मकवानपुर । अख्तियारले हेटौंडाबाट १० लाख रुपैयाँ रकम सहित एक इन्जिनियर पक्राउ गरेकाे छ।
अख्तियार दुरुपयोग अनुसन्धान आयोग हेटौंडाको टोलीले हेटाैंडा १० बाट नेपाल विद्युत प्राधिकरण अन्तर्गतको हेटौंडा-भरतपुर-बर्दघाट विद्युत प्रशारण विस्तार आयोजनाका प्रमुख इन्जिनियर इश्वरीप्रसाद जैसवाललाई उक्त रकमसहित प्रक्राउ गरेको हो ।
प्रहरी नायब उपरीक्षक भीमकिरण बोगटीको नेतृत्वमा रहेको आयोगको टोलीले प्रशारण लाइनको काम गरेबापत व्यवसायीसँग रकम लिँदै गर्दा जैसवाल पक्राउ परेका हुन् । व्यवसायीको काम गरेबापत रकम मागेको प्रारम्भिक सूचनाको आधारमा अख्तियारले हेटौंडा १० पिपलबोटबाट जैसवाललाई पक्राउ गरेको आयोगकाे हेटाैडा कार्यालय प्रमुख बाबुराम खतिवडाले जानकारी दिए। आयोजना प्रमुख जैसवालबारे थप अनुसन्धान भइरहेको कार्यालयले जानकारी दिएकाे छ ।

