मकवानपुर । हेटौडा उपमहानगरपालिकाका नव निर्वाचित नगर प्रमुख र उप प्रमुखले पदभार ग्रहण गरेका छन् । बैशाख ३० गते सम्पन्न स्थानीय तह सदस्य निर्वाचनबाट निर्वाचित हेटौंडा उपमहानगरपालिकाकी मेयर मीना कुमारी लामा, उपमेयर राजेश बानियाँले पदभार ग्रहण गरेका हुन् ।
यससँगै हेटाैडाकाे १९ वटा वडाका वडा अध्यक्ष तथा सदस्यहरुले सोमबारनै पदभार ग्रहण गरेका छन् । यस अघी निर्वाचित नगर प्रमुखले सोमबार बिहान मुख्य निर्वाचत अधिकृत तथा मकवानपुरका जिल्ला न्यायधिस डिल्लीरत्न श्रेष्ठबाट पद तथा गोपनीयताको सपथ ग्रहण गरेका थिए । लगत्तै नगर प्रमुख लामाबाट उप प्रमुख बानिया तथा वडा अध्यक्ष र सदस्यहरुले पद तथा गाेपनियताकाे सपथ खाएका थिए ।
यसैबीच सोमबारै हेटाैडा उपमहानगरपािलकामा पदभार ग्रहणपछि प्रमुख लामाले अति विपन्न १ हजार ५ सय ४१ घर परिवारलाई निःशूल्क स्वास्थ्य बीमा गरिदिने, मासिक १५ हजार लिटर पानी, २५ युनिट विजुली निशूल्क उपलब्ध गराउने नीतिगत निर्णय गरेका थिए ।
यस्तै आर्थिक अवस्थाका कारणले शिक्षा हासिल गर्नबाट बञ्चित विद्यार्थीलाई मेयर छात्रवृत्ति कार्यक्रम सञ्चालन गर्ने, सडक विस्तार गर्ने क्रममा सडकमै रहेका विद्युतका पोलहरु सार्ने निर्णय पनि गरिएको छ । उत्त नीतिगत निर्णयलाई आर्थिक वर्ष २०७९।०८० काे नीति तथा कार्यक्रममा समावेश गरी कार्यान्वयन गरिने बताइएकाे छ ।
मकवानपुर । मकवानपुर जिल्लाको कैलाश गाउँपालिकाको नवनिर्मित प्रशासनिक भवन निर्माण कम्पनीले पालिकाका नवनिर्वाचित पदाधिकारीहरूलाई हस्तान्तरण गरेको छ ।
दुई तले भवनमा २६ वटा कोठा छन् । भवन निर्माणको लागि ३ करोड १८ लाख ४२ हजार तीन सय ६४ रुपैंयामा सम्झौता भएको थियो । निर्माण कम्पनी रविना/अविषा जेभिले गाउँपालिकाका अध्यक्ष लोकबहादुर मुक्तानलाई भवनको साँचो हस्तान्तरण गरेका हुन् ।
सोमबारदेखि नयाँँ प्रशासनिक भवनबाट पूर्णरुपमा सेवाप्रवाह हुने अध्यक्ष मुक्तानले जानकारी दिए । २०७७ साल असार ७ गते निर्माण सम्झौता भई भवन निर्माणको काम सुरु भएको थियो । १८ महिने सम्झौता भए पनि निर्माण कम्पनिले सम्झौता अवधिमा काम सम्पन्न नभएपछि म्याद थप गरेर निर्माण सम्पन्न गरेको हो ।
२०७७ साल जेठ १५ गते आगलागिका कारण गाउँपालिकाको प्रिफ्यावको १८ कोठे पुरानो भवन नष्ट भएको थियो । त्यसपछि कालिकाटारमैं रहेको भवानी माध्यामिक विद्यालयको भवनबाट गाउँपालिकाले सेवा सञ्चालन गरिरहेको थियो ।
मकवानपुर । स्थानीय तह निर्वाचन २०७९ अन्तर्गत हेटौंडा उपमहानगरपालिका प्रमुखमा नेपाल कम्युनिष्ट पार्टी (एकिकृत समाजवादी) उम्मेदवार मीना कुमारी लामा २३,०७५ मत ल्याई विजय भएको घोषणा गरिएको छ ।
उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार अनन्त प्रसाद पौडेललाई २,१६७ मतान्तरले पराजित गरेकी हुन् । पराजित अनन्त प्रसाद पौडेलले २०,९०८ मत ल्याएका छन् ।
यस्तै उपप्रमुखमा नेपाली कांग्रेसका उम्मेदवार राजेश बानिया ३२,५९३ मत सहित विजयी भएका छन् । उनका निकटतम प्रतिद्वन्द्वी नेपाल कम्युनिष्ट पार्टी (एमाले)की उम्मेदवार सुमित्रा काफ्लेले २३,९०९ मत ल्याएकी छन् ।
मेयरमा राप्रपाको दिपक बहादुर सिंहले २० हजार ५ सय ३१ तथा उपमेयरमा राप्रपा को इन्दिरा न्यौपानेले ५ हजार ८ सय ८७ मत ल्याएको मकवानपुर जिल्लाका मुख्य निर्वाचन अधिकृत डिल्लीरत्न श्रेष्ठले बताए ।
श्रेष्ठका अनुसार आंशिक बदर मेयरमा १२ प्रतिशत थियो भने उपमेयरमा १८ प्रतिशत थियो । खसेको मतको ६१० मत पुर्ण बदर थियो ।
मकवानपुर । “लोकतान्त्रमा हारजित हुन्छ, तपाईं आउनु र म आउनुमा फरक छैन, बधाई छ,सुन्दर हेटौंडा बनाउनु होस् शुभकामना” हेटौंडा उपमहानगरपालिकामा मेयरको नतिजा आधिकारिक रूपमा सार्वजनिक नहुंदै प्रत्यासीले यसरी बधाई दिए ।
हेटौंडा उपमहानगरपालिकाले पहिलो महिला मेयरको रूपमा मिना लामा निर्वाचित हुने पक्का भएपछि प्रत्यासि एमालेका उम्मेदवार अनन्त पौडेलले मतगणना स्थलमै आएर बधाई दिए । साथमा थिए गठबन्धनको तर्फबाट उपमेयरका उम्मेदवार राजेश बानियाँ । एमालेबाट मेयरका उम्मेदवार पौडेल र उपमेयरको उम्मेदवार सुमित्रा काफ्लेले लामा र बानियाँ दुबैलाई बधाई तथा शुभकामना दिए । लामा र बानियाँ दुबैले आफूहरूले जित्दा पनि पौडेलको अभिभावकत्व आवश्यक रहने भन्दै सौहार्दता प्रकट गरे । “तपाईं हाम्रो अभिभावक हो,हारजित आफ्नो ठाउँमा छ,सधै साथ चाहन्छौ” लामाले भनिन् ।
संघीयता कार्यान्वयनपछिको दोस्रो स्थानीय तह सदस्य निर्वाचन २०७९ मा लामाले सत्ताधारी गठबन्धनको तर्फबाट हेटौंडाको मेयर जित्ने पक्का भएको छ । हेटौंडाको ४ वटा वडाको अन्तिम परिणाम आउन बाँकी हुंदा लामा र बानियाँले दुबैले जित्ने पक्कै भएपछि गठबन्धन विजयी जुलुशको तयारीमा छ ।
बागमति प्रदेशको राजधानी रहेको एकमात्र हेटौंडा उपमहानगरपालिकाको पहिलो नगर प्रमुख महिला बन्दै गर्दा लामाले महिला शक्तिमाथिको बिश्वासललाई व्यवहारमा देखाउने बताइन् । “जितबाट हौसिएर हैन, संयमित भएर नगरवासीको हितमा काम गर्नेछु” उनले भनिन् ।
लामो समय एमालेको लालकिल्ला रहेको हेटौंडा उपमहानगरपालिका सत्तारुढ पाँच दलीय गठबन्धनको उम्मेदवार रहेकी लामालाई जित हासिल गर्न कठिन हरेको आकंलन गरिन्थो । तर मतगणना अन्तिम चरणमा आइपुग्दासम्म उनको जित निश्चित भएको छ ।
मकवानपुर / बागमति प्रदेशको राजधानी रहेको एकमात्र हेटौंडा उपमहानगरपालिकाको पहिलो महिला नगर प्रमुख बन्ने भएकी छिन् । लामो समय एमालेको लालकिल्ला रहेको हेटौंडा उपमहानगरपालिका सत्तारुढ पाँच दलीय गठबन्धनको उम्मेदवार रहेकी मिनाकुमारी लामालाई जित हासिल गर्न कठिन हरेको आकंलन गरिन्थो । तर मतगणना अन्तिम चरणमा आइपुग्दासम्म उनको जित निश्चित भएको छ ।
मत गणनाकाक्रममा लामालाई आएको मतको अवस्थालाई र उनको अग्रतालाई हेर्दा हेटौंडावासीले पहिलो महिला नगर प्रमुख पाउने पक्कापक्कि देखिएको छ । २०७४ सालको स्थानीय तहको निर्वाचनमा नेकपा एमालेको तर्फबाट हेटौंडा उपमहानगरको उपप्रमुखको रुपमा भारी मतले विजयी भएकी थिइन् । नेकपा एमालेको विभाजन पछि नेकपा एकीकृत समाजवादीमा रहेकी उनले गठबन्धनको तर्फबाट उम्मेदवार रहेकी छिन् ।
हालसम्मको मतगणनालाई हेर्दा उनका प्रतिस्पर्धी रहेका एमालेका अनन्त प्रसाद पौडेल र राप्रपाका दिपक बहादुर सिंहले कमव्याक गर्ने सम्भावना कम रहेको देखिन्छ । भलै सुरुवाती मतगणनामा पौडेल अगाडी भए त कहिले सिंहको अनेपेक्षित मतले हेटौंडाको चनावी माहोल ततायो । एमालेको लालकिल्ला मानिएको नगरका वडाहरुका अपेक्षित मत पौडेललाई आउन सकेन ।
लामाको लगातारको अग्रता र मतपरिणामले हेटौंडाले महिला मेयर पाउने देखिन्छ । अघिल्लो कार्यकालमा उपप्रमुख भएर काम गरेकी लामालाई नगर प्रमुख भएर इतिहास रच्ने र हेटौंडाको मुहार फेर्ने अवसर प्राप्त हुने देखिन्छ । गठबन्धनबाट नगरप्रमुख भएमा लामालाई काम गर्न भने त्यति सहज देखिन्न् । पाँच दलीय गठबन्धनको स्वार्थ अनुरुप नगरको काम गर्न पर्ने उनमा बाध्यता रहन सक्छ ।
हेटौंडाको पहिलो महिला मेयर भई उत्कृष्ठ कार्य सम्पादनबाट हेटौंडाको मुहार फेर्न लामा कतिको सफल हुनेछिन त्यो हेर्न बाँकी रहने छ ।
को हुन मिना कुमारी लामा ?
बुवा शुक्रवीर लामा र आमा सीतादेवी लामाको जेठी छोरीको रुपमा २०३३ साल पुष २७ गते हेटौंडा ११ नवलपुरमा जन्म भएको मीना कुमारी लामाको बाल्यकाल अवस्था सामान्य साधारण रुपमा बित्यो ।
२०४६ सालबाट विद्यार्थी जीवनबाट नै राजनितीमा यात्रा सूरु गरेर हेटौंडा ११ नवलपुर स्थित त्रिभुवन माविबाट एसएलसी गरेपछि मकवानपुर बहुमुखी क्याम्पसबाट समाजशास्त्रमा एम।ए। र हरी खेतान बहुमुखी क्याम्पस वीरगन्जबाट एल।एल।बी।सम्मको अध्ययन गरी राजनीतिक यात्रामा अगाडी बढिन् ।
२०५२ मा अनेरास्ववियू मकवानपुरको जिल्ला कोषाध्यक्ष भई काम गरेर राजनितीसँगै अध्ययनलाई अगाडी बढाउदै २०५४ सालमामा हेटौंडा १ का सुनकुमार लामासंग विवाह भयो ।
श्रीमान् तथा घरपरिवारको साथ सहयोगबाटै दुई सन्तानकी आमा मीनाले अध्ययन, राजनीति र पारिवारिक जीवनलाई सफलतापूर्वक चलाएर राजनीति संगै अघि बढेकी मीना २०७१ सालमा तत्कालीन एमाले मकवानपुरको उप(सचिव र विद्यार्थी इन्चार्ज भई जिम्मेवारी बहन गरिन् ।
२०७१ सालमा अखिल नेपाल महिला संघ मकवानपुर जिल्ला सचिव २०७२ सालमा नेपाल लोकतान्त्रिक आदिवासी जनजाती महासंघको केन्द्रीय सदस्य, आदिवासी जनजाति जिल्ला समन्वय समिती मकवानपुरको उपाध्यक्ष समेत भएकी हुन् ।
लामा राजनीतिसँगै सामाजिक क्षेत्रमा पनि त्यतिकै सक्रिय छिन् । बालविकासको क्षेत्रमा दश वर्षसम्म काम गरेको अनुभव बटुलेकी उनी सन् २०१८ देखि लायन्स क्लब अफ पाथिभराको सदस्य भइन् । लामाले हालसम्म चीन, भारत र कोरिया लगायतका देशको भ्रमण गरिसकेकी छन् । हेटौंडा उपमहानगरपालिकाको नेतृत्व एकीकृत समाजवादीको भागमा परेपछि लामालाई उम्मेदवार बनाइएको हो । खबरब्रेकको सहयोगमा