मकवानपुर/ बागमती प्रदेशका मुख्यमन्त्री राजेन्द्र पाण्डेले आज सोमबार बिश्वासको मत लिने भएका छन् ।
आज दिउँसो ३ बजे बस्ने प्रदेश सभाको बैठकमा मुख्यमन्त्री पाण्डेले बिश्वासको मत लिने कार्यक्रम रहेको प्रदेश सभाले जनाएको छ । “बैठकमा मुख्यमन्त्रीले विश्वासको मत लिने कार्यसूची रहेको” प्रदेशसभा सचिवालयका प्रवक्ता विनोद अमात्यले भने । आज नभ्याए विश्वासको मतको प्रस्ताव पेश हुने र भोली मंगलबार विश्वासको मतको अरु प्रक्रिया अगाडि बढाइने बताइएको छ ।
मुख्यमन्त्री पाण्डेले विश्वासको मत लिएर मात्र मन्त्रिपरिषद् विस्तार गरिने योजना बनाएपछि यो पक्रिया पहिलो बघि बढाउन थालिएको हो । नेकपा (एकीकृत) समावजादी संसदीय दलका नेता पाण्डे कात्तिक ११ गते चार दलीय गठबन्धनको तर्फबाट मुख्यमन्त्री भएका हुन् ।
हालको अवस्थामा पाण्डे नेतृत्वको सरकारले सजिलै विश्वासको मत प्राप्त गर्ने विश्लेषण गरिएको छ । सभामुखसहित प्रदेशसभामा १ सय ९ सांसद रहेका छन् । सरकारले विश्वासको मतको लागि ५५ सांसद भए बहुमत पुग्छ । अहिले गठबन्धन दलहरुसँग ५९ सांसद रहेको छ ।
संविधानको धारा १६८ बमोजिम मुख्यमन्त्री पाण्डेले विश्वासको मत लिन लागेका हुन् । यसको उपधारा ४ मा दुई वा दुईभन्दा बढी दलको समर्थनमा बनेका मुख्यमन्त्रीले नियुक्त भएको ३० दिनभित्र विश्वासको मत लिनुपर्ने व्यवस्था गरिएको छ ।
पाण्डेले मुख्यमन्त्री सपथ लिएको १२ दिनमै कार्तिक २२ गते विश्वासको मत लिन लागेका हुन् । विश्वासको मत लिन मुख्यमन्त्री कार्यालयबाट प्रदेशसभामा पत्र पठाइ सकिएको छ । मुख्यमन्त्री कार्यालयबाट पत्र प्राप्त भएको प्रदेशसभा सचिवालयका प्रवक्ता विनोद अमात्यले जानकारी दिए । मुख्यमन्त्री पाण्डेको विश्वासको मतसम्बन्धी प्रस्ताव संसद् सचिवालयमा दर्ता भइसकेको प्रदेशसभा सचिवालयले पनि जनाएको छ । प्रदेशसभा सचिवालयका प्रवक्ता अमात्यले मुख्यमन्त्री कार्यालयबाट प्राप्त पत्रअनुसार २२ गते विश्वासको मत लिने व्यवस्थापनमा प्रदेशसभा लागेको बताए ।
गठबन्धनलाई चित्त बुझाउन जम्बो मन्त्री परिषद् बन्ने
विश्वासको मत लिने बित्तिकै बागमती प्रदेशमा मन्त्रालयको सख्या १२ वटा पु¥याउते तयारी गरिएको छ ।
सरकारको जानको लागि बनाइएको गठबन्धनका सबै दलहरुलाई चित्त बुझाउनको लागि बागमती प्रदेशमा जम्बो मन्त्री परिषद बन्ने भएको छ । यसको लागि मुख्यमन्त्री पाण्डेले प्रदेशमा मन्त्रालय फुटाएर भागबन्डा मिलाउने कसरत गरिरहेको बुझिएको छ ।
सत्ता गठबन्धन दलहरुलाई मिलाउन मन्त्रालय फुटाउन लागिएको हो । मुख्यमन्त्रीको शपथ ग्रहणलगत्तै गठबन्धनमा रहेका दलहरूलाई चित्त बुझाएर मन्त्रिपरिषद् विस्तार गर्ने बताएका थिए ।
माओवादी र कांग्रेसमा पनि मन्त्री बन्न सांसदहरूले लबिइङ थालिसकेका छन् । गठबन्धनमा रहेका माओवादी केन्द्रसँग २३, कांग्रेस २२, नेकपा (एस) १३ र जनता समाजवादीसँग १ मत रहेको छ । सरकारले पहिलो चरणमा ४ सदस्यीय मन्त्रिपरिषद् विस्तार गरिसकेको छ ।
पहिलो चरणमा उनले कांग्रेस संसदीय दलका उपनेता कृष्णलाल भँडेल, माओवादी संसदीय दलका उपनेता कुमारी मोक्तान र एकीकृत समाजवादी संसदीय दलका उपनेता कृष्णप्रसाद खनाललाई मन्त्रीमा नियुक्त गरेका थिए ।
मकवानपुर/ महिलाविरुद्ध हुने सबै प्रकारका भेदभाव उन्मूलन गर्ने महासन्धि (सिड) १९७९ को छैठौं आवधिक प्रतिवेदनको सिफारिसहरुको कार्यान्वयनको अवस्था विषयक प्रदेशस्तरीय फलोअप गोष्ठी हेटौंडामा भएको छ ।
युवा सेवा समाज (युसेस) मकवानपुरले संयोजन गरेको कार्यक्रम बियोण्ड बेईजिङ्ग कमिटी नेपालले आयोजना गरेको हो ।
उदघाटन कार्यक्रम जिल्ला समन्वय समिति मकवानपुरका प्रमुख रघुनाथ खुलालको प्रमुख आतिथ्य तथा युवा सेवा समाज(युसेस) मकवानपुरका अध्यक्ष बुद्धशरण लामाको अध्यक्षतामा भएको थियो ।
कार्यक्रममा महिलाविरुद्ध हुने सबै प्रकारका भेदभाव उन्मूलन गर्ने महासन्धि (सिड)को परिचय, बिशेषता, अविभेदको सिद्धान्त, समानताको सिद्धान्त, समानता सम्बन्धि दृष्टिकोण, सिड महत्त्वपूर्ण हुनुको मुख्य कारण, विभिन्न अधिकारहरु, उजुरी गर्ने कार्यविधि, राज्यको दायित्व, प्रतिवेदन सम्बन्धि संयन्त्र, सिड समितिमा प्रस्तुत गरिने प्रतिवेदनको स्वरुपहरु, छायाँ प्रतिवेदनको परिचय, आवधिक प्रतिवेदन, महिलाको यौन, प्रजनन स्वास्थ्य तथा अधिकार सम्बन्धि सिफारिसहरु, सरकारी प्रतिवेदनमा प्रस्तुत तथ्यांकहरु, स्वास्थ्य सम्बन्धि सुझावहरु प्रस्तुत गरिएको थियो ।
कार्यक्रममा सहभागीहरुको ५ समूह बनाई विद्यमान नीतिगत तथा कार्यक्रमिक व्यवस्था र अवस्था, उदयमान मुद्दाहरु, चुनौतिहरु, सिफारिसहरुको कार्यान्वयनको अवस्था र आगामी कार्यदिशाबारे छलफल गरि प्रस्तुतिकरण पनि गरिएको थियो । कार्यक्रममा बागमती प्रदेशका मकवानपुर, चितवन, काठमाडौं लगायत ९ जिल्लाका सरकारी/गैरसरकारी निकायका प्रतिनिधिको सहभागिता रहेको थियो ।
कार्यक्रम हेटौंडा उपमहानगरपालिका योजना, बजेट तथा तथ्यांक महाशाखा प्रमुख भीमप्रसाद तिमल्सिना, मदन भण्डारी स्वास्थ्य विज्ञान प्रतिष्ठानका रजिस्ट्रार राजेश शर्मा, बागमती प्रदेश सामाजिक विकास मन्त्रालय महिला तथा बालबालिका महाशाखा अधिकृत चन्द्रकुमारी व्यञ्जनकार, गैरसरकारी संस्था महासंघ बागमती प्रदेश उपाध्यक्ष आरती पाठकलगायतको आतिथ्य रहेको थियो ।
बियोण्ड बेईजिङ्ग कमिटी नेपालकी कार्यक्रम अधिकृत रेयुशा चालिसेले स्वागत तथा कार्यक्रमको उदेश्यमाथि प्रकाश पारेको कार्यक्रममा स्रोतव्यक्ति बेनुमायाँ गुरुङले प्रस्तुतिकरण गरेकी थिईन् ।

मकवानपुर /हेटौंडा उपमहानगरपालिका भित्रको १९ वटै वडाबाट ३८ जना किशोरीहरूले आफूले बाल विवाह नगर्ने र बाल विवाह हुन लागेमा रोक्ने सामूहिक प्रतिबद्धता व्यक्त गरेका छन् ।
सिविन बाल हेल्प लाईन मकवानपुरको अभिमुखिकरण कार्यक्रममा सहभागी भएपछि उनीहरूले यस्तो प्रतिबद्धता व्यक्त गरेका हुन् ।
“बालिका सशक्तीकरण गरौ” भन्ने नाराका साथ सिविन बाल हेल्प लाईन मकवानपुरले आयोजना गरेको नगर किशोरी भेलामा सहभागी भएपछि उनीहरूले यस्तो बताएका हुन् । कार्यक्रममा हेटौंडा उपमहानगर उपप्रमुख मिना कुमारीले सामाजिक नेतृत्वको सवालमा बालबालिकाहरू पनि अग्रसर हुनुपर्ने बताइन् । बालबालिका स्वयमले सामाजिक गतिविधि बारे चासो राख्ने हो भने बाल विकासमा पहुँच पुर्याउन सकिने उनले बताइन् ।
कार्यक्रममा हेटौंडा उपमहानगरपालिका महिला बालबालिका महाशाखा प्रमुख जगन्नाथ सापकोटाले बाल विकासको सवालमा नगरले गरेको कार्यक्रम बारे जानकारी गराएका थिए ।
हेटौंडा उपमहानगरपालिकाको सबै वडाबाट प्रतिनिधि मुलक रुपमा बालिकाहरूको सहभागीता रहेको कार्यक्रममा बाल अधिकार, बाल संरक्षण, बाल विवाह तथा अनलाइन दुर्व्यवहारको बारेको अभिमुकरण गरिएको कार्यक्रम अधिकृत संझना अधिकारीले बताइन् ।
नगर किशोरी सन्जाल अध्यक्ष रनिस्ला अर्यालको अध्यक्षतामा भएको कार्यक्रममा सिविन बाल हेल्प लाईनका प्रमुख झविन्द्र ज्ञवली, अधिकृत संझना अधिकारी र परियोजना अधिकृत दुतकुमार स्यङ्तानले सहजीकरण गरेका थिए । कार्यक्रममा सहभागी किशोरीहरूले २० बर्ष उमेर नपुगी आफूले विवाह नगर्ने र बाल विवाह हुन नदिन स्वयमसेवी रूपमा भूमिका निर्वाह गर्ने प्रतिबद्धता व्यक्त गरेका थिए । कार्यक्रममा नगरका ३८ जना किशोरीहरूको सहभागीता रहेको थियो ।
एलिसा खड्काकाे अध्यक्षतामा सन्जाल गठन
यसैबिच हेटाैडा उपमहानगरपािलका वडा न १८ की एलिसा खड्काकाे अध्यक्षतामा नगर किशोरी सन्जाल गठन गरिएकाे छ । २१ सदस्यीय सञ्जालकाे उपाध्यक्ष रनिस्ला अर्याल (हेटाैडा १७), सचिव पुष्पा तामाङ (हेटाैडा २), सह सचिव पुष्पा थापा (हेटाैडा १), काेषाध्यक्ष सुजिता न्याैपाने (हेटाैडा ७) चयन भएका छन् ।
मकवानपुर / कानुन बनाउदा दीर्घकालीन सोच र पुर्व तयारीका साथ कानुन बनाउनु पर्ने बागमती प्रदेश सामाजिक विकास मन्त्री कुमारी मोक्तानले बताएकी छिन् ।
महिला कानुन र विकास मन्चको आयोजनामा हेटौंडामा आयोजित मानव वेचबिखन पुनर्स्थापना कोष र ऐन निर्माण बारे प्रदेश स्तरीय परामर्श कार्यक्रममा उनले यस्तो बताएकी हुन् ।
कानुन बनाईसकेपछी संशोधन गर्न समय र आर्थिक खर्च गर्नु भन्दा गहिरो गरि अध्ययन गरेर कानुन बनाउन पर्ने उनले बताइन् । लैङ्गक हिंसा निवारण कोष,संरक्षण नीति निर्माण र व्यवस्थापन गर्नेबारे परामर्श बैठक गरिएको थियो ।
कार्यक्रममा बागमती प्रदेश निवर्तमान सामाजिक विकास राज्यमन्त्री जुनेली श्रेष्ठले राष्ट्रिय नीतिलाई टेकेर बन्ने नीति आफ्नो परिवेशमा आधारीत बनाउन पर्ने बताइन् । मानव बेचबिखन बिरूद्वको अभियानलाई सरकारले आफ्नो कर्तव्यको रूपमा ग्रहण गर्नुपर्ने श्रेष्ठले बताइन् । नीति बनाउँदा सम्बन्धित क्षेत्रमा काम गरिरहेका बिज्ञहरूलाई समितीमा राख्नुपर्ने श्रेष्ठले बताइन् ।
यसैगरी सभा सदस्य प्रेमबहादुर पुलामीले सबैले आवश्यकता महसुस गरेपछि त्यही अनुसारको लगाबले राम्रो कानुन बन्ने बताए ।
सामाजिक विकास मन्त्रालय बागमती प्रदेश यो नीतिको लागि तयारीमा रहेको बताईएको छ । यसको लागि १० वटा समितिले काम गरिरहेको मन्त्रालयले जनाएको छ । प्रदेशको कानून नभएको कारण कार्यक्रम प्रभावकारी नभको कारण मन्त्रालयको पनि ध्यानाकर्षण भएको जनाएको छ ।
सम्बन्धित क्षेत्रमा कार्यरत ब्यक्तिहरूको सुझावलाई समेटेर नीति बनाउन लागिएको उनले बताए । संरक्षणको नीति बनाउन यहि क्षेत्रमा काम गरेका, संघर्ष गरेका योगदान महत्त्वपूर्ण हुने उनले बताए । कार्यक्रममा हेटौंडा उपमहानगरपालिका उपप्रमुख मिनाकुमारी लामाले स्थानीय तहमा यस्तो नीति तथा ऐन आवश्यक भएको बताइन् ।
यसैगरी पीडितलाई न्याय दिलाउने बेलामा मुद्दा होल्टाइल हुने, कानुन रूपमा क्षतिपूर्ति दिलाउन नसक्ने गरेको माइती नेपाल मकवानपुर प्रमुख माया लामाले बताइन् । बेचबिखन प्रभावितले आफ्नो ठेगाना नै भन्न नसकेको कारण उद्वारमा समस्या भएको लामाले बताईन । यस्तै केन्द्र सरकारसंगको समन्वय गरेर प्रदेश र स्थानीय तहले धेरै काम गर्न सक्ने अधिवक्ता मनप्रसाद भट्टराईले बताए ।

पीडितलाई संरक्षण गर्दै अपराधमा संलग्नलाई कारवाही गर्न, उद्वार गर्न स्थानीय तथा प्रदेश सरकारले बिशेष योजना र प्रभावकारी नीति बनाउनु पर्नेमा सहभागीले जोड दिएका थिए । कार्यक्रममा बागमती प्रदेश कानुन तथा बिधेयक महाशाखाका प्रवक्ता बिनोद अमात्य, मन्त्रालय महिला विकास महाशाखा प्रमुख चन्द्रकुमारी व्यन्जनकार, अभियन्ता प्रकाश खतिवडालगायतले पनि सुझाव दिएका थिए । कार्यक्रममा मन्चका अधिवक्ता सबिन श्रेष्ठले विभिन्न प्रदेशमा हालसम्म बनेका नीति तथा ऐन बारे कार्यपत्र प्रस्तुत गरेको अधिवक्ता ललिता श्रेष्ठले बताइन् ।
मकवानपुर / मकवानपुरमा रहेको जेठो अस्पताल हेटौंडा अस्पतालमा पहिलो पटक दूरबिन प्रविधिबाट अप्रेसन गरिएको छ ।
उपचार राम्रो नभएको गुनासो खेप्दै आएको अस्पतालमा पछिल्लो ३ बर्षयता विभिन्न बिधागत सफलता हासिल हुन थालेको छ ।
आज पहिलो पटक दुरबिन प्रबिधिबाट नाक, कान, घाँटी ( ENT) को अप्रेसन गरिएको छ । अस्पतालमा कार्यरत ENT सर्जन डा. अनुप सञ्जेल र अनुपम राज उपाध्यायको टिमले सफलतापूर्वक अरप्रेशन गरेको अस्पताल बिकास समितिले जनाएको छ ।
मकवानपुर जिल्ला राक्सिराङ गाउँपालिकाका १३ वर्षीय बालक शिव स्याटघानीको नाकको सफल अप्रेशन भएको हो । प्रदेश सरकारले नेतृत्व गर्न थालेपछि हेटौंडा अस्पतालले स्वास्थ क्षेत्रमा फड्को मार्दै आएको छ ।