चितवन । भरतपुर महानगरपालिकामा भएकाे मतगणनाकाे विषयमा विवाद हुँदा स्थगित गरिएकाे मतगणना सुरु भएकाे छ । मतगणनामा मत सदर कि बदर भन्ने विषयमा विवाद हुँदा मतगणना स्थगित गरिएकाे थियाे । भरतपुर वडा नं २ को १ हजार ९ सय मतगणना सकिएर थप मत गन्दै गर्दा मतगणना रोकिएको हाे ।
मतपत्रकाे चुनाव चिन्हमा लागेकाे आंशिक स्वस्तिक छापलाई मान्यता नदिने सहमति भएपछि भरतपुर महानगरपालिकाको मतगणना पुनः सुरु भएको हाे । मतगणना स्थगित हुने वित्तिकै बसेको सर्वदलीय बैठकमा अब देखि कुनै पनि उमेदवारको चुनाव चिह्नमा परेको आंशिक छापलाई बदर गर्ने सहमति भएको छ।
मतगणनाको क्रममा एउटा मतपत्रमा स्वस्तिक छापको विषयमा विवाद उत्पन्न भएपछि मतगणना स्थगित भएको थियो । स्थगित भएको २५ मिनेटपछि मतगणना पुनः सुरु भएको हाे । भरतपुर–२ को ८ स्थानमा मत गणना भइरहेको बेला विवाद भएकाे थियाे । मतपत्रमा छाप प्रस्ट नभएको भन्दै उम्मेदवारका प्रतिनिधिबीच विवाद भएपछि मतगणना रोकिएको थियो ।
मतगणना अवरुद्ध हुनुअघि सम्म ५ हजार १ सय ७७ मतगणना सकिएको थियो । जसमा मेयरकी उम्मेदवार रेनु दाहालले १ हजार ८ सय ६६ मत पाएर अग्रता कायम राखेकी छन् । यस्तै विजय सुवेदीले १ हजार ८ सय १४ मत पाउँदा स्वतन्त्र उम्मेदवार जगन्नाथ पौडेलले ६ सय १९ मत पाएका छन् ।
चितवन। भरतपुर महानगरपालिकामा भएकाे मतगणनामा मत सदर कि बदर भन्ने विषयमा विवाद हुँदा मतगणना स्थगित गरिएकाे छ । भरतपुर वडा नं २ को १ हजार ९ सय मतगणना सकिएर थप मत गन्दै गर्दा मत सदर कि बदर भन्ने विषयमा मतगणना रोकिएको हाे ।
नेकपा एमाले पक्षले सदर गर्न माग गर्दै विरोध जनाएपछि मतगणना रोकिएको हो। मत बदर वा सदर गर्ने विषयमा गणना अधिकृतले पक्पात गरेको नेकपा एमालेको आरोप छ।
मकवानपुर । मकवानपुरको बकैया गाउँपालिका वडा नम्बर ११ मा नेपाली कांग्रेस विजयी भएकाे छ । बकैया ११ का वडा अध्यक्षका उम्मेदवार कांग्रेसका गाेपाल बहादुर नेसुर विजयी भएका हुन्।
कांग्रेसका उम्मेदवार नेसुरले ७ सय ६० मत प्राप्त गरी विजयी हुँदा उनका निकटतम प्रतिस्पर्धी एमालेका राम बहादुर घलानले ३ सय २३ मत प्राप्त गरेका छन्। साथै उक्त वडामा सदस्य पदमा कांग्रेसका सबै उम्मेदवार निर्वाचित भएका छन् । यो सँगै कांग्रेसले बकैयामा विजयी सुरुवात गरेको छ। नेसुरको यो दोस्रो कार्यकाल हो ।
चितवन । चितवनकाे माडी नगरपालिका वडा नम्बर १ मा राष्ट्रिय प्रजातन्त्र पार्टी (राप्रपा) का अमित कुमार लामाले वडा अध्यक्ष पदमा विजयी सुरुवात गरेका छन् । चितवनमा २०७४ सालको स्थानीय तह निर्वाचनमा राप्रपाले एक जना मात्रै जनप्रतिनिधि अमितलाई पाएकाे थियाे । उनी उतीवेला माडी नगरपालिकाको वडा नम्बर १ मा सदस्यमा गाई चुनाव चिन्ह लिएर वडा सदस्य जितेका थिए।
जिल्लामै राप्रपाको प्रतिनिधित्व गर्ने उनी एक्ला राप्रपा हुन्। तर स्थानीय तह निर्वाचन-२०७९ सम्म आइपुग्दा उनै अमितकुमार लामाले सोही वडामा वडा अध्यक्ष जितेका छन्।
यसअघि वडा नम्बर १ मा नेपाली कांग्रेसबाट वडा अध्यक्ष थिए। तर यसपटक नेपाली कांग्रेसले वडा अध्यक्ष गुमाएको छ। वडा अध्यक्षमा निर्वाचित भएका लामाले २०७४ को निर्वाचनमा ६ सय ७० मत ल्याएर वडा सदस्य जितेका थिए। यसपटक वडाअध्यक्षमा भने उनले १ हजार ४ सय ३३ मतसहित जित हासिल गरेका हुन्। उनका निकटतम प्रतिद्वन्द्वी नेपाली कांग्रेसका जीवन चौधरीले ९ सय ४३ मत पाए भने नेकपा एमालेका टिकाराम सुवेदीले जम्मा १ सय २६ मत मात्रै प्राप्त गरे।
२०७४ को निर्वाचनमा वडा अध्यक्ष, महिला सदस्य र एक जना सदस्य पदन नेपाली कांग्रेसले जितेको थियो। दलित महिला सदस्य भने नेकपा माओवादीले जितेको थियो। तर, यसपटक १ जना सदस्यबाहेक सबै राप्रपाले जितेको छ। १ जना सदस्यमा भने नेपाली कांग्रेसले पद जोगाएको छ। माडीमा निकै कमजोर देखिएको नेपाली कांग्रेसले यसअघि पाएको वडा पनि गुमाएको छ ।
चितवनकाे स्थानीय तहकाे मतगणना जारी रहँदा अन्य वडाहरुकाे नतिजा कस्ताे आउने हाे त्याे भने हेर्न बाँकी छ ।
मकवानपुर । मकवानपुरको राक्सिराङ गाउँपालिका वडा १ मा अध्यक्ष सहित एमालेको प्यानल निर्वाचित भएको छ । वडा नंबर १ मा नेकपा एमालेका वडा अध्यक्षका उम्मेदवार बाबीराम मुक्तानको प्यानल नै विजयी भएको छ ।
१ नम्बर वडा अध्यक्ष पदमा मुक्तानले ४६३ ल्याउदै विजय हासिल गरेको छ । निकटतम प्रतिस्पर्धी नेपाली काङ्ग्रेस सिंग राम बुलुनले ३७७ मत प्राप्त गरेका छन् । यसैगरी माओवादीलाई ३२१ मत प्राप्त भएको थियो । ३२ मत बदर भएको बताइएको छ ।
यसैगरि,सदस्यहरुमा एमालेका पुर्ण बहादुर मोक्तान,भीम बहादुर मुक्तान,महिला सदस्यमा आस माया थिङ,दलित महिला सदस्यमा सुमीत्रा विश्वकर्मामा विजयी भएका छन् ।
यस्तै राक्सिराङ -१ बाट गाउँपालिका अध्यक्षमा भने कांग्रेसलाई बढीमत प्राप्त भएको छ । गाउँपालिका अध्यक्षमा एमालेलाई ४७५ नेपाली काङ्ग्रेसलाई ५९८ जसपालाई ७ एकीकृत समाजवदीलाई ७ मत प्राप्त भएको थियो । गाउँपालिका अध्यक्षमा ७५ मत बदर भएको थियो ।
यसैगरी गाउँपालिका उपाध्यक्ष पदमा एमालेलाई ४८५, माओवादीलाई ४७८ एकीकृत समाजवादीलाई ३ मत प्राप्त भएको थियो भने १५३ मत बदर भएको थियो ।