मकवानपुर । मकवानपुरलगायत बागमती प्रदेशभरीका जिल्लाका किसानले भोग्नु परेको समस्यामा आफूहरुले सहयाेग गर्ने संसदहरुले बताएका छन् । बागमती प्रदेशको उद्योग, पर्यटन, वन तथा वातावरण समितिका सभापति आनन्द कुमार श्रेष्ठले किसानले आफ्ना खेतबारीमा धान, मकैलगायतका अन्नबाली रोप्दा मल नपाउने समस्या, दूधको भुक्तानी बेलैमा नपाउने समस्या निकै बढेको बताउनुभयो ।
मकवानपुरगढी गाउँपालिका वडा नम्बर–३ मक्रान्चुलीमा सार्वजनिक सुनुवाइमा उहाँले यस्तो बताउनु भएको हाे । जनपत्र मिडिया प्रालिको आयोजना तथा संसद सहयोग परियोजना संयुक्त राष्ट्रसंघीय विकास कार्यक्रम युएनडीपीको सहकार्यमा कृषकका समसामयिक समस्याहरुको समाधानमा सांसदहरुको भूमिका सम्बन्धमा सार्वजनिक सुनुवाइ कार्यक्रम गरिएको हो ।
बागमती प्रदेशका पूर्व मन्त्री तथा प्रदेश सभा सदस्य एकालाल श्रेष्ठ, प्रदेशसभाका सदस्यहरु प्रेमबहादुर पुलामी, शुस्मा भुजेल न्यौपाने, बालकुमारी विस्वकर्मालगायतकाले किसानहरुको सहमस्या समाधानमा सधै हातेमालो गरेर अगाडी बड्ने बताउनुभयो । कार्यक्रममा मकवानपुरगढी गाउँपालिकाका अध्यक्ष दोर्जे लामा स्याङतान, गढी गाउँपालिका वडा नम्बर–३ का वडा अध्यक्ष भागवत घिमिरे, जिल्ला दुग्ध उत्पादक सहकारी संस्था लिमिटेड मकवानपुरका अध्यक्ष हरि प्रसाद कडेंललगायतकाले पनि किसानलाई सहयोग गर्ने बताउनु भयाे ।
गाइ, भैसी, कुखुरालाई महगो मुल्यमा दाना विक्री गर्नुपर्ने तर, आफ्नो उत्पादन भने सस्तो मुल्यमा विक्री गर्नुपर्ने बाध्यतामा किसानहरु रहेका छन् । यो समस्या भोग्ने किसानहरु बागमती प्रदेशमा धेरै रहेका छन् । मकवानपुरका किसानका समस्या झनै कहाली लाग्दो छ । यहाँका किसानले उत्पादन गरेको दूधको भुक्तानी नपाउँदा निकै समस्या भोग्दै आएको सार्वजनिक सुनुवाइका क्रममा बताएका छन् । यहाँका किसानले दूग्ध सहकारीमा विक्री गरेको दूध सरकारी स्वामित्वमा रहेको हेटौंडा दूग्ध वितरण आयोजना र निजी लगानीका डेरीहरुले खरिरद गर्दै आएका छन् । तर, दूधको भुक्तानी समयमा नै नदिदा किसानहरु चिन्तित बनेका छन् ।
जिल्ला दुग्ध उत्पादक सहकारी संस्था लिमिटेडका लागि सरकारी र निजी डेरी गरेर १८ वटा उद्योगले बितेको बैशाख मसान्त सम्ममा २२ करोड ५ लाख ३७ हजार १७५ रुपैयाँ भुक्तानी रकम किसानलाई दिन बाँकी छ ।
बितेको आर्थिक वर्षमा मात्र १८ वटा डेरी उद्योगले २९ करोड ६८ लाख ४६ हजार ८८६ रुपैयाँ मकवानपुरका किसानलाई भुक्तानी गर्न बाँकी रहेको छ । किसानको दूधको भुक्तानी नदिनेमा सबैभन्दा अगाडी सरकारी स्वामित्वमा रहेको हेटौंडा दुग्ध वितरण आयोजना रहेको छ । हेटौंडा दुग्ध वितरण आयोजनाले मात्र बैशाख मसान्तसम्ममा १ करोड २२ लाख ८८ हजार भुक्तानी गर्न बाँकी रहेको छ ।
मकवानपुरका किसानहरुको दूध खरिद गरेर नियमित रुपमा रकम भुक्तानी गर्ने निजी डेरीहरु पनि २६ वटा रहेका छन् । उनीहरुले दूध खरिद गरेवापत नियमित रुपमा दूधको भुक्तानी रकम जिल्ला दुग्ध उत्पादक सहकारी संघलाई दिने गरेका छन् । तर, १८ वटा अरु उद्योगहरुले किसानको दूध खरिद गर्ने तर, भुक्तानी रकम दिनका लागि सधै आलटाल गर्नेगरेका छन् ।
जिल्ला दुग्ध उत्पादक सहकारी संघले दैनिक रुपमा ५३ हजार लिटर दूध खरिद गरेर बिक्री गर्दै आएको छ । यसैगरी मकवानपुरको मनहरी र बकैया गाउँपालिकाको सहकार्यमा ती दुइ पालिकाले सिधै निजी डेरीहरुलाई दूध बिक्री गर्दै आएका छन् । त्यस दुइ पालिकाको र खुल्ला रुपमा किसान आफैले समेत गरेर बिक्री गरिने दूध हरेक दिन एक लाख लिटर बिक्री हुँदै आएको छ ।
मकवानपुर। गणतन्त्र दिवसको अवसरमा प्रेस चौतारी नेपाल मकवानपुर शाखाले दीप प्रज्वलन गरेको छ । प्रेस चौतरी नेपालको केन्द्रिय सकुर्लर बमोजिम मकवानपुर शाखाले बिहिबार हेटौंडाको बुद्धचोकमा दीप प्रज्वलन गर्दै गणतन्त्र दिवस मनाएको हो ।
कार्यक्रम प्रेस चौतारी मकवानपुरको नेतृत्वमा सम्पन्न भएको हो । कार्यक्रममा पत्रकार महासंघ बागमती प्रदेश अध्यक्ष कृष्ण सारु मगर, जिल्ला अध्यक्ष बालकृष्ण अधिकारी, प्रेस चौतारी बागमती प्रदेशका महासचिव प्रकाश दाहाल, जिल्ला इन्चार्ज विवश अधिकारी, स्वतन्त्र पत्रकार संघ मकवानपुरका अध्यक्ष राजन घिमिरे, सन्चारिका समूह मकवानपुर अध्यक्ष निशा गुरुङको उपस्थिती चौतारी मकवानपुर अध्यक्ष सरिता दाहालले बताइन् ।
यसैगरी गैसस महासंघ प्रदेश अध्यक्ष कमल बिक, मकवानपुर अध्यक्ष रमिला सापकोटा, मानव अधिकार संरक्षण तथा मानव बेचबिखन विरुद्धको जिल्ला सन्जाल उपसंयोजक तथा माइत नेपाल मकवानपुर प्रमुख माया लामालगायत जिल्लाका पत्रकार, नागरिक समाजको अगुवाहरूको सयुक्त उपस्थितिमा कार्यक्रम गरिएको हो ।
कार्यक्रममा सहभागीहरूले २०६२/०६३ को जनआन्दोलनबाट प्राप्त गणतान्त्रिक उपलब्धिलाई जोगाउन सञ्चारकर्मी र नागरिक समाजकोहरूको भूमिका महत्वपूर्ण प्रतिक्रिया दिएका थिए ।
सञ्चारकर्मीहरूको सामूहिक उपस्थितिमा सम्पन्न कार्यक्रमले पत्रकारिता क्षेत्र गणतन्त्रको मूल मर्मप्रति सजग, प्रतिबद्ध र उत्तरदायी रहेको सन्देश दिएको छ ।

आँचलद्वारा पुरस्कार वितरण तथा विभिन्न कार्यक्रम
Tags: No Comments
मकवानपुर । आँचल साहित्य कला पुञ्ज मकवानपुर मकवानपुरले कविता प्रतियोगीता सहित विभिन्न विधामा पुरस्कार वितरण गर्ने भएको छ । आँचलले पत्रकार भेटघाटमा यस्तो जानकारी गराएको हो ।
आँचलले यसवर्ष मंगलादेवि श्रेष्ठ बाल प्रतिभा पुरस्कार सम्मान २०८१, मुक्ति-तारा नवप्रतिभा सम्मान-२०८१, सुन्तलीमाया श्रेष्ठ युवा प्रतिभा सम्मान- २०८१ र आँचल सम्मान २०८१ प्रदान गर्ने भएको हो ।
शिक्षासेवी देवप्रसाद श्रेष्ठले स्थापना गर्नु भएको मंगलादेवि श्रेष्ठ बाल प्रतिभा पुरस्कार–२०८१ तुलसी मेहर मेमोरियल मा. वि. मा अध्ययनरत् अनुश्रुया खनाललाई प्रदान गर्ने निर्णय गरिएको छ । नगद ३५ हजार सहित सम्मानपत्रबाट सम्मानित गरिने यो सम्मान २०७६ सालबाट प्रदान गर्न थालिएकाे हो ।
यसैगरी साहित्यसेवी मुक्तिगोविन्द वैद्य तथा उहाँकी धर्मपत्नी तारा वैद्यले २०७७ मा स्थापना गर्नु भएको मुक्ति–तारा नवप्रतिभा सम्मान–२०८१ मकवानपुरे नवप्रतिभा स्वस्तिका दाहाललाई प्रदान गर्ने निर्णय भएको आँचल अध्यक्ष भावना सापकोटाले बताउनु भयो । २०७७ सालबाट प्रदान गर्न लागिएको यो सम्मान ५ हजार १ राशिसहित सम्मानपत्र रहेको छ ।
समाजसेवी चन्द्र किरण श्रेष्ठ र उहाँकी धर्म पत्नी मेनुका शर्माले आफ्ना आमाको स्मृतिमा २०७७ मा स्थापना गर्नुभएको सुन्तलीमाया श्रेष्ठ युवा प्रतिभा सम्मान– २०८१ कवि पुरुषोत्तम आचार्यलाई प्रदान गरिने आँचलले जनाएको छ । २०७७ सालबाट प्रदान गर्न लागिएको यो सम्मानमा १० हजार १ राशिसहित सम्मानपत्र रहेको छ ।
आँचल साहित्य कला पुञ्जले प्रदान गर्ने गरेको आँचल सम्मान २०८१ यस पटक अक्षयकोष स्थापना गरेर आँचललाई संस्थागत गर्न सघाउ पुर्याए वापत प्रकाश लम्साललाई प्रदान गरिने भएको छ । आँचलको स्थापनाको समयदेखि नै मकवानपुरमा रहेर विभिन्न विद्यामा कृयाशिल व्यक्तिहरूलाई प्रदान गर्ने गरिएको भएता पनि २०७९ देखि यता यस सम्मान आँचलमा अक्षयकोष स्थापना गरेर आँचललाई संस्थागत गर्न सघाउनु हुने व्यक्तिहरूलाई प्रदान गरिएको छ ।
यो पुरस्कार यसअघि २०७९ मा साहित्यसेवी मुक्ति गोविन्ध वैद्य, २०८० मा हरिवशं भेटवाललाई प्रदान गरिएको थियो । संस्थाको अक्षयकोक्ष स्थापनामा सहयोग गर्नुका साथै आफूलेसमेत अक्षयकोष स्थापना गरेर आँचललाई संस्थागत गर्न सघाउ पुर्याउनु भएकाले लम्सालप्रति कदर भावका साथ यो सम्मान गर्न लागिएको सापकोटाले बताइन् ।
आँचल साहित्य कला पुञ्ज मकवानपुरको आयोजना तथा हेटौँडा उपमहानगरपालिकाको सहकार्यमा वृहत् साहित्यिक तथा सांस्कृतिक कार्यक्रम आगामी १७ जेठमा हुनेछ ।कार्यक्रममा बालबालिका, अभिभावक र आजको समाज विषयक मनोपरामर्श कार्यक्रम र डिजिटल स्क्रिनको प्रभाव विषयक बहस समेत हुने छ ।
यसैगरी विद्यालय (८–१२) तहस्तरीय कविता प्रतियोगिताका लागि १४ जेठसम्म प्राप्त कविताहरुमध्येबाट १० उत्कृष्ट कविता छनोट गरि १० कविहरूको रचना वाचन गर्ने र उनीहरूबाट प्रथम, द्वितीय, तृतीय र सान्त्वना कवितालाई पुरस्कृत गर्ने कार्यक्रम रहेको छ ।
मानव बेचबिखन तथा ओसारपसार विरुद्ध अन्तरक्रिया
Tags: No Comments
मकवानपुर । मानव बेचबिखन तथा ओसारपसार विरुद्ध यातायत व्यवसायि तथा होटल व्यवसायीसँग अन्तरक्रिया कायक्रम हेटौडामा गरिएको छ ।
माइती नेपाल मकवानपुरको आयोजनामा सो कार्यक्रम गरिएको हो ।
कार्यक्रममा माइती नेपाल मकवानपुर कार्यक्रम संयोजक माया तामाङले मानव बेचबिखन तथा ओसारपसार नियन्त्रणको सवालमा विद्यमान अवस्था बारे प्रशिक्षण दिनु भएको थियो ।
समय र प्रविधिको परिवर्तन भए पनि बेचविखनको अवस्था अझै पनि डरलाग्दो भएको तामाङले बताउनु भयो । अहिले पनि यौन व्यवसाय, घरेलु कामदार, श्रम शोषण, उत्तेजक नाच, होटल रेष्टुरेन्ट, मसाज पार्लर सर्कश मानव अंग खरिद विक्रिको लागि बेच विखन हुने गरेकोले सबै सरोकारवालाहरु एक जुट भएर मात्रै नियमन संभव भएको उनले बताइन् ।
बेचविखनमा परेकाहरुलाई उद्धारको क्रममा अझै पनि धेरै हण्डर खेप्नु परेको उहाँले बताउनु भयो । कोठीमा पीडितलाई भेट्न उद्दारकर्मी पटक पटक जानु पर्ने हुँदा खर्च धेरै लाग्ने, उद्दारकर्मीको पहिचान भएमा उदारकर्मीको ज्यानको जोखिम हुने, उद्दार गर्न लागेको कुरा समन्वय सहकार्य गर्नेबाट चुहावट हुन सक्ने र उद्दार गर्न जाँदा पीडितलाई अन्यत्र सार्न सक्ने, घटना घटेको देशमा झन्झटिलो कानुनी प्रकृया हुने, संरक्षण गृहमा पीडितलाई मनोसामाजिक परामर्शको अभाव हुने जस्ता समस्याले उद्धारमै कठिन हुने गरेको उहाँको भनाइ थियो ।
कार्यक्रममा सामुदायिक सेवा प्रहरी प्रमुख प्रदीप कंडेल, हेटौडा १० वडा सदस्य गोमा सुनार विभिन्न सामाजिक संस्थाहरुको प्रमुख तथा प्रतिनिधिहरुको सहभागीता रहेको थियो । माइती नेपालले आफ्नो वार्षिक कार्यक्रम अन्तरगत यस्ता सचेतनामूलक तालिक तथा विभिन्न गतिविधिहरु गर्दै आएको छ ।
मकवानपुर । आगामी वर्षको लागि बागमती प्रदेश सरकारको नीति तथा कार्यक्रम प्रस्तुत गरिएको छ । आर्थिक वर्ष २०८२/०८३ को नीति तथा कार्यक्रम आज १४ जेठमा संसद्मा प्रस्तुत भएको हो । प्रदेश प्रमुख दीपकप्रसाद देवकोटाले बुधबार बसेको प्रदेशसभा बैठकमा सरकारका आगामी आर्थिक वर्षको नीति कार्यक्रम प्रस्तुत गरेका हुन् ।
प्रदेशका सबै क्षेत्रगत नीति कार्यक्रम कार्यान्वयनमा विपद् संवेदनशीलतालाई आत्मसात् गर्दै तहगत सरकारको समन्वयमा भौतिक संरचनाको पुनर्निर्माण र पुनःस्र्थापनालाई प्राथमिकता दिने जनाएको छ ।
प्रदेश गौरवका आयोजना, बहु वर्षीय आयोजना र क्रमागत आयोजनाहरू तोकिएको समयभित्रै सम्पन्न गर्ने, आयोजना छनौट पद्धतिलाई व्यवस्थित र पारदर्शी बनाउने तथा बजेट निर्माण र कार्यान्वयन प्रक्रियामा सुशासन कायम गर्न प्रदेश आयोजना बैङ्क व्यवस्थापन सूचना प्रणालीलाई तहगत आबद्धता कायम गरी सञ्चालन गर्ने सरकारको नीति कार्यक्रम रहेको छ ।
राष्ट्रिय प्राथमिकता प्राप्त परियोजना, प्रदेशको प्रशासनिक भवन तथा आवासको निर्माण कार्य सुरु गर्ने, प्रदेशको विद्यमान संरचना र जनशक्तिको पुनरावलोकन गरी अनावश्यक संरचना खारेज गर्ने, गाभ्ने र छरितो बनाउने, प्रदेश सरकारको प्रशासनिक तथा अनुगमन कार्यलाई विद्युतीय प्रणालीमा आधारित बनाउने, उच्च प्रतिफलयुक्त र आन्तरिक आयमा योगदान गर्ने आयोजनाको छनौट तथा प्रभावकारी कार्यान्वयन गरी उत्पादन अभिवृद्धि र रोजगारीको अवसर सिर्जना गर्ने, वित्तीय अनुशासन अभिवृद्धि गर्दै अनुत्पादक चालु खर्चमा कटौती गरी सार्वजनिक खर्चमा मितव्ययिता कायम गर्ने, प्रदेशको राजस्वको दायरा विस्तार गर्दै राजस्व चुहावट नियन्त्रण गर्न अन्तर प्रदेश समन्वय मार्फत करका दरहरूमा एकरूपता कायम गर्ने, प्रादेशिक सडक यातायात गुरुयोजना अद्यावधिक गरी प्राथमिकताका आधारमा प्रादेशिक लोकमार्ग, प्रादेशिक मार्गहरु विकास, विस्तार र स्तरोन्नति गर्ने, नयाँ सडकका ट्रयाक खोल्ने कार्यलाई निरुत्साहित गर्ने, सडक बोर्ड ऐनलाई समयानुकूल परिमार्जन गर्न नेपाल सरकारसँग पहल गर्ने, प्रदेशस्तरीय पूर्वाधार गुणस्तर प्रयोगशालाहरू निर्माण गर्ने सरकारको नीति कार्यक्रम उल्लेख छ ।
सरकारी भवनहरूको निर्माणमा एकद्वार प्रणाली लागू गर्ने, ‘एकीकृत बस्ती, समृद्ध सहरको नीति’ अन्तर्गत भौतिक पूर्वाधारका क्षेत्रमा सार्वजनिक तथा निजी लगानीलाई प्रवर्द्धन गर्दै एकीकृत बस्ती विकास गुरुयोजना तर्जुमा गरी प्रदेशभित्रका उदीयमान सहर स्थापना गर्ने कार्यक्रम अघि बढाउने सरकारको तयारी रहेको छ ।
राइड सेयरिङलाई कानून तर्जुमा गरी प्रभावकारी नियमन तथा राजस्वको दायरामा ल्याउने, निर्णय प्रक्रिया र अनुगमन तथा मूल्याङ्कन प्रणालीमा कृत्रिम बौद्धिकता (ए.आई.) र सूचना प्रविधिको प्रयोग बढाउने, विद्युतीय रूपान्तरण (डिजिटल ट्रान्सफर्मेशन) कार्य योजना तयार गरी प्रदेशलाई चाहिने विभिन्न प्रणालीहरूको चरणबद्ध पहिचान, विकास तथा आन्तरिकीकरण गरी प्रशासनिक सुधार एवम् गतिशीलता प्रदान गर्ने, भ्रष्टाचारविरुद्ध शून्य सहनशीलताको नीति लिई प्रादेशिक रणनीतिक कार्य योजना तयार गरी कार्यान्वयन गर्ने, नमुना वडा समाजवादी कार्यक्रम र स्थानीय तहमा नवप्रवर्तन प्रोत्साहन कार्यक्रमलाई निरन्तरता दिने सरकारको योजना रहेको छ ।
रातोपाटीबाट