मकवानपुर । आइतबार पनि सुनचाँदीकाे मुल्य वृध्दिले निरन्तरता पाएको छ । पछिल्लो केहि समययता उकालो लागेको सुनचाँदीको मूल्य वृध्दि आइतबार पनि कायम रहेकाे हाे ।
नेपाल सुन चाँदी व्यवसायी महासंघका अनुसार आइतबार छापावाला सुन प्रतितोला ९७ हजार ७ सय रुपैयाँ र तेजाबी सुन प्रतितोला ९७ हजार २ सय रुपैयाँमा कारोबार भएकाे छ । शुक्रबार अघिल्लो कारोबार दिन सुनको भाउ तोलामा १ हजार रुपैयाँले बढेर प्रतितोला ९७ हजार २ सय रुपैयाँ तोकिएको थियो । अघिल्लो सातायता सुनको भाउ तोलामा २ हजार ७ सय रुपैयाँले बढेको छ । गत आइतबार सुन प्रतितोला ९५ हजार रुपैयाँ निर्धारण गरिएको थियो ।
यसैगरी चाँदीको भाउ पनि आइतबार वृद्धि भएको छ । चाँदी तोलामा २५ रुपैयाँले बढेर प्रतितोला १ हजार २ सय ७५ रुपैयाँमा किनबेच भइरहेको छ । शुक्रबार चाँदी प्रतितोला १ हजार २ सय ५५ रुपैयाँमा कारोबार भएको थियो । यस अघिको सातामा सुनचाँदीको भाउ बढेको थियो । अघिल्लो आइतबार चाँदी प्रतितोला १ हजार १ सय ९५ रुपैयाँमा खरिदबिक्री भएको थियो ।

