मकवानपुर । मकवानपुरमा सोमबार दिउँसोसम्ममा ३ वटा गाँउपालिका र ४८ वडाको मतगणना सकिएको छ । नतिजा अनुसार पालिकामा एमाले अघि छ भने वडामा कांग्रेस अगाडि छ ।
दिउँसो ३ बजे मतगणना भएका ४८ वडामा सबैभन्दा बढि वडामा नेपाली कांग्रेसले जित हासिल गरेको छ । कांग्रेसले २५ वडा अध्यक्ष जितेको छ भने माओवादी केन्द्रले ११ र एमालेले १२ वडा अध्यक्ष जितेको छ । मकवानपुरमा १०२ वडा छन् ।
पालिकाको नेतृत्वमा भने एमाले अघि देखिएको छ । हालसम्म नतिजा सार्वजनिक भएको ३ पालिका मध्ये एमालेले २ वटा गाउँपालिकामा अध्यक्ष र एक गाउँपालिका उपाध्यक्ष जितेको छ । काँग्रेसले एक गांउपालिकामा अध्यक्ष र एक गाँउपालिका उपाध्यक्ष जितेको छ । माओवादीले एक गाउँपालिका उपाध्यक्ष जितेको छ ।
एमालेले भिमफेदी गाउँपालिका अध्यक्ष तथा इन्द्र सरोवरमा अध्यक्ष र उपाध्यक्ष जितेको छ । इन्द्र सरोवरमा एमालेको उम्मेदवार अध्यक्षमा कृष्णदेव पुडासैनी र उपाध्यक्षमा उमा कुमारी लामा बिजयी भएका छन् भने भिमफेदीमा एमालेका हिदम लामा बिजयी भएका छन् ।
यस्तै कांग्रेसले कैलाश गाउँपालिका अध्यक्ष र भिमफेदी गाउँपालिका उपाध्यक्ष जितेको छ । कैलाश गाउँपालिकामा नेपाली काङ्ग्रेसका उम्मेद्बार लोक बहादुर मोक्तान अध्यक्ष र भिमफेदीमा कांग्रेसका उम्मेद्वार संजिव श्रेष्ठ विजयी भएका छन् । माओवादीले कैलाश गाउँपालिका उपाध्यक्ष जितेको छ । यहाँ माओवादी केन्द्रका उम्मेदवार बालकुमार मल्ल बिजयी भएका हुन् ।
वडाहरूमा भएको नतिजा विवरण यस्तो छ :
नेपाली काँग्रेस विजयी भएको वडाहरुः
1) इन्द्रसरोबर–१ मा सुवास थापा
2) इन्द्रसरोबर–२ मा सुमन श्रेष्ठ
3) मकवानपुरगढी–१ मा आइत सिंह लो
4) मकवानपुरगढी–८ मा कुमार घिसिंङ
5) भीमफेदी–१ मा सोम बहादुर स्याङ्तान
6) कैलाश–१ मा तेज बहादुर ब्लोन
7) कैलाश–२ मा राजेन्द्र तामाङ घिसिङ
8) मनहरी–१ मा शिव प्रसाद खनाल
9) राक्सिराङ–२ मा बुद्धराम मुक्तान
10) बकैया-११ मा गोपाल बहादुर नेसुर
11) कैलाश-९ मा भुवनसिं घलान
12) भीमफेदी-६ मा सोमबहादुर घलान
13) बकैया-१२ मा ज्ञानेन्द्र बजगाई
14) हेटौंडा-१ मा सविन न्यौपाने
15) मनहरी-३ मा अनन्त अर्याल
16) भीमफेदी-७ मा मित्रबन्धु सिन्जाली
17) बकैया-१० मा कमला वाइवा
18) मकवानपुरगढी-७ मा सूर्यबहादुर रूम्बा
19) मकवानपुरगढी-२ मा बखानसिं पाख्रिन
20) थाहा-६ मा राजेन्द्रभक्त श्रेष्ठ
21) हेटौंडा-२ मा विष्णुगोपाल महर्जन
22) राक्सिराङ-२ मा बुद्धराम मोक्तान
23) कैलाश-७ मा उदास भोलन
24) कैलाश-८ आशिष प्रजा
25) ईन्द्रसरोवर-५ दुधराज तितुङ
नेकपा एमाले विजयी भएको वडाहरुः
1) राक्सिराङ–१ मा बाबीराम मुक्तान
2) कैलाश–१० मा सूर्य बहादुर ब्लोन
3) भीमफेदी–२ मा काशी राम बज्यु
4) भीमफेदी–४ मा सागर पाण्डे
5) इन्द्रसरोवर-३ मा प्रताप भोम्जन
6) इन्द्रसरोवर-४ मा चन्द्रकुमार बल
7) भीमफेदी-५ मा जाहारसिं लामा
8) भीमफेदी-८ मा बिष्णुबहादुर लामा
9) बकैया-६ मा फुलबहादुर भोम्जन
10) भीमफेदी-९ मा प्रकाश पुडासैनी
11) हेटौंडा-१९ मा नरनाथ सुवेदी
12) थाहा-५ विष्णु बहादुर गुरूङ
नेकपा माओवादी केन्द्र विजयी भएको वडाहरुः
1) थाहा–१ मा हेरमान गोपाली
2) मनहरी–२ मा राजकुमार पाख्रीन
3) बागमती–१ मा यहुन्ना राई
4) भीमफेदी–३ मा पृति लाल लामा
5) थाहा–२ मा बमबहादुर सिंतान
6) बकैया–१ मा आशिश तितुङ
7) बकैया–२ मा विश्वराज स्याङतान
8) थाहा-३ मा हिरेन्द्र रायमाझी
9) थाहा-४ मा नारायण लामा
10) कैलाश-३ मा देवलाल बल
11) बकैया-८ विष्णु नेगी
मकवानपुर । स्थानीय तह सदस्य निर्वाचनको मत परिणाममा हेटौंडाको मेयरमा गठबन्धनको तर्फबाट उम्मेदवार मिना लामाले आफ्नो मत अन्तान्तर लम्ब्याउंदै लगेकी छिन् ।
बिहान १ मतको अन्तरमा रहेकी लामाले अहिले १९० मत अन्तर बनाएकी छिन् । हेटौंडाको १३ हजार ४९५ मत गन्दा लामाले ४ हजार १३५ मत प्राप्त गरेकी छन् ।
केही मय अघिसम्म पहिलो स्थानमा रहेका राप्रपाका दिपक बहादुर सिंह दोश्रो स्थानमा झरेका छन् । उनले ३ हजार ९४५ मत प्राप्त गर्दा एमालेका अनन्तप्रसाद पौडेलले ३ हजार ५५२ मत प्राप्त गरेका छन् ।
हेटौँडामा हालसम्म वडा नम्बर १ र १९ को मतगणना सकिएको छ । जसमा वडा नंबर १ मा नेपाली कांग्रेसका सविन न्यौपाने तथा वडा नंबर १९ मा नेकपा एमालेका नरनाथ सुवेदी विजयी भएका छन् । हाल वडा नम्बर २, ३, ४, १७ को मतगणना जारी छ । वडा ४ को मत गन्दै गर्दा वडामा भने एमालेका पौडेलले अग्रता लिएका छन् ।
मकवानपुर । नेपाली कांग्रेस मकवानपुरका संगठन विभाग प्रमुख शैलेन्द्रराज बानियाँलाई प्रहरीले पक्राउ गरेको छ । सोमबार (बिहान) करिब ३ बजेको समयमा बानियाँलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
हेटौंडा उपमहानगरपालिका वडा नं २ स्थित मतगणना स्थलमा अनाधिकृत रुपमा प्रवेश गरेका बानियाँलाई प्रहरीले पक्राउ गरेको हो । उनले मादक पदार्थ सेवन गरी अनाधिकृत रुपमा मतगणना स्थलमा पुगेर होहल्ला गरेपछि प्रहरीले पक्राउ गरेको हो ।
‘मापसे गरी अनाधिकृत रुपमा मतगणना स्थलमा पुगेर होहल्ला गरेपछि हामीले पक्राउ गर्यौँ।’ मकवानपुरका प्रहरी उपरीक्षक सुरेन्द्र गुरुङले भने । बानियाँ अहिले पनि थुनामै छन् । उनीमाथि मुद्धा चलाउन पनि सकिने एसपी गुरुङले जानकारी दिए ।
बानियाँ नेपाली कांग्रेस बागमती प्रदेश सभापति ईन्द्रबहादुर बानियाँका भाइ हुन् । ईन्द्र बानियाँ गृहराज्यमन्त्री हुँदा शैलेन्द्र स्वकीय सचिव थिए ।
मकवानपुर । मकवानपुरको कैलाश गाउँपालिकामा नेपाली काङ्ग्रेसका उम्मेद्बार लोक बहादुर मोक्तान अध्यक्ष र उपाध्यक्षमा माओवादी केन्द्रका उम्मेदवार बालकुमार मल्ल बिजयी भएका छन् ।
नेकपा एमालेका नरेन्द्र लाल रिजाललाई पछि पार्दै मोक्तानले गाउँपालिका अध्यक्ष जितेका हुन् । लोक बहादुरले ४ हजार ८९७ मत पाउँदा रिजालले ४ हजार ९३ मत पाएका थिए । एकीकृत समाजवादीबाट गाउँपालिका अध्यक्षको उम्मेदवार रहेका टंक मोक्तानले जम्म १२० मत पाएका थिए भने राप्रपाका सन्तबहादुर रुम्बाले २९८ मत पाएका थिए ।
गाउँपालिका उपाध्यक्षमा माओवादीका बालकुमार मल्ल ४ हजार ८८ मत सहित विजयी भएका छन् पालिका एमालेबाट उपाध्यक्षको उम्मेदवार सुकुमाया थिई र राप्रपाको उम्मेदवार पार्वती लामाले क्रमशः ३ हजार ९३७ र २५१ मत पाएका थिए ।
गाउँपालिकामा १४ हजार ५८६ मतदाता रहेकोमा १० हजार ८६५ मत खसेको थियो ।
‘अवैधानिक’ रुपमा ओसार्न लागिएको १३३ गाई गोरु अलपत्र
Tags: No Comments
मकवानपुर । रूपन्देहीबाट झापा लैजादै गरेको कागज बनाएर ल्याइएको गाईगोरू हेटौडामा अलपत्र परेका छन् ।
खरिद बिलमा उल्लेख गरिएको र फिल्डमा देखिएको गाई गोरुको संङ्ख्या नमिलेपछि हेटौंडामा जिल्ला प्रशासन र प्रहरीले गाई गोरु बरामद गरेको थियो । पशु स्वास्थ्यकर्मी, प्रहरी र प्रशासनको रोहबरमा बरामद गरिएको गाई गोरु अहिले अलपत्र परेका हुन् ।
गाई र गोरुको संङ्ख्य नछुट्याइ बिलमा जम्मा ११७ वटा उल्लेख गरेर ल्याइदै गरेको तर वास्तममा गोरू ६४ गाई ६९ गरी १३३ वटा जनावर रहेको छ ।
जसका ३ वटा गाई गम्भिर बिरामी रहेका छन् । भेटेरेनरी अस्पताल तथा पशु सेवा बिज्ञ केन्द्र हेटौंडाको प्रमुख ब्रज किशोर ठाकुरले जनावर सहित ४ वटा ट्रक बरामद गरेको बताए ।
झापा भनेर बंगलादेश पु¥याइ मासुको प्रयोजनमा बिक्रि गर्न लागिएको आशंकामा गाईहरु बरामद गरिएको बिज्ञ केन्द्रका प्रमुख ठाकुरले बताए । उनका अनुसार हेटौंडालाई ट्राञ्जिट प्वाइन्टको रुपमा लिएर बर्षौदेखि गाईहरु तस्कार हुने गरेका छन् । जनवारसँगै तस्कार गर्न प्रयोग गरिएको लु २ ख ७५५, लु २ ख ६०४, लु २ ख ५९३ र लु २ ख ७५७ ट्रकहरू पनि प्रशासनले बरामद गरेको छ ।
“बिलमा उपलब्ध नम्बरमा सम्पर्क गर्दा नक्कली हो भन्ने पत्ता जानकारी आएको छ, तर आधिकारी भेरीफाइ गर्न बाँकी छ” मकवानपुरको सहायक प्रमुख जिल्ला अधिकारी बद्रीनाथ गैह्रेले भने ।
रुपन्देही देखि मकवानपुरको हेटौंडा रहेका दर्जनौ प्रहरी कार्यालय पासगर्दै अवैध जनवार बोकेको गाडी कसरी यहाँ आइपुगे, प्रहरीमाथि पनि शंका छ । यरबारे विस्तृत जानकारी अनुसन्धानपछि प्राप्त हुने सहायक प्रमुख जिल्ला अधिकारी गैह्रेले बताए ।