथ सहयोग लिई सडक सुचारु गर्न आवश्यक प्रक्रियाअगाडी बढाउने। सडक सूचारु गर्नका लागि आवश्यक पर्ने बजेटकासम्बन्धमा लागत ईस्टिमेट लगायतका आवश्यक विवरण सहित आर्थिकमामिला तथा योजना मन्त्रालयमा पेश गर्ने।
ख. विपद्बाट क्षति भएका कृषिबाली तथा पशुचौपायाको तथ्याङ्क संकलनगरि आवश्यक राहतको व्यवस्था कृषि तथा पशुपन्छी विकास मन्त्रालयले मिलाउने।
ग. बागमती प्रदेश भित्र रहेका विद्यालयहरुको क्षतिको अवस्था संकलन गरिसामाजिक विकास मन्त्रालयले तत्काल मर्मत सम्भार गर्नुपर्ने भए सोकोकार्य प्रारम्भ गर्ने।
घ. खानेपानी, ऊर्जा तथा सिंचाइ मन्त्रालयले खानेपानीको पहुँचबाट प्रभावितपरिवारको तथ्याङ्क संकलन गरि आवश्यकता अनुसार खानेपानीउपलब्ध गराउने।
ङ. स्वास्थ्य मन्त्रालयले विपद्का कारण घाईते व्यक्तिहरुको शीघ्र निशुल्कउपचारका चिकित्सकिय टोली तथा आवश्यक औषधी तथा उपकरणको व्यवस्थापन गर्ने।
च. विपद्बाट प्रभावित परिवारका लागि खाद्यान्न लगायत अत्यावश्यकवस्तुको सहज आपूर्तिको व्यवस्थाका लागि सम्बन्धित जिल्ला प्रशासन कार्यालय र स्थानीय तहको समन्वयमा उद्योग, वाणिज्य भूमि तथाप्रशासन मन्त्रालयले आवश्यक व्यवस्था मिलाउने।
छ. वन तथा वातावरण मन्त्रालयले जोखिमयुक्त जलाधार र बस्तीको क्षतिसंकलन गरि सोको संरक्षणका लागि आवश्यक कार्य गर्ने।
मकवानपुर । राष्ट्रिय प्रजातन्त्र पार्टी(राप्रपा) अध्यक्ष राजेन्द्र लिङ्देलले राजासहितकाे प्रत्यक्ष निर्वाचित कार्यकारी प्रधानमन्त्री हुनु पर्ने बताएका छन् । राप्रपा मकवानपुरले बिहीबार आयोजना गरेकाे कार्यकर्ता भेटघाट कार्यक्रममा उनले यस्तो बताएका हुन् ।
‘अहिलेकाे अवस्थामा रहेकाे राष्ट्रपतिको ठाउँमा राजा रहँदा संवैधानिक भएर बस्छन्’ उनले भने ‘प्रत्यक्ष निर्वाचित कार्यकारी प्रधानमन्त्रीले शासन चलाइरहँदा राजा आफैं प्रत्यक्ष शासन गर्न आउने सम्भावना हुँदैन ।’ राष्ट्रिय प्रजातन्त्र पार्टीले लामो समयदेखि स्थायी सरकारका लागि प्रत्यक्ष निर्वाचित कार्यकारीकाे वकालत गर्दै आएकाे बताए ।
‘प्रत्यक्ष निर्वाचित कार्यकारी राष्ट्रपति हुँदा एउटै व्यक्ती सरकार प्रमुख र राष्ट्र प्रमुख हुने हुँदा सरकार तानाशाही बन्न सक्छ’ उनले भने ‘हाम्रो जस्तो भूराजनीतिक संवेदनशीलता भएको हामीले राष्ट्रपति होइन प्रधानमन्त्री चाहिँ प्रत्यक्ष निर्वाचित कार्यकारी हुनुपर्छ भनेका छौं ।’ नियन्त्रण र सन्तुलनको व्यवस्था सहित सबैले जित्ने बाटोमा हिड्न खोजिराखेको छौं’ उनले भने ।
‘एमाले र काँग्रेसकाे गठबन्धन सरकार बनेपछि नै सबै उच्च पदस्थ नेता, कर्मचारी उनीहरुका नातेदार र निकटका मानिसहरूको सम्पत्ति छानबिन हुनुपर्छ भन्दै आएका थियौं’ उनले भने ‘सम्पत्ती छानविन सबै भन्दा पहिले राप्रपाको अध्यक्षबाट सुरु गर्न समेत सरकारलाई भन्यौ ।’ उक्त सरकारले सम्पत्ती छानविनकाे काम सुरु नै नगरेकाे उनले बताए । ‘देशले अवस्था परिवर्तन गर्न व्यवस्थामा पनि परिवर्तन हुनु पर्छ’ उनले भने । भ्रष्टाचार राज्यकाे अपराध भएकाेले भ्रष्टाचारमुक्त राज्यको लागि पार्टीले खबरदारी गर्दै आएकाे उनले बताए ।
कांग्रेस, एमाले, माओवादी पार्टीका धेरैले सत्ताको आडमा तल माथि गरेका थिए उनीहरुले आफूले गरेको गल्तीको कारण समाजमा मुख देखाउने अवस्था छैन’ उनले भने । अहिले पार्टीकाे विचारसहित आफ्ना कुराहरू राख्ने वातावरण बनेको बेला सबैलाई सक्रिय भनेर समाजमा सद्भाव बनाइराख्न उनले कार्यकर्तालाई निर्देशन दिए । उनले भने ‘राष्ट्रिय प्रजातन्त्र पार्टीको एजेन्डाको पक्षमा अझै मजबुत ढंगले जनतालाई बुझाउने काममा लाग्न र हाम्रो नियमित अधिवेशनका कामहरु सम्पन्न गर्न आग्रह गर्दछु ।’
हामीले भनेको दिशामा मात्रै देश गएको बताउँदै उनले सबै राजनीतिक शक्तिहरूको बीचमा एउटा राष्ट्रिय सहमति हुने जानकारी दिए । ‘राजसंस्थाको अभावमा देशमा उत्पन्न हुने अवस्थालाई देशले धान्न सक्दैन’ उनले भने ‘यो भन्दा जोखिम देशले उठाउन नसक्ने भएकाेले हामी सबैको बीचमा एउटा सहमतिको आवश्यकता छ ।’ परेको बेला हामीले चिड्याउने होच्याउने देखिस भन्ने होइन सुदृढ राष्ट्रियताको पक्षमा रहनु पर्ने उनले बताए । ‘हामी सदैव भ्रष्टाचारको विरुद्ध सुशासनको पक्षमा रहन्छौँ। सुदृढ राष्ट्रियताको पक्षमा रहन्छौं’ उनले भने ।
राप्रपा मकवानपुर जिल्ला उपाअध्यक्ष अर्जुन गौतमकाे सभाध्यक्षमा भएकाे कार्यकर्ता भेटघाट कार्यक्रममा केन्द्रीय सदस्य सीता थापा, रामहरी न्यौपाने, जिल्ला सचिव गुन्जनराज न्यौपाने लगायत उपस्थित थिए ।
मकवानपुर । पत्रकार बलराम पुडासैनीको वर पिपलु बोलको गीतको म्यूजिक भिडियो सार्वजनिक भएको छ । मुर्चुङ्गा टिभी अफिसियल युट्युब च्यानल मार्फत् गीतको भिडियो सोमबार सार्वजनिक गरिएको हो ।
किशनप्रसाद सुवेदीको शब्द तथा सञ्जोग गौतमको संगीत रहेको गीतमा गायक पुडासैनीलाई बिना राईले साथ दिएकी छिन् । भिडियोमा गायक पुडासैनी र गायिका राईको अभिनय रहेकाे छ । ओपल रेकर्डिङ स्टूडियो र अन्तरा स्टुडियोमा रेकर्डिङ् तथा भिडियोको छायाँकन गरिएको गीतको संगीत संयोजन विश्व अधिकारीले गरेका हुन् ।
गीतमा प्रेमको मधुर सुरुआत् र प्रेम सम्बन्ध तथा विछोडपछिको पीडा र आत्मबोधलगायतका संवेदनाहरुलाई समेट्ने प्रयास गरिएको छ । प्रेममा पर्ने युवायुवतीहरुको भावना, ब्रेकअपपछि आउने मनोवैज्ञानिक उतरचढाव र पछुतोको गहिरो अनुभूतिलाई गीतमा कलात्मक ढंगले प्रस्तुत गरिएको छ ।गीतको शब्द र संगीतमा प्रेमले ल्याउने मिठास मात्रै होइन, टुटेको सम्बन्धपछि आत्मा भित्र बज्ने मौन र तितो सङ्गीतलाई झल्काइएको गायक पुडासैनी बताउँछन् ।
गीतलाई युवापुस्ताको मनोदशा र यथार्थ प्रेमकथाको अभिव्यक्तिको रुपमा चित्रण गरिएको छ । विछोडपछिको पश्चाताप पनि कहिलेकाहीँ प्रेमकै गहिरो प्रमाण बन्छ भन्ने शन्देश बोकेको यस गीतलाई आजको युवा पुस्ताको कथाको रुपमा हेरिएको छ ।
मकवानपुर । अविरल वर्षाका कारण अवरुद्ध हेटौंडा काठमाडौं जोड्ने सिस्नेरी-दक्षिणकाली सडकखण्ड सञ्चालनमा आएको छ। उक्त सडक खण्ड संघीय राजधानी काठमाडौंलाई प्रदेश राजधानी हेटौंड जोड्ने वैकल्पिक मुख्य मार्गहरूमध्ये एक हो ।
मकवानपुरको इन्द्रसरोवर गाउँपालिका वडा नम्बर ३ सिस्नेरी बजार नजिक डोडारे खोलले सडकको केहि भाग कटान गरेपछि अवरुद्ध उक्त सडक मर्मतपछि सोमबारबाट सञ्चालनमा आएको हो । यस्तै सोही सडक खण्ड अन्तर्गत दक्षिणकाली मन्दिर नजिकै गएको पहिरो पनि पन्छाइएको प्रहरीले जनाएको छ ।
डोडारे खोलाले बगाएको सडक दुई दिन लगाएर मर्मत गरिएको प्रहरी कार्यलयले जनाएको छ । उक्त सडक सञ्चालनमा आएपछि काठमाडौं जाने सवारी साधनलाई सो मार्ग हुँदै पठाउन थालिएको छ । अब हेटौंडाबाट काठमाडौं जानकाे लागि पुर्व–पश्चिम राजमार्ग, त्रिभुवन राजपथ, कुलेखानी – फाखेल – फर्पिङ तथा कुलेखानी – सिस्नेरी – दक्षिणकाली – फर्पिङ सडकमार्ग सञ्चालन भएका थिए ।
कान्तिलोकपथ अझै अबरुद्ध
हेटौंडा – ठिंगन – भट्टेडाँडा – सातदोबाटो जाने कान्तिलोकपथ अझै अवरुद्ध रहेको जिल्ला प्रहरी कार्यालय मकवानपुरले जनाएको छ।
प्रहरीका अनुसार कान्तिलोकपथ अन्तर्गत भीमफेदी वडा नम्बर ८ वगुवा खोलानजिक खसेको ठूलो पहिरोका कारण सडक पूर्ण रूपमा बन्द छ ।
उक्त स्थानमा डोजर परिचालन गरी माटो र ढुंगा हटाउने काम भइरहेको तथा सोमबार अबेरसम्म सडक सञ्चालनमा ल्याउने प्रयास भइरहेको बताइएकाे छ ।