मकवानपुर/लागु औषध गाँजा तथा अफिम नष्ट गर्ने अभियान अन्तरगत प्रहरीले बुधबार मकवानपुरको विभिन्न क्षत्रमा लगाइएको अफिम नष्ट गरेको छ ।
प्रहरीले ३० फागुनदेखि २ चैत्रसम्म गाँजा खेती नष्ट गर्ने अभियान थालेको थियो । प्रहरी प्रधान कार्यालय लागुऔषध नियन्त्रण ब्युरो कोटेश्वर काठमाण्डौ, बागमती प्रदेश प्रहरी गण रातोमाटे र जिल्ला प्रहरी कार्यालय मकवानपुर, मातहत कार्यालयबाट संयुक्त रुपमा प्रहरी निरीक्षक सुरेन्द्र श्रेष्ठको कमाण्डमा खटिएको ६३ जनाको प्रहरी टोलिले जिल्ला मकवानपुरको राक्सिराङ गाउँपालिकाको वडा न ४, ५, ७, ८, ९ नष्ट गरेकाे छ ।
यसैगरी मकवानपुरकै कैलाश गाउँपालिकाको वडा नं. ४, ७, ८ लगायतको वडा क्षत्रमा ९० बिगाह क्षेत्रफलमा लगाईएको अवैध लागुऔषध अफिम खेती फडानी गरी नष्ट गरेको जिल्ला प्रहरी कार्यालय मकवानपुरका निमिक्त प्रहरी प्रवक्ता प्रहरी निरीक्षक राजकुमार सापकोटाले बताए ।
मकवानपुर/बागमती प्रदेश सरकारका आन्तरिक मामिला तथा कानुन मन्त्री कृष्णप्रसाद शर्मा खनालले जनताको ज्यू धनको सुरक्षार्थ तीनै तहको सरकार जिम्मेवार रहेको बताएका छन् । उनले सरकार तथा प्रहरीलाई आफ्नो जिम्मेवारी पुरा गर्न आम जनताको साथ अनिवार्य भएको बताएका छन् ।
नेपालको संविधानले नै बाँच्न पाउने अधिकारको सुनिश्चितता गरेको स्मरण गर्दै मन्त्री खनालले स्थानीय, प्रदेश तथा संघीय सरकारको सहकार्यमा सबै तहमा शान्ति सुरक्षा तथा अमनचयनको वातावरण व्यवस्थित हुनुपर्ने बताए ।
मकवानपुरको बकैया गाउँपालिका–१२ ठिंगनको नव निर्मित ईलाका प्रहरी कार्यालय भवनको उद्घाटन गर्दै उनले यस्तो बताएका हुन् ।
भवन उद्घाटन गर्दै मन्त्री खनालले प्रहरीलाई शान्ति सुरक्षा कायम गर्न सजिलो पार्ने जिम्मेवारी आमनागरिकको भएको बताए । भवन निर्माणसँगै प्रहरीको लागि अत्यवश्यक भौतिक आवश्यकता टरेको र यसले प्रहरीको मनोबल उच्च भएको उनले बताए । ‘यसले शान्तिसुरक्षामा थप बल पुगेको छ’ उनले भने ।
बागमती प्रदेश सरकारको विनियोजित बजेटबाट आर्थिक वर्ष ०७५/०७६ मा बागमती प्रदेशमा पहिलो चरणको ४६ वटा प्रहरी इकाईहरुको निर्माणकार्यको थालनी भएको थियो । जसमध्ये मकवानपुरको यो कार्यालय ३९ औं हो । प्रहरी प्रधान कार्यालय भौतिक पुर्वाधार निर्देशनालयबाट २ करोड ८१ लाख ३३ हजार ८ सय २३ रुपौयाँको लागतमा भुकम्प प्रतिरोधात्मक भवन निर्माण भएको प्रदेश प्रहरी कार्यालयले जनाएको छ । हाल सम्म ३९ वटा निर्माण सम्पन्न भई ३७ वटा उद्घाटन भएको एक वटा प्रहरी इकाई उद्घाटन गर्न बाकीँ रहेको बताइएको छ । साथै एउटा भवन चैत्र मसान्तमा र बाकी ५ वटा बैशाख मसान्तमा निर्माण सम्पन्न गर्ने लक्ष्य लिइएको समेत जनाएको छ ।
ईलाका प्रहरी कार्यालय ठिंगन मकवानपुरको कार्यालय र ब्यारेक भवन आफ्नै २ रोपनी जग्गामामा निर्माण गरिएको छ । नवनिर्मित कार्यालय तथा ब्यारेक भवनको भुई तल्लामा कार्यालय प्रयोजनको निमित्त ५ वटा कोठाहरू र शौचालय सुविधा सहितको २ वटा महिला तथा पुरुष हिरासत कक्षहरू रहेका छन् । कार्यक्रममा बकैया गाउँपालिकाका अध्यक्ष दामोदर खनाल, बागमती प्रदेश सरकारका सचिव रुद्रसिंह तामाङ, मकवा नपुर जिल्लाका प्रमुख जिल्ला अधिकारी भरतमणी पाण्डे, बागमती प्रदेश प्रहरी प्रमुख प्रहरी नायव महानिरीक्षक प्रकाशजंग कार्की, प्रहरी उपरिक्षक सुरेन्द्र बहादुर गुरुङ, सशस्त्र प्रहरीका एसपी रणबहादुर कार्कीलगायतको उपस्थिती रहेको थियो ।
मकवानपुर । प्रेस युनियन मकवानपुरले नेपाली कांग्रेसको स्थानीय निर्वाचन जागरण घोषणा सभा कार्यक्रमको पूर्वसन्ध्यामा शनिबार पत्रकार सम्मेलन गरेकाे छ । पार्टीकाे ‘घरघर जाउ, कांग्रेस जिताउ’ अभियानका बारेमा जानकारी दिन पत्रकार सम्मेलन गरिएकाे नेपाली कांग्रेस मकवानपुर सभापति बुद्ध लामाले बताए ।
नेपाली काग्रेसले फागुन २९ गते आइतबार देशका ७७ वटै जिल्लामा स्थानीय निर्वाचन जागरण घोषणा सभा आयाेजना गर्ने भएकाे छ । मकवानपुर जिल्लामा समेत आईतबार विहान ११ बजे स्थानीय निर्वाचन जागरण घोषणा सभा आयाेजना गरिने पत्रकार सम्मेलनमा लामाले जानकारी दिए ।
पत्रकार सम्मेलनमा सभापति लामाले स्थानीय निर्वाचन जागरण घोषणा सभा तथा घरघर जाउँ, कांग्रेस जिताउँ अभियानका बारेमा जानकारी गराएकाे थिए । कार्यक्रममा अध्यक्ष लामाले स्थानीय तहकाे आसन्न निर्वाचनकाे लागि मकवानपुरकाे सवै स्थानीय तहका १ सय २ वटै वडामा घरदैलाे मार्फत अभियान संचालन गरिने जानकारी दिए ।
गत चुनावमा कांग्रेसले जितेका स्थानीय तहमा भएका काम तथा हुन नसकेका हालसम्म काम सम्बन्धमा स्थानीयसँग जानकारी दिने तथा अन्य पार्टीले जितेका स्थानीय तहमा उनीहरुले गरेका काम, जनतालाई आश्वासन मात्र बाढिएकाे दुख पाएका लगायतका विषयमा ‘घरघर जाउँ, कांग्रेस जिताउँ’ अभियान संचालन हुने लामाले बताए ।
‘यस अघीकाे चुनावमा पार्टीले प्रायः स्थानीय तहमा थाेरै मतकाे कारण पराजय भाेग्नु परेकाेले छ’ लामाले भने– बैशाख ३० गते हुने स्थानीय तहकाे चुनावमा कांग्रेसलाई जीताउने गरी अभियान वडा वडा लैजाने छाै ।’ मतदाता शिक्षाकाे कमीकाे कारण धेरै मत बदर भएकाे तथा आफ्नाे पार्टीका उम्मेदवार झिनाे मतान्तरकाे कारण पराजय हुनु परेकाेले मतदाता शिक्षा समेतसँगै लैजाने सभापति लामाले बताए ।
अभियानले चुनावमा उम्मेदवार हुने व्यक्तिहरुकाे समेत जनताका वीच लाेकप्रीयताकाे मत सर्वेक्षण गरिने र साेही अनुसार उम्मेदवारकाे लागि नामावली तयार पारिने लामाले बताए । जनता माझ लाेकप्रीय नेतालाई अवकाे स्थानीय तह चुनावमा उम्मेदवारी बनाउने उनले जानकारी दिए । ‘अहिले व्यक्तिगत उम्मेदवारी घाेषणा गर्ने प्रवृत्ति देखिएकाे छ’ उनले भने–‘पार्टी विधि विधान अनुसार चल्ने भएकाेले पार्टीको नीति अनुसार नेता चल्नुपर्छ । आफूलाई केन्द्रविन्दुमा राखेर घोषणा गर्नुहुँदैन ।’ केन्द्रीय नीतिकाे आधारमा अघी बढ्छाै’ उनले भने । व्यक्तिले व्यक्तिगत स्वतन्त्रताकाे उपगाेग गरी उम्मेदवारी घाेषणा गरिरहेकाे भए पनि त्याे पार्टीकाे आधिकारिता नहुने उनले बताए ।
प्रेस युनियन मकवानपुर अध्यक्ष कुमार अधिकारीकाे सभाध्यक्षतामा भएकाे कार्यक्रममा काग्रेसका नव निर्वाचित सभापति लामाकाे प्रमुख आथित्यता रहेका थियाे । कार्यक्रममा कांग्रेस मकवानपुरका नव निर्वाचित पदाधिकारीहरुकाे उपस्थिती रहेकाे थियाे ।
विजुलीमाया वनः श्रेष्ठ अन्तर्राष्ट्रिय संगीत पुरस्कारबाट संगीतकार दीपक जङ्गम सम्मानित
Tags: No Comments
मकवानपुर । संगीतकार तथा प्राध्यापक दीपक जङ्गम १ लाख नगद सहित हेटाैंडामा सम्मानित भएका छन् । शनिबार भीम विराग सङ्गीत साहित्य कला प्रतिष्ठान नेपाल मकवानपुरले विजुलीमाया वनः श्रेष्ठ अन्तर्राष्ट्रिय संगीत पुरस्कारबाट जङ्गमलाई सम्मानित गरेकाे हाे ।
भीम विरागको १० औं स्मृती दिवसमा शनिबार हेटौंडामा प्रतिष्ठानले आयाेजना गरेकाे सम्मान तथा सांगीतिक कार्यक्रमका बीच प्रमुख अतिथि साहित्यकार तथा प्राध्यापक एलवी क्षत्रीले उक्त पुरस्कार जंगमलाई प्रदान गरेका हुन् । २०६४ सालमा स्थापना भई प्रतिष्ठानको व्यवस्थापनमा उक्त सम्मान हरेक वर्ष प्रदान गर्दै आइरहेको छ ।
विजुलीमाया वनः श्रेष्ठ अन्तर्राष्ट्रिय संगीत पुरस्कारकाे १३ ओं सस्करणबाट यस बर्ष जंगमलाई सम्मानित गरिएकाे हाे । २०६४ सालमा वरिष्ठ संगीतकार अम्बर गुरुङलाई पुरस्कार प्रदान गरि सुरु गरिएको पुरस्कार गतवर्ष नेपाली भाषी भारत दार्जिलिङकी गायिका दाबा ग्याल्मोलाई प्रदान गरिएको थियो । फागुन १५ गते आईतबार भीम विराग सङ्गीत साहित्य कला प्रतिष्ठान मकवानपुरले जंगमलाई उक्त सम्मानबाट सम्मानित गर्ने निर्णय गरेकाे थियाे ।
२०१० सालमा भक्तपुरमा जन्मिनु भएका संगीतकार जङ्गमले हालसम्म चार हजार भन्दा बढी गीतमा संगीत भरेका छन् भने दुई सय भन्दा बढी गीतमा आफ्ना स्वर दिएका छन् । हेटौंडाका व्यवसायी/समाजसेवी कन्हैयाकृष्ण श्रेष्ठले आफ्नी आमाको नाममा १ लाख राशीकाे विजुलीमाया वनः श्रेष्ठ अन्तर्राष्ट्रिय संगीत पुरस्कार स्थापना गरेका हुन् ।

यसैगरी यस वर्षकाे भीम विराग युवा सगीत पुरस्कारबाट युवा गायक शिव परियार सम्मानित भएका छन् । २५ हजार राशीकाे उक्त सम्मानबाट परियारलाई प्रमुख अतिथि क्षेत्री सम्मानित गरेकाे हुन् । हेटाैडाका समाजसेवी निरा गाेर्खालीकाे व्यव्थापनमा उक्त पुरस्कार प्रदान गरिएकाे भीम विराग सङ्गीत साहित्य कला प्रतिष्ठान नेपाल मकवानपुर अध्यक्ष ह्याग्रिव आचार्यले बताए । गत वर्ष उक्त पुरस्कार पाेखराकाे महिलाहरुले मात्र संचालन गरेकाे हार्माेनिक सांगीतिक समूहलाई प्रदान गरिएकाे प्रतिष्ठानले जनाएकाे छ ।
उक्त पुरस्कार सँगसँगै अन्य १० वटा पुरस्कार पनि प्रतिष्ठानको व्यवस्थापनमा प्रदान गरिदै आएकाे प्रतिष्ठानका अध्यक्ष आचार्यले जानकारी दिए । वर्षमा २ पटक कार्यक्रम आयाेजना गरी प्रतिष्ठानले व्यवस्थापन गरेकाे पुरस्कार प्रदान गर्दै आएकाे बताइएकाे छ । २०५९ असारमा तरगं सांगीतिक परिषद् मकवानपुरले भीम विरागकाे नाममा सांगीतिक साझँ कार्यक्रम आयाेजना गरेकाे थियाे । उक्त कार्यक्रमबाट संकलन भएकाे रकमकाे सदुपयाेग गर्नकाे लागि भीम विरागकै अनुराेधमा २०५९ भदाैमा प्रतिष्ठान स्थापना गरिएकाे अध्यक्ष आचार्यले बताए ।
पुरस्कार सम्मान कार्यक्रम पश्चात पुरस्कृत व्यक्तीद्वय जंगम र परियारले आआफ्नो सांगीतिक प्रस्तुती दिएका थिए । प्रतिष्ठानका अध्यक्ष आचार्यको अध्यक्षता तथा वरिष्ठ साहित्यकार तथा प्राध्यापक क्षेत्रीको प्रमुख अतिथ्यतामा भएकाे सम्मान तथा सांगीतिक कार्यक्रममा भीम विराग तथा प्रतिष्ठानका बारेमा गायिका सुशीला मानन्धर पाण्डे परिचय गराएकी थिइन् ।
कार्यक्रममा प्रतिष्ठानका सल्लाहकार तथा वरिष्ठ साहित्यकार तुल्सी थापा, मुक्तिगोविन्द वैद्य, गायिका मानन्धर, कोषाध्यक्ष निरा शर्मा, पुरस्कार संस्थापक कन्हैयाकृष्ण श्रेष्ठ तथा निरा गाेर्खाली लगायत विभिन्न कला, साहित्य, संगीतक्षेत्रका व्यक्ति तथा साहित्य र संगीत प्रेमीहरुकाे उपस्थिति रहेको थियो ।
पाेखरा । नेकपा एमालेनिकट पत्रकारको संस्था प्रेसचौतारी नेपालको नवौं महाधिवेशन पोखरामा जारी छ ।
महाधिवेशनको आज शुक्रबार पार्टी अध्यक्ष केपी शर्मा ओलीले उद्घाटन गरेका थिए । दिनभर अधिवेशन उद्घाटन कार्यक्रम चलेपछि साझबाट बन्दसत्र सुरू भएको छ । बन्दसत्रमा चौतारीका महासचिव राजेश राई र कोषाध्यक्ष ईन्द्र आचार्यले प्रतिवेदन पेश गरेका छन् । समाचार तयार पार्दासम्म प्रतिवेदनमाथी टिप्पणी चलिरहेको छ । आज बन्दसत्रमा प्रतिवेदन पास गरेपछि भोलि शनिबार निर्वाचन प्रक्रियामा जाने कार्यतालिका रहेको छ ।
नयाँ नेतृत्वको लागि आकाक्षी धेरै
चौतारीको नयाँ नेतृत्वमा आउनको लागि महाधिवेशनमा ७ जना अध्यक्षमा दावी गर्ने आकांक्षी देखिएका छन् । यद्यपी सहमतिकै आधारमा कमिटी बनाउने तयारीमा पार्टी तथा संगठनका नेताहरू लागि परेका छन् ।
चौतारीको नेतृत्व हात पार्न अध्यक्षका आकांक्षीहरूले दौडधुप गरिरहेका छन् । हालका अध्यक्ष गणेश बस्नेत, वरिष्ठ उपाध्यक्ष माधव नेपाल, उपाध्यक्ष गणेश पाण्डे, टीका विष्ट, महासचिव राजेश राई, पूर्व अध्यक्ष प्रमोद दाहाल, चौतारी नेता दीपक पाण्डे अध्यक्षका लागि आकांक्षी देखिएका छन् ।
चाैतारीमा अध्यक्षसहित ४ उपाध्यक्ष, महासचिव १, उपमहासचिव ३ र सचिव ७ जना रहने प्रस्ताव गरिएको । केन्द्रीय समिति १ सय ५१ सदस्यीय रहने प्रस्ताव छ । केन्द्रीय कमिटीको संख्या अझै घटाउनेबारे पनि छलफल चलिरहेको छ ।