मकवानपुर । मकवानपुरकाे बकैया गाउँपालिकास्थित फास्ट्याक नजिक ट्याङ्कर दुर्घटना हुँदा चालकको मृत्यु भएको छ । मदन भण्डारी राजमार्गअन्तर्गत हेटौंडा–सिन्धुली खण्डकाे बकैया ५, तीनतलेमा डिजल लोड ट्याङ्कर दुर्घटना भएकाे हाे ।
शुक्रबार बेलुका हेटौंडाबाट हात्तिसुडेतर्फ जाँदै गरेको ना ६ ख २९४९ नम्बरको ट्याङ्कर दुर्घटना हुँदा ट्याङ्कर चालक सिन्धुली घ्याङ्लेख गाउँपालिका–२ का ४० वर्षीय रमेश कुमार रायमाझीको मृत्यु भएको जिल्ला प्रहरी कार्यालय मकवानपुरले जानकारी दिएको छ ।

