मकवानपुर । मकवानपुरकाे हेटौंडामा नेपाल मोबाइल व्यवसायी महासंघको चौथो वार्षिक साधारणसभा हुने भएकाे छ । हेटौंडामा २६ र २७ बैशाखमा हेटौंडामा मोबाइल व्यवसायी महासंघको साधारणसभा हुने भएकाे हाे ।
उक्त साधारण सभामा सहभागी हुन् देशभरका ६० जिल्लाबाट एक हजार भन्दा बढी व्यवसायी साधारणसभामा सहभागी हुनेछन् । मंगलबार हेटौंडामा भेटघाट गरी आयोजक समितिका संयोजक तथा नेपाल मोबाइल व्यवसायी महासंघका उपाध्यक्ष छतेन्द्र आचार्यले साधारणसभाकाे जानकारी गराएका हुन् ।
साधारणसभाको उद्घाटन बागमती प्रदेश सरकारका मुख्यमन्त्री बहादुर सिंह लामाले गर्ने कार्यक्रम रहेकाे छ । साधारणसभाको उद्घाटनको दिन प्रभातफेरीको समेत आयोजना गरिएको उपाध्यक्ष आचार्यले जानकारी दिए । साधारणसभा आयोजनाका लागि २० लाख रुपैयाँ खर्च हुने अनुमान गरिएको छ ।

