मकवानपुर । प्रमोदहरि गुरागाईंकाे शब्द रचना रहेकाे मन त्यतै कतै भुलेछु सार्वजनिक भएको छ । प्रणय दिवसको पूर्व सन्ध्यामा सार्वजनिक गीतलाई विश्वप्रकाश शर्माले संगीत भरेका छन् भने गायक प्रमोद खरेलले स्वर दिएका छन् ।
मन त्यतै कतै भुलेछु प्रीय…काे गीत तथा म्युजिक भिडियो विश्वप्रकाश शर्माकाे अफिसियल युवट्युव च्यानलबाट बिहीबार बेलुका ६ बजे सार्वजनिक भएकाे हाे । प्रेमिल गीतको म्युजिक भिडियोमा आकाश श्रेष्ट र प्रियना आचार्य फिचर्ड रहेका छन् । मनाेहर सुनामकाे एरेन्जर तथा भाेला पौडेलकाे मिक्सिङ तथा माष्टरिङ्ग गितकाे म्युजिक भिडियाेलाई निकेश खड्काले निर्देशन गरेका छन् । क्यामेरा उत्सव दाहाल र सम्पादन विकाश धमला रहेकाे गित विशुद्ध प्रेम भावमा रहेकाे छ ।
साहित्यिक हृदय हरेक व्यक्तिमा हुने बताउँदै गुरागाई भन्छन् अक्षरलाई भावनाकाे रसायनद्वारा जाेडेर गीत लेख्ने काेशिस गरेकाे हुँ । गुरागाईं पेशाले प्राध्यापन गर्छन भने राजनीतिकर्मीकाे रुपमा समेत चिनिन्छन् । यसैगरी शर्मा नेपाली काँग्रेसका महामन्त्री छन् । खरेल नेपाली गीत संगीतमा गायकका रुपमा चर्चित छन् ।

