मकवानपुर । मकवानपुरकाे हेटौंडामा मोटरसाइकलको ठक्करबाट एक जना पैदलयात्रीको मृत्यु भएको छ । बिहीबार बेलुका हेटौडा – ४ कर्रा चोक स्थित पूर्व पश्चिम सडक खण्डमा ना. ३८ प ५८५० नम्बरको मोटरसाइकलकाे ठक्करबाट खुइली डोमकाे मृत्यु भएकाे प्रहरीले जनाएकाे छ ।
पशुपतिनगर तर्फबाट हेटौंडा बजारतर्फ आउँदै गरेको उक्त मोटरसाइकलले ठक्कर दिंदा पर्सा वीरगञ्ज महानगर पालिका १६ नागुवा घर भई हेटौंडा १० कर्रामा डेरामा बस्ने ५५ वर्षीय खुइली घाइते भएकी थिइन् । उनलाई उपचारको हेटौंडा अस्पताल लगिएकोमा उपचारको क्रममा डाक्टरले मृत घोषणा गरेकाे जिल्ला प्रहरी कार्यालय मकवानपुरले जनाएकाे छ ।
प्रहरी मोटरसाइकल चालक बारा सिम्रनगढ ११ बस्ने २५ वर्षीय सुनिल ठाकुरलाई मोटरसाइकल सहित नियन्त्रणमा लिईएको जनाएको छ ।

