काठमाडौं । लघुकथा समाज नेपालले यो वर्षको बाटुली–खिलध्वज लघुकथा पुरस्कार लघुकथा चौतारी मकवानपुरका संयोजक किशन पौडेललाई प्रदान गर्ने निर्णय गरेको छ । समाजले बर्सेनि प्रदान गर्दै आएको उक्त पुरस्कार सँगै ‘सावित्री केशर कथा पुरस्कार २०८१ काे समेत घोषणा छ ।
२१ हजार रुपैयाँ राशीकाे उक्त पुरस्कार पौडेललाई प्रदान गरिने निर्णय भएकाे लघुकथा समाजका अध्यक्ष गोपाल अस्कले बताए । गत बिहीबार बसेको समाजको कार्यसमितिको बैठकले उक्त निर्णय गरेको हो ।
उनका खुसी र अन्तर्दृष्टि लघुकथा संग्रह प्रकाशित छन् । अन्तर्दृष्टि हिन्दी भाषामा अनूदित लघुकथा सङ्ग्रह हाे । साथै गजल, मुक्तक र कविता विद्यामा कलम चलाउँदै आएका पौडेलको ‘कहर’ गजल सङ्ग्रह समेत प्रकाशित छ । उनी मातृभूमि साहित्य समाज हेटौंडाका सचिव छन् ।
यसैगरी समाजको बिहीबार नै बसेको बैठकले ‘सावित्री केशर कथा पुरस्कार–२०८१’ अग्रज कथाकार ध्रुव सापकोटालाई प्रदान गर्ने निर्णय गरेकाे छ । कथाकार सापकोटाको उपन्यास र कथा गरेर १० वटा पुस्तक प्रकाशित छन् ।

