मकवानपुर । नवनिर्वाचित जनप्रतिनिधिलाई पारदर्शी हुन बागमती प्रदेशको प्रदेश सचिब सुरेश अधिकारीले आग्रह गरेका छन् ।
बागमती प्रदेश सचिब अधिकारीले सुशासन, पारदर्शिता,आर्थिक विकास, खरिद प्रणाली, वातावरणीय सवालको बारेमा जानकारी गराइने उद्देश्यले आयोजित अभिमुखिकरण कार्यक्रममा निर्वाचित जनप्रतिनिधिले भ्रष्टाचारको अन्त्यको लागि लड्नुपर्ने र यसमा चनाखो हुन उनले आग्रह गरेका हुन् ।
जनप्रतिनिधिलाई आफ्नो क्षेत्रमा काम गर्दा आईपर्ने अफ्ठ्याराहरूमा सघाउन यो कार्यक्रम फलदायी हुने अधिकारले बताए ।
राजनीतिलगायत बिबिध अन्तरसम्बन्धलाई परिभाषित गर्दै सक्षमता अभिबृद्वि गर्दै काम गर्नु पर्ने उनले बताए । स्थानीय तहमा हस्तान्तरण हुनुपर्ने तर हालसम्म संघको कब्जामा रहेको अधिकार बारे पनि कार्यक्रम छलफल हुने उनले बताए ।
बागमती प्रदेशका १ सय १९ वटै स्थानीय तहमा निर्वाचित प्रमुख र उपप्रमुखका लागि आयोजना गरिएको अभिमुखीकरण कार्यक्रममा प्रदेश राजधानी हेटौंडामा सुरू भएको छ । कार्यक्रम बागमती प्रदेशका मुख्यमन्त्री राजेन्द्र पाण्डेले उद्घाटन गरेका छन् ।
कार्यक्रममाराष्ट्रिय सभा सदस्य खिमलाल देवकोटाले स्थानीय शासन संघीयता अन्तर तह समन्वय बजेट तर्जुमा र असल अभ्यास बारे कार्यपत्र प्रस्तुत गरेका छन् । योजना तर्जुमा, कर राजस्व संकलन तथा बांडफाड, क्षमता विकास र अवसरहरू बांडफांड, संगठन संरचना निर्माण, केन्द्रिकृत सोच र मानसिकताका कारण संबिधानले तोकेजस्तो र अपेक्षा गरेजस्तो उपलब्धि हासिल गर्न चुनौती भएको राष्ट्रिय सभा सदस्य देवकोटाले बताए ।
कार्यक्रममा जनप्रतिनिधिहरूलाई समन्वय सहकार्य बलियो बनाउन, स्थानीय तहको बार्षिक नीति योजनाको लागि सहकार्य गर्न, स्थानीय तहबिचको समस्या चुनौती तथा अवसरलाई छलफल गरिने बागमती प्रदेश मुख्य मन्त्री तथा मन्त्री परिषद् कार्यालय सचिब स्किम श्रेष्ठले बताइन् ।
कार्यक्रममा प्रदेश नीति तथा योजना आयोगका प्रतिनिधिहरू, मन्त्रालय मन्त्रीहरू, मन्त्रालयका सचिबहरू, मकवानपुर जिल्लाका प्रमुख जिल्ला अधिकारीलगायत महानगरपालिका, उपमहानगरपालिका, नगरपालिक र गाउँपालिकाका प्रमुख उपप्रमुखको उपस्थिति रहेको छ । कार्यक्रम भोलिसम्म चल्नेछ ।
मकवानपुर । बागमती प्रदेश सरकारले ऐन कानुन निर्माणको क्रममा सरोकारवालाहरूसंग सहकार्य नगरेको बताईएको छ ।
न्याय तथा अधिकार संस्था (जुरी) नेपालले बागमती प्रदेशको राजधानी मकवानपुरमा आयोजना गरेको छलफल कार्यक्रममा सहभागीहरूले यस्तो बताएका हुन् । कानुनको मस्यौदा निर्माणका क्रममा होस् वा संशोधनका क्रममा सरोकारवालासँग समितिले छलफल नै नगरेको अधिवक्ता मुकुन्द अघिकारीले बताए । सम्बन्धि बिषयबिज्ञ वा कन्सल्याल्सिको भूमिकामा केहि व्यक्तिलाई परामर्शकर्ताको रुपमा लिइए पनि मसिनो गरि वास्तविक सरोकारवालाहरूको सहभागिता कानुन निर्माणक्रममा नभएको वरिष्ठ अधिवक्ता केशव काफ्लेले बताए ।
सरोकारवालाहरूले मस्यौदाको रूपमा दिएको सुझावलाई नै कतिपय अवस्थामा कानूनकै रूप प्रदान गरिएको र त्यो कानुन बारे स्वयम् समितिको सदस्यहरू नै अनविज्ञ हुने गरेको अधिवक्ता तथा प्राध्यापक कृष्ण दाहालले बताए । बागमती प्रदेशमा कानुन निर्माण तथा कार्यान्वयनको सवालमा मकवानपुर जिल्लाका केहि सरोकारवालाहरूसंग समूह छलफल नगरिंदा यसको प्रभावकारीता मै प्रश्न उठ्ने गरेको नागरिक समाजको बुझाई छ ।
प्रदेशको लागि आवश्यक कानुन बन्न्नु सकारात्मक भए पनि कार्यान्वयन पाटो फितलो भएको निष्कर्ष छलफलमा आएको र उक्त सवाल बारे प्रदेशको सभामुखलगायतलाई जानकारी गराउने जुरि नेपालका अधिवक्ता धर्मराज रेग्मीले बताए ।
अधिवक्ता रेग्मी, रोस्ली पोखरेल र जुरी नेपाल नेपाल बागमती प्रदेश फिल्ड संयोजक अधिवक्ता अप्सरा बस्नेतले छलफलमा सहजीकरण गरेका थिए । छलफल कार्यक्रममा गैसस मकवानपुर उपाध्यक्ष रमिला सापकोटा, अनौपचारिक क्षेत्र सेवा केन्द्र बागमती प्रदेशद्वारा गठित मानव अधिकार समूह हेटौंडाको संयोजक चन्दावती पनेरू, ब्युल डाइमण्ड सोसाइटीको किरण थापा तथा सन्चारकर्मीहरूको उपस्थिति रहेको थियो ।
मकवानपुर । खेलाडी इन्दिरा गुरुङ ब्युटी पार्लर सिप सिकेर वैदेशिक रोजगारको तयारी छिन् । उनलाई आफूले विदेशमा गएर काम पाउनेमा ढुक्क बनाएको छ ब्युटी पार्लर सिपले ।
सुस्माज ब्युटी एकेडेमीमा पार्लर सिकेपछि आफूमा प्रर्याप्त आत्माविश्वास जागेको उनले बताइन् । “मलाई यहि सिपले आत्मनिर्भर बनाउने छ, बाहिर जाँदैछु, यदि स्वदेश मै बसे भने पनि रहेर गरे जस्तै गरि आफ्नो क्षेत्रमा अब्बल रहन सक्ने छु” उनले भनिन् । आत्मबल बढेसंगै सफलताका बाटाहरू खुल्ने उनले बताइन् ।
सुस्माज ब्युटी एकेडेमीले शुक्रबार आयोजना गरेको प्रशिक्षार्थीलाई प्रमाणपत्र वितरण तथा १२ औ बार्षिक उत्सव कार्यक्रम समारोहमा उनले यस्तो बताएकी हुन् । कार्यक्रममा पछिल्लो ब्याजका ७० जनालाई सिकाइको प्रमाणपत्र वितरण गरिएको प्रशिक्षक अन्जु मगरले बताइन् । हालसम्म झन्डै १ हजार जनाले यस पार्लरबाट सिप सिकेर दक्ष बनेको प्रोपाइटर सुस्मा राना मगरले जानकारी दिइन् ।
कार्यक्रममा प्रशिक्षकहरू अस्मिता लामा, उर्मिला लो, एकेडेमीका प्रबन्धक दीपक राना मगरलगयतले सिप सिकेर दक्ष बनेकाहरूलाई जीवनमा सफलता मिल्ने बताउंदै आगामी दिनमा सफलताको शुभकामना दिएका थिए ।

यस पार्लरमा ६ महिनाको कोर्ष गरेर वैदेशिक रोजगार जानेलाई बिषेश गरि नेल, मेहेन्दी, मेक अपलगायत पार्लर सम्बन्धी सम्पूर्ण कोर्षको सैद्धान्तिक तथा प्रयोगात्मक सिप प्रदान गरिने प्रोपाइटर मगरले बताइन् । स्वरोजगार बन्नेको लागि आर्थिक उपार्जनको लागि महत्त्वपूर्ण गन्तव्य सुस्माज ब्युटी पार्लर भएको मगरले दाबी गरिन् ।
कार्यक्रम अर्की सहभागी अनिषा चौरेलले सिकेको कलाको सही सदुपयोग गर्ने प्रतिबद्धता व्यक्त गरिन् ।
मकवानपुर । जिल्ला समन्वय समिति मकवानपुर (जिसस) को निर्वाचन असार २ गते विहीबार हुने भएकाे छ । मुख्य निर्वाचन अधिकृतको कार्यालय हेटौंडाले जिसस मकवानपुरको निर्वाचन तालिका शुक्रबार सार्वजनिक गर्दै निर्वाचन असार २ गते हुने जनाएकाे छ ।
निर्वाचनको मिति तय गर्न शुक्रबार अपराह्न बसेको सर्वदलीय बैठकपश्चात निर्वाचन अधिकृतको कार्यालयले तालिका सार्वजनिक गरेको हो । मुख्य निर्वाचन अधिकृतकाे कार्यालयद्वारा सार्वजनिक निर्वाचन तालिका अनुसार जेठ २८ गते मतदाताको नामावली सार्वजनिक गरिने भएकाे छ । अन्तिम मतदाता नामावली जेठ ३० गते प्रकाशन गरिनेछ भने सोही दिन उम्मेदवारकाे मनाेनयन दर्ता गरिने छ । जेठ ३१ गते उम्मेदवारहरुको अन्तिम नामावली प्रकाशन हुनेछ भने असार १ गते उम्मेदवारलालाई निर्वाचन चिन्ह प्रदान गरिने मुख्य निर्वाचन अधिकृत डिल्लिरत्न श्रेष्ठले जानकारी दिए ।
असार २ गते विहान १० बजेदेखि दिउँसो २ बजेसम्म मतदान कार्यक्रमलाई लागि समय तय गरिएको तालिका अनुसार मुख्य निर्वाचन अधिकृतको कार्यालय हेटौंडा २ लाई मतदान केन्द्र तोकिएको छ । मकवानपुरका १० वटा स्थानीय तहका प्रमुख र उपप्रमुख गरी कूल २० जनाले जिससको सदस्यकाे निर्वाचनमा मतदान गर्न पाउनेछन् । ९ सदस्यीय जिल्ला समन्वय समितिमा प्रमुख तथा उपप्रमुखसहित ७ सदस्यको लागि मतदान हुन्छ ।
मकवानपुरमा ९ जना प्रतिनिधिसहित नेपाली कांग्रेस प्रथम स्थानमा रहेको छ । उसले जिल्लाको ५ स्थानीय तहको प्रमुख तथा ४ स्थानीय तहमा उपप्रमुख जितेको थियो । त्यस्तै, नेकपा माओवादी केन्द्र मतदाताको हिसाबले दोस्रो स्थानमा रहेको छ । माओवादीको २ प्रमुख तथा ५ उपप्रमुख गरी कूल ७ जना मतदाता रहेका छन् ।
त्यस्तै नेकपा एमालेको २ प्रमुख र १ उपप्रमुख गरी ३ जना मतदाता रहेका छन् । नेकपा एकीकृत समाजवादीको भने एक जना प्रमुख मात्रै मतदाताको रुपमा रहेको छ । जिसस नेतृत्वको लागि कांग्रेस र माओवादी केन्द्रले दावी गरिरहेका छन् ।
मकवानपुर । नारी सिप सिर्जना केन्द्र मकवानपुरले मानव बेचविखन रोकथामबारे सञ्चारकर्मीसँग अन्तरक्रिया कार्यक्रम गरेको छ ।
मकवानपुरमा मानब बेचविखन रोकथाम तथा सुरक्षित स्थागमन प्रबर्द्धन परियोजना अन्तरगत आज संचारकर्मीहरुसंग अन्तरक्रिया कार्यक्रम गरिएको हो । बनेका ऐन कानूनको प्रभावकारी कार्यान्वन नहुँदा बेचविखनको अवस्था परिवर्तन भएको र यसले झनै जटिल समस्या खडा गरेको सहभागीहरुले बताएका थिए । कार्यक्रममा अधिवक्ता मुकुन्द अधिकारीले श्रम, वैदेशिक रोजगारलगायतको बाहानामा बेचविखन जारी रहेको बताए ।
कार्यक्रम नारी सीप सृजना केन्द्र मकवानपुरका बोर्ड सदस्य दुर्गा नेपालको अध्यक्षतामा भएको थियो । गैरसरकारी संस्थाहरुले चालेको विभिन्न सचेतनामुलक कार्यक्रमले प्राप्त उपलब्धि तथा चुनौतीबारे अधिवक्ता अधिकारीले सहजीकरण गरेका थिए ।
कार्यक्रममा केन्द्रका कार्यकारी निर्देशक चिरन्जीबी पौडेल, फिल्ड संयोजक गिता अर्याल, परियोजना संयोजक ज्योती बम्जनलगायतकाले आमसञ्चारसँगको सहकार्यले मानब बेचविखन रोकथाम तथा सुरक्षित स्थागमन प्रबर्द्धनको लागि सहयोग पुग्ने बताए ।