मकवानपुर । बागमती नदीले बगाउँदा १ जनाको मृत्यु भएको छ । बागमती–१ माझगाउँ बस्ने अन्दाजी ४० वर्षीय ईन्द्रबहादुर भोलनको बागमती खाेलाले बगाउँदा मृत्यु भएको हाे ।
जिल्ला प्रहरी कार्यालय मकवनापुरका अनुसार सिन्धुली जिल्लामा आफन्त कहाँ जान बागमती नदी तर्ने क्रममा भोलनलाई नदीले बगाएको थियो । प्रहरीले खोज तलास गर्ने क्रममा मंगलबार दिउँसो बागमती–१ हात्तिढुङगा स्थित खोलाको बिचमा रहेको ढुङगामा अड्किएको अवस्थामा शव फेला परेको हो । घटनाबारे थप अनुसन्धान भइरहेको प्रहरीले जनाएको छ ।

