मकवानपुर । मकवानपुरकाे मनहरीमा नवजात शिशुको शव फेला परेको छ । मनहरी गाउँपालिका वडा नम्बर–७ स्थित डम्पिङसाईटमा नवजात शिशु (छोरी) को सालनाल सहितकाे शव फेला परेको मकवानपुर प्रहरीले जनाएकाे छ ।
नवजात शिशुकाे शव प्राप्त भएकाे जानकारी इलाका प्रहरी कार्यालय मनहरीमा प्राप्त भएकाेमा प्रहरी निरीक्षक विशाल सापकोटासहितकाे टोली खटिइ अनुसन्धान भइरहेकाे प्रहरीले जनाएकाे छ । ‘शव कस्ले फालेको हो भन्ने खुलेको छैन’ जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालले भने ‘एक, दुइ दिन अगाडी मात्रै जन्माएर फालेको हुनसक्ने देखिएकाे छ ।’
प्रहरीका अनुसार शिशुको शव सालनाल सहित रहेको तथा थप अनुसन्धान कार्य भईरहेको छ ।

