मकवानपुर । मकवानपुरकाे हेटौंडामा एसइई – २०८१ मा उत्कृष्ट नतीजा हासिल गर्ने विद्यार्थी, विद्यालय, ४ जीपीए ल्याउने विद्यालयलाई सम्मान गरिएकाे छ ।
निजी तथा आवासीय विद्यालय अर्गनाइजेशन (प्याव्सन) मकवानपुरले मंगलबार हेटौंडामा एक समारोहका बीच विद्यार्थी र विद्यालयलाई सम्मान गरेको हो । एसइई २०८१ मा मकवानपुर जिल्लाका ४ वटा विद्यालयका ५ जना विद्यार्थीले ४ जीपीए ल्याएका छन् ।
बागमती प्रदेश प्रमुख दीपक प्रसाद देपकाेटाले ४ जीपीए ल्याउने विद्यार्थीलाई नगदसहित सम्मान गरेका हुन् । यसैगरी संस्थागत र सामुदायिक दुबै विद्यालय र विद्यार्थीलाई सम्मान गरिएकाे प्याव्सन मकवानपुरका अध्यक्ष विनोद सुवेदीले जानकारी दिए । अध्यक्ष सुवेदीकाे अध्यक्षता तथा बागमती प्रदेश प्रमुख देवकोटाको प्रमुख आतिथ्यमा सम्मान कार्यक्रम भएको हो ।

