मकवानपुर । बागमती प्रदेशका मुख्यमन्त्री बहादुर सिंह लामा (तामाङ) ले मन्त्रिपरिषद् विस्तार गर्ने भएका छन् । मुख्यमन्त्री लामाले ३ जनालाई मन्त्री नियुक्त गर्दे तयारी गरेका छन् ।
आफ्नै दलका ५ जना मन्त्रीहरुले राजिनामा दिएर आफूलाई धोका दिएपछि मुख्यमन्त्री लामाले मन्त्रीहरु नियुक्त गर्न लागेका हुन् ।
लामाले अहिले नेपाली कांग्रेसबाट ३ जनालाई मन्त्री नियुक्त गर्ने तयारी गरेका हुन् ।
मन्त्री नियुक्त हुनेहरुमा गोबिन्द लम्साललाई आन्तरिक मामिला मन्त्रालय, सांसदहरु माया श्रेष्ठलाई सहकारी मन्त्रालय र गिता गुरुङलाई युवा तथा खेलकुद मन्त्रालयको जिम्मा दिने तयारी छ । नियुक्त गरिएका मन्त्रीहरुको आजै दिउँसो सपथग्रहण गर्नेगरी तयारी गरिएको छ ।
संसदीय दलकाे नेता माथि अविश्वासकाे प्रस्ताव दर्ता गर्न नेपाली काँग्रेसबाट ५ जनाले राजिनामा दिएपछि बागमती प्रदेशमा नेपाली काँग्रेस भित्र विवाद चुलिदै गएकाे छ । नेपाली कांग्रेस संसदीय दलको नेताबाट मंगलबार मात्रै लामाले विश्वास गुमाएका थिए । संसदलीय दलको नेता चयनकाे लागि बुधबार मतदान हुँदैछ ।

